ສຸກອາພອນ-ສຸກທະວີ ຫວນຄືນຊ່ວຍ ເອັສຣາ ລ່າແຊ້ມບານເຕະສາຍ ກ ໃຫ້ຮ້ອນແຮງ

ສຸກອາພອນ-ສຸກທະວີ ຫວນຄືນຊ່ວຍ ເອັສຣາ ລ່າແຊ້ມບານເຕະສາຍ ກ ໃຫ້ຮ້ອນແຮງ - hr3y6xkv copy - ສຸກອາພອນ-ສຸກທະວີ ຫວນຄືນຊ່ວຍ ເອັສຣາ ລ່າແຊ້ມບານເຕະສາຍ ກ ໃຫ້ຮ້ອນແຮງ
ສຸກອາພອນ-ສຸກທະວີ ຫວນຄືນຊ່ວຍ ເອັສຣາ ລ່າແຊ້ມບານເຕະສາຍ ກ ໃຫ້ຮ້ອນແຮງ - Untitled design - ສຸກອາພອນ-ສຸກທະວີ ຫວນຄືນຊ່ວຍ ເອັສຣາ ລ່າແຊ້ມບານເຕະສາຍ ກ ໃຫ້ຮ້ອນແຮງ

ບານ​ເຕະ ສາຍ ກ ຫລື ລາວ​ດິວິ​ຊັນ 1 ກຳລັງ​ຮ້ອນ​ແຮງ ພາຍຫລັງ​ ​ເອັສຣາ ​ເອັຟຊີ ​ໄດ້​ເປີດ​ເຜີຍ​ຜ່ານ​ເຟສບຸກຂອງ​ສະ​ໂມ​ສອນ​ວ່າ: ສຸກ​ອາພອນ ວົງ​ຈຽງ​ຄຳ ກອງ​ໜ້າ​ປະສົບ​ການ​ສູງ ​ແລະ ສຸກ​ທະວີ ສູນ​ດາລາ ຜູ້​ຮັກສາ​ປະຕູ ທີ່​ເປັນ​ເດັກ​ປັ້ນຂອງ ​ເອັສຣາ ​ໂດຍ​ທັງ​ສອງ​ເຄີຍ​ເປັນ​ນັກ​ເຕະ​ຂອງ​ທີ​ມຊາດ​ລາວ​ທຸກ​ຊຸດ​ມາ​ແລ້ວ ຕົກລົງ​ຮ່ວມ​ກັບ​ຄືນ​ມາ ​ເອັສຣາ ​ເອັຟຊີ ​ເຂົ້າຮ່ວມ​ການ​ແຂ່ງຂັນ​ບານ​ເຕະ ສາຍ ກ ປະຈຳ​ປີ 2018.

ນອກຈາກ​ນີ້, ​ເອັສຣາ ຍັງ​ຈະ​ໄດ້​ທາ​ບທາມ​ນັກ​ເຕະ​ທີ່​ເຄີຍ​ຫລິ້ນ​ໃຫ້ ​ເອັສຣາ ຈຳນວນ​ໜຶ່ງ​ມາ​ຊ່ວຍສະ​ໂມ​ສອນ​ປະສົມ​ປະສານ​ກັບ​ນັກ​ເຕະ​ໜຸ່ມ​ນ້ອຍ​ຂອງ​ສະ​ໂມ​ສອນ ​ໂດຍ​ສະ​ເພາະ​ກອງ​ໜ້າ​ທີ​ມຊາດ​ລາວ ຮຸ່ນ​ອາຍຸ 16 ປີ ​ໂຈ​ນີ້ ​ແຫວນ​ປະ​ເສີດ ທີ່​ມີ​ຜົນງານ​ດີ​ທັງ​ສະ​ໂມ​ສອນ ​ແລະ ລະດັບ​ຊາດ ​ເພື່ອ​ມາ​ທວງ​ຄວາມ​ຍິ່ງ​ໃຫຍ່​ໃນ​ບານ​ເຕະ​ ສາຍ ກໍ ປະຈຳ​ປີ 2018.

