ສະພາບຄໍ້າປະກັນສະບຽງອາຫານໃນຫລາຍແຂວງຍັງທ້າທາຍ

ສະພາບຄໍ້າປະກັນສະບຽງອາຫານໃນຫລາຍແຂວງຍັງທ້າທາຍ - Untitled 1 copy 1 - ສະພາບຄໍ້າປະກັນສະບຽງອາຫານໃນຫລາຍແຂວງຍັງທ້າທາຍ
ສະພາບຄໍ້າປະກັນສະບຽງອາຫານໃນຫລາຍແຂວງຍັງທ້າທາຍ - Untitled design - ສະພາບຄໍ້າປະກັນສະບຽງອາຫານໃນຫລາຍແຂວງຍັງທ້າທາຍ

ກະຊວງສາທາລະນະ​ສຸກ ໃຫ້ຮູ້ວ່າ: ການຈັດຕັ້ງປະຕິບັດກິດຈະກໍາການເຊື່ອມສານວຽກງານສົ່ງເສີມໂພສະນາການໃນຊຸມຊົນ ແລະ ວຽກຮັກສາສຸຂະພາບຂັ້ນຕົ້ນດ້ານໂພສະນາການ ເພື່ອຫລຸດຜ່ອນສະພາບຂາດສານອາຫານຊໍາເຮື້ອຍັງມີຄວາມທ້າທາຍ, ຊຶ່ງມາຮອດປັດຈຸບັນ, ຍັງມີແຂວງ​ຜົ້ງສາລີ, ​ບໍ່​ແກ້ວ, ​ຫົວພັນ ​ແລະ ​ເຊ​ກອງ ເຫັນວ່າສະພາບ​ການຄ້ຳປະກັນ​ສະບຽງ​ອາຫານຢູ່ໃນລະດັບສີ​ແດງ ໝາຍວ່າມີຄວາມຮ້າຍແຮງ, ຂະນະທີ່​​ອັດຕາ​ການ​ຂາດ​ສານ​ອາຫານ​ຊຳ​ເຮື້ອສູງ​ເຖິງ 40% ມີ 11 ​ແຂວງ, ອັດຕາແຕ່ 30-39% ມີ 3 ​ແຂວງ, 20-29% ມີ 3 ​ແຂວງ ​ແລະ ຕໍ່າ​ກວ່າ 20% ມີ 1 ​ແຂວງ. ສ່ວນຕາໜ່າງການບໍລິການ​ສາທາລະນະ​ສຸກ ກໍ​ໄດ້​ຮັບ​ການ​ປັບປຸງ​ໃຫ້​ທັນ​ສະ​ໄໝ ​ແລະ ຄົບ​ຊຸດ​ກວ່າ​ເກົ່າ, ​ໄດ້​ເອົາ​ໃຈ​ໃສ່​ສືບ​ຕໍ່​ຂະຫຍາຍ​ການ​ບໍລິການ​ສຸຂະພາບ​ແມ່ ​ແລະ ​ເດັກ ​ໂດຍ​ໄດ້​ໃຫ້​ບໍລິການ​ກວດ​ທ້ອງ​ແມ່​ມານ​ໄດ້​ທັງ​ໝົດ 34.353 ​ເທື່ອ​ຄົນ ​ແລະ ຊ່ວຍ​ເກີດ​ລູກ​ຢູ່​ຕາມ​ສະຖານ​ທີ່​ບໍລິການ​ສາທາລະນະ​ສຸກ​ໄດ້ 15.095 ຄົນ, ພ້ອມ​ທັງ​ໄດ້​ຈັດຕັ້ງປະຕິບັດ​ນະ​ໂຍບາຍ​ຊ່ວຍ​ເກີດ​ລູກ ​ແລະ ປິ່ນປົວ​ເດັກ​ອາຍຸ​ຕໍ່າ​ກວ່າ 5 ປີ ​ໂດຍ​ບໍ່​ເສຍ​ຄ່າ​ໃນ​ທົ່ວ​ປະ​ເທດ. ຜ່ານ​ການຈັດຕັ້ງປະຕິບັດ​ເຫັນ​ວ່າ​ຕົວ​ເລກ​ບໍລິການ​ຝາກ​ທ້ອງ ​ແລະ ​ເກີດ​ລູກ ​ໂດຍ​ມີ​ແພດ​ຊຳນານ​ງານ​ຊ່ວຍ​ເກີດ​ມີ​ຈຳນວນ​ເພີ່ມ​ຂຶ້ນ ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີຜ່ານມາ (ຕົ້ນປີ 2016 ​ໄດ້ 84% ​ແຕ່​ຕົ້ນປີ 2017 ​ໄດ້ 87%). ວຽກ​ງານ​ກອງ​ທຶນ​ປະກັນ​ສຸຂະພາບ​ມາ​ຮອດ​ຕົ້ນປີ 2017 ​ແມ່ນ​ສາມາດ​ປະຕິບັດ​ໄດ້​ໃນ 12 ​ແຂວງ, 65 ​ເມືອງ ​ເຊິ່ງກວມ​ເອົາ 2 ລ້ານ​ກວ່າ​ຄົນ ​ເທົ່າ​ກັບ 30,7% ຂອງ​ປະຊາກອນ, ອັດຕາ​ການ​ຕາຍ​ຂອງ​ເດັກ​ລຸ່ມ 1 ປີ 41/1.000 ຄົນ (​ແຜນການ 43/1.000 ຄົນ), ອັດຕາ​ການ​ຕາຍ​ຂອງ​ເດັກ​ລຸ່ມ 5 ປີ 53/1.000 ຄົນ (​ແຜນການ 56/1.000), ອັດຕາ​ການ​ຕາຍ​ຂອງ​ແມ່ 179/1.000 ຄົນ (​ແຜນການ 182/1.000 ຄົນ), ອັດຕາ​ການ​ປົກ​ຄຸມ​ຂອງ​ກອງ​ທຶນ​ປະກັນ​ສຸຂະພາບ​ບັນລຸ​ໄດ້ 51%, ອັດຕາ​ການ​ຊົມ​ໃຊ້​ນ້ຳສະອາດ​ບັນລຸ​ໄດ້ 86,6% ​ແລະ ອັດຕາ​ການ​ຊົມ​ໃຊ້​ວິດຖ່າຍ​ຂອງ​ປະຊາຊົນ​ກວມ 70,3%.

ສະພາບຄໍ້າປະກັນສະບຽງອາຫານໃນຫລາຍແຂວງຍັງທ້າທາຍ - Wave100S AD to Website 2020 0 - ສະພາບຄໍ້າປະກັນສະບຽງອາຫານໃນຫລາຍແຂວງຍັງທ້າທາຍ
ສະພາບຄໍ້າປະກັນສະບຽງອາຫານໃນຫລາຍແຂວງຍັງທ້າທາຍ - WhatsApp Image 2020 05 27 at 5 - ສະພາບຄໍ້າປະກັນສະບຽງອາຫານໃນຫລາຍແຂວງຍັງທ້າທາຍ
ສະພາບຄໍ້າປະກັນສະບຽງອາຫານໃນຫລາຍແຂວງຍັງທ້າທາຍ - WhatsApp Image 2020 05 27 at 5 - ສະພາບຄໍ້າປະກັນສະບຽງອາຫານໃນຫລາຍແຂວງຍັງທ້າທາຍ
error: Alert: ເນື້ອຫາຂ່າວມີລິຂະສິດ !!