ສະຫວັນນະເຂດເລັງພັດທະນາພື້ນຖານໂຄງລ່າງຄົມມະນາຄົມທຸກເມືອງໃຫ້ມີເສັ້ນທາງປູຢາງເຂົ້າເຖິງ
ເຈົ້າແຂວງສະຫວັນນະ ເຂດໃຫ້ຮູ້ເມື່ອບໍ່ດົນນີ້ວ່າ: ປີ 2018 ນີ້, ແຂວງຂອງຕົນຈະ ສຸມທຸກ ຄວາມພະຍາຍາມ ແລະ ທຶນຮອນສ້າງທາງປູຢາງໃຫ້ ເຂົ້າເຖິງທຸກໆເມືອງ ແລະ ຈະ ຍົກລະດັບທາງດິນແດງໃຫ້ເຂົ້າ ເຖິງທຸກບ້ານ ແລະ ໃຫ້ສາມາດ ທ່ຽວໄດ້ 2 ລະດູ, ພ້ອມນີ້ກໍຈະ ປັບປຸງເສັ້ນທາງ ການເດີນເຮືອ ຕາມລຳແມ່ນ້ຳ ຂອງໃຫ້ມີຄວາມ ປອດໄພ, ພ້ອມທັງປັບປຸງລະບົບ ການບໍລິການ-ການບິນ ໃຫ້ທັນ ສະໄໝ ແລະ ມີຄຸນນະພາບ, ທັງ ກະກຽມແຜນຈັດສັນຍົກບ້າຍ ສິ່ງ ກີດຂວາງ ເພື່ອກໍ່ສ້າງ ສະໜາມ ບິນສາກົນເຊໂນໃນອະນາຄົດ, ຈະສຳຫລວດ-ອອກແບບຜັງ ເມືອງໃຫ້ສຳເລັດໃນ 15 ຕົວ ເມືອງເຂດຈຸດສຸມ, ກຸ່ມບ້ານພັດ ທະນາ ແລະ ກໍ່ສ້າງປັບປຸງລະ ບົບນ້ຳປະປາຢູ່ບັນດາຕົວເມືອງ ແລະ ກຸ່ມບ້ານຕ່າງໆໃຫ້ທົ່ວເຖິງ.
+ ບໍລິຄຳໄຊກຽມພັດທະນາຕາດຊາຍ-ຜາຊາຍ ເປັນເຂດອານຸລັກທຳມະຊາດແບບຍືນຍົງ
+ ໂຄງການກໍ່ສ້າງເສັ້ນທາງປູຢາງປາກລາຍ-ທົ່ງມີໄຊຄືບໜ້າ 86,94%
ຂະນະທີ່ໃນປີ 2017 ຜ່ານ ມາການພັດທະນາພື້ນຖານ ໂຄງ ລ່າງຄົມມະນາຄົມ ແຂວງສະ ຫວັນນະຂເດເຫັນວ່າ: ມີຜົນສຳ ເລັດໂດຍດີຕະຫລອດມາ, ເປັນ ຕົ້ນການກໍ່ສ້າງທາງເຂົ້າຫາ ເມືອງທ່າປາງທອງແຕ່ແຍກ 13 ໃຕ້ຫາເທສະບານເມືອງ ແລະ ຫາເມືອງຕຸ້ມລານ ແຂວງ ສາລະວັນ ພວມກະກຽມລົງມື ກໍ່ສ້າງ, ໂຄງການກໍ່ສ້າງຈຸດ ຝາກລົດສາມຫລ່ຽມເຊໂນ ສາ ມາດປະຕິບັດວຽກຖົມດິນໄດ້ ແລ້ວ 33,39% , ໂຄງການ ຟື້ນຟູ ທາງເລກ 9 ມີຄວາມຄືບ ໜ້າ ໃນສັນຍາທີ 1 ປະຕິບັດໄດ້ 63,10% ແລະ ສັນຍາທີ 2 ປະຕິບັດໄດ້ 99,60%, ໂຄງ ການກໍ່ສ້າງຂົວເບຕົງອັດແຮງ ຕາດໄຮ ຂ້າມນ້ຳເຊບັງຫຽງ, ຕາມເສັ້ນທາງ 1G, ຍາວ 309,50 ແມັດ, ກວ້າງ 11 ແມັດ, ມາຮອດປັດຈຸບັນປະຕິ ບັດໄດ້ 40%, ສະເພາະການ ກໍ່ສ້າງທາງເລກ 10 ປະຕິບັດ ໄດ້ 2,18% ຂອງມູນຄ່າ.
ນອກນັ້ນຍັງໄດ້ເອົາໃຈ ໃສ່ປະຕິບັດໂຄງການທີ່ນອນ ໃນເຂດ ຫ່າງໄກສອກຫລີກ ເປັນຕົ້ນໂຄງການກໍ່ສ້າງ ທາງ ດິນແດງ- ຕັດຕາຜ້າຈຸດສຸມ ຕັ່ງຫວາຍ- ລຳທວາຍ ໄລຍະ ທາງ 64,84 ກິໂລແມັດ, ກໍ່ ສ້າງທາງດິນແດງໂນນຮັ່ງມີ- ປາຕົງ-ຕຳປອງ ເມືອງຊົນ ນະບູລີ ປະຕິບັດໄດ້ 99,97%, ປັບປຸງເສັ້ນທາງ ໃນເທສະ ບານ ໂດຍສະເພາະເທສະ ບານເມືອງໄກສອນ ພົມວິ ຫານ ປັດຈຸບັນມີເສັ້ນທາງ 153 ເສັ້ນມີຄວາມຍາວ 174 ກິໂລແມັດ ແລະ ໄດ້ດຳ ເນີນການປັບປຸງໄດ້ເປັນຂັ້ນ ເປັນຕອນແລ້ວ./.
