ພະນະທ່ານນາຍົກລັດຖະມົນຕີ ສຳເລັດການເຂົ້າຮ່ວມກອງປະຊຸມສຸດຍອດ ຄະນະກຳມາທິການແມ່ນ້ຳຂອງສາກົນ ຄັ້ງທີ 3 ທີ່ສຽມລຽບ

ພະນະທ່ານນາຍົກລັດຖະມົນຕີ ສຳເລັດການເຂົ້າຮ່ວມກອງປະຊຸມສຸດຍອດ ຄະນະກຳມາທິການແມ່ນ້ຳຂອງສາກົນ ຄັ້ງທີ 3 ທີ່ສຽມລຽບ - 3rd summit - ພະນະທ່ານນາຍົກລັດຖະມົນຕີ ສຳເລັດການເຂົ້າຮ່ວມກອງປະຊຸມສຸດຍອດ ຄະນະກຳມາທິການແມ່ນ້ຳຂອງສາກົນ ຄັ້ງທີ 3 ທີ່ສຽມລຽບ
ພະນະທ່ານນາຍົກລັດຖະມົນຕີ ສຳເລັດການເຂົ້າຮ່ວມກອງປະຊຸມສຸດຍອດ ຄະນະກຳມາທິການແມ່ນ້ຳຂອງສາກົນ ຄັ້ງທີ 3 ທີ່ສຽມລຽບ - Untitled design - ພະນະທ່ານນາຍົກລັດຖະມົນຕີ ສຳເລັດການເຂົ້າຮ່ວມກອງປະຊຸມສຸດຍອດ ຄະນະກຳມາທິການແມ່ນ້ຳຂອງສາກົນ ຄັ້ງທີ 3 ທີ່ສຽມລຽບ

ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ, ໄດ້ນຳພາຄະນະຜູ້ແທນຂັ້ນສູງ ຂອງ ສປປ ລາວ ເຂົ້າຮ່ວມກອງປະຊຸມສຸດຍອດ ຄະນະກຳມາທິການແມ່ນ້ຳຂອງສາກົນ (ຄມສ) ຄັ້ງທີ 3, ເຊິ່ງໄດ້ຈັດຂຶ້ນໃນຕອນເຊົ້າ ວັນທີ 5 ເມສາ 2018 ທີ່ແຂວງສຽມລຽບ, ຣາຊະອານາຈັກກຳປູເຈຍ. ຫົວໜ້າຄະນະຜູ້ແທນຂັ້ນສູງທີ່ເຂົ້າຮ່ວມກອງປະຊູມຄັ້ງນີ້ ເປັນກຽດນໍາພາໂດຍບັນດາທ່ານນາຍົກລັດຖະມົນຕີຂອງ ປະເທດສະມາຊິກຄະນະກໍາມາທິການແມ່ນ້ຳຂອງສາກົນ ຄື: ຣາຊະອານາຈັກກຳປູເຈຍ, ສປປ ລາວ, ຣາຊະອານາຈັກໄທ ແລະ ສສ ຫວຽດນາມ; ນອກຈາກນັ້ນ, ຍັງມີຄະນະຜູ້ແທນ ຈາກ ສປ. ຈີນ, ສະຫະພາບ ມຽນມາ ເຊິ່ງເປັນປະເທດຄູ່ເຈລະຈາ, ບັນດາຄູ່ຮ່ວມພັດທະນາ ຕະຫຼອດຮອດຜູ້ຊ່ຽວຊານ ແລະ ວິຊາການ ພາຍໃນ ພາກພື້ນ ແລະ ສາກົນ ເຂົ້າຮ່ວມ  400 ກວ່າຄົນ.

