ຄະນະບໍລິຫານງານ ຊປປລ ສໍາເລັດກອງປະຊຸມສ່ອງແສງເຄື່ອນທີ່

ຄະນະບໍລິຫານງານ ຊປປລ ສໍາເລັດກອງປະຊຸມສ່ອງແສງເຄື່ອນທີ່ - youth commitee - ຄະນະບໍລິຫານງານ ຊປປລ ສໍາເລັດກອງປະຊຸມສ່ອງແສງເຄື່ອນທີ່
ຄະນະບໍລິຫານງານ ຊປປລ ສໍາເລັດກອງປະຊຸມສ່ອງແສງເຄື່ອນທີ່ - Untitled design - ຄະນະບໍລິຫານງານ ຊປປລ ສໍາເລັດກອງປະຊຸມສ່ອງແສງເຄື່ອນທີ່

ກອງປະຊຸມສະຫຼູບສ່ອງແສງເຄື່ອນທີ່ຂອງຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ (ຊປປລ) ປະຈໍາໄຕມາດ I ປີ 2018 ໄດ້ສໍາເລັດລົງໃນຕອນແລງຂອງວັນທີ 3 ເມສານີ້, ພາຍຫລັງດໍາເນີນມາເຄິ່ງມື້, ທີ່ຫ້ອງປະຊຸມສະຖາບັນການທະນາຄານ ນະຄອນຫຼວງວຽງຈັນ ໂດຍພາຍໃຕ້ການເປັນປະທານຂອງສະຫາຍ ອາລຸນໄຊ ສູນນະລາດ ກໍາມະການສໍາຮອງສູນກາງພັກ, ສະມາຊິກສະພາແຫ່ງຊາດ, ເລຂາຄະນະບໍລິຫານງານສູນກາງ ຊປປລ; ພ້ອມນີ້ກໍມີ ສະຫາຍ ຄໍາວົງ ທິບພະວົງ ຮອງເລຂາຄະນະພັກ-ຮອງຜູ້ວ່າການທະນາຄານແຫ່ງ ສປປ ລາວ ແລະ ມີບັນດາສະຫາຍຄະນະບໍລິຫານງານ ຊປປລ ອ້ອມຂ້າງສູນກາງ ແລະ ນະຄອນຫຼວງວຽງຈັນ ເຂົ້າຮ່ວມ.

ກອງປະຊຸມໄດ້ດໍາເນີນໄປຢ່າງລຽບງ່າຍ, ປະຢັດ, ໃຊ້ເວລາສັ້ນ, ກະທັດຮັດ ແຕ່ເຕັມໄປດ້ວຍເນື້ອໃນອຸດົມສົມບູນ ເຊິ່ງໃນນີ້ສະຫາຍຮອງເລຂາຄະນະພັກ-ຮອງຜູ້ວ່າການທະນາຄານແຫ່ງ ສປປ ລາວ ໄດ້ຕາງໜ້າໃຫ້ຄະນະບໍລິຫານງານພັກທະນາຄານແຫ່ງ ສປປ ລາວ ໄດ້ປະກອບຄໍາເຫັນກ່ຽວກັບການນໍາພາວຽກງານທະນາຄານ ໂດຍສະເພາະສຶກສາອົບຮົມຊາວໜຸ່ມທົ່ວຂະແໜງການທະນາຄານໃນໄລຍະຜ່ານມາ. ນອກນີ້ ຍັງ​ໄດ້ຮັບຟັງການສະຫຼູບຫຍໍ້ການເຄື່ອນໄຫວວຽກງານຊາວໜຸ່ມ-ເຍົາວະຊົນທີ່ໄດ້ປະຕິບັດໃນໄລຍະ 3 ເດືອນ ຕົ້ນປີ 2018 ຈາກສະຫາຍຮອງຫົວໜ້າຫ້ອງການສູນກາງ ຊປປ ລາວ; ລາຍງານການເຄື່ອນໄຫວວຽກງານຊາວໜຸ່ມທີ່ພົ້ນເດັ່ນຢູ່ໃນຂົງເຂດທະນາຄານຈາກສະຫາຍເລຂາຄະນະບໍລິຫານງານຊາວໜຸ່ມທະນາຄານແຫ່ງ ສປປ ລາວ ແລະ ການປະກອບຄໍາເຫັນດ້ານຕ່າງໆທີ່ປິ່ນອ້ອມວຽກງານຊາວໜຸ່ມຈາກ 6 ກົມວິຊາການອ້ອມຂ້າງສູນກາງຊາວໜຸ່ມ. ພ້ອມນີ້ ຍັງມີການປະກອບຄໍາເຫັນຂອງຄະນະບໍລິຫານງານຊາວໜຸ່ມກະຊວງປ້ອງກັນປະເທດ, ຊາວໜຸ່ມກະຊວງປ້ອງກັນຄວາມສະຫງົບ, ຊາວໜຸ່ມກະຊວງຖະແຫຼງຂ່າວ, ວັດທະນະທໍາ ແລະທ່ອງທ່ຽວ, ຊາວໜຸ່ມຄະນະຈັດຕັ້ງສູນກາງພັກ, ຊາວໜຸ່ມກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ຄະນະສະມາຄົມທຸລະກິດໜຸ່ມຂັ້ນສູນກາງ, ຊາວໜຸ່ມທະນາຄານການຄ້າຕ່າງປະເທດລາວມະຫາຊົນ, ຊາວໜຸ່ມອົງການກາແດງລາວ ແລະ ຄະນະບໍລິຫານງານຊາວໜຸ່ມນະຄອນຫຼວງວຽງຈັນ.