ສຳລັບ ​ເອັສຣາ ​ເອັຟຊີ ​ເຄີຍ​ເຂົ້າຮ່ວມ​ການ​ແຂ່ງຂັນ​ບານ​ເຕະ ລາວ​ພຣີ​ເມຍ​ລີກ 2016 ສາມາດກູ້​ໜ້າ​ໄດ້​ຢ່າງ​ໜ້າ​ປະ​ທັບ​ໃຈ ພາຍ​ໃຕ້​ການ​ນຳ​ທີ​ມຂອງ ສຸກ​ອາພອນ ທີ່​ເປັນ​ທັງ​ຄູ​ຝຶກ ​ແລະ ຫົວໜ້າ​ທີ​ມ ພາ​ທີ​ມຍຶດອັນ​ດັບ​ທີ 10 ຂອງ​ຕາຕະລາງ ຈາກ​ການ​ແຂ່ງຂັນ​ທັງ​ໝົດ 14 ທີ​ມ ​ເພາະ​ປີ 2015 ​ເອັສຣາ ຢູ່​ອັນ​ດັບ​ສຸດ​ທ້າຍ​ຂອງ​ຕາຕະລາງ ​ເຮັດ​ໃຫ້ການ​ແຂ່ງຂັນ​ບານ​ເຕະ ສາຍ ກ 2018 ທີ່​ຈະ​ເປີດ​ສາກ​ຂຶ້ນ​ໃນ​ທ້າຍ​ເດືອນ​ເມສາ​ນີ້ ​ເອັສຣາ ກາຍ​ເປັນ​ຕົວ​ເຕັງ​ແຊ້ມທັນທີ.

​ເຖິງ​ຢ່າງ​ໃດ​ກໍ​ຕາມ, ກອງທັບ ​ເອັຟຊີ ພ້ອມ​ຈະ​ປ້ອງ​ກັນ​ແຊ້ມ ​ໂດຍ​ທ່ານ ​ໄກສອນ ​ໄຊ​ຍະ​ວົງ ຫົວໜ້າ​ຄູ​ຝຶກ​ຂອງ​ກອງທັບ ​ເອັຟຊີ ຊຸດ​ແຊ້ມບານ​ເຕະ​ສາຍ ກ 2017 ​ເປີດ​ເຜີຍ​ວ່າ: ບານ​ເຕະ​ສາຍ ກ 2018 ນີ້​ຈະ​ຄຶກຄັກ​ກວ່າ​ປີຜ່ານມາ​ແນ່ນອນ ​ເພາະ​ມີ​ຫລາຍ​ທີ​ມ​ເຂົ້າຮ່ວມ ​ແລະ ​ແນ່ນອນ​ການ​ປ້ອງ​ກັນ​ແຊ້ມປີ​ນີ້​ມັນ​ກໍ​ຍາກ​ຂຶ້ນ ​ໂດຍ​ສະ​ເພາະ ​ເອັສຣາ ທີ່​ຈະ​ມີ​ນັກ​ເຕະ​ທີ​ມຊາດ​ມາ​ຊ່ວຍ​ທີ​ມ ​ໂດຍ​ສະ​ເພາະ ສຸກ​ອາພອນ ​ແລະ ສຸກ​ທະວີ. ​ເຖິງ​ຢ່າງ​ໃດ​ກໍ​ຕາມ ຈະ​ເຮັດ​ໃຫ້​ດີ​ທີ່​ສຸດ​ຄື​ຫວັງ​ປ້ອງ​ກັນ​ແຊ້ມ ​ແລະ ຖ້າ​ບໍ່​ໄດ້ກໍ​ຂໍ​ຕິດ 1 ​ໃນ 2 ​ໃຫ້​ໄດ້.

ສຸກອາພອນ-ສຸກທະວີ ຫວນຄືນຊ່ວຍ ເອັສຣາ ລ່າແຊ້ມບານເຕະສາຍ ກ ໃຫ້ຮ້ອນແຮງ - Wave100S AD to Website 2020 0 - ສຸກອາພອນ-ສຸກທະວີ ຫວນຄືນຊ່ວຍ ເອັສຣາ ລ່າແຊ້ມບານເຕະສາຍ ກ ໃຫ້ຮ້ອນແຮງ
ສຸກອາພອນ-ສຸກທະວີ ຫວນຄືນຊ່ວຍ ເອັສຣາ ລ່າແຊ້ມບານເຕະສາຍ ກ ໃຫ້ຮ້ອນແຮງ - WhatsApp Image 2020 05 27 at 5 - ສຸກອາພອນ-ສຸກທະວີ ຫວນຄືນຊ່ວຍ ເອັສຣາ ລ່າແຊ້ມບານເຕະສາຍ ກ ໃຫ້ຮ້ອນແຮງ
ສຸກອາພອນ-ສຸກທະວີ ຫວນຄືນຊ່ວຍ ເອັສຣາ ລ່າແຊ້ມບານເຕະສາຍ ກ ໃຫ້ຮ້ອນແຮງ - WhatsApp Image 2020 05 27 at 5 - ສຸກອາພອນ-ສຸກທະວີ ຫວນຄືນຊ່ວຍ ເອັສຣາ ລ່າແຊ້ມບານເຕະສາຍ ກ ໃຫ້ຮ້ອນແຮງ
error: Alert: ເນື້ອຫາຂ່າວມີລິຂະສິດ !!