ນາຍົກລັດຖະມົນຕີມາເລເຊຍຈະຂຶ້ນ ເງິນເດືອນໃຫ້ລັດຖະກອນເພີ່ມອີກ

ນາຍົກລັດຖະມົນຕີມາເລເຊຍຈະຂຶ້ນ ເງິນເດືອນໃຫ້ລັດຖະກອນເພີ່ມອີກ - 1522827422228 960x0 1 - ນາຍົກລັດຖະມົນຕີມາເລເຊຍຈະຂຶ້ນ ເງິນເດືອນໃຫ້ລັດຖະກອນເພີ່ມອີກ
ນາຍົກລັດຖະມົນຕີມາເລເຊຍຈະຂຶ້ນ ເງິນເດືອນໃຫ້ລັດຖະກອນເພີ່ມອີກ - Untitled design - ນາຍົກລັດຖະມົນຕີມາເລເຊຍຈະຂຶ້ນ ເງິນເດືອນໃຫ້ລັດຖະກອນເພີ່ມອີກ

ນາຍົກລັດຖະມົນຕີ ນາ​ຈິບ ຣາຊັກ ຂອງ​ມາ​ເລ​ເຊຍ ປະກາດ​ຈະ​ຂຶ້ນ​ເງິນ​ເດືອນ​ໃຫ້​ລັດຖະກອນ 1,6 ລ້ານ​ຄົນ​ເພີ່ມ​ຂຶ້ນອີກ ມີ​ຜົນ​ແຕ່​ວັນ​ທີ 1 ກໍລະກົດ ​ເປັນ​ການ​ປະກາດ​ກ່ອນ​ທີ່​ມາ​ເລ​ເຊຍ​ຈະ​ຕ້ອງ​ມີ​ການ​ເລືອກ​ຕັ້ງທົ່ວ​ໄປ​ພາຍ​ໃນ​ວັນ​ທີ 24 ສິງຫາ​ນີ້.

​ເວັບ​ໄຊ​ສຳນັກ​ຂ່າວ​ເບີ​ນາມາ​ຂອງ​ມາ​ເລ​ເຊຍ ລາຍ​ງານ​ວ່າ: ນາຍົກລັດຖະມົນຕີ ນາ​ຈິບ ປະກາດ​ມາດ​ຕະການ​ຈູງ​ໃຈ​ສຳລັບ​ລັດຖະກອນ ​ແລະ ພະນັກງານ​ບຳນານ​ຕໍ່​ກອງ​ປະຊຸມ​ລັດຖະກອນ​ປະມານ 10.000 ຄົນ ຢູ່​ນະຄອນຫລວງ​ປຸຕຣາຈາ​ຢາ ​​ໃນ​ວັນ​ທີ 4 ​ເມສາ​ນີ້​ວ່າ: ລັດຖະບານ​ໄດ້​ຈັດສັນ​ງົບປະມານ 1.460 ລ້ານຣິງກິດ ​ເພື່ອ​ຕອບ​ແທນ​ລັດຖະກອນ​ທີ່​ເຮັດ​ວຽກ​ໜັກ ​ແລະ ​ເສຍສະຫລະ​ໃນ​ຖານະ​ເພື່ອນ​ຜູ້​ພັກດີ​ຕໍ່​ລັດຖະບານ ​ເທົ່າ​ກັບ​ວ່າ​ລັດຖະກອນ​ຈະ​ໄດ້​ຂຶ້ນ​ເງິນ​ເດືອນ​ເພີ່ມ​ຕື່ມ​ຈາກ​ການ​ຂຶ້ນ​ເງິນ​ເດືອນ​ປະຈຳ​ປີ​ນີ້ ​ເຮັດ​ໃຫ້​ລັດຖະກອນ​ພາກັນ​ລຸກຂຶ້ນຢືນ​ຕົບມື​ຂານ​ຮັບ​ຂ່າວ​ດີ​ກັນ​ຢ່າງ​ດີ​ໃຈ.

