ປີໃໝ່ລາວຈົ່ງເປັນວາລະການທ່ອງທ່ຽວທີ່ປອດໄພມ່ວນຊື່ນ

ປີໃໝ່ລາວຈົ່ງເປັນວາລະການທ່ອງທ່ຽວທີ່ປອດໄພມ່ວນຊື່ນ - 16473474 1483354375032803 8506568991037409646 n - ປີໃໝ່ລາວຈົ່ງເປັນວາລະການທ່ອງທ່ຽວທີ່ປອດໄພມ່ວນຊື່ນ
ປີໃໝ່ລາວຈົ່ງເປັນວາລະການທ່ອງທ່ຽວທີ່ປອດໄພມ່ວນຊື່ນ - Untitled design - ປີໃໝ່ລາວຈົ່ງເປັນວາລະການທ່ອງທ່ຽວທີ່ປອດໄພມ່ວນຊື່ນ

ໂດຍ: ທິດກ່ຳ

ຄືພວກເຮົາໄດ້ຮັບຮູ້ທົ່ວພັກ, ທົ່ວກອງທັບ ແລະ ທົ່ວປວງຊົນລາວວ່າໃນປີ 2018 ນີ້, ເປັນວະລະປີທ່ອງທ່ຽວລາວ, ກ່ອນຈະມາເຖິງປີນີ້, ທຸກສິ່ງທຸກຢ່າງ ທີ່ພວກເຮົາໄດ້ສ້າງສາພັດທະ ນາ ພາຍໃຕ້ການນຳຊີ້ນຳ-ນຳພາ ຂອງພັກ ແລະ ລັດຖະບານໃນ 40 ກວ່າປີຜ່ານມາ, ພວກເຮົາໄດ້ ຜ່ານຜ່າອຸປະສັກຫລາຍຢ່າງ ແລະ ໄດ້ຮັບໄຊຊະນະຢ່າງຖ້ວມທົ້ນ. ອັນສຳຄັນກວ່າ ໝູ່ໝົດ ແມ່ນ ເຮັດໃຫ້ລະບົບການເມືອງມີສະ ເຖຍລະພາບໝັ້ນຄົງ, ເສດຖະກິດຂະຫຍາຍຕົວໃນລະດັບ 6,9% ໃນປີ 2560 ໃນດ້ານສັງ ຄົມໂດຍລວມມີຄວາມສະຫງົບ ປອດໄພ, ຊີວິດການເປັນຢູ່ຂອງ ປະຊາຊົນກໍນັບມື້ດີຂຶ້ນເປັນລຳດັບ ສະແດງອອກໃນຍອດຜະລິດຕະພັນມາຮອດປັດຈຸບັນສະເລ່ຍ 1.990 ໂດລາຕໍ່ຫົວຄົນ.

 

+ ແຂວງໄຊຍະບູລີຈັດປະຊຸມລະຫວ່າງພາກລັດ ແລະ ພາກທຸລະກິດການທ່ອງທ່ຽວເພື່ອສົ່ງເສີມວຽກງານດັ່ງກ່າວ

+ ບຸນຊ້າງສັນຍານທ່ຽວແຂວງໄຊຍະບູລີ

ເມື່ອບໍ່ດົນມານີ້, ທາງອົງ ການສະຫະປະຊາຊາດກໍໄດ້ ແຈ້ງໃຫ້ພວກເຮົາຮູ້ວ່າ ມາຮອດ ປັດຈຸບັນ, ປະເທດພວກເຮົາໄດ້ ຄົບຕາມຂໍ້ກຳນົດເງື່ອນໄຂມາດ ຖານໃນການຫລຸດພົ້ນອອກສະ ຖານະພາບຄວາມທຸກຍາກ ແລະ ດ້ອຍພັດທະນາ. ຖ້າພວກເຮົາ ຫາກພ້ອມກັນສູ້ຊົນບຸກບືນ ແລະ ເປັນເຈົ້າການເຫັນແກ່ຊາດເປັນ ໃຫຍ່ຄາດວ່າແຜນລົບລ້າງ ຄວາມທຸກຍາກ ແລະ ດ້ອຍພັດທະນາ ໃນປີ 2020 ຂອງພັກ ແລະ ລັດຖະບານວາງອອກຈະ ເປັນໄປຕາມຄາດໝາຍ.

