ລີບັງປະທ້ວງກົດໝາຍໃຫ້ຄົນຮ້າຍແຕ່ງດອງກັບເຫຍື່ອຖືກຂົ່ມຂືນ

- Untitled design - ລີບັງປະທ້ວງກົດໝາຍໃຫ້ຄົນຮ້າຍແຕ່ງດອງກັບເຫຍື່ອຖືກຂົ່ມຂືນ

ກຸ່ມ​​ເຄື່ອນ​ໄຫວ​ປຸກລະດົມ​ເພື່ອ​ການ​ຍຸບ​ເລີກ​ກົດໝາຍອາຍາ ມາດຕາ 522 ຂອງ​ລີ​ບັງ ​ນຳ​ເອົາ​ຊຸດ​ເຈົ້າສາວ​ມາ​ຫ້ອຍ​ໄວ້​ຢູ່​ຫາດ​ຊາຍ ​ໃນ​ນະຄອນ​ຫລວງ​ເບຣຸດ ​ໃນ​ລັກສະນະ​ຄື​ກັບ​ການ​ແຂວນ​ຄໍ ​ເພື່ອ​ປະ​ທ້ວງ ​ແລະ ​ຮຽກຮ້ອງ​ໃຫ້​ລັດຖະສະພາ​ລົງມະຕິ​ເລີກ​ໃຊ້​ກົດໝາຍ​ດັ່ງກ່າວ ​ເຊິ່ງ​ເປີດ​ທາງ​ໃຫ້​ຄົນ​ຮ້າຍ​ຄະດີ​ຂົ່ມຂືນ​ບໍ່​ມີ​ຄວາມ​ຜິດ ຖ້າ​ແຕ່ງດອງ​ກັບ​ເຫຍື່ອ.

ມີ​ການນຳ​​ເອົາ​ຊຸດ​ເຈົ້າສາວ​ 30 ຊຸດມາ​ຫ້ອຍ​ໃສ່​ຕົ້ນປາມ ​ເພື່ອ​ສະ​ແດງ​ອອກ​ເຖິງ​ຄວາມສິ້ນຫວັງ​ໃນ​ຊີວິດ​ຂອງ​ເຫຍື່ອ​ຂົ່ມຂືນ​ທີ່​ຕ້ອງ​ຖືກ​ບັງຄັບ​ໃຫ້​ແຕ່ງດອງ​ກັບ​ຜູ້​ກະທຳ​​ໂຫດຮ້າຍ​ທາ​ຮຸນ​ຕໍ່​ຕົນ​ເອງ ​ໂດຍ​ເປັນ​ການ​ຮຽກຮ້ອງ​ໃຫ້​ລັດຖະສະພາ​ລີ​ບັງ ​ເຊິ່ງຈະ​ເປີດ​ສະ​ໄໝ​ປະຊຸມ​ອີກ​​ໃນ​ວັນ​ທີ 15 ພຶດສະພາ​ນີ້ ລົງມະຕິ​ຍົກ​ເລີກ​ກົດໝາຍ​ດັ່ງກ່າວ ​ເຊິ່ງມີ​ການສະ​ເໜີ​ໃຫ້​ນຳ​ມາ​ໃຊ້​ນັບ​ແຕ່​ປີຜ່ານມາ ​ແລະ ຫາ​ກໍ​ຜ່ານ​ການ​ຮັບຮອງ​ຂອງ​ຄະນະ​ກຳມາ​ທິການ​ລັດຖະສະພາ​​ໃນ​ເດືອນ​ກຸມພາ​ຜ່ານ​ມາ, ສ່ວນ​ລັດຖະມົນຕີ​ກິດຈະການ​ແມ່ຍິງ​ຂອງ​ລີ​ບັງ​ລະບຸ​ວ່າ: ກົດໝາຍ​ນີ້​ລ້າ​ສະ​ໄໝ​ຄື​ກັບ​ມາ​ຈາກ​ຍຸກ​ຫີນ, ສ່ວນ​ອົງກອນ​ເອກ​ະຊົນ (ABAAD) ​ເຊິ່ງຮຽກຮ້ອງ​ເພື່ອ​ສິດທິ​ແມ່ຍິງ​ກ່າວ​ວ່າ: ​ໃນ​ໜຶ່ງ​ເດືອນ​ມີ 31 ວັນ ​ແລະ ທຸກ​ວັນ​ຜູ້ຍິງ​ຄົນ​ໜຶ່ງ​ອາດ​ຖືກ​ຂົ່ມຂືນ ​ແລະ ຖືກ​ບັງຄັບ​ໃຫ້​ແຕ່ງດອງ​ກັບ​ຄົນ​ຮ້າຍ​ຕາມ​ກົດໝາຍ​ນີ້​ກໍ​ເປັນ​ໄດ້.