ນາຍົກລັດຖະມົນຕີ ນາ​ຈິບ ກ່າວ​ອີກ​ວ່າ: ລັດຖະບານ​ຈະ​ຫລຸດ​ໄລຍະ​ເວລາ​ເລື່ອນ​ຂັ້ນ​ໃຫ້​ລັດຖະກອນ​ຝ່າຍ​ປະຕິບັດ​ງານ​ຈາກ 13 ປີ​ເຫລືອ 10 ປີ ​ເພື່ອ​ເພີ່ມ​ໂອກາດ​ຄວາມ​ກ້າວໜ້າ​ໃນ​ໜ້າ​ທີ່​ການ​ງານ, ຄວບ​ຄຸມ​ລັດຖະກອນ 23.006 ຄົນ​ເລີ່​ມ​ແຕ່​ປີ​ນີ້, ຈະ​ຂະຫຍາຍ​ສິດ​ການປິ່ນປົວ​ໃຫ້​ແກ່​ພໍ່​ແມ່​ຂອງ​ພະນັກງານ​ສັນຍາ​ຈ້າງ 42.867 ຄົນ ມີ​ຜົນ​ແຕ່​ວັນ​ທີ 1 ກໍລະກົດ​ນີ້, ຈະ​ຂະຫຍາຍ​ສິດ​ການ​ລາ​ພັກ​​ໃຫ້​ລັດຖະກອນ​ທີ່​ບໍ່​ແມ່ນ​ມຸດ​ສະ​ລິ​ມ​ໄດ້​ສູງ​ສຸດ 7 ວັນ​ໂດຍ​ບໍ່​ຖື​ເປັນ​ວັນ​ລາ​ພັກ ຈາກ​ປັດຈຸບັນ​ທີ່​ໃຫ້​ສະ​ເພາະ​ລັດຖະກອນ​ມຸດ​ສະ​ລິ​ມ, ຈະ​ຂຶ້ນ​ເງິນ​ບຳນານ​ໃຫ້​ພະນັກງານ​ບຳນານ​ອີກ 1% ນັບ​ແຕ່​ວັນ​ທີ 1 ກໍລະກົດ​ຫາ​ທ້າ​ຍປີ​ນີ້ ຈາກ​ທີ່​ຂຶ້ນ​ໃຫ້​ແລ້ວ 2% ນັບ​ແຕ່​ຕົ້ນປີ ຄວບ​ຄຸມ​ພະນັກງານ​ບຳນານ 800.000 ຄົນ.

ນາຍົກລັດຖະມົນຕີມາເລເຊຍຈະຂຶ້ນ ເງິນເດືອນໃຫ້ລັດຖະກອນເພີ່ມອີກ - Wave100S AD to Website 2020 0 - ນາຍົກລັດຖະມົນຕີມາເລເຊຍຈະຂຶ້ນ ເງິນເດືອນໃຫ້ລັດຖະກອນເພີ່ມອີກ
ນາຍົກລັດຖະມົນຕີມາເລເຊຍຈະຂຶ້ນ ເງິນເດືອນໃຫ້ລັດຖະກອນເພີ່ມອີກ - WhatsApp Image 2020 05 27 at 5 - ນາຍົກລັດຖະມົນຕີມາເລເຊຍຈະຂຶ້ນ ເງິນເດືອນໃຫ້ລັດຖະກອນເພີ່ມອີກ
ນາຍົກລັດຖະມົນຕີມາເລເຊຍຈະຂຶ້ນ ເງິນເດືອນໃຫ້ລັດຖະກອນເພີ່ມອີກ - WhatsApp Image 2020 05 27 at 5 - ນາຍົກລັດຖະມົນຕີມາເລເຊຍຈະຂຶ້ນ ເງິນເດືອນໃຫ້ລັດຖະກອນເພີ່ມອີກ
error: Alert: ເນື້ອຫາຂ່າວມີລິຂະສິດ !!