ກຸ່ມ​ບໍລິສັດ​ກໍ່ສ້າງ-ລົງທຶນ ​ແລະ ຖື​ຮຸ້ນ​ຢຸນນານ ​ໄດ້​ຮັບ​ສຳ​ປະທານ​ທາງ​ດ່ວນ​ແຕ່​ນະຄອນຫລວງ​ວຽງຈັນ-ວັງ​ວຽງ

ກຸ່ມ​ບໍລິສັດ​ກໍ່ສ້າງ-ລົງທຶນ ​ແລະ ຖື​ຮຸ້ນ​ຢຸນນານ ​ໄດ້​ຮັບ​ສຳ​ປະທານ​ທາງ​ດ່ວນ​ແຕ່​ນະຄອນຫລວງ​ວຽງຈັນ-ວັງ​ວຽງ - Signing - ກຸ່ມ​ບໍລິສັດ​ກໍ່ສ້າງ-ລົງທຶນ ​ແລະ ຖື​ຮຸ້ນ​ຢຸນນານ ​ໄດ້​ຮັບ​ສຳ​ປະທານ​ທາງ​ດ່ວນ​ແຕ່​ນະຄອນຫລວງ​ວຽງຈັນ-ວັງ​ວຽງ
ກຸ່ມ​ບໍລິສັດ​ກໍ່ສ້າງ-ລົງທຶນ ​ແລະ ຖື​ຮຸ້ນ​ຢຸນນານ ​ໄດ້​ຮັບ​ສຳ​ປະທານ​ທາງ​ດ່ວນ​ແຕ່​ນະຄອນຫລວງ​ວຽງຈັນ-ວັງ​ວຽງ - Untitled design - ກຸ່ມ​ບໍລິສັດ​ກໍ່ສ້າງ-ລົງທຶນ ​ແລະ ຖື​ຮຸ້ນ​ຢຸນນານ ​ໄດ້​ຮັບ​ສຳ​ປະທານ​ທາງ​ດ່ວນ​ແຕ່​ນະຄອນຫລວງ​ວຽງຈັນ-ວັງ​ວຽງ

ວັນທີ 4 ເມສານີ້, ທ່ານ ເສີນເຫວິນຊານ ປະທານກຸ່ມບໍລິສັດກໍ່ສ້າງ-ລົງທຶນ ແລະ ຖືຮຸ້ນ ຈໍາກັດ ແຂວງຢູນນານ ສປ ຈີນ ແລະ ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ, ໄດ້ຮ່ວມກັນລົງນາມໃນສັນຍາສໍາປະທານໂຄງການທາງດ່ວນນະຄອນຫລວງວຽງຈັນ-ວັງ​ວຽງ ​ເປັນ​ເສັ້ນທາງ​ດ່ວນທໍາອິດຂອງ ສປປ ລາວ ​ໃນມູນຄ່າ 7,5 ຕື້ໂດລາສະຫະລັດ, ໂດຍມີທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ, ທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົງສົ່ງ, ທ່ານ ຫວາງ ສີຫຸຍ ທີ່ປຶກສາເສດຖະກິດການຄ້າເອກອັກຄະລັດຖະທູດ ສປຈີນ ປະຈໍາລາວ, ພ້ອມດ້ວຍພາກສ່ວນກ່ຽວຂ້ອງຕ່າງໆຂອງສອງຝ່າຍເຂົ້າຮ່ວມເປັນສັກຂີພິຍານ.
ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນກ່າວວ່າ: ໂຄງການທາງດ່ວນວຽງຈັນ-ບໍ່ເຕັນ ມີໄລຍະທາງທັງໝົດຍາວປະມານ 460 ກິໂລແມັດ, ໂດຍລັດຖະບານລາວຖືຮຸ້ນ 5% (ຮຸ້ນບູລິມະສິດ) ແລະ ກຸ່ມບໍລິສັດ ກໍ່ສ້າງ ແລະ ທົງທຶນ ຢູນນານຖືຮຸ້ນ 95%, ເຊິ່ງແບ່ງອອກເປັນ 4 ຊ່ວງຄື: ແຕ່ນະຄອນຫລວງວຽງຈັນ-ວັງວຽງ-ແຂວງຫລວງພະບາງ-ອຸດົມໄຊ-ດ່ານຊາຍແດນບໍ່ເຕັນ, ສໍາລັບຊ່ວງໄລຍະທາງທີ່ຈະໄດ້ຈັດຕັ້ງປະຕິບັດກ່ອນ​ແມ່ນເລີ່ມແຕ່ນະຄອນຫລວງວຽງຈັນ-ວັງວຽງ ມີໄລຍະທາງຍາວກ່ວາ 109 ກິໂລແມັດ, ມູນຄ່າການລົງທຶນປະມານ 1,3 ຕື້ໂດລາສະຫະລັດ. ການອອກແບບໂຄງການແມ່ນເປັນ 4 ຊ່ອງ​ຈະລາຈອນ (4​ເລນ), ຕາມແຜນຈະກໍ່ສ້າງສໍາເລັດໃນເວລາ 3 ປີ ​ແລະ ພາຍຫລັງໂຄງການກໍ່ສ້າງສໍາເລັດແລ້ວກໍ​ຈະ​ຊ່ວຍ​ໃຫ້ການເດີນທາງແຕ່ນະຄອນຫລວງວຽງຈັນຫາວັງວຽງມີ​ຄວາມ​ສະດວກ​ສະບາຍ, ຊຶ່ງ​ອາດໃຊ້ເວລາພຽງຊົ່ວໂມງ​ເຄິ່ງເທົ່ານັ້ນ, ເຊິ່ງສາມາດຫລຸດໄລຍະເວລາໄດ້ເຖິງ 2 ຊົ່ວໂມງ​ເຄິ່ງ​ເມື່ອ​ທຽບກັບ​ປັດຈຸບັນ.