ປີໃໝ່ລາວຈົ່ງເປັນວາລະການທ່ອງທ່ຽວທີ່ປອດໄພມ່ວນຊື່ນ - Wave100S AD to Website 2020 0 - ປີໃໝ່ລາວຈົ່ງເປັນວາລະການທ່ອງທ່ຽວທີ່ປອດໄພມ່ວນຊື່ນ

ແນວໃດກໍຕາມ, ເທົ່າທີ ທິດ ກ່ຳ ຄິດວ່າ ກວ່າຈະໄປຮອດມື້ ສະຫລອງຜົນງານອັນຍິ່ງໃຫຍ່ ກໍຄືມື້ປະກາດປະເທດລາວໄດ້ ຫລຸດອອກຈາກຄວາມທຸກຍາກ ແລະ ດ້ອຍພັດທະນາພວກ ເຮົາ ຕ້ອງໄດ້ພ້ອມກັນສືບຕໍ່ເຮັດພາລະກິດຫລາຍຢ່າງ. ໂອກາດທີ່ ຈະເປັນວາລະນາທີ ທອງອີກອັນ ໜຶ່ງກໍ ແມ່ນປີໃໝ່ລາວ ທີ່ພວມ ຈະກ້າວເຂົ້າມາເຖິງພວກເຮົາ ຕ້ອງເຮັດໃຫ້ການ ສະຫລອງປີ ໃໝ່ກາຍ ເປັນໂອກາດຊອກເງິນ ຫາຄຳເຂົ້າຖົງເຂົ້າໄຖ່ຂອງ ຜູ້ປະກອບຫາລາຍໄດ້ທີ່ຖືກ ຕ້ອງຕາມກົດໝາຍ, ຖ້າຈະເວົ້າ ໃຫ້ແຈ້ງກໍແມ່ນການຫັນເອົາປີ ໃໝ່ ເປັນວາລະ ການທ່ອງທ່ຽວ ທາງດ້ານວັດທະນະທຳ ແລະ ທຳມະຊາດ. ນອກຈາກນັ້ນ, ກໍ ຈະມີຂະບວນການອື່ນໆ ທີ່ປິ່ນ ອ້ອມຢ່າງຫລວງຫລາຍເຊັ່ນ: ການຈຳໜ່າຍສິນຄ້າ, ການບໍ ລິການທ່ອງທ່ຽວ ແລະ ບໍລິ ການກິນດື່ມ ແລະ ມ່ວນຊື່ນອັນ ຈະເປັນວິທີການຫາເງິນດຶງດູດ ແຂກ ຄົນ ແລະ ນັກທ່ອງທ່ຽວໄດ້ ເປັນຢ່າງດີ.

