ເທີນ-ຫີນບູນ ປະກອບສ່ວນສໍາຄັນແກ່ການພັດທະນາເສດຖະກິດຂອງຊາດ

ເທີນ-ຫີນບູນ ປະກອບສ່ວນສໍາຄັນແກ່ການພັດທະນາເສດຖະກິດຂອງຊາດ - 11082595 543743285767080 3902780496338296484 n - ເທີນ-ຫີນບູນ ປະກອບສ່ວນສໍາຄັນແກ່ການພັດທະນາເສດຖະກິດຂອງຊາດ
ເທີນ-ຫີນບູນ ປະກອບສ່ວນສໍາຄັນແກ່ການພັດທະນາເສດຖະກິດຂອງຊາດ - Untitled design - ເທີນ-ຫີນບູນ ປະກອບສ່ວນສໍາຄັນແກ່ການພັດທະນາເສດຖະກິດຂອງຊາດ

ປະເທດລາວເປັນປະເທດໜຶ່ງທີ່ອຸດົມສົມບູນໄປດ້ວຍແຫລ່ງນໍ້າ, ເຊິ່ງເປັນເຂື່ອນໄຂໃຫ້ແກ່ການພັດທະນາພະລັງງານໄຟຟ້າ, ດ້ວຍເຫດນັ້ນລັດຖະບານຈຶ່ງໄດ້ຖືເປັນແນວທາງເພື່ອພັດທະນາປະເທດ ແລະ ລົບລ້າງຄວາມທຸກຍາກໂດຍນໍາໃຊ້ປະໂຫຍດຈາກແຫລ່ງນໍ້າ.

ໃນພິທີສະເຫລີມສະຫລອງວັນເປີດການຜະລິດພະລັງານໄຟຟ້າຄົບຮອບ 20 ປີເຂື່ອນໄຟຟ້າເທີນ-ຫີນບູນ (THPC) ເມື່ອບໍ່ດົນນີ້, ທ່ານ ໂຣເບີດ ອາເລນ ຈູເນຍ (ROBERT ALLEN JN) ຜູ້ຈັດການບໍລິສັດ THPC ໃຫ້ຮູ້ວ່າ: ໃນຊຸມປີ 1990 ລັດຖະບານລາວໄດ້ອອກອະນຸຍາດໃຫ້ THPC ເປັນຜູ້ຜະລິດພະລັງງານໄຟຟ້າ ແລະ ໄດ້ອອກຂໍ້ຕົກລົງກູ້ຢືມຈາກທະນາຄານພັດທະນາອາຊີ (ADB) ເພື່ອດໍາເນີນການກໍ່ສ້າງໂຄງການ, ໂດຍ THPC ແມ່ນບໍລິສັດຜະລິດ -ໄຟຟ້າລາວຖືຮຸ້ນ 60% ແລະ ສ່ວນທີເຫລືອແມ່ນບໍລິສັດຈາກນອກແວ ແລະ ໄທ. ໃນປີ 2003 ບົດລາຍງານຂອງ ADB ໄດ້ຊີ້ໃຫ້ເຫັນວ່າການດໍາເນີນງານຂອງ THPC ແມ່ນປະສົບຜົນສໍາເລັດ ແລະ ເປັນໂຄງການຕົວແບບການຮ່ວມມືລະຫວ່າງພາກລັດ ແລະ ເອກະຊົນທີ່ມີປະສິດທິຜົນ ແລະ ປະກອບສ່ວນດ້ານເສດຖະກິດໃຫ້ປະເທດຊາດເປັນຢ່າງດີ. ປັດຈຸບັນ, ບໍລິສັດມີພະນັກງານ 300 ກວ່າຄົນ, ໃນນັ້ນ 98% ແມ່ນຄົນລາວ, ນອກນີ້ຍັງໄດ້ສ້າງວຽກເຮັດງານທໍາໃຫ້ປະຊາຊົນທ້ອງຖິ່ນເກືອບ 3.000 ຄົນ ແລະ ນັບແຕ່ເລີ່ມໂຄງການມາຮອດປັດຈຸບັນ ປະຊາຊົນທີ່ອາໃສ່ຢູ່ໃນເຂດໃກ້ຄຽງໄດ້ຮັບການຍົກລະດັບຊີວິດການເປັນຢູ່ນັບມື້ດີຂຶ້ນ, ພື້ນຖານໂຄງລ່າງ ເປັນຕົ້ນ: ຖະໜົນຫົນທາງ, ລະບົບໄຟຟ້າ, ນໍ້າສະອາດ, ໂຮງຮຽນ, ໂຮງໝໍ, ຕະຫລາດ ແລະ ເຮືອນຊານບ້ານຊ່ອງ ໄດ້ຮັບການປັບປຸງຢ່າງແໜ້ນໜາຖາວອນສະດວກສະບາຍຫລາຍຂຶ້ນ.

ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ ຄໍາມະນີ ອິນທິລາດ ກ່າວວ່າ: ໃນໄລຍະ 2 ທົດສະວັດຜ່ານມາ, ບໍລິສັດ THPC ບໍ່ພຽງແຕ່ຜະລິດພະລັງ ໄຟຟ້າເພື່ອນໍາໃຊ້ພາຍໃນ ແລະ ສົ່ງອອກເທົ່ານັ້ນ, ແຕ່ຍັງໄດ້ສ້າງລາຍຮັບ ແລະ ເຮັດພັນທະຕ່າງໆໃຫ້ລັດຖະບານເປັນຢ່າງດີ, ເຊິ່ງນັບແຕ່ເດືອນມີນາ 1998 ເປັນຕົ້ນມາ ເຂື່ອນເທີນ-ຫີນບູນ ສາມາດຜະລິດໄຟຟ້າໄດ້ຫລາຍກວ່າ 36.000 ເມກາວັດ, ຊຶ່ງເປັນຈໍານວນໄຟຟ້າທີ່ຫລາຍກວ່າໝູ່ໃນປະເທດ. ໃນໄລຍະ 20 ປີຜ່ານມາ, ບໍລິສັດໄດ້ປະກອບສ່ວນຫລາຍກວ່າ 500 ລ້ານໂດລາສະຫະລັດໃຫ້ແກ່ລັດຖະບານ ແລະ ຈະເພີ່ມຂຶ້ນໃນປີໜ້າຍ້ອນການຂະຫຍາຍກໍາລັງການຜະລິດມີປະສິດທິພາບຫລາຍຂຶ້ນກວ່າເມື່ອກ່ອນ ແລະ ອັນສຳຄັນໃນຕະຫລອດໄລຍະ 20 ປີຜ່ານມາ, ເຂື່ອນໄຟຟ້າເທີນ-ຫີນບູນໄດ້ເຮັດບົດບາດປະກອບສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມ, ໂດຍສະເພາະແມ່ນການປັບປຸງຍົກລະດັບຊີວິດການເປັນຢູ່ຂອງປະຊາຊົນລາວບັນດາເຜົ່າ ເປັນຕົ້ນແມ່ນຢູ່ໃນຂອບເຂດບໍລິເວນອ້ອມຂ້າງໂຄງການ, ໃນນີ້ບໍລິສັດ THPC ໄດ້ໃຊ້ງົບປະມານ 115 ລ້ານໂດລາສະຫະລັດເຂົ້າໃນການພັດທະນາທາງດ້ານສັງຄົມ ແລະ ສິ່ງແວດລ້ອມໃນພື້ນທີ່ແຂວງບໍລິຄຳໄຊ ແລະ ແຂວງຄຳມ່ວນ. ນອກນັ້ນ ຍັງໄດ້ປະກອບສ່ວນສ້າງຄວາມເຂັ້ມແຂງໃຫ້ແກ່ຂະແໜງພະລັງງານ ແລະ ບໍ່ແຮ່ອີກດ້ວຍ.

ບໍລິສັດ THPC ໄດ້ສ້າງ 4 ບ້ານຍົກຍ້າຍຈັດສັນ ແລະ 9 ບ້ານຫຍັບຍ້າຍ ທີ່ປະກອບດ້ວຍສິ່ງອຳນວຍຄວາມສະດວກຕໍ່ການດຳລົງຊີວິດ ແລະ ສະໜັບສະໜູນຊີວິດການເປັນຢູ່ໃຫ້ແກ່ປະຊາຊົນ 12.500 ກວ່າຄົນໃນບ້ານຍົກຍ້າຍຈັດສັນ, ເຊິ່ງປະຊາຊົນໄດ້ຮັບຜົນປະໂຫຍດຈາກຖະໜົນຫົນທາງ, ຂົວ, ຊົນລະປະທານ, ໂຮງຮຽນ, ສຸກສາລາ, ໄຟຟ້າ, ນ້ຳປະປາ ແລະ ບໍລິການສາທາລະນະອື່ນໆ ແລະ ຖືເປັນຕົວຢ່າງຂອງ THPC ໄດ້ປະຕິບັດພັນທະ ແລະ ຄວາມຮັບຜິດຊອບດ້ານສິ່ງແວດລ້ອມ ແລະ ສັງຄົມຂອງຕົນໄດ້ເປັນຢ່າງດີ. ນອກຈາກນີ້ ເຂື່ອນໄຟຟ້າທເທີນ- ຫີນບູນຍັງຕິດແໜ້ນກັບການພັດທະນາແຫລ່ງທ່ອງທ່ຽວ, ການປະມົງ, ການປົກປັກຮັກສາຊັບພະຍາກອນທຳມະຊາດ, ສິ່ງແວດລ້ອມໃຫ້ມີຄຸນນະພາບດີ ແລະ ມີຄວາມຍືນຍົງເລື້ອຍມາ.

ເທີນ-ຫີນບູນ ປະກອບສ່ວນສໍາຄັນແກ່ການພັດທະນາເສດຖະກິດຂອງຊາດ - Wave100S AD to Website 2020 0 - ເທີນ-ຫີນບູນ ປະກອບສ່ວນສໍາຄັນແກ່ການພັດທະນາເສດຖະກິດຂອງຊາດ
ເທີນ-ຫີນບູນ ປະກອບສ່ວນສໍາຄັນແກ່ການພັດທະນາເສດຖະກິດຂອງຊາດ - WhatsApp Image 2020 05 27 at 5 - ເທີນ-ຫີນບູນ ປະກອບສ່ວນສໍາຄັນແກ່ການພັດທະນາເສດຖະກິດຂອງຊາດ
ເທີນ-ຫີນບູນ ປະກອບສ່ວນສໍາຄັນແກ່ການພັດທະນາເສດຖະກິດຂອງຊາດ - WhatsApp Image 2020 05 27 at 5 - ເທີນ-ຫີນບູນ ປະກອບສ່ວນສໍາຄັນແກ່ການພັດທະນາເສດຖະກິດຂອງຊາດ
error: Alert: ເນື້ອຫາຂ່າວມີລິຂະສິດ !!