ບໍລິສັດກິຕິຊັບ ​ໄດ້​ຮັບສຳປະທານຂຸດຄົ້ນຫີນຜາ ຢູ່​ເມືອງຫີນບູນ

ບໍລິສັດກິຕິຊັບ ​ໄດ້​ຮັບສຳປະທານຂຸດຄົ້ນຫີນຜາ ຢູ່​ເມືອງຫີນບູນ - kittisap 1 - ບໍລິສັດກິຕິຊັບ ​ໄດ້​ຮັບສຳປະທານຂຸດຄົ້ນຫີນຜາ ຢູ່​ເມືອງຫີນບູນ
ບໍລິສັດກິຕິຊັບ ​ໄດ້​ຮັບສຳປະທານຂຸດຄົ້ນຫີນຜາ ຢູ່​ເມືອງຫີນບູນ - Untitled design - ບໍລິສັດກິຕິຊັບ ​ໄດ້​ຮັບສຳປະທານຂຸດຄົ້ນຫີນຜາ ຢູ່​ເມືອງຫີນບູນ

ບໍລິສັດກິຕິຊັບ ແຮ່-ຊາຍ ຈຳກັດຜູ້ດຽວ ໄດ້ຮັບການອະນຸມັດສຳປະທານຂຸດຄົ້ນຫີນຜາ ໃນເນື້ອທີ່ 5 ເຮັກຕາ ຢູ່ບ້ານນາໂພ ເມືອງຫີນບູນ ແຂວງຄຳມ່ວນ ​ໃນມູນຄ່າການລົງທຶນທັງໝົດ 1 ລ້ານໂດລາສະຫະລັດ ມີອາຍຸສຳປະທານ 5 ປີ ແລະ ສາມາດຕໍ່ສັນຍາໄດ້ຕາມການຕົກລົງເຫັນດີຂອງຝ່າຍອົງການປົກຄອງແຂວງ. ​ ​ພິທີ​ເຊັນ​ສັນ​ຍາສຳ​ປະທານ​ໂຄງການ​ດັ່ງກ່າວ​ໄດ້​ຈັດ​ຂຶ້ນ​ໃນ​ວັນ​ທີ 6 ​ເມສາຜ່ານ​ມານີ້ ​ໂດຍ​ການ​ຮ່ວມ​ລົງ​ນາມ ລະ​ຫວ່າງ ທ່ານ ພູຊະນະ ໄຊໂກສີ ຮອງຫົວໜ້າພະແນກແຜນການ ແລະ ການລົງທຶນແຂວງ ແລະ ທ່ານ ກິຕິຊັບ ຫລວງຄຳແດງ ປະທານບໍລິສັດດັ່ງກ່າວ ໂດຍມີທ່ານ ຄຳຜຸຍ ທອນພັກດີ ເຈົ້າເມືອງຫີນບູນ ພ້ອມດ້ວຍພະນັກງານວິຊາການທັງສອງຝ່າຍເຂົ້າຮ່ວມເປັນສັກຂີພິຍານ.

​ໃນ​ສັນຍາ​ລະບຸ​ວ່າ: ຝ່າຍອົງການປົກຄອງແຂວງຈະອອກສິດນຳໃຊ້ເນື້ອທີ່ໃຫ້ແກ່ຝ່າຍບໍລິສັດ ທີ່ມີການປັກຫລັກໝາຍເຂດແດນຢ່າງຈະແຈ້ງ ແລະ ກຳນົດເວລາໃນການຈັດຕັ້ງປະຕິບັດ, ຮັບຮອງເອົາແຜນຜັງ, ບົດສະເໜີໂຄງການ, ເນື້ອທີ່ການຜະລິດ ແລະ ອຳນວຍຄວາມສະດວກໃນດ້ານຕ່າງໆ, ສ່ວນຝ່າຍບໍລິສັດຕ້ອງໄດ້ຂຶ້ນແຜນ ແລະ ສະເໜີຂໍອະນຸມັດຈາກອົງການຂອງລັດທີ່ມີສິດໃນການດຳເນີນກິດຈະການໃຫ້ຖືກຕ້ອງຕາມກົດໝາຍ, ຂົນຂວາຍ ແລະ ປຸກລະດົມໃຫ້ປະຊາຊົນພາຍໃນທ້ອງຖິ່ນເຂົ້າຮ່ວມເຮັດວຽກເປັນຄົນງານໃນໂຄງການ ດ້ວຍຄວາມ​ເໝາະ​ສົມ​ຕາມ​ລະບຽບ​ກົດໝາຍ​ແຮງ​ງານ ສປປ ລາວ.

ບໍລິສັດກິຕິຊັບ ​ໄດ້​ຮັບສຳປະທານຂຸດຄົ້ນຫີນຜາ ຢູ່​ເມືອງຫີນບູນ - Wave100S AD to Website 2020 0 - ບໍລິສັດກິຕິຊັບ ​ໄດ້​ຮັບສຳປະທານຂຸດຄົ້ນຫີນຜາ ຢູ່​ເມືອງຫີນບູນ

ການດຳເນີນການຂຸດຄົ້ນຫີນຜາ ແມ່ນໃຫ້ສອດຄ່ອງຕາມໜ້າວຽກ, ຂັ້ນຕອນ ຕາມທີ່ໄດ້ກຳນົດໄວ້ໃນສັນຍາສຳປະທານ, ປັບປຸງປົວແປງເສັ້ນທາງໃຫ້ຢູ່ໃນສະພາບດີ ເພື່ອນຳໃຊ້ໃນການລຳລຽງຂົນສົ່ງຜົນຜະລິດ ແລະ ເພື່ອອຳນວຍຄວາມສະດວກຂອງປະຊາຊົນໃນທ້ອງຖິ່ນ ພ້ອມທັງຕ້ອງໄດ້ປະຕິບັດພັນທະອື່ນໆ ຕາມລະບຽບກົດໝາຍ ແລະ ການປົກປັກຮັກສາສິ່ງແວດລ້ອມ.

ບໍລິສັດກິຕິຊັບ ​ໄດ້​ຮັບສຳປະທານຂຸດຄົ້ນຫີນຜາ ຢູ່​ເມືອງຫີນບູນ - WhatsApp Image 2020 05 27 at 5 - ບໍລິສັດກິຕິຊັບ ​ໄດ້​ຮັບສຳປະທານຂຸດຄົ້ນຫີນຜາ ຢູ່​ເມືອງຫີນບູນ
ບໍລິສັດກິຕິຊັບ ​ໄດ້​ຮັບສຳປະທານຂຸດຄົ້ນຫີນຜາ ຢູ່​ເມືອງຫີນບູນ - WhatsApp Image 2020 05 27 at 5 - ບໍລິສັດກິຕິຊັບ ​ໄດ້​ຮັບສຳປະທານຂຸດຄົ້ນຫີນຜາ ຢູ່​ເມືອງຫີນບູນ
error: Alert: ເນື້ອຫາຂ່າວມີລິຂະສິດ !!