ການ​ແຂ່ງຂັນເວົ້າພາສາເຢຍລະມັນ ຄັ້ງທີ 3 ຈັດຂຶ້ນທີ່ມະຫາວິທະຍາໄລແຫ່ງຊາດ

ການ​ແຂ່ງຂັນເວົ້າພາສາເຢຍລະມັນ ຄັ້ງທີ 3 ຈັດຂຶ້ນທີ່ມະຫາວິທະຍາໄລແຫ່ງຊາດ - Germany speaking contest - ການ​ແຂ່ງຂັນເວົ້າພາສາເຢຍລະມັນ ຄັ້ງທີ 3 ຈັດຂຶ້ນທີ່ມະຫາວິທະຍາໄລແຫ່ງຊາດ
ການ​ແຂ່ງຂັນເວົ້າພາສາເຢຍລະມັນ ຄັ້ງທີ 3 ຈັດຂຶ້ນທີ່ມະຫາວິທະຍາໄລແຫ່ງຊາດ - Untitled design - ການ​ແຂ່ງຂັນເວົ້າພາສາເຢຍລະມັນ ຄັ້ງທີ 3 ຈັດຂຶ້ນທີ່ມະຫາວິທະຍາໄລແຫ່ງຊາດ

ເພື່ອເປັນການສະເຫລີມສະຫລອງສາຍພົວພັນທາງການທູດອັນຍາວນານ ຂອງສອງປະເທດລາວ-​ເຢຍລະ​ມັນ​ຄົບຮອບ 60​ ປີ ​ແລະ ທັງ​ເປັນ​ການ​ເປີດ​​ໂອກ​າດ​ໃຫ້​ແກ່​ນ້ອງ​ນັກສຶກສາ​ພາສາ​​ເຢຍລະມັນ​ໄດ້​ສະ​ແດງ​ອອກ​ເຖິງ​ຄວາມ​ຮູ້, ຄວາມ​ສາມາດ​ໃນການເວົ້າພາສາດັ່ງກ່າວຂອງຕົນ ​ແລະ ກໍ​ເພື່ອ​ເປັນການ​ກະຕຸ​ກຊຸກຍູ້ສ້າງ​ແຮງ​ຈູງ​​ໃຈ​​ໃຫ້​ນັກ​ສຶກສາມີຄວາມຂະຫຍັນ​ຫ້າວ​ຫັນ​ໃນ​ການ​ສຶກສາ-ຮ່ຳຮຽນພາສາ​ເຢຍລະ​ມັນ. ດັ່ງ​ນັ້ນ​ໃນ​ວັນ​ທີ 4 ​ເມສານີ້, ຄະນະ​ອັ​ກສອນ​ສາດພາກ​ວິຊາ​ພາສາ​ເຢຍລະ​ມັນມະຫາວິທະຍາ​ໄລ​ແຫ່ງ​ຊາດ​ດົງ​​ໂດກ ​ໄດ້​ຈັດ​ງານ​​ການແຂ່ງຂັນເວົ້າພາສາເຢຍລະມັນຂຶ້ນເປັນຄັ້ງທີ 3 ທີ່​ສະ​ໂມ​ສອນ​ໃຫຍ່​ຂອງມະຫາວິທະຍາ​​ໄລ​ດັ່ງກ່າວ, ​ໂດຍ​ການເປັນ​ປະທານຮ່ວມ​​ຂອງທ່ານ ອາລຸນ ສີຣັດຕະນະ​ກຸນ ຄະນະບໍດີຄະນະ​ອັ​ກສອນ​ສາດ​ມະຫາວິທະຍາ​ໄລ​ແຫ່ງ​ຊາດ ​ແລະ ທ່ານ ສົມ​ອົກ​ ກິ່ງ​ສະ​ດາ ຮອງປະ​ທານ​ສູ​ນກາງ​ແນວ​ລາວ​ສ້າງຊາ​ດ, ປະທານ​ສະມາ​ຄົມ​ມິ​ດຕະພາບ​ລາວ​-​ເຢຍລະມັນ, ພ້ອມ​ດ້ວຍ​ຄູ​ອາຈານ ​ແລ​ະ ນັກ​ສຶກສາເຂົ້າ​ຮ່ວມເປັນຈໍານວນຫລາຍ.

