ໂອກາດສົ່ງທ້າຍປີເກົ່າຕ້ອນຮັບປີໃໝ່ຂໍໃຫ້ທຸກຄົນໄດ້ບຸນ

ໂອກາດສົ່ງທ້າຍປີເກົ່າຕ້ອນຮັບປີໃໝ່ຂໍໃຫ້ທຸກຄົນໄດ້ບຸນ - 1492414303 1 - ໂອກາດສົ່ງທ້າຍປີເກົ່າຕ້ອນຮັບປີໃໝ່ຂໍໃຫ້ທຸກຄົນໄດ້ບຸນ
ໂອກາດສົ່ງທ້າຍປີເກົ່າຕ້ອນຮັບປີໃໝ່ຂໍໃຫ້ທຸກຄົນໄດ້ບຸນ - Untitled design - ໂອກາດສົ່ງທ້າຍປີເກົ່າຕ້ອນຮັບປີໃໝ່ຂໍໃຫ້ທຸກຄົນໄດ້ບຸນ

ໂດຍ: ກ້ອງສ່ອງ ອິດສະຫລະ

ໃນປະໂຫຍກທີ່ຜູ້ຂຽນໄດ້ ຕັ້ງຂຶ້ນໃນຄໍລຳນີ້, ມັນກວມ ລວມໄປຫລາຍຢ່າງ ເຊິ່ງພົວ ພັນເຖິງຄວາມດີ, ຄວາມຈົບ, ຄວາມງາມ, ຄວາມສະຫງົບ ປອດໄພໃນຊີວິດ ແລະ ຊັບສິນ ຂອງສັງຄົມໂດຍລວມເວົ້າສະເພາະເຈາະຈົງກໍແມ່ນຂອງ ພວກເຮົາເຈົ້າຂອງ ເຊິ່ງໃນໂອກາດງານສະເຫລີມສະຫລອງສົ່ງ ທ້າຍປີເກົ່າ ພສ 2560 ຕ້ອນຮັບປີໃໝ່ 2561 ທີ່ຈະມາເຖິງໃນມໍ່ໆ ນີ້ກໍຂໍໃຫ້ທຸກຄົນພາກັນໄດ້ບຸນ, ໄດ້ກຸສົນຕາມທີ່ຕົນເອງໄດ້ອຸທິດ ແຮງກາຍ ແລະ ຈິດໃຈຕາມຜູ້ ຂຽນຄິດ, ນອກຈາກຈະໄດ້ບຸນ ກຸສົນໃນປີເກົ່າແລ້ວ, ປີໃໝ່ທີ່ຈະ ມາເຖິງກໍຂໍໃຫ້ພ້ອມກັນໄດ້ຮັບ ໄຊຊະນະໃໝ່ໃຫຍ່ຫລວງກວ່າ ເກົ່າ, ໂດຍສະເພາະແມ່ນພາລະ ກິດສ້າງສາ ແລະ ພັດທະນາ ປະເທດຊາດ.

 

+ ນະຄອນຫລວງຈະສຸມກໍາລັງຫລາຍຮ້ອຍຄົນເຂົ້າປ້ອງກັນໄລຍະບຸນສົງການ ພສ 2561

+ ນະຄອນຫລວງຫ້າມປະພຶດລາມົກອານາຈານໃນໂອກາດສະຫລອງປີໃໝ່ລາວ

ໂອກາດສົ່ງທ້າຍປີເກົ່າຕ້ອນຮັບປີໃໝ່ຂໍໃຫ້ທຸກຄົນໄດ້ບຸນ - Wave100S AD to Website 2020 0 - ໂອກາດສົ່ງທ້າຍປີເກົ່າຕ້ອນຮັບປີໃໝ່ຂໍໃຫ້ທຸກຄົນໄດ້ບຸນ