ສຳລັບປະເທດລາວເຮົາ ແລ້ວ, ໃນຂະບວນການ ຫລື ກິດ ຈະກຳອັນໃຫຍ່ຫລວງຕາມຮີດ ຄອງປະເພນີອີກອັນໜຶ່ງກໍແມ່ນ ບຸນປີໃໝ່ລາວຄືດັ່ງທີ່ມານີ້, ຍ້ອນ ມັນເປັນສັນຍາລັກໜຶ່ງ ທີ່ ມີຄວາມ ໝາຍທາງດ້ານປະຫວັດສາດ ແລະ ວັດທະນະທຳຂອງຊາດ ລາວ, ຄົນລາວແຕ່ສິ່ງທີ່ໜັກ ໃຈສຳລັບທິດກ່ຳນັ້ນກໍເປັນຫວ່ງເລື່ອງຄວາມພ້ອມ, ຄຳວ່າ ຄວາມພ້ອມນີ້ມັນກໍກວມ ລວມ ໄປຫລາຍ ບັນຫາເພາະໃນຜ່ານໆ ມາໃຜ ກໍເຫັນແກ່ແຕ່ລາຍໄດ້ໂດຍ ບໍ່ຄຳ ນຶງເຖິງຄວາມຍືນຍົງ ແລະ ກິດແບບຍາວນານ, ຈຸດພິເສດ ຂອງຄົນລາວເຮົາມັກເຮັດຕາມ ສຸພາ ສິດທີ່ເຄີຍເວົ້າວ່າ: “ຍາມນ້ຳ ຂຶ້ນໃຫ້ຮີບຕັກຍາມຜູ້ສາວມັກ ໃຫ້ຮີບເອົາ” ແຕ່ພັດກົງກັນຂ້າມ ໃນຄວາມພ້ອມທາງດ້ານບໍລິ ການຕ່າງໆ ເຊິ່ງເບິ່ງຢ່າງໜຶ່ງພັດ ໄປທາງກົງກັນຂ້າມ ເວົ້າຄັກແຕ່ ເຮັດບໍ່ໄດ້, ຫລື ເຮັດໄດ້ພັດຢາກ ໄດ້ມື້ໜຶ່ງຍາມດຽວອັນເປັນເຫດ ໃຫ້ມີຜົນກະທົບ ໃນເຊີງທາງບວກ ແລະ ທາງລົບຕົວຢ່າງຄ່າບັດເຂົ້າ ຊົມສະຖານທີ່ທ່ອງທ່ຽວກໍແພງ, ການບໍລິການຂາຍບັດຂາຍປີ້ ເຂົາ ຊົມກໍຊັກຊ້າ, ທັງມີຫລາຍຂັ້ນ ຫລາຍຕອນ, ລາຄາສິນຄາກໍຂຶ້ນ ແບບຫູດັບຕັບໄໝ້ປີ້ງໄກ່ໂຕລະ ເຈັດແປດສິບ, ບັ້ງເຂົ້າຫລາມບັ້ງ ລະສອງສາມໝື່ນ, ຕ່ຳໝາກຮຸ່ງ ຄົກລະສາມສີ່ສິບ, ເບິ່ງຜູ້ຕຳທັງ ຫຸບສິ້ນຫຸບເສື້ອເຫື່ອໄຫລໄຄຍ້ອຍ. ຊ້ຳບໍ່ໜຳກວ່າຈະເອົາເຂົ້າທ້ອງ ໄດ້ນັ່ງຖ້າເປັນສິບຊາວນາທີ, ລາມ ໄປຮອດເຄື່ອງກິນ ເຄື່ອງດື່ມ, ການບໍລິການໃນບ້ານພັກໂຮງ ແຮມກໍບໍ່ສົມເຫດສົມຜົນຄືດັ່ງ ເຂົາຊ່າກັນໃນຜ່ານມາ.

ເຖິງຢ່າງໃດກໍດີ, ທິດກ່ຳ ຫວັງວ່າປີໃໝ່ລາວປີນີ້ຈະເປັນ ທີ່ຄົນລາວເຮົາພ້ອມພາກັນທ່ຽວ ຢູ່ພາຍໃນປະເທດຜູ້ຢູ່ໃຕ້ໄປພາກ ເໜືອ, ຜູ້ຢູ່ເໜືອກໍເຖືອລົງໃຕ້ ຜູ້ໄດ້ມ່ວນໄດ້ຊື່ນແທ້ໆແມ່ນ ທ່ຽວຢູ່ນະຄອນຫລວງວຽງຈັນ ຢະເອີຍ./.

ປີໃໝ່ລາວຈົ່ງເປັນວາລະການທ່ອງທ່ຽວທີ່ປອດໄພມ່ວນຊື່ນ - 16473474 1483354375032803 8506568991037409646 n - ປີໃໝ່ລາວຈົ່ງເປັນວາລະການທ່ອງທ່ຽວທີ່ປອດໄພມ່ວນຊື່ນ
(ພາບປະກອບ)
ປີໃໝ່ລາວຈົ່ງເປັນວາລະການທ່ອງທ່ຽວທີ່ປອດໄພມ່ວນຊື່ນ - WhatsApp Image 2020 05 27 at 5 - ປີໃໝ່ລາວຈົ່ງເປັນວາລະການທ່ອງທ່ຽວທີ່ປອດໄພມ່ວນຊື່ນ
ປີໃໝ່ລາວຈົ່ງເປັນວາລະການທ່ອງທ່ຽວທີ່ປອດໄພມ່ວນຊື່ນ - WhatsApp Image 2020 05 27 at 5 - ປີໃໝ່ລາວຈົ່ງເປັນວາລະການທ່ອງທ່ຽວທີ່ປອດໄພມ່ວນຊື່ນ
error: Alert: ເນື້ອຫາຂ່າວມີລິຂະສິດ !!