- d168abe73e844ac2bc576d90dd85deac 18 - ລີບັງປະທ້ວງກົດໝາຍໃຫ້ຄົນຮ້າຍແຕ່ງດອງກັບເຫຍື່ອຖືກຂົ່ມຂືນ

ຊຸດ​ເຈົ້າສາວ​ທີ່​ຖືກ​ຫ້ອຍ​ໄວ້​ເພື່ອ​ປະ​ທ້ວງ​ນີ້ ​ເປັນ​ຜົນງານ​ທີ່​ອອກ​ແບບ​ໂດຍ ມີ​ເຣລ ​ໂຮ​ເນນ ສິລະ​ປິນຊາວ​ລີ​ບັງ ​ເຊິ່ງອາ​ໄສ​ຢູ່​ນະຄອນຫລວງ​ປາຣີຂອງຝຣັ່ງ ​ໂດຍ​ສິລະ​ປິນຜູ້​ນີ້​ບອກ​ວ່າ: ກົດໝາຍ​ອາຍາ​ມາດຕາ 522 ​ເຮັດ​ໃຫ້​ຜູ້ຍິງ​ບໍ່​ມີ​ຕົວ​ຕົນ ​ແລະ ​ເປັນ​ເລື່ອງ​ອັບອາຍ​ສຳລັບ​ຜູ້​ທີ່​ບັງຄັບ​ໃຊ້​ກົດໝາຍ​ນີ້​ກັບ​ເຫຍື່ອ​ຂົ່ມຂືນ.

- Wave100S AD to Website 2020 0 - ລີບັງປະທ້ວງກົດໝາຍໃຫ້ຄົນຮ້າຍແຕ່ງດອງກັບເຫຍື່ອຖືກຂົ່ມຂືນ

​ໃນ​ປີ​ກ່ອນ ມີ​ກຸ່ມ​ຜູ້​ປະ​ທ້ວງ​ໃສ່​ຊຸດ​ເຈົ້າສາວ​ທີ່​ຜະລິດ​ຈາກ​ຜ້າພັນ​ບາດແພ ​ເພື່ອ​ຄັດຄ້ານ​ຮ່າງ​ກົດໝາຍ​ນີ້​ມາ​ແລ້ວ, ທັງ​ຍັງ​ມີ​ການ​ໃສ່​ຊຸດ​ເຈົ້າສາວ​ເພື່ອ​ປະ​ທ້ວງ​ໃນ​ບັນຫາ​ທາງ​ສັງຄົມ​ໃນ​ອີກ​ຫລາຍ​ປະ​ເທດ​ທົ່ວ​ໂລກ. ຫລ້າ​ສຸດ​ຢູ່​ຈີນ​ກຸ່ມກອງ​ໂຈນ​ແມ່ຍິງ​ນິຍົມ ​ໃສ່​ຊຸດ​ເຈົ້າສາວ​ທີ່​ເປື້ອນສີ​ແດງ​ຄື​ເລືອດ​ຍ່າງ​ໄປ​ຕາມ​ຖະໜົນຢູ່​ນະຄອນຫລວງ​ປັກ​ກິ່ງ ​ເພື່ອ​ປະ​ທ້ວງ​ການ​ໃຊ້​ຄວາມ​ຮຸນ​ແຮງ​ໃນ​ຄອບຄົວ.

- WhatsApp Image 2020 05 27 at 5 - ລີບັງປະທ້ວງກົດໝາຍໃຫ້ຄົນຮ້າຍແຕ່ງດອງກັບເຫຍື່ອຖືກຂົ່ມຂືນ
- WhatsApp Image 2020 05 27 at 5 - ລີບັງປະທ້ວງກົດໝາຍໃຫ້ຄົນຮ້າຍແຕ່ງດອງກັບເຫຍື່ອຖືກຂົ່ມຂືນ
error: Alert: ເນື້ອຫາຂ່າວມີລິຂະສິດ !!