ແຕ່ວ່າ, ຕາມຜູ້ຂຽນຄິດ ຖ້າພວກເຮົາມີຄວາມຫວັງຢາກ ໄດ້ບຸນມາຢູ່ໃນວົງຈອນຂອງຊີວິດ ມັນກໍຕ້ອງໄດ້ເລີ່ມປະຕິບັດ ຕົນຕາມຄູບາອາຈານ ແລະ ຜູ້ ນຳກໍຄືຂັ້ນເທິງເພິ່ນເຄີຍແນະ ນຳສັ່ງສອນ, ການສະແຫວງບຸນ ໃນໂອກາດສົ່ງທ້າຍປີເກົ່າຕ້ອນຮັບປີໃໝ່ທີ່ຈະມາເຖິງນີ້, ສິ່ງທີ່ພວກເຮົາຈະຕ້ອງໄດ້ພ້ອມກັນ ເອົາໃຈໃສ່ຢ່າງຈິງຈັ່ງນັ້ນກໍ ແມ່ນ ບັນຫາການຫລິ້ນກິນ ແລະ ມ່ວນຊື່ນ, ການທ່ອງທ່ຽວໄປມາ ທາງໃກ້ທາງໄກ, ການນຳໃຊ້ ລົດໃຊ້ຖະໜົນ ຕະຫລອດ ຄວາມ ເຫັນແກ່ປາກຢາກແກ່ທ້ອງອັນ ສຳຄັນທີ່ສຸດແມ່ນການປະຢັດ ມັດທະຍັດຕາມແນວທາງນະ ໂຍບາຍຂອງພັກ ແລະ ລັດຖະບານວາງອອກ ເປັນຕົ້ນການກິນ ການດື່ມຕ້ອງມີຂອບເຂດ, ບໍ່ໃຫ້ພາກັນລວາດແຂ້ວເຕົ່າເວົ້າ ຄວາມເກົ່າຜິດກັນ, ອັນຕົ້ນຕໍ ແມ່ນຫລີກເວັ້ນບັນດາເຫດ ຮ້າຍຕ່າງໆ ທີ່ຈະຕາມມາເຊັ່ນ: ດື່ມເຫລົ້າເມົາ ແລ້ວຢ່າຂັບລົດ ເພາະຈະພາໃຫ້ເກີດອຸປະຕິເຫດ ການຫົດສົງກັນກໍບໍ່ໃຊ້ນ້ຳທີ່ເປີະເປື້ອນ, ບໍ່ໃຫ້ຮ່າຍນ້ຳສິດຶກ ຫລື ແກວ່ງໃສ່ກັນ, ຫ້າມສາດນ້ຳໃສ່ ລົດ ຫລື ຄົນທີ່ກຳລັງແລ່ນລົດ ດ້ວຍຄວາມໄວ ແລະ ອື່ນໆ.

