ທູດຣັດເຊຍຂູ່ອັງກິດກາງກອງປະຊຸມ ສປຊ ກໍລະນີວາງຢາພິດອະດີດສາຍລັບ

ທູດຣັດເຊຍຂູ່ອັງກິດກາງກອງປະຊຸມ ສປຊ ກໍລະນີວາງຢາພິດອະດີດສາຍລັບ - d673294d 75fc 4b2f a384 d1386ffc034f - ທູດຣັດເຊຍຂູ່ອັງກິດກາງກອງປະຊຸມ ສປຊ ກໍລະນີວາງຢາພິດອະດີດສາຍລັບ
ທູດຣັດເຊຍຂູ່ອັງກິດກາງກອງປະຊຸມ ສປຊ ກໍລະນີວາງຢາພິດອະດີດສາຍລັບ - Untitled design - ທູດຣັດເຊຍຂູ່ອັງກິດກາງກອງປະຊຸມ ສປຊ ກໍລະນີວາງຢາພິດອະດີດສາຍລັບ

ທູດຣັດ​ເຊຍ​ຂູ່​ອັງກິດ​ໃນ​ກອງ​ປະຊຸມ​ສະຫະ​ປະຊາ​ຊາດ​ກໍລະນີ​ຖືກ​ກ່າວ​ຫາ​ຢູ່​ເບື້ອງຫລັງ​ການ​ວາງຢາ​ພິດ​ອະດີດ​ສາຍ​ລັບ ​ແລະ ລູກ​ສາວ, ລະບຸ​ອັງກິດ​ກຳລັງ​ຫລິ້ນກັບ​ໄຟ ​ແລະ ຈະ​ຕ້ອງ​ເສຍ​ໃຈ​ທີ່​ສ້າງ​ເລື່ອງ​ນີ້​ຂຶ້ນມາ.

ທູດຣັດເຊຍຂູ່ອັງກິດກາງກອງປະຊຸມ ສປຊ ກໍລະນີວາງຢາພິດອະດີດສາຍລັບ - 5ac66ed6dda4c8f54a8b45e7 420x236 300x169 - ທູດຣັດເຊຍຂູ່ອັງກິດກາງກອງປະຊຸມ ສປຊ ກໍລະນີວາງຢາພິດອະດີດສາຍລັບ

ທ່ານ ວາສຊິ​ລີ ​ເນ​ເບ​ນ​ເຊຍ ທູດຣັດ​ເຊຍ​ປະຈຳ​ສະຫະ​ປະຊາ​ຊາດ ກ່າວ​ວ່າ: ​ເປັນ​ໄປ​ໄດ້​ຫລາຍ​ທີ່​ອົງການ​ສາຍ​ລັບ​ຂອງ​ບາງ​ປະ​ເທດ​ຈະ​ຢູ່​ເບື້ອງຫລັງ​ການ​ວາງຢາ​ພິດ​ທ່ານ ​ເຊີ​ເກ ສກຣີປາລ ອະດີດ​ສາຍ​ລັບ​ສອງ​ໜ້າ​ຂອງຣັດ​ເຊຍ ​ແລະ ນາງ ຢູ​ເລຍ ລູກ​ສາວ ​ແລະ ຫລາຍ​ສິ່ງ​ຫລາຍ​ຢ່າງ​ບົ່ງ​ບອກ​ວ່າ: ​ໄດ້​ມີ​ການ​ຮ່ວມ​ມື​ກັນ ​ແລະ ວາງ​ແຜນ​ເປັນ​ຢ່າ​ງດີ ​ເພື່ອ​ຫວັງ​ໃຊ້​ເຫດການ​ທີ່​ເກີດ​ຂຶ້ນທຳລາຍ​ຄວາມ​ໜ້າ​ເຊື່ອ​ຖື​ຂອງຣັດ​ເຊຍ. ​ເຖິງ​ຢ່າງ​ໃດ​ກໍ​ຕາມ ທ່ານ ​ເນ​ເບ​ນ​ເຊຍ ບໍ່​ຍອມ​ລະບຸ​ຊື່​ອົງການ​ສາຍ​ລັບ​ດັ່ງກ່າວ ​ເຊິ່ງຕ້ອງການ​ເຮັດ​ໃຫ້ຣັດ​ເຊຍ​ຖືກຕັ້ງຄຳ​ຖາມ​ເຖິງ​ຄວາມ​ໄຮ້​ມະນຸດສະທຳ ​ແລະ ບົດບາດ​ຂອງຣັດ​ເຊຍ​ບໍ່​ພຽງ​​ໃນ​ຊີຣີ ລວມທັງ​ບ່ອນ​ອື່ນໆ​ໃນ​ໂລກ​ອີກ​ດ້ວຍ. ພ້ອມ​ກັນນັ້ນ ​ໄດ້​ເຕືອນ​ອັງກິດ ​ແລະ ພັນທະ​ມິດ​ວ່າ​ກຳລັງ​ຫລິ້ນກັບ​ໄຟ ​ແລະ ຈະ​ຕ້ອງ​ເສຍ​ໃຈ​ທີ່​ສ້າງ​ເລື່ອງ​ນີ້​ຂຶ້ນມາ.