​  ໃນ​ການ​​ແຂ່ງຂັນ​ດັ່ງກ່າວ,  ທ່ານ ອາລຸນ ສີຣັດຕະນະ​ກຸນ ​ກ່າວ​ວ່າ: ​ພາສາ​ແມ່ນ​ຂໍ້​ກຸນ​ແຈ​ເພື່ອ​ໄຂ​ປະຕູ​ ເຂົ້າສູ່​ຄວາ​ມ​ເຂົ້າ​ໃຈ​ຊຶ່ງ​ກັນ ​ແລະ ກັນ, ​ເຂົ້າສູ່​ແຫ​ລ່ງ​ແຫ່ງ​ປັນຍາ​ຄວາມ​ຮູ້ຕ່າງ​ໆ​​ ​ເພາະ​ຖ້າ​ພວກ​ເຮົາ​ເຂົ້າ​ໃຈພາສາ​ຕ່າງປະ​ເທ​ດ​ເລິ​ກ​​ເ​ຊິ່ງ​ເທົ່າ​​ໃດ ພວກ​ເຮົາ​ກໍຈະ​ສາມາ​ດ​ເຂົ້າ​ໃຈ​ເຖິງ​ ເນື້ອ​ໃນ​ແນວ​ຄິດ​ຈິດ​ໃຈ​ວັດ​ທະນະ​ທຳ, ​ເສດຖະກິດ-ສັງຄົມ ​ແລະ​ ຂໍ້​ມູນ​ຂ່າວສານຕ່າງໆຂອງ​ຕ່າງຊາດ​ໄດ້​ຫລາຍ​ຍິ່ງ​ຂຶ້ນ, ​ເ​ຊິ່ງພາສາ​ເຢຍລະ​ມັນ ​ກໍ​ແມ່ນ​ພາສາໜຶ່ງ​ທີ່​ມີ​ບົດບາດ​ສຳຄັນ​ໃນ​ເວທີ​ສາ​ກົນ. ສະ​ນັ້ນ​, ກິດຈະກຳ​ການແຂ່ງ​ຂັນ​ເວົ້າ​ພາສາ​ເຢຍລະ​ມັນຄັ້ງນີ້ ​ກໍ​ເປັນ​ກິດຈະ​ກຳໜຶ່ງ​ໃນ​ພາກ​ປະຕິບັດ​ຕົວ​ຈິງ​ ເພື່ອ​​ຝຶກ​ທັກສະຄວາມ​ສາມາດ​​ໃນ​ການ​ໃຊ້​ພາສາ​ໃຫ້​ໄດ້​ດີ ​​ເພາະ​ຖ້າ​ນັກ​ສຶກສາມີ​ທັກ​ສະ​ຄວາມ​ສາມາດ, ​ເຂົ້າ​ໃ​ຈພາສາ​ເຢຍລະ​ມັນ​ຫລາຍ​ເທົ່າ​ໃດ ນັກ​ສຶກສາກໍ​ຈະ​ສາມາດ​ສື່ສານ​ຮຽນ​ເອົາ​ຄວາມ​ຮູ້​,​ ປະສົບ​ການ​ຕ່າງໆ​ຈາກ​ປະ​ເທດ​ເຢຍລະ​ມັນ ​ເຊິ່ງ​ເປັນ​ປະ​ເທດ​ໜຶ່ງທີ່​ເປັນ​ຕົວ​ແບບ​ ໃນ​ຄວາມ​ຈະ​​ເລີ​ນຮຸ່ງ​ເຮືອງ ​ແລະ ພັດທະນາ​ສູງມາ​ແຕ່​ດົນນານ​ແລ້ວ. ດັ່ງ​ນັ້ນ, ຈຶ່ງຮຽກຮ້ອງ​ມາ​ຍັງບັນດາ​ນັກ​ສຶກສາ​ປັນຍາ​ຊົນ​ທັງຫລາຍ ​ຈົ່ງ​ພະ​ຍາ​ຍາມ​ເອົາ​​​ໃຈ​ໃສ່​ຝຶກ​ຝົນ​ຕົນ​ເອງ​ ໃນ​ການ​ໃຊ້ພາສາ​ເຢຍລະມັນ​ ໃຫ້​​ມີປະ​ສິດທິ​ຜົນດີ​ທີ່​ສຸດ.

ການ​ແຂ່ງຂັນເວົ້າພາສາເຢຍລະມັນ ຄັ້ງທີ 3 ຈັດຂຶ້ນທີ່ມະຫາວິທະຍາໄລແຫ່ງຊາດ - Wave100S AD to Website 2020 0 - ການ​ແຂ່ງຂັນເວົ້າພາສາເຢຍລະມັນ ຄັ້ງທີ 3 ຈັດຂຶ້ນທີ່ມະຫາວິທະຍາໄລແຫ່ງຊາດ
ການ​ແຂ່ງຂັນເວົ້າພາສາເຢຍລະມັນ ຄັ້ງທີ 3 ຈັດຂຶ້ນທີ່ມະຫາວິທະຍາໄລແຫ່ງຊາດ - WhatsApp Image 2020 05 27 at 5 - ການ​ແຂ່ງຂັນເວົ້າພາສາເຢຍລະມັນ ຄັ້ງທີ 3 ຈັດຂຶ້ນທີ່ມະຫາວິທະຍາໄລແຫ່ງຊາດ
ການ​ແຂ່ງຂັນເວົ້າພາສາເຢຍລະມັນ ຄັ້ງທີ 3 ຈັດຂຶ້ນທີ່ມະຫາວິທະຍາໄລແຫ່ງຊາດ - WhatsApp Image 2020 05 27 at 5 - ການ​ແຂ່ງຂັນເວົ້າພາສາເຢຍລະມັນ ຄັ້ງທີ 3 ຈັດຂຶ້ນທີ່ມະຫາວິທະຍາໄລແຫ່ງຊາດ
error: Alert: ເນື້ອຫາຂ່າວມີລິຂະສິດ !!