ລວມໄປເຖິງການເວົ້າຈາປາໃສຕໍ່ກັນກໍຂໍໃຫ້ມີແຕ່ຄຳ ມ່ວນໆ ຊວນຟັງ, ຢ່າຜິດຖຽງກັນ, ໃນກໍລະນີມີຄວາມຂັດແຍ່ງບໍ່ພໍໃຈການກະທຳອັນໃດທີ່ຈະ ເຮັດໃຫ້ຕົນເອງ ແລະ ຄົນອື່ນ ເປັນທຸກນຳເຮົາກໍຕ້ອງໄດ້ຫລີກ ເວັ້ນ, ແຕ່ອັນສຳຄັນທີ່ສຸດ ແມ່ນ ການຫລີກເວັ້ນບັນດາອຸປະຕິ ເຫດຕ່າງໆ ເຊິ່ງຈະເຮັດໃຫ້ເຮົາ ເອງເສຍຊີວິດ ແລະ ຊັບສິນນັ້ນ ເປັນສິ່ງທີ່ຕ້ອງມາກ່ອນ.
ໃນສະພາບສັງຄົມບ້ານ ເຮົາປັດຈຸບັນມັນກໍເຕັມໄປດ້ວຍອັນດີ ແລະ ອັນຮ້າຍເໝືອນຄົນ ກັບເງົາ, ເວົ້າເລື່ອງອຸປະຕິເຫດ ຕາມຖະໜົນໃນທົ່ວປະເທດ ໃນປີຜ່ານມາບໍ່ຕ່ຳກວ່າມື້ລະ 5 ມື້ລະ 10; ບາງກໍລະນີເຜີຄັ້ງ ດຽວຕາຍເປັນ 10 ເປັນ 20 ມາບອກລົບຄູນຫານໃນປີໜຶ່ງວ່າ ມັນຈະມີຈັກຮ້ອຍຈັກພັນ, ນີ້ຄືທີ່ມາຂອງການທ້າບາບ ແລະ ທຳບຸນຕົກມາສະໄໝນີ້, ບັນດາ ລູກຫລານຜູ້ເກີດໃໝ່ໃຫຍ່ລຸນ ຈຳນວນບໍ່ໜ້ອຍຍັງບໍ່ທັນຮູ້ວ່າ ບາບກັບບຸນຄຸນໂທດນັ້ນຄືແນວໃດຄຳວ່າບຸນກັບບາບນັ້ນກໍ ແມ່ນ ຜົນແຫ່ງກຳທີ່ເຮົາໄດ້ສ້າງໃຫ້ ກັບຕົນເອງ ແລະ ຄົນອື່ນທຳ ຄວາມດີຕໍ່ຊາດ, ຕໍ່ສັງຄົມ ແລະ ຕໍ່ຕົນເອງ ນັ້ນເຮົາກໍຈະໄດ້ດີຕາມ ມາ, ທຳຄວາມຊົ່ວຕໍ່ຕົນເອງ, ປະເທດຊາດ ແລະ ສັງຄົມນັ້ນກໍ ຈະມີຜົນຕາມມາບໍ່ໄວກໍຊ້າ.
ໃນຍຸກໂລກາ ພິວັດ ທີ່ພວມ ຜັນແປໄປຢ່າງໄວວາ ແລະ ສັບ ສົນທຸກຄົນໃຜກໍບໍ່ອາດຈະກະ ຕວງລ່ວງໜ້າໄດ້ວ່າໂລກຂອງ ເຮົາໃນອະນາຄົດຈະປ່ຽນແປງໄປ ໃນທິດທາງໃດຫລາຍກວ່າກັນລະຫວ່າງທາງບວກກັບ ທາງລົບ, ລະຫວ່າງທາງໂລກ ກັບທາງທຳ ແລະ ລະຫວ່າງ ທາງຊື່ກັບທາງຄົດ ແຕ່ອັນສຳ ຄັນທຸກສິ່ງຢ່າງແມ່ນມະນຸດເຮົາເປັນຜູ້ສ້າງ, ດັ່ງປະເທດຊາດ ບ້ານເມືອງເຮົາຢາກໃຫ້ຈະເລີນໄວກໍຕ້ອງພ້ອມກັນເລັ່ງລັດພັດ ທະນາ, ຢາກຈະເລີນຊ້າກໍພາ ກັນສໍ້ລາດບັງຫລວງຜົນໄດ້ຮັບກໍຄືປະເທດຊາດ ແລະ ປະຊາຊົນ ມີຄວາມທຸກຈົນ.

ສະນັ້ນ, ໃນໂອກາດສົ່ງ ທ້າຍປີເກ່ົາ ຕ້ອນຮັບປີໃໝ່ຂໍ ໃຫ້ທຸກຄົນໄດ້ບຸນຫລາຍໆ, ມີ ແຕ່ຄວາມສຸກພິເສດຂໍອວຍ ພອນການນຳພັກ-ລັດຈົ່ງມີແຕ່ຄວາມສຸກ, ຄວາມຈະເລີນ, ນຳ ພາປະເທດຊາດບ້ານເມືອງ ກ້າວໄປເຖິງຈຸດທີ່ໝາຍ./.

ໂອກາດສົ່ງທ້າຍປີເກົ່າຕ້ອນຮັບປີໃໝ່ຂໍໃຫ້ທຸກຄົນໄດ້ບຸນ - 1492414303 1 - ໂອກາດສົ່ງທ້າຍປີເກົ່າຕ້ອນຮັບປີໃໝ່ຂໍໃຫ້ທຸກຄົນໄດ້ບຸນ
(ພາບປະກອບ)

ໂອກາດສົ່ງທ້າຍປີເກົ່າຕ້ອນຮັບປີໃໝ່ຂໍໃຫ້ທຸກຄົນໄດ້ບຸນ - WhatsApp Image 2020 05 27 at 5 - ໂອກາດສົ່ງທ້າຍປີເກົ່າຕ້ອນຮັບປີໃໝ່ຂໍໃຫ້ທຸກຄົນໄດ້ບຸນ
ໂອກາດສົ່ງທ້າຍປີເກົ່າຕ້ອນຮັບປີໃໝ່ຂໍໃຫ້ທຸກຄົນໄດ້ບຸນ - WhatsApp Image 2020 05 27 at 5 - ໂອກາດສົ່ງທ້າຍປີເກົ່າຕ້ອນຮັບປີໃໝ່ຂໍໃຫ້ທຸກຄົນໄດ້ບຸນ
error: Alert: ເນື້ອຫາຂ່າວມີລິຂະສິດ !!