ທ່ານ ​ເນ​ເບ​ນ​ເຊຍ ຍັງ​ເນັ້ນອີກ​ວ່າ: ອັງກິດ​ບໍ່​ຍອມ​ໃຫ້ການ​ຮ່ວມ​ມື​ກັບຣັດ​ເຊຍ ທັງ​ທີ່​ເຫຍື່ອ​ເປັນ​ຊາວຣັດ​ເຊຍ ​ແລະ ອາດຊະຍາ​ກຳ​ເກີດ​ຂຶ້ນ​ໃນດິນ​ແດນ​ອັງກິດ ​ເຊິ່ງອາດ​ເປັນ​ການ​ກໍ່​ການ​ຮ້າຍ. ດັ່ງນັ້ນ ຣັດ​ເຊຍ​ຄວນ​ໄດ້​ຮັບ​ອະນຸຍາດ​ເຂົ້າພົບ​ເຫຍື່ອ​ໄດ້. ສ່ວນ​ລູກ​ສາວ​ຂອງ ສກຣີປາລ ​ໄດ້​ຖະ​ແຫລ​ງຜ່ານ​ຕຳຫລວດ​ອັງກິດ​ວ່າ: ອາການ​ຂອງ​ນາງ​ດີ​ຂຶ້ນ​ເປັນ​ລຳດັບ ​ແລະ ຂໍ​ຂອບ​ໃຈ​ທຸກ​ຄົນ​ທີ່​ຊ່ວຍ​​ເຫລືອ​ນາງ ​ແລະ ພໍ່​ທີ່​ຖືກ​ສານພິດ​ທຳລາຍ​ປະສາດ​ຈົນ​ໝົດ​ສະຕິ​ໃນ​ເດືອນ​ມີນາ​ຜ່ານ​ມາ.

ສຳລັບ​ການ​ຂັບ​ໄລ່​ທູດ​ໂຕ້​ຕອບ​ກັນ​ລະຫວ່າງຣັດ​ເຊຍ​ກັບ​ອັງກິດ ​ແລະ ພັນທະ​ມິດ ​ເຊິ່ງຖື​ວ່າ​ຮຸນ​ແຮງ​ທີ່​ສຸດ​ນັບ​ແຕ່​ສະ​ໄໝ​ສົງຄາມ​ເຢັນ​ນັ້ນ, ຫລ້າ​ສຸດ​ອາທິດ​ຜ່ານ​ມາ ຣັດ​ເຊຍ​ສັ່ງ​ຂັບ​ໄລ່​ທູດ​ອາ​ເມ​ລິ​ກາ 60 ຄົນ​ອອກ​ຈາກຣັດ​ເຊຍ​ທັນທີ​ໂຕ້​ຕອບ​ກັບ​ທີ່​ອາ​ເມ​ລິ​ກາ​ສັ່ງ​ຂັບ​ໄລ່​ທູດຣັດ​ເຊຍ​ອອກ​ຈາກ​ອາ​ເມ​ລິ​ກາ​ໃນ​ຈຳນວນ​ດຽວ​ກັນ.

ທູດຣັດເຊຍຂູ່ອັງກິດກາງກອງປະຊຸມ ສປຊ ກໍລະນີວາງຢາພິດອະດີດສາຍລັບ - WhatsApp Image 2020 05 27 at 5 - ທູດຣັດເຊຍຂູ່ອັງກິດກາງກອງປະຊຸມ ສປຊ ກໍລະນີວາງຢາພິດອະດີດສາຍລັບ
ທູດຣັດເຊຍຂູ່ອັງກິດກາງກອງປະຊຸມ ສປຊ ກໍລະນີວາງຢາພິດອະດີດສາຍລັບ - WhatsApp Image 2020 05 27 at 5 - ທູດຣັດເຊຍຂູ່ອັງກິດກາງກອງປະຊຸມ ສປຊ ກໍລະນີວາງຢາພິດອະດີດສາຍລັບ
error: Alert: ເນື້ອຫາຂ່າວມີລິຂະສິດ !!