ປີໃໝ່ໃຫ້ມີນ້ຳໃຈປະຢັດມັດທະຍັດ

ປີໃໝ່ໃຫ້ມີນ້ຳໃຈປະຢັດມັດທະຍັດ - 112635ihssshoipho53ssk - ປີໃໝ່ໃຫ້ມີນ້ຳໃຈປະຢັດມັດທະຍັດ
ປີໃໝ່ໃຫ້ມີນ້ຳໃຈປະຢັດມັດທະຍັດ - Untitled design - ປີໃໝ່ໃຫ້ມີນ້ຳໃຈປະຢັດມັດທະຍັດ

  ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານທີ່ ຮັກແພງທັງຫລາຍ, ຫລາຍຄົນ ກໍອາດຈະຊາບທົ່ວເຖິງກັນແລ້ວ ໃນແຈ້ງການຂອງສຳນັກງານ ນາຍົກລັດຖະມົນຕີເລື່ອງການ ສະເຫລີມສະຫລອງປີໃໝ່ລາວ ພສ 2561, ໃຫ້ດຳເນີນບົນຈິດ ໃຈ ປະຢັດມັດທະຍັດ, ກໍນັບວ່າ ເປັນການຊົມເຊີຍຢ່າງຍິ່ງເພື່ອ ພັກ- ລັດ ເຮົາເພິ່ນໄດ້ລິງເຫັນເຖິງ ຄວາມຫຍຸ້ງຍາກທາງດ້ານການ ເງິນ, ງົບປະມານຂອງປະເທດ ເຮົາໃນປັດຈຸບັນຕ້ອງໄດ້ພ້ອມກັນຮັດສາຍແອວປະກອບສ່ວນວັດຖຸເງິນຄຳເພື່ອການສ້າງສາພັດ ທະນາປະເທດຊາດບ້ານເມືອງ, ການເຮັດບຸນສິນກິນທານກໍໃຫ້ພໍ ດີພໍງາມ, ບໍ່ເຮັດຄືດັ່ງຜ່ານມາ, ໄລຍະເສັງກັນອວດຮັ່ງອວດມີ, ອວດໃຫຍ່ອວດໂຕ, ອວດສິດ ອຳນາດຖານະຕຳແໜ່ງໃຊ້ຈ່າຍ ຫລິ້ນກິນຢ່າງຟຸມເຟືອຍ, ໂດຍ ສະເພາະແມ່ນໃນງານເທດສະ ການຕ່າງໆ, ບຸນໃດສິນໃດເພິ່ນ ກໍ ສະຫລອງດ້ວຍຄວາມຫລູຫລາ, ຖ້າເວົ້າເຖິງອາຫານເຄື່ອງດື່ມ ກໍລ້ວນແຕ່ນຳເຂົ້າຈາກເມືອງ ນອກເຫລົ້າເບຍກໍມີແຕ່ແນວ ແພງໆ, ນັບເປັນແສນເປັນໝື່ນ ຂຶ້ນ ເມື່ອເພິ່ນຈິ່ງສະເຫລີຍ, ສ່ວນ ຜູ້ນ້ອຍລົງມາກໍແມ່ນການຫລິ້ນກິນເຮຮາປາຕີຄືປີໃໝ່ລາວ ຜ່ານມາຢູ່ຕາມແຄມຖະໜົນສາມ ແສນໄທ, ເສດຖາທິລາດ ຫລື ຖະ ໜົນຫລັກຕ່າງໆ ໃນນະຄອນ ຫລວງວຽງ ຈັນກໍເຕັມໄປດ້ວຍ ວົງເຫລົ້າວົງເບຍກິນແຕ່ເຊົ້າ ຮອດຄຳ, ກິນເປັນມື້ສອງມື້, ບໍ່ ເມົາບໍ່ເລີກບໍ່ລາ, ຈົນມີທາງສຽງ ຂອງແຂກຕ່າງປະເທດຫລາຍ ຄົນຜູ້ເຄີຍໄດ້ສຳພັດກັບງານສະຫລອງປີໃໝ່ ຫລື ງານບຸນຕ່າງໆ ຢູ່ລາວມາແລ້ວເວົ້າວ່າ: “ຖ້າຄົນ ລາວເຮົາຫາກເຮັດອັນໃດອັນ ໜຶ່ງເໝືອນກັບການມ່ວນຊື່ນລືນ ເລີງນັ້ນກໍຄົງຈະມີຜົນສຳເລັດ ດີຫລາຍ” ໃນຄວາມຈິງກໍຢາກ ເປັນແນວນັ້ນແທ້, ມີທໍໃດກໍກິນ ໝົດ, ດື່ມໝົດ… ຢ່າງບໍ່ຮູ້ປະຢັດ ມັດທະຍັດ.

ດັ່ງນັ້ນໃນປີໃໝ່ນີ້ກໍຂໍໃຫ້ທຸກຄົນເປັນເຈົ້າການຮ່ວມກັນຕ້ານການຟຸມເຟືອຍກັນມາປະຢັດມັດທະຍັດດັ່ງແຈ້ງການຂອງນາຍົກລັດທະມົນຕີວາງອອກໃຫ້ປະກົດຜົນເປັນຈິງ./.

ປີໃໝ່ໃຫ້ມີນ້ຳໃຈປະຢັດມັດທະຍັດ - Wave100S AD to Website 2020 0 - ປີໃໝ່ໃຫ້ມີນ້ຳໃຈປະຢັດມັດທະຍັດ

ປີໃໝ່ໃຫ້ມີນ້ຳໃຈປະຢັດມັດທະຍັດ - WhatsApp Image 2020 05 27 at 5 - ປີໃໝ່ໃຫ້ມີນ້ຳໃຈປະຢັດມັດທະຍັດ
ປີໃໝ່ໃຫ້ມີນ້ຳໃຈປະຢັດມັດທະຍັດ - WhatsApp Image 2020 05 27 at 5 - ປີໃໝ່ໃຫ້ມີນ້ຳໃຈປະຢັດມັດທະຍັດ
error: Alert: ເນື້ອຫາຂ່າວມີລິຂະສິດ !!