ການສ້າງສຸຂະອະນາໄມທີ່ດີໃນຫ້ອງນ້ຳ

ຫ້ອງນຳ້ສາທາລະນະເປັນສະຖານທີ່ໆມີຜູ້ຄົນມາໃຊ້ບໍລິການເປັນຈຳນວນຫລາຍຕໍ່ມື້ ຈຶ່ງເປັນແຫ່ລງເພາະພັນເຊື້ອພະຍາດຈຳນວນຫລາຍ ແລະ ອາດເປັນສາເຫດໃຫ້ມີໂອກາດຕິດເຊື້ອພະຍາດຈາກຫ້ອງນຳ້ສາທາລະນະໂດຍບໍ່ຮູ້ໂຕ.

    – ເຊື້ອພະຍາດໃນຫ້້ອງນຳ້ແບ່ງອອກເປັນ 2 ກຸ່ມໃຫຍ່ໆ ຄື :

1. ເຊື້ອພະຍາດກຸ່ມພະຍາດຕິດຕໍ່ທາງເພດສຳພັນ ເຊັ່ນ : ເຊື້ອໜອງໃນ, ເຊື້ອຕຸ່ມຜື່ນ, ຕຸ່ມເປື່ອຍ ເປັນຕົ້ນ.
2. ເຊື້ອທີ່ເຮັດໃຫ້ເກີດພະຍາດທາງທໍ່ອາຫານ ເຊັ່ນ : ເຊື້ອພະຍາດຖອກທ້ອງ, ເຊື້ອໄວຣັສຕັບອັກເສບຊະນິດອາ ເປັນຕົ້ນ.

     – ເຊື້ອພະຍາດຢູ່ບ່ອນໃດ ?

ລີ້ຢູ່ຕາມຈຸດຕ່າງໆຂອງຫ້ອງນຳ້ ເຊັ່ນ : ຊັກໂຄກ, ອ່າງລ້າງມື ຫລື ແມ່ນແຕ່ລູກບິດປະຕູ.

     – ເຂົ້າສູ່ຮ່າງກາຍແນວໃດ ?

ເຊື້ອພະຍາດຈະຊຶມເຂົ້າສູ່ຮ່າງກາຍຜ່ານທາງຜິວໜັງທີ່ມີບາດແຜ ຫລື ສຳຜັດແລ້ວໄປຈັບອາຫານເຂົ້າປາກ ກໍເປັນອີກໜຶ່ງຫົນທາງທີ່ໄດ້ຮັບເຊື້ອພະຍາດເຕັມຮ້ອຍ.

    – ຄຳແນະນຳ :

1. ຢ່າສຳຜັດໂດຍກົງກັບສິ່ງຕ່າງໆໃນຫ້ອງນຳ້ ຄວນໃຊ້ເຈ້ຍ.
2. ເຮັດຄວາມສະອາດຝາຮອງຊັກໂຄກກ່ອນນັ່ງ ໂດຍເຈ້ຍອະນາໄມປຽກ ຫລື ແຜ່ນຮອງນັ່ງສຳເລັດຮູບ.
3. ໃຊ້ເວລາເຂົ້າຫ້ອງນຳ້ໃຫ້ໜ້ອຍທີ່ສຸດ.
4. ປິດຝາຊັກໂຄກກ່ອນກົດ ເພື່ອປ້ອງກັນເຊື້ອພະຍາດແຜ່ກະຈາຍໃນອາກາດ.
5. ບໍ່ຢຽບໂຖຊັກໂຄກ.
6. ບໍ່ຕັກນຳ້ທີ່ເປີດໄວ້ແລ້ວ, ແຕ່ຄວນໂຕ່ງຈາກກັອກໂດຍກົງ.
7. ຫາກເປັນສາຍຢາງສີດກໍໃຫ້ໄຫລຖິ້ມປະມານ 1 ນາທີ.
8. ລ້າງມືທຸກເທື່ອຫລັງເຂົ້າຫ້ອງນຳ້.

9.​ ນອກຈາກສຸຂະອະນະໄມຂອງໂຕເອງແລ້ວ ຕ້ອງຄິດເຖິງຄວາມສະອາດສຳລັບຜູ້ທີ່ຈະມາໃຊ້ຕໍ່ຈາກເຮົານຳ.