ເບິ່ງສາມເລື່ອງທີ່ເຄືອງໃຈໃນຕ່າງປະເທດ

ເບິ່ງສາມເລື່ອງທີ່ເຄືອງໃຈໃນຕ່າງປະເທດ - Untitled design - ເບິ່ງສາມເລື່ອງທີ່ເຄືອງໃຈໃນຕ່າງປະເທດ

 # ວິເສດ ສະແຫວງສຶກສາ 

ມື້ນີ້ມາພາກັນ ເບິ່ງໄປ ກວ້າງໆ ແນມໄປໄກໆ ເພື່ອສຶກ ສາບົດຮຽນ ບ້ານເພິ່ນເມືອງ ທ່ານ ລວມທັງບົດຮຽນທີ່ຄວນ ເກັບໄວ້ສຶກສາ ແລະ ບົດຮຽນ ທີ່ຕ້ອງສະກັດກັ້ນບໍ່ໃຫ້ເກີດຂຶ້ນ ໃນບ້ານ ເຮົາເຊັ່ນເລື່ອງບັນ ດາອາຫານການກິນສຳລັບນັກ ທ່ອງທ່ຽວ ທີ່ເຂົ້າໄປທ່ຽວ ອິນ ເດຍ, ເລື່ອງບັນຫາຜົວພາກັນ ບ້າການພະນັນແຂ່ງນົກກາງ ແກຢູ່ ອິນໂດເນເຊຍ ຈົນລືມ ເຮືອນລືມຊານເຖິງຂັ້ນບັນດາ ນາງເມຍຂໍຢ່າຮ້າງແລ້ວກໍມີ ເລື່ອງຄະດີລົງໂທດຍິງຄົນໜຶງ ຢູ່ອັງກິດທີ່ປອມເປັນຜູ້ຊາຍເພື່ອ ສະແຫວງເສບສຸກທາງເພດ.
ຢູ່ ອິນເດຍ ປະເທດນີ້ ມັກ ຈະມີບັນຫາວຸ້ນໆ ເລື່ອງອາຫານ ເພາະພວກນັບຖືສາສະໜາຮິນ ດູນັ້ນ ຖືງົວວ່າ ເປັນສັດສັກສິດ ເຖິງຂັ້ນມີການຫ້າມກັນກິນຊິ້ນ ງົວສຳລັບບາງລັດຖ້າໃຜຂືນ ກິນ ຫລື ມີການກະທຳທາລຸນ, ໝິ່ນປະມາດງົວແລ້ວກໍມັກຈະ ມີເລື່ອງຮຸນແຮງຕາມມາ. ສ່ວນ ພວກທີ່ນັບຖືສາສະໜາອິດສະ ລາມນັ້ນ ແມ່ນບໍ່ຍອມແຕະຕ້ອງ ຊີ້ນໝູເດັດຂາດ, ໃຜກິນຊີ້ນໝູກໍ ຈະກາຍເປັນສັດຕູງູພິດ.

 