ສະຫາຍເລຂາຄະນະບໍລິຫານງານ ຊປປລ ອາລຸນໄຊ ສູນນະລາດ ໄດ້ເນັ້ນວ່າ: ທຸກຄໍາຄິດເຫັນຂອງຄະນະຊາວໜຸ່ມແມ່ນໄດ້ບັນທຶກ ແລະ ພ້ອມຈະນໍາໄປແກ້ໄຂ ທັງຈະມີການຊີ້ນໍາໃຫ້ຖືກຕ້ອງ, ວ່ອງໄວ. ພ້ອມນີ້ ກໍຮຽກຮ້ອງໃຫ້ທຸກສະຫາຍຕ້ອງເປັນເຈົ້າການຍາດແຍ່ງ ແລະ ຂໍທິດຊີ້ນໍາຈາກຄະນະພັກຂັ້ນຂອງຕົນໃຫ້ຕິດພັນກັບໜ້າທີ່ວິຊາສະເພາະ; ຕ້ອງສ້າງຂະບວນການອັນກົກແມ່ນ 4 ບຸກເປັນພື້ນຖານ ຕິດພັນກັບຮັກຊາດ ພັດທະນາ ແລະ ສ້າງພັກປອດໃສ ເຂັ້ມແຂງ ແລະ ໜັກແໜ້ນ, ເອົາໃຈໃສ່ປະຕິບັດ 5 ນະໂຍບາຍຂອງສູນກາງ, ໃຫ້ຄົ້ນຄວ້າ, ສ້າງ ແລະ ປະຕິບັດນະໂຍບາຍໃຫ້ຊັດເຈນ, ຕ້ອງຮູ້ວິທີເຊື່ອມສານ, ອັນກົກກໍແມ່ນທີ່ຕັ້ງ ແລະ 5 ພາລະບົດບາດ ແລະ 12 ໜ້າທີ່ຂອງຄະນະຊາວໜຸ່ມ ແລະ ພ້ອມກັນອາດຫານ ຜ່ານຜ່າ ຕັດສິນໃຈປະຕິບັດໃຫ້ສົມກັບຄໍາວ່າ: ຊາວໜຸ່ມແມ່ນແຂນຂວາຂອງພັກ, ເປັນກະດູກສັນຫຼັງຂອງຊາດ, ເປັນກໍາລັງແຮງຂອງການພັດທະນາ.

ຄະນະບໍລິຫານງານ ຊປປລ ສໍາເລັດກອງປະຊຸມສ່ອງແສງເຄື່ອນທີ່ - Wave100S AD to Website 2020 0 - ຄະນະບໍລິຫານງານ ຊປປລ ສໍາເລັດກອງປະຊຸມສ່ອງແສງເຄື່ອນທີ່

                                         # ຂ່າວ-ພາບ: ຣັດສະໝີ ດວງສັດຈະ

ຄະນະບໍລິຫານງານ ຊປປລ ສໍາເລັດກອງປະຊຸມສ່ອງແສງເຄື່ອນທີ່ - WhatsApp Image 2020 05 27 at 5 - ຄະນະບໍລິຫານງານ ຊປປລ ສໍາເລັດກອງປະຊຸມສ່ອງແສງເຄື່ອນທີ່
ຄະນະບໍລິຫານງານ ຊປປລ ສໍາເລັດກອງປະຊຸມສ່ອງແສງເຄື່ອນທີ່ - WhatsApp Image 2020 05 27 at 5 - ຄະນະບໍລິຫານງານ ຊປປລ ສໍາເລັດກອງປະຊຸມສ່ອງແສງເຄື່ອນທີ່
error: Alert: ເນື້ອຫາຂ່າວມີລິຂະສິດ !!