ຈຸດປະສົງ ຂອງກອງປະຊຸມຄັ້ງນີ້ ແມ່ນເພື່ອ:ສະຫຼຸບຕີລາຄາ ການຈັດຕັ້ງປະຕິບັດ ຖະແຫຼງການນະຄອນໂຮຈີມີນ ພາຍໃຕ້ຫົວຂໍ້ “ນໍ້າ, ພະລັງງານ ແລະ ຄວາມໝັ້ນຄົງທາງດ້ານສະບຽງອາຫານ ຕໍ່ກັບສະພາບການປ່ຽນແປງດິນຟ້າອາກາດ ໃນຂອບເຂດອ່າງແມ່ນໍ້າ ຂອງ” ທີ່ໄດ້ຮັບຮອງຮ່ວມກັນ ໃນວັນທີ 5 ເມສາ ປີ 2014; ຮັບຟັງການລາຍງານ ຜົນຂອງກອງປະຊຸມສໍາມະນາວິຊາການສາກົນ ທີ່ໄດ້ດຳເນີນ ໃນວັນທີ 2-3 ເມສາ 2018; ປຶກສາຫາລື ກ່ຽວກັບບັນດາທ່າແຮງ ແລະ ສິ່ງທ້າທາຍ ຂອງອ່າງແມ່ນໍ້າຂອງ ກໍ່ຄືບົດບາດ ຂອງຄະນະກຳມາ ທິການແມ່ນໍ້າຂອງສາກົນ ໃນການຮ່ວມມືກັບອະນຸພາກພື້ນ ແລະ ສາກົນ ເພື່ອສົ່ງເສີມການນໍາໃຊ້ນ້ຳ ແລະ ພັດທະນາແມ່ນໍ້າຂອງ ໃຫ້ມີຄວາມຍືນຍົງ;

ຮັບຮອງເອົາຖະແຫຼງການສຽມຣຽບ ພາຍໃຕ້ຫົວຂໍ້ “ເສີມສ້າງການເປັນຄຸູ່ຮ່ວມ ແລະ ສຸມທຸກຄວາມພະຍາ ຍາມ ຮ່ວມກັນເພື່ອບັນລຸເປົ້າໝາຍການພັດທະນາແບບຍືນຍົງຢູ່ຂົງເຂດອ່າງແມ່ນໍ້າຂອງ” ນັບແຕ່ປີ 2018 ຫາ ປີ 2022.

ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີແຫ່ງ ສປປ ລາວ, ໄດ້ກ່າວຕໍ່ກອງປະຊຸມສຸດຍອດ ຄັ້ງນີ້ ວ່າ: ອ່າງແມ່ນ້ຳຂອງ ແມ່ນມີຄວາມອຸດົມສົມບູນທາງດ້ານລະບົບນິເວດ ແລະ ຊີວະນາໆພັນ ພ້ອມທັງປະກອບມີ ຄວາມຫຼາກຫຼາຍທາງດ້ານວັດທະນະທຳ, ຮີດຄອງປະເພນີ ແລະ ເຜົ່າຊົນ ຂອງ ບັນດາປະເທດສະມາຊິກ ທີ່ດໍາລົງຊີ ວິດຢູ່ຕາມລໍາແມ່ນໍ້າຂອງ ອັນໄດ້ສ້າງເງື່ອນໄຂສະດວກ ແລະ ໄດ້ນຳເອົາຜົນປະໂຫຍດຢ່າງໃຫຍ່ຫຼວງໃຫ້ແກ່ປະຊາຊົນ ແລະ ຍັງປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງບັນດາປະເທດໃນເຂດອ່າງແມ່ນ້ຳຂອງຕອນ ລຸ່ມ. ຄໍາວ່າ “ແມ່ນໍ້າຂອງ” ແມ່ນມີຄວາມໝາຍອັນເລິກເຊິ່ງ ແບບສະເພາະໃນພາສາລາວ ກໍຄື ຄໍາວ່າ: “ແມ່” ທີ່ມີ ຄວາມໝາຍຄືຜູ້ຫຼໍ່ລ້ຽງຊີວິດ, ສ່ວນຄໍາວ່າ “ຂອງ” ກໍຄືເປັນຂອງໝົດທຸກຄົນ, ທຸກຊາດ, ທຸກຊົນເຜົ່າທີ່ອາໃສຢູ່ໃນ ຂົງເຂດອ່າງແມ່ນໍ້າຂອງ ຊຶ່ງປວງປະຊາຊົນລາວທັງຊາດ ແມ່ນຮັກ ແລະ ຫວງແຫນແມ່ນໍ້າຂອງທີ່ສຸດ ປຽບດັ່ງສາຍ ເລືອດຂອງຕົນເອງ ແລະ ແມ່ນໍ້າຂອງ ຍັງເປັນແມ່ນ້ຳແຫ່ງມິດຕະພາບ ທີ່ໄດ້ອຳນວຍຄວາມສະດວກ ໃຫ້ແກ່ການໄປ ມາຫາສູ່ ເພື່ອແລກປ່ຽນທາງດ້ານຂໍ້ມູນຂ່າວສານ-ຄວາມຮູ້, ເສດຖະກິດ-ສັງຄົມ ແລະ ວັດທະນະທຳ. ດັ່ງນັ້ນ, ຄະນະກຳມາທິການແມ່ນ້ຳຂອງສາກົນ ຈຶ່ງໄດ້ຊຸກຍູ້ໃຫ້ 04 ປະເທດສະມາຊິກພວກເຮົາ ຮ່ວມມືກັນພັດທະນາ, ຄຸ້ມຄອງ ແລະ ປົກປັກຮັກສາອ່າງແມ່ນ້ຳຂອງ ໃຫ້ມີຄວາມຍືນຍົງ ບົນຈິດໃຈການເຄົາລົບອະທິປະໄຕ ຂອງກັນ ແລະ ກັນ, ຕ່າງຝ່າຍຕ່າງໄດ້ຮັບຜົນປະໂຫຍດມາສູ່ປະເທດຂອງຕົນ.