+ ຊ່ວຍຕ້ານພູມແພ້ດ້ວຍສານອາຫານ

+ ບໍ່ຢາກໃຫ້ຜົມຫງອກໄວຕ້ານໄດ້ດ້ວຍສານອາຫານບຳລຸງຮາກຜົມ

ດັ່ງນັ້ນຈຶ່ງມັກມີຂ່າວກ່ຽວກັບກໍລະນີໃຊ້ຄວາມຮຸນແຮງ ລະຫວ່າງຊາວຮິນດູ (ສ່ວນ ຫລາຍ) ແລະ ຊາວອິດສະລາມ (ສ່ວນນ້ອຍ) ການຈຳແນກ ເລື່ອງການກິນນີ້ຍັງກະທົບຕໍ່ນັກ ທ່ອງທ່ຽວ ຕ່າງປະເທດທີ່ນິຍົມ ກິນຊີ້ນງົວ ແລະ ຊີ້ນໝູອີກດ້ວຍ ໜັງສືພິມວຽງຈັນທາມສະບັບ ວັນທີ 9 ເດືອນກັນຍາປີກາຍໄດ້ ສະເໜີຂ່າວກ່ຽວກັບຄຳແນະ ນຳຂອງທ່ານລັດຖະມົນຕີກະ ຊວງທ່ອງທ່ຽວ ອິນເດຍ ໃຫ້ຄົນ ຕ່າງປະເທດ “ກິນຊີ້ນງົວຢູ່ປະ ເທດຂອງພວກຕົນກ່ອນ ແລ້ວ ຈິ່ງເດີນທາງໄປອິນເດຍ” ຂ່າວ ບອກວ່າທີ່ປະກາດແນວນີ້ກໍ ເພາະວ່າໃນໄລຍະຫລັງໆ ມານີ້ ໄດ້ມີເຫດການປະທະກັນລະ ຫວ່າງຜູ້ກິນຊີ້ນງົວ ແລະ ຝ່າຍ ທີ່ ຕ້ານຈົນມີຜູ້ເສຍຊີວິດສິບກວ່າ ຄົນໃນ 3 ປີ ຜ່ານມາ (2015-2017).
ລັດຖະບານ ອິນເດຍ ໄດ້ ເອົາມາດຕະການຕົວຈິງຫລາຍຢ່າງເພື່ອຫລຸດຜ່ອນສະພາບ ເຄັ່ງຕຶງ ຍ້ອນການກິນຊີ້ນງົວ ຂອງຄົນບາງກຸ່ມ ແລະ ຢູ່ບາງ ລັດເຊັ່ນ ລັດໂກ (Goa) ແລະ ເກຣາລາ (Kerala): ຖ້າຄົນ ລາວເຮົາມີໂອກາດໄປທ່ຽວ ອິນ ເດຍ ກໍຈົ່ງມີສະຕິເລື່ອງນີ້ໄວ້ ວ່າ ຄວນກິນຊີ້ນງົວຢູ່ໃສ ແລະ ເວລາໃດຈິ່ງມີຄວາມປອດໄພ.
ຢູ່ ອິນໂດເນເຊຍ ກໍມີເລື່ອງ ສະພາບແຕກຫັກຂອງຄອບຄົວຍ້ອນຝ່າຍຜົວພາກັນຕິດການ ພະນັນແຂ່ງນົກກາງແກຈົນລືມ ເຮືອນລືມຊານ. ເຫດການນີ້ ເກີດຂຶ້ນທີ່ເມືອງ ບູບາລິງກາ (Purbalingga)ພາກກາງ ຂອງເກາະຈາວາ ຂ່າວບອກວ່າ (ວຽງຈັນທາມ 3/8/2017) ໃນເດືອນກໍລະກົດເດືອນດຽວ ໃນປີ 2017 ນັ້ນມີແມ່ຍິງຈຳ ນວນ 90 ຄົນ ຂຶ້ນສານຂໍຢາ ຮ້າງຜົວ ເຊິ່ງເພີ່ມຂຶ້ນຈາກເດືອນ ກ່ອນ 13 ຄົນ.

ເບິ່ງສາມເລື່ອງທີ່ເຄືອງໃຈໃນຕ່າງປະເທດ - Wave100S AD to Website 2020 0 - ເບິ່ງສາມເລື່ອງທີ່ເຄືອງໃຈໃນຕ່າງປະເທດ

ບັນດານາງເມຍບອກວ່າ ອົດບໍ່ລົນທົນບໍ່ໄດ້ອີກແລ້ວເພາະຝ່າຍຜົວ “ຮັກນົກກາງແກກວ່າ ຮັກເມຍ” ເວລາຢູ່ເຮືອນພວກ ຜົວໆ ພາກັນມົວແຕ່ນຳເບິ່ງແຍງ ນົກລູບໆຄຳໆ, ໃຫ້ອາຫານ, ຊຸມ ແຊວອວດອ້າງກັນກ່ຽວກັບ ເລື່ອງນົກຈົນລືມຜູ້ເປັນລູກເປັນ ເມຍ. ໃນລະດູແລ້ງທີ່ເປັນ ເວລາ ເໝາະທີ່ສຸດສຳລັບການແຂ່ງ ນົກ, ພວກຜົວທັງຫລາຍກໍຈະ ພາກັນອອກສູ່ທ້ອງທົ່ງແຕ່ 10 ໂມງເຊົ້າ ແລະ ກັບເຮືອນເວລາ ຄ່ຳມືດປືດຕາ; ພໍຕື່ນຂຶ້ນມາໃນ ຕອນເຊົ້າພວກເຂົາຈະຄວາໃສ່ນົກໂລດ. ການແຂ່ງຂັນນັ້ນເນັ້ນ ວ່ານົກໃຜບິນໄກ, ບິນນານ ແລະ ບິນງາມ. ຂ່າວບໍ່ບອກ ວ່າມີການ ລົງເງິນກັນ ຫລື ບໍ່ແຕ່ຄິດວ່າ ຄົງບໍ່ມົ້ມ.

ເນື່ອງຈາກຄະດີຂຶ້ນໄປອັ່ງ ສານກໍເລີຍກາຍເປັນເລື່ອງ ປວດຫົວດັ່ງນັ້ນສານຈິ່ງຂໍຮອງໃຫ້ກຸ່ມສອນສາສະໜາຊ່ວຍ ແກ້ໄຂບັນຫານີ້ເພາະເປັນເລື່ອງຄອບຄົວຜົວເມຍ ຢູ່ບ້ານເຮົາ ກໍເລີຍມີຂ່າວເລື່ອງຜົວບ້າບູນ ຕິດເດີ່ນບູນແຕ່ເຊົ້າຮອດຄ່ຳ ນອກນັ້ນກໍມີການພະນັນຕີ ໄກ່. ອັນໃດກໍຢ່າ, ຖ້າກາຍເປັນ ເລື່ອງເສບຕິດແລ້ວບັນຫາ ກໍຈະຕາມມາ.
ສຸດທ້າຍມັນເລື່ອງ ແປກໆ ເກີດຂຶ້ນຢູ່ ອັງກິດ (The Nation 14/11/ 2015) ດົນມາແລ້ວຄືຍິງອາ ຍຸ 25 ປີ ຊື່ເກນນິວແລນປອມ ແປງຕົນເປັນຜູ້ຊາຍແລ້ວໃຊ້ ເພດບຸກຕິດ ຕໍ່ພົວພັນຊອກເຫຍື່ອ ທີ່ເປັນແມ່ຍິງ. ນອກຈາກປອມ ເປັນຜູ້ຊາຍແລ້ວຍັງປ່ຽນຊື່ ເປັນ “ກີ”(Kye)ຍິງທີ່ຕົກເປັນ ເຫຍື່ອນັ້ນເຄີຍຮູ້ເຂົາມາກ່ອນ. ສຸດທ້າຍເລື່ອງຮ້າຍແຮງກໍເກີດ ຂຶ້ນ ຄື ທ້າວ “ Kye” ຈັບມັດຕົນ ມັດໂຕ ແລະ ມັດຕາເຫຍື່ອແລ້ວ ໃຊ້ ອະໄວຍະປອມ (ເພດຊາຍ) ເສບສົມເຫຍື່ອຕິດຕໍ່ກັນປະ ມານ 10 ຄັ້ງ.

ສຸດທ້າຍເຫຍື່ອກໍລາຍງານໃຫ້ເຈົ້າໜ້າທີ່ຕຳຫລວດຊາບ. ທ້າວ “Kye” ແກ້ໂຕວ່າ ຜູ້ເປັນ ເຫຍື່ອຮູ້ດີວ່າຕົນເປັນແມ່ຍິງ ແລະ ເປັນຕຳຫລວດ, ສ່ວນການ ເສບສົມນັ້ນແມ່ນສາກສະແດງ ຊື່ໆ ທີ່ຕິດພັນກັບວຽກຂອງຕຳ ຫລວດ ແຕ່ສາຍໄດ້ປະຕິເສດ ເລື່ອງນີ້ແບບຫົວຂາດຄາ./.

 

ເບິ່ງສາມເລື່ອງທີ່ເຄືອງໃຈໃນຕ່າງປະເທດ - WhatsApp Image 2020 05 27 at 5 - ເບິ່ງສາມເລື່ອງທີ່ເຄືອງໃຈໃນຕ່າງປະເທດ
ເບິ່ງສາມເລື່ອງທີ່ເຄືອງໃຈໃນຕ່າງປະເທດ - WhatsApp Image 2020 05 27 at 5 - ເບິ່ງສາມເລື່ອງທີ່ເຄືອງໃຈໃນຕ່າງປະເທດ
error: Alert: ເນື້ອຫາຂ່າວມີລິຂະສິດ !!