ຮອດປີໃໝ່ຈໍາປາຫອມ, ດອກຄູນບານ, ດອກຈານເຮື່ອ.

- Untitled design - ຮອດປີໃໝ່ຈໍາປາຫອມ, ດອກຄູນບານ, ດອກຈານເຮື່ອ.

- Untitled 1 4 - ຮອດປີໃໝ່ຈໍາປາຫອມ, ດອກຄູນບານ, ດອກຈານເຮື່ອ.ໂດຍ: ທິດ​ກໍ່າ

​ໃນ​ປະ​ໂຫຍ​ກທີ່​​ຕັ້ງ​ຂຶ້ນ​ນີ້​ ມັນ​ສາມາດ​ຕີ​ຄວາມ​ໝາຍ​ໄປ​ໄດ້ຫລາຍ​ຢ່າງ ,ໂດຍ: ທິດ​ກໍ່າຣັ່ງຮອບ 2 ຈະ​ມີ​ຂຶ້ນ​ໃນ​ວັນ​ທີ 7 ພຶດສະພາ​ນີ້.​ດີ. ​ທ້ວງ​ຫລາຍ​ຄົນ​ພາກັນ​ຈູດ​ໄຟ​ເຜົາ​ລົດຍົນ, ຂະນະ​ທີ່​ກຸ່ມ​ຜູ້​ສະໜັບມີ​ທັງ​ຄວາມ​ໝາຍ​ເລິກ, ຄວາມໝາຍ​ແປນ ​ແລະ ​​ຄວາມ​ໝາຍ​ຕື້ນ. ​ໃນ​ຄວາມ​ໝາຍ​ແປນ​ກັບ​ຄວາມ​ໝາຍ​ຕື້ນ​ນີ້​ມັນ​ກໍ​ເປັນຄວາມຈິງ​ຢູ່​ວ່າ ​ເມື່ອ​ເຖິງ​ຍາມ​ປີ​ໃໝ່​ມາ​ຮອດ​ແລ້ວ ​ບໍ່​ວ່າ​ດອກ​ຈໍາປາ, ດອກ​ຄູນ, ດອກຈານ, ດອກ​ຈິກ, ດອກ​ຮັງ ​ແລະ ​ດອກ​ໄມ້​ນາໆຊະນິດ​ມັນ​ບານ​ເຮືອງ​ເຮື່ອ​ເຕັມ​ບ້ານ​ເຕັມ​ເມືອງ ​ແລະ ​ເຕັມ​ປ່າ​ເຕັມ​ດົງ. ນີ້​ກໍ​ຖື​ວ່າ​ນັກ​ຕັກ​ກະສາດບູຮານ, ນັກ​ໂຫລາ​ສາດ, ນັກ​ຫັກ​ໄມ້​ໄລ່​ຍາມ​ຮຸ້ນ​ກ່ອນ​ຜູ້​ພາ​ຕັ້ງ​​ເອົາ​ມື້, ​ເອົາ​ວັນ, ​ເອົາ​ເດືອນ, ​ເອົາ​ປີ​ ມາ​ເປັນ​ປີ​ໃໝ່​ມັນ​ກາຍ​ມາ​ເປັນ​ວິ​ທະ​ສາດ​ໃນ​ຍຸກ​ເຕັກ​ໂນ​ໂລ​ຊີທີ່​ທັນ​ສະ​ໄໝ ​ເພາະໃນ​ພຶດຕິ​ກໍາ​ຕົວ​ຈິງ​ພໍ​ເຖິງ​ຍາມ​ປີ​ໃໝ່​ ຫລືວ່າ ​ລະດູບານ​ໃໝ່​ມາຮອດ​ແລ້ວ ​ປວງ​ຊົນ​ລາວ​ເຮົາ​ທັງ​ຊາດ​ກໍ​ພາກັນເອົາ​ດອກໄມ້​ທີ່​ວ່າ​​ນີ້​ມາ​ປະກອບ​ກັບ​ພິທີ​ກໍາ​ຂອງ​ຕົນ​ໃນ​ໂອກາດ​ປີ​ໃໝ່​​ເຊັ່ນ: ​ເອົາ​ມາປະ​ດັບ​ປະດາ​ຕົກ​ແຕ່ງ​ພາ​ຂວັນ, ​ເກັບ​ເອົາ​ມາ​ບູ​ຊາ​ໃນ​ວັນ​ສິນ​ວັນ​ພະ​ຢູ່​ຕາມ​ເຮືອນ, ວັດວາ​ອາ​ຮາມ​ ແລະ ບ່ອນ​ສັກສິດ​ຕ່າງໆ. ຖື​ວ່າ​ນັບ​ແຕ່​ມື້​ນັ້ນ​ມາດ​ອກຈໍາປາ​ຈຶ່ງ​ກາຍ​ເປັນ​ດອກ​ໄມ້​ປະຈໍາ​ຊາດ​ຂອງ​ພວກ​ເຮົາ​​ເທົ່າຜອງ​ທຸກ​ວັນ​ນີ້​.  ນີ້ລະ​​ຄື​ຄວາມ​ໝາຍ​ແປນ​ທີ່​ຜູ້​ຂຽນ​ຢາກຍົກ​ຂຶ້ນ​ມາ​ເວົ້າ.

