ປະທານກວດກາພັກ-ລັດ ສູນກາງແນວລາວສ້າງຊາດລົງເຄື່ອນໄຫວເຮັດວຽກຢູ່ເມືອງລະມາມ

ເຊົ້າວັນທີ 5 ເມສານີ້, ທ່ານ ນ ຄຳຈັນ ພົມແສງສະຫວັນປະ ທານກວດກາພັກ-ລັດສູນກາງ ແນວລາວສ້າງຊາດພ້ອມຄະນະ ໄດ້ລົງເຄື່ອນໄຫວເຮັດວຽກຢູ່ ຫ້ອງການແນວລາວສ້າງຊາດ ເມືອງລະມາມ ແຂວງເຊກອງ ເພື່ອຮັບຟັງການລາຍງານສະ ພາບເຄື່ອນໄຫວວຽກແນວລາວ ສ້າງຊາດຢູ່ ເມືອງລະມາມ ຈາກ ທ່ານ ວິໄຊ ຈິດຕະວົງ ຮອງປະ ທານແນວລາວສ້າງຊາດເມືອງ ເຊິ່ງທ່ານໄດ້ຍົກໃຫ້ເຫັນພາລະ ບົດບາດຂອງໜ່ວຍງານກວດ ກາແນວລາວສ້າງຊາດແມ່ນໄດ້ ກວດກາຕາມພາລະບົດບາດ, ສິດ ແລະ ໜ້າທີ່ກວດກາ-ພັກລັດ ໂດຍສະເພາະແມ່ນກວດກາ ການຈັດຕັ້ງປະຕິບັດວຽກງານ ຂອງຄະນະກຳມະການແນວ ລາວສ້າງຊາດແຕ່ລະຂັ້ນຄື: ຂັ້ນ ບ້ານ, ຂັ້ນເມືອງທີ່ປະຕິບັດໜ້າ ທີ່ບໍ່ຖືກຕ້ອງສອດຄອງຕາມ ລະບຽບກົດໝາຍ ແລະ ນະໂຍ ບາຍຂອງພັກ-ລັດວາງອອກ, ໃນໄລຍະການປ່ຽນແປງໃໝ່.

+ ປະທານກວດກາກະຊວງ ຜທ ເນັ້ນໃຫ້ຖືວຽກກວດກາເປັນທິດນໍາພາ

+ ຮອງປະທານປະເທດເນັ້ນໃຫ້ເພີ່ມທະວີປົກປັກຮັກສາປ່າໄມ້ໃຫ້ມີຄວາມຍືນຍົງ.

ສ່ວນວຽກງານກວດກາ ແມ່ນແນໃສ່ສຶກສາອົບຮົມເຕົ້າ ໂຮມຄວາມສາມັກຄີຂອງປະ ຊາຊົນບັນດາເຜົ່າ, ເຈົ້າກົກເຈົ້າ ເຫລົ່າເຖົ້າແກ່ສາສະນິກະຊົນ, ນັກຮຽນຮູ້ປັນຍາຊົນຕ່າງໆ.
ໂອກາດນີ້, ທ່ານ ນາງ ຄຳຈັນ ພົມແສງສະຫວັນກໍ ໄດ້ໃຫ້ທິດຊີ້ນຳໃນການເຄື່ອນ ໄຫວວຽກງານກວດກາພັກ- ລັດຢູ່ ເມືອງລະມາມ ໂດຍສະ ເພາະແມ່ນການພັດທະນາຊີ ວິດການເປັນ ຢູ່ຂອງປະຊາ ຊົນບັນດາເຜົ່າທີ່ທຸກຍາກຢູ່ ໃນ 2 ບ້ານ ແລະ ເຂດຫ່າງ ໄກສອກຫລີກຮຽກຮ້ອງ ມາຍັງຄະນະກຳມະການ ແນວລາວສ້າງຊາດຂັ້ນ ເມືອງ ເອົາໃຈໃສ່ຊີ້ນຳວຽກ ງານກວດກາແນວລາວສ້າງ ຊາດໃຫ້ເຂັ້ມແຂງ ແລະ ເອົາ ໃຈໃສ່ຕິດຕາມກວດກາວຽກ ງານພາຍໃນ-ພາຍນອກ ຂອງວຽກງານແນວລາວ ສ້າງຊາດຢູ່ເມືອງລະມາມ ຢ່າງເຂັ້ມງວດ./.