ການກໍ່ສ້າງໂຄງການດັ່ງກ່າວແມ່ນມີຄວາມໝາຍສໍາຄັນຍິ່ງຕໍ່ການປັບປຸງຊີວິດການເປັນຢູ່ຂອງປະຊາຊົນທີ່ຢູ່ລຽບຕາມແລວທາງດັ່ງກ່າວ, ທັງເປັນການເພີ່ມທະວີການຮ່ວມມືແລກປ່ຽນເສດຖະກິດການຄ້າ ແລະ ວັດທະນະທໍາຂອງສອງຊາດລາວ-ຈີນ ໃຫ້ນັບ​ມື້ແໜ້ນແຟ້ນ ​ແລະ ເລິກເຊິ່ງຍິ່ງຂຶ້ນ.
ໃນໂອກາດດັ່ງກ່າວ, ທ່ານ ເສີນ ເຫວິນຊານ ກ່າວວ່າ: ການເຊັນສັນຍາສໍາປະທານໂຄງການນີ້, ບໍລິສັດໄດ້ຕັ້ງເປົ້າໝາຍທີ່ຈະສ້າງໃຫ້ທາງດ່ວນນະຄອນຫລວງວຽງຈັນ-ວັງວຽງ​ແຫ່ງນີ້ກາຍເປັນເສັ້ນທາງມິດຕະພາບລາວ-ຈີນ, ເສັ້ນທາງສີຂຽວ, ເສັ້ນທາງແຫ່ງຄວາມຜາສຸກນໍາເອົາຄວາມຮັ່ງມີຜາ​ສຸກມາສູ່ປະຊາຊົນສອງຊາດລາວ-ຈີນ ແລະ ສອດຄ່ອງກົມກືນກັບຍຸດ​ທະ​ສາດ “ໜຶ່ງແລວທາງ ໜຶ່ງເສັ້ນທາງ” ຢ່າງຮອບດ້ານ ​ແລະ ຈະປະກອບສ່ວນຢ່າງຕັ້ງໜ້າ​ເຂົ້າໃນການຂຽນໜ້າປະຫວັດສາດອັນໃໝ່ແຫ່ງການພົວພັນຮ່ວມມືມິດຕະພາບຂອງສອງປະເທດລາວ-ຈີນອີກ​ດ້ວຍ.

ກຸ່ມ​ບໍລິສັດ​ກໍ່ສ້າງ-ລົງທຶນ ​ແລະ ຖື​ຮຸ້ນ​ຢຸນນານ ​ໄດ້​ຮັບ​ສຳ​ປະທານ​ທາງ​ດ່ວນ​ແຕ່​ນະຄອນຫລວງ​ວຽງຈັນ-ວັງ​ວຽງ - Wave100S AD to Website 2020 0 - ກຸ່ມ​ບໍລິສັດ​ກໍ່ສ້າງ-ລົງທຶນ ​ແລະ ຖື​ຮຸ້ນ​ຢຸນນານ ​ໄດ້​ຮັບ​ສຳ​ປະທານ​ທາງ​ດ່ວນ​ແຕ່​ນະຄອນຫລວງ​ວຽງຈັນ-ວັງ​ວຽງ
ກຸ່ມ​ບໍລິສັດ​ກໍ່ສ້າງ-ລົງທຶນ ​ແລະ ຖື​ຮຸ້ນ​ຢຸນນານ ​ໄດ້​ຮັບ​ສຳ​ປະທານ​ທາງ​ດ່ວນ​ແຕ່​ນະຄອນຫລວງ​ວຽງຈັນ-ວັງ​ວຽງ - WhatsApp Image 2020 05 27 at 5 - ກຸ່ມ​ບໍລິສັດ​ກໍ່ສ້າງ-ລົງທຶນ ​ແລະ ຖື​ຮຸ້ນ​ຢຸນນານ ​ໄດ້​ຮັບ​ສຳ​ປະທານ​ທາງ​ດ່ວນ​ແຕ່​ນະຄອນຫລວງ​ວຽງຈັນ-ວັງ​ວຽງ
ກຸ່ມ​ບໍລິສັດ​ກໍ່ສ້າງ-ລົງທຶນ ​ແລະ ຖື​ຮຸ້ນ​ຢຸນນານ ​ໄດ້​ຮັບ​ສຳ​ປະທານ​ທາງ​ດ່ວນ​ແຕ່​ນະຄອນຫລວງ​ວຽງຈັນ-ວັງ​ວຽງ - WhatsApp Image 2020 05 27 at 5 - ກຸ່ມ​ບໍລິສັດ​ກໍ່ສ້າງ-ລົງທຶນ ​ແລະ ຖື​ຮຸ້ນ​ຢຸນນານ ​ໄດ້​ຮັບ​ສຳ​ປະທານ​ທາງ​ດ່ວນ​ແຕ່​ນະຄອນຫລວງ​ວຽງຈັນ-ວັງ​ວຽງ
error: Alert: ເນື້ອຫາຂ່າວມີລິຂະສິດ !!