ສ່ວນວ່າ​ຄວາມ​ໝາຍ​ເລິກ​ນັ້ນ ມັນ​ກໍ​ມີ​ຢູ່​ວ່າ​ພໍ​ເຖິງ​ຍາມ​ປີ​ໃໝ່​ ຫລືວ່າ​ ລະດູບານ​ໃໝ່​ມາ​ຮອດ​ມາ​ເຖິງແລ້ວ, ປວງ​ຊົນ​ລາວ​ທັງ​ຊາດ, ທຸກ​ຊົນ​ຊາດ​ຊົນ​ເຜົ່າ​ກໍ​ພ້ອມ​ກັນ​ເບີກບານ​ມ່ວນ​ຊື່ນ​ຕ້ອນຮັບ​ສົ່ງ​ທ້າຍ​ປີ​ເກົ່າ​ຕ້ອນຮັບ​ປີ​ໃໝ່​ດ້ວຍມານະ​ຈິດ​ ແລະ ບັນຍາກາດ​ອັນ​ມ່ວນ​ຊື່ນຄຶກຄື້ນ.​ ໃນ​ພຶດຕິ​ກໍາ​ຕົວ​ຈິງ​ທີ່​ໄດ້​ສະ​ແດງ​ອອກ​ນັ້ນ​ກໍ​ມີ​ສຽງ​ຂັບ​ສຽງ​ລໍາ, ມີ​ມະ​ໂຫລີ​ດົນຕຣີ​ເສບມີ​ການ​ອວຍພອນ​ກັນ​ດ້ວຍ​ຝ້າຍຜູກ​ແຂນ​ ແລະ ​ຫົດສົງດ້ວຍ​ນ້ຳ​ບໍລິສຸດ, ມີ​ການ​ຜູກ​ຂໍ່ຕໍ່​ແຂນ, ສົມ​ມາ​ຄາລະວະ​ຕາມ​ຮີດຄອງ​ປະ​ເພນີ ​ແລະ ​ວັດທະນະ​ທໍາ​ອັນ​ດີງາມ​ຂອງ​ຊາດ. ຈາກ​ສິ່ງ​ນີ້​ລະ​ມັນ​ກໍ​ປຽບ​ເໝືອນ ​ແລະ ​ສະ​ແດງ​ໃຫ້​ເຫັນ​ເຖິງ​ຄວາມ​ອົບ​ອຸ່ນ, ຄວາມຮັກ​ຄວາມ​ສາມັກຄີ, ຄວາມ​ເປັນ​ປຶກ​​ແຜ່ນ​ແໜ້ນໜາ​ພ້ອມ​ກັນ​ເຮັດ​ໂຮມ​ກັນ​ສ້າງ​ຢູ່​ອ້ອມ​ຂ້າງ​ພັກ ຫລື ​ບໍ່​ກໍ​ປຽບເໝືອນໝູ່​ດາວລ້ອມ​ເດືອນ​ທີ່​ໃຫ້​ແສງ​ສະຫວ່າງ​ແກ່​ພື້ນ​ພິພົບ​ໃນ​ຍາມ​ຣາຕຣີການ.

