ມາເລເຊຍຈັດເລືອກຕັ້ງທົ່ວໄປ 9 ພຶດສະພານີ້

ມາເລເຊຍຈັດເລືອກຕັ້ງທົ່ວໄປ 9 ພຶດສະພານີ້ - 5acc496028748 - ມາເລເຊຍຈັດເລືອກຕັ້ງທົ່ວໄປ 9 ພຶດສະພານີ້
ມາເລເຊຍຈັດເລືອກຕັ້ງທົ່ວໄປ 9 ພຶດສະພານີ້ - Untitled design - ມາເລເຊຍຈັດເລືອກຕັ້ງທົ່ວໄປ 9 ພຶດສະພານີ້

ຊາວ​ມາ​ເລ​ເຊຍ​ມີ​ກຳນົດ​ໃຊ້​ສິດ​ເລືອກ​ຕັ້ງທົ່ວ​ໄປ​ໃນ​ວັນ​ທີ 9 ພຶດສະພາ​ນີ້ ວ່າ​ກັນ​ວ່າ​ຈະ​ເປັນ​ບົດ​ທົດ​ສອບ​ສຳຄັນ​ທີ່​ສຸດ​ຄັ້ງໜຶ່ງ​ຂອງ​ພັກ​ລັດຖະບານ ​ເຊິ່ງຜູກຂາດ​ການ​ບໍລິຫານ​ປະ​ເທດ​ມາ​ຕະຫລອດ​ໄລຍະ​ເວລາ 61 ປີ.

ມາເລເຊຍຈັດເລືອກຕັ້ງທົ່ວໄປ 9 ພຶດສະພານີ້ - Wave100S AD to Website 2020 0 - ມາເລເຊຍຈັດເລືອກຕັ້ງທົ່ວໄປ 9 ພຶດສະພານີ້

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ກົວ​ລາ​ລຳ​ເປີ ປະ​ເທດ​ມາ​ເລ​ເຊຍ ​ໃນ​ວັນ​ທີ 10 ​ເມສາ​ວ່າ: ທ່ານ ​ໂມ​ຮາ​ໝັດ ຮາ​ຊິ​ມ ອັບ​ດຸນ​ເລາະ ປະທານ​ຄະນະ​ກຳມະການ​ການ​ເລືອກ​ຕັ້ງ​ແຫ່ງ​ຊາດ​ຂອງ​ມາ​ເລ​ເຊຍ ຖະ​ແຫລ​ງ​ໃນ​ວັນ​ທີ 10 ​ເມສາ ປະກາດ​ກຳນົດ​ການ​ເລືອກ​ຕັ້ງທົ່ວ​ໄປ ​ເຊິ່ງຈະ​ເປັນ​ການ​ເລືອກ​ຕັ້ງສະມາຊິກ​ສະພາ​ຜູ້​ແທນ​ລາຊະ​ດອນ​ຊຸດ​ທີ 14 ທັງ 222 ບ່ອນ​ນັ່ງ ວ່າ​ຈະ​ມີ​ຂຶ້ນ​ໃນ​ວັນ​ທີ 9 ພຶດສະພາ​ນີ້ ​ໂດຍ​ພັກ​ການ​ເມືອງ​ທຸກ​ພັກ ​ແລະ ຜູ້​ສະໝັກ​ອິດສະຫລະ​ທຸກ​ຄົນ​ຕ້ອງ​ສະ​ເໜີ​ລາຍ​ຊື່​ພາຍ​ໃນ​ວັນ​ທີ 28 ​ເມສາ​ນີ້. ໝາຍ​ຄວາມ​ວ່າການ​ຫາ​ສຽງ​ຈະ​ມີ​ໄລຍະ​ເວລາ​ພຽງ 11 ວັນ​ເທົ່າ​ນັ້ນ ໜ້ອຍ​ກວ່າ​ໄລຍະ​ເວລາ​ການ​ຫາ​ສຽງ​ຂອງ​ການ​ເລືອກ​ຕັ້ງ​ໃນ​ປີ 2013 ​ເຊິ່ງມີ​ຢູ່ 15 ວັນ ​ແລະ ຫລາຍ​ຝ່າຍ​ວິຈານ​ການ​ຈັດການ​ລົງ​ຄະ​ແນນ​ໃນ​ວັນ​ກາງ​ອາທິດ ວ່າ​ຈະ​ສົ່ງ​ຜົນ​ຕໍ່​ຈຳນວນ​ຜູ້​ອອກ​ມາ​ໃຊ້​ສິດ.

ທັງ​ນີ້ ການ​ປະກາດ​ກຳນົດ​ການ​ເລືອກ​ຕັ້ງຂອງ​ຄະນະ​ກຳມະການ​ການ​ເລືອກ​ຕັ້ງມີ​ຂຶ້ນ ພາຍຫລັງ​ນາຍົກລັດຖະມົນຕີ ນາ​ຈິບ ຣາຊັກ ປະກາດ​ຍຸບ​ສະພາ​ຢ່າງ​ເປັນ​ທາງ​ການ​ ​ໃນ​ວັນ​ທີ 7 ​ເມສາ ຕາມ​ຄວາມ​ຄາດໝາຍ​ຂອງ​ທຸກ​ຝ່າຍ​ວ່າ​ທ່ານ ນາ​ຈິບ ອາຍຸ 64 ປີ ​ເຊິ່ງຢູ່​ໃນ​ຕຳ​ແໜ່​ງນາຍົກລັດຖະມົນຕີມາ​ແຕ່​ປີ 2009 ຕ້ອງການ​ຍຸບ​ສະພາ ​ແລະ ຈັດການ​ເລືອກ​ຕັ້ງກ່ອນ​ກຳນົດ.

ມາເລເຊຍຈັດເລືອກຕັ້ງທົ່ວໄປ 9 ພຶດສະພານີ້ - WhatsApp Image 2020 05 27 at 5 - ມາເລເຊຍຈັດເລືອກຕັ້ງທົ່ວໄປ 9 ພຶດສະພານີ້
ມາເລເຊຍຈັດເລືອກຕັ້ງທົ່ວໄປ 9 ພຶດສະພານີ້ - WhatsApp Image 2020 05 27 at 5 - ມາເລເຊຍຈັດເລືອກຕັ້ງທົ່ວໄປ 9 ພຶດສະພານີ້
error: Alert: ເນື້ອຫາຂ່າວມີລິຂະສິດ !!