ພະນະທ່ານນາຍົກລັດຖະມົນຕີ ສຳເລັດການເຂົ້າຮ່ວມກອງປະຊຸມສຸດຍອດ ຄະນະກຳມາທິການແມ່ນ້ຳຂອງສາກົນ ຄັ້ງທີ 3 ທີ່ສຽມລຽບ - Wave100S AD to Website 2020 0 - ພະນະທ່ານນາຍົກລັດຖະມົນຕີ ສຳເລັດການເຂົ້າຮ່ວມກອງປະຊຸມສຸດຍອດ ຄະນະກຳມາທິການແມ່ນ້ຳຂອງສາກົນ ຄັ້ງທີ 3 ທີ່ສຽມລຽບ

ກອງປະຊຸມສຸດຍອດຄັ້ງນີ້ ບັນດານາຍົກລັດຖະມົນຕີ ຂອງ 04 ປະເທດສະມາຊິກ ຄມສ, ຜູ້ຕາງໜ້າລະດັບ ສູງຈາກຄູ່ຮ່ວມເຈລະຈາ, ຄຸ່ຮ່ວມພັດທະນາ ແລະ ອົງການຈັດຕັ້ງສາກົນອື່ນໆ ໄດ້ມີການປຶກສາຫາລືຮ່ວມກັນ ກ່ຽວ ກັບກາລະໂອກາດ ແລະ ສິ່ງທ້າທາຍຕ່າງໆ ທີ່ອ່າງແມ່ນໍ້າຂອງກໍາລັງປະເຊີນໜ້າຢູ່ ເປັນຕົ້ນແມ່ນບັນຫາການປ່ຽນແປງ ດິນຟ້າອາກາດ, ການຄຸ້ມຄອງ ແລະ ການພັດທະນາຊັບພະຍາກອນນໍ້າ,​ ການກະສິກໍາ, ຊົນລະປະທານ, ການປະມົງ  ການເດີນເຮືອ, ໄພນໍ້າຖ້ວມ ແລະ ໄພແຫ້ງແລ້ງ  ລວມທັງບັນຫາທາງສິ່ງແວດລ້ອມ. ຊຶ່ງໃນນີ້ ສປປ ລາວ ໄດ້ສະແດງຄວາມມຸ້ງຫວັງຂອງຕົນ ທີ່ຈະສືບຕໍ່ເອົາໃຈໃສ່ຈັດຕັ້ງປະຕິບັດ ບັນດາພັນທະ ແລະ ຄຳໝັ້ນສັນຍາ ທີ່ໄດ້ຮ່ວມກັບບັນດາປະເທດສະມາຊິກ ຄມສ ໃນການນຳໃຊ້ອ່າງແມ່ນ້ຳຂອງໃຫ້ມີປະສິດຕິຜົນສູງສຸດ ແລະມີ ຄວາມຍືນຍົງ,  ພ້ອມທັງເຊື່ອໝັ້ນວ່າ ການຮ່ວມມື ລະຫວ່າງ ຄະນະກຳມາທິການແມ່ນ້ຳຂອງສາກົນ, ປະເທດຄູ່ເຈລະຈາ, ບັນດາຄູ່ຮ່ວມພັດທະນາ ແລະ ອົງການຈັດຕັ້ງສາກົນອື່ນໆ ຈະນັບມື້ນັບມີໝາກຜົນຕົວຈິງ ຈາກການພັດທະນາ ແລະ ຄຸ້ມຄອງຊັບພະຍາກອນນໍ້າ ຢູ່ໃນອ່າງແມ່ນໍ້າຂອງ ທັງໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ ເພື່ອຜົນປະໂຫຍດລວມຂອງປະເທດສະມາຊິກ ຄມສ ກໍຄືພາກພື້ນ ແລະ ໃນໂລກ. ສປປ ລາວ ມີຄວາມກຽມພ້ອມທີ່ຈະເປັນເຈົ້າພາບ ຈັດກອງປະຊຸມສຸດຍອດ ຄະນະກຳມາທິການແມ່ນ້ຳຂອງສາກົນ ຄັ້ງທີ 04 ໃນປີ 2022 ອີກດ້ວຍ.

