ວິທະຍາໄລ ລາວ-ເຢຍລະມັນ ເປີດບັ້ນແຂ່ງຂັນ 4 ບຸກ
ວິທະຍາໄລ ລາວ-ເຢຍ ລະມັນ ເປີດບັ້ນແຂ່ງຂັນ 4 ບຸກ, ເພື່ອຍົກສູງຄຸນນະພາບຂອງ ສະມາຊິກຊາວໜຸ່ມ ປະຊາຊົນ ປະຕິວັດລາວ ໃຫ້ມີຄວາມເຂັ້ມ ແຂງທາງດ້ານການເມືອງ, ແນວຄິດ, ການຈັດຕັ້ງ ແລະ ມີ ແບບແຜນວິທີເຮັດວຽກທີ່ຖືກ ຕ້ອງ ແລະ ມີປະສິດທິຜົນ, ຂຶ້ນໃນວັນທີ 3 ເມສານີ້, ທີ່ວິ ທະຍາໄລດັ່ງກ່າວເພື່ອຊີງຂັນ ເລຂາໜ່ວຍພັກຮາກຖານ ວິທະ ຍາໄລເຕັກນິກລາວ-ເຢຍລະ ມັນ ຄັ້ງທີ 1 ໂດຍການເຂົ້າຮ່ວມ ຂອງທ່ານ ຄໍາສະໄຫວ ຍ່ອມ ມິລາວົງ ວ່າການຜູ້ອໍານວຍ ການ ວິທະຍາໄລດັ່ງກ່າວ ແລະ ທ່ານ ໄພວັນ ບັນດາສັກ ຮອງ ເລຂາຄະນະບໍລິຫານງານຊາວໜຸ່ມກະຊວງສຶກສາທິການ ແລະ ກິລາ ທັງເປັນເລຂາຄະ ນະບໍລິຫານງານຊາວໜຸ່ມຮາກ ຖານໂຮງຮຽນອ້ອມຂ້າງກະ ຊວງ ແລະ ຜູ້ຕາງໜ້າ 3 ອົງ ການຈັດຕັ້ງມະຫາຊົນເຂົ້າ ຮ່ວມຢ່າງພ້ອມພຽງ.
+ ງານນັດພົບແຮງງານຄັ້ງທີ 6 ຈັດຂຶ້ນທີ່ມະຫາວິທະຍາໄລແຫ່ງຊາດ (ມຊ)
+ ວິທະຍາໄລສິລະປະເຜີຍແຜ່ຂໍ້ແຂ່ງຂັນ 3 ດີສະຫລອງວັນແມ່ຍິງສາກົນ
ໂອກາດດັ່ງກ່າວ, ທ່ານ ເລຂາຊາວໜຸ່ມວິທະຍາໄລ ເຕັກນິກລາວ-ເຢຍລະມັນ ໃຫ້ຮູ້ ວ່າ: ການເປີດບັ້ນແຂ່ງຂັນ 4 ບຸກຂອງຊາວໜຸ່ມຄັ້ງນີ້ກໍ ເພື່ອ ແນໃສ່ສ້າງຜົນງານຂໍ່ານັບຮັບ ຕ້ອນວັນຊາດທີ 2 ທັນວາ, ວັນ ແມ່ຍິງສາກົນ, ວັນສ້າງຕັ້ງ ຊາວໜຸ່ມປະຊາຊົນປະຕິວັດ ລາວ 14 ເມສາ ແລະ ບຸນປີ ໃໝ່ລາວທີ່ຈະມາເຖີງນີ້, ເພື່ອ ເປັນການຮັດແໜ້ນຄວາມສາມັກຄີລະຫວ່າງຊາວໜຸ່ມພາຍ ໃນວິທະຍາໄລດ້ວຍກັນ ແລະ 5 ຫຼັກມູນການສຶກສາ ທີ່ກະ ຊວງສຶກສາທິການ ແລະ ກິລາ ວາງອອກ.
ສໍາລັບການຈັດຕັ້ງ ຂະ ບວນການແຂ່ງຂັນ 4 ບຸກ (ບຸກ ດ້ານແນວຄິດ, ບຸກດ້ານການ ເຝິກຝົນຫຼໍ່ຫຼອມຮໍ່າຮຽນ, ບຸກ ດ້ານວຽກງານການຈັດຕັ້ງ ແລະ ບຸກດ້ານວິຊາຊີບສ້າງ ວຽກເຮັດງານທໍາ) ແມ່ນເພື່ອ ຍົກສູງຄຸນະພາບຂອງຄະນະ ຊາວໜຸ່ມ ປະຊາຊົນປະຕິວັດ ລາວ ໃຫ້ມີຄວາມເຂັ້ມແຂງ ແລະ ມີແບບແຜນວິທີເຮັດ ວຽກທີ່ຖືກຕ້ອງ, ເພື່ອນໍາເອົາ ກໍາລັງແຮງສັງລວມຂອງຊາວ ໜຸ່ມເຂົ້າຮ່ວມປະຕິບັດແນວ ທາງຂອງພັກ, ກົດໝາຍຂອງ ລັດ, ລະບຽບການຕ່າງໆ ແລະ ແຜນພັດທະນາເສດຖະກິດ ສັງຄົມແຫ່ງຊາດ ໃຫ້ເປັນຂະ ບວນການຟົດຟື້ນ.
