ນະຄອນຫລວງຈະສຸມກໍາລັງຫລາຍຮ້ອຍຄົນເຂົ້າປ້ອງກັນໄລຍະບຸນສົງການ ພສ 2561

ນະຄອນຫລວງຈະສຸມກໍາລັງຫລາຍຮ້ອຍຄົນເຂົ້າປ້ອງກັນໄລຍະບຸນສົງການ ພສ 2561 - DSC 0526 - ນະຄອນຫລວງຈະສຸມກໍາລັງຫລາຍຮ້ອຍຄົນເຂົ້າປ້ອງກັນໄລຍະບຸນສົງການ ພສ 2561
ນະຄອນຫລວງຈະສຸມກໍາລັງຫລາຍຮ້ອຍຄົນເຂົ້າປ້ອງກັນໄລຍະບຸນສົງການ ພສ 2561 - Untitled design - ນະຄອນຫລວງຈະສຸມກໍາລັງຫລາຍຮ້ອຍຄົນເຂົ້າປ້ອງກັນໄລຍະບຸນສົງການ ພສ 2561

ເພື່ອເຮັດໃຫ້ການສະເຫຼີມສະຫຼອງບຸນປີໃໝ່ລາວ ພສ 2561 ແຕ່ວັນທີ 14-16 ເມສາ ທີ່ຈະມາເຖິງນີ້, ໃຫ້ຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ຄວາມສະອາດຈົບງາມ, ພະແນກຕໍາຫລວດຈະລາຈອນນະຄອນຫລວງວຽງຈັນ ຈະສຸມກໍາລັງເຂົ້າປ້ອງກັນງານບຸນດັ່ງກ່າວມີທັງໝົດ 599 ສະຫາຍຄື:  ໃນວັນທີ 4 ເມສານີ້, ພະແນກຈະລາຈອນນະຄອນຫລວງວຽງຈັນໄດ້ຈັດກອງປະຊຸມເຜີຍແຜ່ຮ່າງແຜນບັນຈຸກໍາລັງປ້ອງກັນສົງການດັ່ງກ່າວຂຶ້ນ, ທີ່ພະແນກຂອງຕົນໂດຍການເຂົ້າຮ່ວມຂອງທ່ານພັນເອກ ທົງສະຫວັດ ຫລວງຈັນດາວົງ ຮອງຫົວໜ້າກອງບັນຊາການ ປກສ ນະຄອນຫລວງ, ທ່ານພັນໂທ ກົງສີ ສຸວັນນະຕຸ່ມ ຫົວໜ້າກົມຕໍາຫລວດຈະລາຈອນ ແລະ ມີນາຍຕໍາຫລວດຈະລາຈອນຈາກ 9 ຕົວເມືອງເຂົ້າຮ່ວມນໍາດ້ວຍ.

ໃນກອງປະຊຸມ, ທ່ານພັນໂທ ຢຸດຕະພົງ ສຸວັນນະສິງ ຫົວໜ້າພະແນກຕໍາຫລວດຈະລາຈອນນະຄອນຫລວງ ໄດ້ກ່າວວ່າ: ນະຄອນຫລວງຈະໄດ້ເພີ່ມກໍາລັງຕໍາຫລວດຈະລາຈອນລົງປະຈໍາຢູ່ຕາມທາງ, ປ້ອມ, ດ່ານຕ່າງໆ  ເພື່ອຮັບປະກັນໃຫ້ການຈັດຕັ້ງປະຕິບັດໜ້າທີ່ວຽກງານໄດ້ຮັບມອບໝາຍມີປະສິດທິພາບສູງຂຶ້ນ, ເພື່ອອໍານວຍຄວາສະດວກໃຫ້ແກ່ມວນຊົນທີ່ເຂົ້າມາທ່ຽວນະຄອນຫລວງວຽງຈັນມີຄວາມປອດໄພ ແລະ ຮັບປະກັນການລະບາຍການຈະລາຈອນຢູ່ແຕ່ລະເສັ້ນທາງມີຄວາມສະດວກດີ ແລະ ຕ້ອງເຮັດໜ້າທີ່ຄວບຄຸມລະບຽບການຈະລາຈອນໃຫ້ດີ, ກວດກາທາດເຫລົ້າ, ຄວາມໄວຂອງການຂັບຂີ່ໃຫ້ດີ ແລະ ອອກເຄື່ອນໄຫວຕາມສາຍທາງເພື່ອກ່າວເຕືອນຜູ້ລະເມີດຄໍາສັ່ງ ແລະ ລະບຽບການຕ່າງໆ ເພື່ອສະກັດກັ້ນບໍ່ໃຫ້ມີອຸປະຕິເຫດເກີດຂຶ້ນໃນຊ່ວງໄລຍະປີໃໝ່ນີ້. ດັ່ງນັ້ນ, ຈະລະຈອນນະຄອນຫລວງວຽງຈັນ ໄດ້ບັນຈຸກໍາລັງເຂົ້າປ້ອງກັນເປັນຫລາຍຮ້ອຍນາຍ. ໃນນັ້ນສະເພາະເຂດເມືອງຈັນທະບູລີມີ 79 ສະຫາຍ, ສີສັດຕະນາກ 67 ສະຫາຍ, ສີໂຄດຕະບອງ 59 ສະຫາຍ, ຫາດຊາຍຟອງ 19 ສະຫາຍ, ໄຊເສດຖາ 69 ສະຫາຍ, ປາກງື່ມ 14 ສະຫາຍ, ໄຊທານີ 52 ສະຫາຍ, ສັງທອງ 13 ສະຫາຍ ແລະ ໃນກາງນະຄອນຫລວງວຽງຈັນ 207 ສະຫາຍ. ນອກນີ້ຍັງໄດ້ປະກອບອຸປະກອນ ແລະ ພາຫະນະຮັບໃຊ້ວຽກງານຄົບຊຸດ.

ນະຄອນຫລວງຈະສຸມກໍາລັງຫລາຍຮ້ອຍຄົນເຂົ້າປ້ອງກັນໄລຍະບຸນສົງການ ພສ 2561 - Wave100S AD to Website 2020 0 - ນະຄອນຫລວງຈະສຸມກໍາລັງຫລາຍຮ້ອຍຄົນເຂົ້າປ້ອງກັນໄລຍະບຸນສົງການ ພສ 2561
ນະຄອນຫລວງຈະສຸມກໍາລັງຫລາຍຮ້ອຍຄົນເຂົ້າປ້ອງກັນໄລຍະບຸນສົງການ ພສ 2561 - WhatsApp Image 2020 05 27 at 5 - ນະຄອນຫລວງຈະສຸມກໍາລັງຫລາຍຮ້ອຍຄົນເຂົ້າປ້ອງກັນໄລຍະບຸນສົງການ ພສ 2561
ນະຄອນຫລວງຈະສຸມກໍາລັງຫລາຍຮ້ອຍຄົນເຂົ້າປ້ອງກັນໄລຍະບຸນສົງການ ພສ 2561 - WhatsApp Image 2020 05 27 at 5 - ນະຄອນຫລວງຈະສຸມກໍາລັງຫລາຍຮ້ອຍຄົນເຂົ້າປ້ອງກັນໄລຍະບຸນສົງການ ພສ 2561
error: Alert: ເນື້ອຫາຂ່າວມີລິຂະສິດ !!