ລາວ-ຈີນ ແລກປ່ຽນການຮ່ວມມືດ້ານການທ່ອງທ່ຽວ

ບໍລິສັດທ່ອງທ່ຽວສາກົນ ອາຍຫລູ ລາວ ແລະ ບໍລິສັດ ທ່ອງທ່ຽວສາກົນ ນານຢາງ ສິບສອງພັນນາ ຈໍາກັດ ແລະ ບໍລິສັດການບິນຕາເວັນອອກ ຈີນ ຫຸ້ນສ່ວນຈໍາກັດ ສາຂານະ ຄອນຫລວງວຽງຈັນໄດ້ຮ່ວມຈັດກອງປະຊຸມແລກປ່ຽນ ການຮ່ວມມືດ້ານການທ່ອງ ທ່ຽວລາວ 2018, ໂດຍມີ ທ່ານ ຫົວໜ້າກົມການບິນ ພົນລະເຮືອນ, ທ່ານ ອຳນວຍ ການສາຍການບິນອິສເທີນ ປະຈຳລາວ ແລະ ບັນດາຜູ້ ຕາງໜ້າບໍລິສັດທ່ອງທ່ຽວ ຈາກ ສປ ຈີນ ແລະ ພາກ ສ່ວນກ່ຽວຂ້ອງຕ່າງໆ ຂອງ ລາວເຂົ້າຮ່ວມນຳດ້ວຍ.
ທັງນີ້, ກໍເພື່ອເປັນການ ເພີ່ມທະວີການເຜີຍແຜ່ການ ທ່ອງທ່ຽວລາວ, ເຮັດໃຫ້ນັກ ທ່ອງທ່ຽວຈາກເຂດພາກ ເໜືອຂອງຈີນ ແລະ ພາກຕາ ເວັນອອກຈີນ ໄດ້ມີໂອກາດ ສຶກສາແຫລ່ງຊັບພະຍາກອນ ທ່ອງທ່ຽວຂອງລາວ, ສໍາ ພັດກັບບັນຍາກາດການທ່ອງ ທ່ຽວ, ທັງເປັນການດຶງດູດນັກ ທ່ອງທ່ຽວຈາກເຂດດັ່ງກ່າວ ມາທ່ຽວລາວຫລາຍຂຶ້ນ.
ຮອງຫົວໜ້າກົມໂຄສະ ນາການທ່ອງທ່ຽວ ກະຊວງ ຖະແຫລງຂ່າວ, ວັດທະນະ ທຳ ແລະ ທ່ອງທ່ຽວ ໃຫ້ຮູ້ວ່າ: ລັດຖະບານ ສປປ ລາວ ໄດ້ມີ ນະໂຍບາຍສົ່ງເສີມການທ່ອງ ທ່ຽວທາງທຳມະຊາດ, ປະ ຫວັດສາດ ແລະ ວັດທະນະ ທຳ, ໂດຍສຸມໃສ່ພັດທະນາ ພື້ນຖານໂຄງລ່າງ, ເປັນຕົ້ນໄດ້ ປັບປຸງສະໜາມບິນ, ເສັ້ນທາງ ຄົມມະນາຄົມເຊື່ອມຈອດກັນ ໃນທົ່ວປະເທດ, ເຊື່ອມຈອດ ກັບ ປະເທດໃກ້ຄຽງ, ເຊິ່ງເປັນ ການອຳນວຍຄວາມສະດວກຕໍ່ການດຳເນີນທຸລະກິດ, ສ້າງ ເງື່ອນໄຂດຶງດູດການລົງທຶນ ໃນຂະແໜງທ່ອງທ່ຽວໃຫ້ເພີ່ມ ຂຶ້ນທັງເປັນການດຶງດູດນັກ ທ່ອງທ່ຽວເຂົ້າມາທ່ຽວ ສປປ ລາວ ນັບມື້ຫລາຍຂຶ້ນ. ສ່ວນ ການໂຄສະນາປີທ່ອງທ່ຽວ ລາວ 2018, ບັນດາຂະແໜງ ການກ່ຽວຂ້ອງ ແລະ ຜູ້ປະ ກອບການທຸລະກິດການທ່ອງທ່ຽວກໍໄດ້ປັບປຸງການບໍລິ ການຂອງຕົນ, ປັບປຸງສິ່ງອຳ ນວຍຄວາມສະດວກຕ່າງໆ ແລະ ຜູ້ປະກອບການຈຳນວນ ໜຶ່ງກໍໄດ້ລົງທຶນພັດທະນາ ແຫລ່ງທ່ອງທ່ຽວຫລາຍ ແຫ່ງໂດຍຕິດພັນກັບຂະແໜງ ການຕ່າງໆ.

+ ລາວ-ຈີນ ຮ່ວມມືພັດທະນາລະບົບເຕັກນິກວັດແທກໃຫ້ໄດ້ມາດຕະຖານສາກົນ

+ ແຂວງສາລະວັນສະເຫລີມສະຫລອງປີທ່ອງທ່ຽວລາວ

ສໍາລັບກິດຈະກໍາແລກ ປ່ຽນການຮ່ວມມືໃນຄັ້ງນີ້, ໄດ້ ເຊື້ອເຊີນຕົວແທນຈາກ ສະມາ ຄົມ ບໍລິສັດທ່ອງທ່ຽວຊານ ຕົງ, ການເດີນທາງໂດຍ ປາສະ ຈາກຄວາມກັງວົນຂອງຊຽງ ໄຮ, ບໍລິສັດທ່ອງທ່ຽວເດີນ ທາງຮ່ວມກັນ (ເສຍເສິງ) ຊຽງໄຮ, ບໍລິສັດທ່ອງທ່ຽວ ຕ່າງປະເທດປັກກິ່ງເຖິງຢຸນ ນານຈໍາກັດ ແລະ ບໍລິສັດອື່ນໆ ລວມເກືອບ 20 ບໍລິສັດ ເຂົ້າ ຮ່ວມສໍາຫລວດການທ່ອງ ທ່ຽວຕົວຈິງຢູ່ລາວ, ໂດຍເລີ່ມ ຈາກຫລວງພະບາງ, ຜ່ານວັງ ວຽງ ແລະ ນະຄອນຫລວງ ວຽງຈັນ. ເພື່ອເຮັດໃຫ້ ການສໍາ ຫລວດສາມາດສໍາພັດໄດ້ເຖິງ ມູນເຊື້ອວັດທະນະທໍາທີ່ມີເອ ກະລັກພິເສດ, ແມ່ນໍ້າພູຜາທີ່ ງົດງາມ, ສໍາພັດກັບບັນຍາ ກາດພັກຜ່ອນທີ່ເປັນກັນເອງ ແລະ ອື່ນໆ.