- Wave100S AD to Website 2020 0 - ຮອດປີໃໝ່ຈໍາປາຫອມ, ດອກຄູນບານ, ດອກຈານເຮື່ອ.

ຄວາມ​ໝາຍ​ໃນ​ປະ​ໂຫຍ​ກຂ້າງ​ເທິງ​ທີ່​ຜູ້​ຂຽນ​ໄດ້​ຕັ້ງ​ຂຶ້ນ​ເປັນ​ບັນຫາ​ເພື່ອ​ແກະ​ໄງ້​ມາ​ເລົ່າ​ສູ່​ກັນ​ຟັງ​ ເຊິ່ງ​ໃນ​ຄວາມ​ເປັນ​ຈິງ​ແລ້ວ​ໃນ​ໜຶ່ງ​ປີ​ທີ່​ຜ່ານ​ມາ​ພາຍ​​ໃຕ້​ການ​ນໍາພາ​ຂອງ​ພັກ ​ແລະ​ ລັດຖະບານ ພວກ​ເຮົາ​ກໍ​ສາມາດມີ​ຜົນງານອັນ​ຍິ່ງ​ໃຫຍ່ຫລາຍ​ດ້ານ. ​ເວົ້າ​ໄດ້​ວ່າ​ເກືອບ​ທຸກ​​ຂົງ​ເຂດ​ເສດຖະກິດ​-ສັງຄົມ, ​ວັດທະນະ​ທໍາ​ໄດ້​ເດີນໜ້າ​ໄປຕິກໆ. ຕາມ​ເຮົາ​ວ່າ, ກວ່າ​ຈະ​ມາ​ເຖິງ​ຈຸດ​ນີ້​ໃນ​ໜຶ່ງ​ປີຜ່ານມາ​ພວກ​ເຮົາ​ກໍ​ມີ​ອັນ​ສະດວກ ​ແລະ ​ຫຍຸ້ງຍາກ. ​ໃນ​ຄໍາ​ວ່າ​ສະດວກ​ນັ້ນ ພວກ​ເຮົາ​ໄດ້​ມີ​ພັກ ​ແລະ ​ລັດຖະບານ​ນໍາພາ​ສ້າງສາ​ບ້ານ​ເມືອງ​ນັບ​ແຕ່​ບາດກ້າວ​ເລີ່ມຕົ້ນ​ຈົນມາ​ຮອດ​ໄລຍະສ້າງສາ​ພັດທະນາຢ່າງ​ກ້າວ​ກະ​ໂດດ​ຂັ້ນ. ສ່ວນວ່າ​ອັນ​ຫຍຸ້ງຍາກ​ນັ້ນ ພວກ​ເຮົາ​ໄດ້​ຜ່ານອຸປະສັກ​ນາໆ​ປະການ​ເຊັ່ນ: ມີ​ກຸ່ມ​ຄົນ​ທີ່​ບໍ່​ຫວັງ​ດີ​ຄອຍ​ຕໍ່ຕ້ານ​ຍຸ​ແຍ່, ການ​ສ້າງສາ​ເສດຖະກິດ-ສັງຄົມ​ເລີ່ມຈາກ​ສອງ​ຝາ​ມື​ເປົ່າ, ປະ​ເທດ​ຊາດ​ທຸກ​ຍາກ ​ແລະ​ ດ້ອຍ​ພັດທະນາ ຈົນ​ມາ​ຮອດ​ທຸກ​ວັນ​ນີ້​ພວກ​ເຮົາ​ກໍ​ບໍ່​ທັນ​ສາມາດປົດ​ເປື້ອງຄວາມທຸກ​ຍາກ​ໄດ້. ຕາມ​ແຜນ​ພັດທະນາ​ເສດຖະກິດ-ສັງຄົມ​ ກໍ​ຄື​ແຜນ​ພັດທະນາ​ຊົນນະບົດ​ໄດ້ຄາດກະ​ໄປ​ຮອດ 2020 ​ຈຶ່ງໃຫ້​ສາມາດ​ປົດ​ປ່ອຍອອກຈາກ​ຄວາມທຸກ​ຍາກ ​ແລະ ​ດ້ອຍ​ພັດທະນາ​ໄດ້​ຢ່າງ​ຊິ້ນ​ເຊີງ, ​ແຕ່​ຈະ​ໄປ​ຕາມ​ຄວາມ​ມຸ້ງ​ຫວັງ​ໄດ້ ຫລື ​ບໍ່​ນັ້ນ​ ມັນ​ກໍຂຶ້ນ​ກັບ​ປວງ​ຊົນ​ລາວ​ທັງ​ຊາດ​ເປັນ​ຜູ້​ລຸຍ​ ແລະ ບຸກທະລຸ​ຮ່ວມ​ກັນ. ແຕ່​ອັນ​ສໍາຄັນ​ຕາມ​ເຮົາ​ວ່າ, ກ່ອນ​ອື່ນ​ໝົດ​ຕ້ອງ​ໄດ້​ພ້ອມ​ກັນ​ປາບ​ສິ່ງຫຍໍ້​ທໍ້, ຫລ້າຫລັງ​ທີ່​ມັນຍັງ​ກົດ​ໜ່ວງ​ຄວາມຈະ​ເລີ​ນຂອງ​ຊາດ​ເຊັ່ນ: ຢາ​ເສບ​ຕິດ, ການ​ສໍ້​ລາດ​ບັງຫລວງ​ ແລະ ​ອື່ນໆ. ອັນ​ໂຕ​ທີ່​ເດັດໆ​ນັ້ນ​ແມ່ນ​ຄວາມ​ຊື່ສັດ​ບໍລິສຸດ, ຄວາມ​ຈິງ​ໃຈ​ສ້າງສາ​ປະ​ເທດ​ຊາດ​ບ້ານ​ເມືອງ​ເປັນຫລັກ​ຂອງ​ຜູ້​ທີ່​ເປັນ​ຫົວ​ຈັກ​ຫລັກແຫລ່ງ. ຢ່າ​ໃຫ້​ເປັນ​ຄື​ໄລຍະຫລາຍສິບ​ປີຜ່ານມາ, ​ຜູ້​ເປັນ​ຫົວໜ້າ ຫລືວ່າ​ ເປັນ​ນາຍ​ມີ​ແຕ່​ໄດ້​ກັບ​ໄດ້, ຢາກ​ໄດ້​ດິນ​ຢູ່​ບ່ອນ​ໃດ​ກໍ​ໄປ​ຊີ້​ເອົາ, ຢາກ​ໄດ້​ເງິນຫລາຍກໍ​ຫາ​ທຸກ​ວິທີ​ເພື່ອ​ເອົາ​ລາຍ​ຮັບ​ຂອງ​ຊາດ​ໄປ​ເຂົ້າຖົງ​ຕົນ​ເອງຈົນ​ຮັ່ງ​ຈົນ​ມີ ຈົນ​ເຮັດ​ໃຫ້​ພະນັກງານ​ຢູ່​ທ້ອງ​ຖິ່ນ​ຮາກ​ຖານ​ເຂົາ​ບໍ​ໄດ້​ຮັບ​ເງິນ​ເດືອນ​ປົກກະຕິ. ຕາມ​ເຮົາ​ວ່າ​ຖ້າ​ຫົວ​ຈັກຫລັກແຫລ່ງ​ແຕ່ລະ​ທ້ອງ​ຖິ່ນ​ຮາກ​ຖານພາກັນ​​ເຮັດ​ແບບ​ນີ້​ບໍ່​ພຽງ​ແຕ່​ຈະ​ເປັນ​ການ​ກົດ​ໜ່ວງ​ຄວາມ​ຈະ​ເລີ​ນຂອງ​ຊາດ​, ແຕ່ມັນ​ຈະ​ນໍາພາ​ປະ​ເທດ​ຊາດ​ຈິບຫາຍ.

- WhatsApp Image 2020 05 27 at 5 - ຮອດປີໃໝ່ຈໍາປາຫອມ, ດອກຄູນບານ, ດອກຈານເຮື່ອ.
- WhatsApp Image 2020 05 27 at 5 - ຮອດປີໃໝ່ຈໍາປາຫອມ, ດອກຄູນບານ, ດອກຈານເຮື່ອ.
error: Alert: ເນື້ອຫາຂ່າວມີລິຂະສິດ !!