ໃນຕອນທ້າຍຂອງກອງປະຊຸມ ບັນດາຜູ້ນຳ ຂອງ  04 ປະເທດສະມາຊິກ ຄມສ ໄດ້ເປັນເອກະພາບຮັບຮອງເອົາຖະແຫຼງການສຽມລຽບ (Siem Reap Declaration) ທີ່ໄດ້ລະບຸເຖິງບັນດາຜົນສໍາເລັດອັນພື້ນຖານ ໃນການຈັດຕັ້ງ ປະຕິບັດ ຖະແຫຼງການນະຄອນໂຮຈີມີນ ໃນໄລຍະ 04 ປີຜ່ານມາ ລວມທັງບັນດາທ່າແຮງ ແລະ ສິ່ງທ້າທາຍ ຢູ່ໃນ ອ່າງແມ່ນ້ຳຂອງ ໄປຄຽງຄູ່ກັບການກໍານົດ 07 ຂົງເຂດວຽກງານຈຸດສຸມ ແລະ ທິດທາງ ໃນໄລຍະຊຸມ ປີ 2018-2022 ທີ່ສີ່ປະເທດສະມາຊິກ ແລະ ທຸກພາກສ່ວນທີ່ກ່ຽວຂ້ອງ ຈະຕ້ອງໄດ້ພ້ອມກັນຈັດຕັ້ງປະຕິບັດວຽກງານ ຂອງ ຄະນະ ກໍາມາທິການແມ່ນໍ້າຂອງສາກົນ ໃຫ້ສຳເລັດ.

ກອງປະຊຸມສຸດຍອດ ຄະນະກຳມາທິການແມ່ນ້ຳຂອງສາກົນ ຄັ້ງທີ 03 ໄດ້ສີ້ນສຸດລົງໃນເວລາ 12:00 ຂອງວັນທີ 5 ເມສາ 2018.

ພະນະທ່ານນາຍົກລັດຖະມົນຕີ ສຳເລັດການເຂົ້າຮ່ວມກອງປະຊຸມສຸດຍອດ ຄະນະກຳມາທິການແມ່ນ້ຳຂອງສາກົນ ຄັ້ງທີ 3 ທີ່ສຽມລຽບ - WhatsApp Image 2020 05 27 at 5 - ພະນະທ່ານນາຍົກລັດຖະມົນຕີ ສຳເລັດການເຂົ້າຮ່ວມກອງປະຊຸມສຸດຍອດ ຄະນະກຳມາທິການແມ່ນ້ຳຂອງສາກົນ ຄັ້ງທີ 3 ທີ່ສຽມລຽບ
ພະນະທ່ານນາຍົກລັດຖະມົນຕີ ສຳເລັດການເຂົ້າຮ່ວມກອງປະຊຸມສຸດຍອດ ຄະນະກຳມາທິການແມ່ນ້ຳຂອງສາກົນ ຄັ້ງທີ 3 ທີ່ສຽມລຽບ - WhatsApp Image 2020 05 27 at 5 - ພະນະທ່ານນາຍົກລັດຖະມົນຕີ ສຳເລັດການເຂົ້າຮ່ວມກອງປະຊຸມສຸດຍອດ ຄະນະກຳມາທິການແມ່ນ້ຳຂອງສາກົນ ຄັ້ງທີ 3 ທີ່ສຽມລຽບ
error: Alert: ເນື້ອຫາຂ່າວມີລິຂະສິດ !!