ປີໃໝ່ນີ້ນະຄອນຫລວງຫ້າມຂຶ້ນລາຄາໂດຍສານເດັດຂາດ ແລະ ເຫັນຜູ້ປະກອບການປະພຶດບໍ່ດີຕ້ອງລາຍງານທັນທີ

ປີໃໝ່ນີ້ນະຄອນຫລວງຫ້າມຂຶ້ນລາຄາໂດຍສານເດັດຂາດ ແລະ ເຫັນຜູ້ປະກອບການປະພຶດບໍ່ດີຕ້ອງລາຍງານທັນທີ - IMG 5327 - ປີໃໝ່ນີ້ນະຄອນຫລວງຫ້າມຂຶ້ນລາຄາໂດຍສານເດັດຂາດ ແລະ ເຫັນຜູ້ປະກອບການປະພຶດບໍ່ດີຕ້ອງລາຍງານທັນທີ
ປີໃໝ່ນີ້ນະຄອນຫລວງຫ້າມຂຶ້ນລາຄາໂດຍສານເດັດຂາດ ແລະ ເຫັນຜູ້ປະກອບການປະພຶດບໍ່ດີຕ້ອງລາຍງານທັນທີ - Untitled design - ປີໃໝ່ນີ້ນະຄອນຫລວງຫ້າມຂຶ້ນລາຄາໂດຍສານເດັດຂາດ ແລະ ເຫັນຜູ້ປະກອບການປະພຶດບໍ່ດີຕ້ອງລາຍງານທັນທີ

ເມື່ອມໍ່ໆມານີ້, ພະແນກໂຍທາທິການ ແລະ ຂົນສົ່ງ (ຍທຂ) ນະຄອນຫລວງວຽງຈັນໄດ້ອອກແຈ້ງການເຖິງຜູ້ປະກອບການໂດຍສານໃນທົ່ວນະຄອນຫລວງວຽງຈັນວ່າ: ໃນໄລຍະບຸນປີໃໝ່ລາວນີ້, ຫ້າມສວຍໂອກາດຂຶ້ນລາຄາຄ່າໂດຍສານຢ່າງເດັດຂາດ ແລະ ເມື່ອພົບເຫັນການບໍລິການຜູ້ໂດຍສານບໍ່ດີໃຫ້ແຈ້ງຕໍ່ພາກສ່ວນກ່ຽວຂ້ອງທັນທີ, ​ເພື່ອ​ເຮັດ​ໃຫ້ການ​ສັນຈອນ​ໄປມາ​ຕາມ​ທ້ອງ​ຖະໜົນ​ໃນ​ຂອບ​ເຂດ​ທົ່ວ​ປະ​ເທດ​ເວົ້າລວມ, ​ເວົ້າສະ​ເພາະ​ໃນນະຄອນຫລວງ​ວຽງ​ຈັນ​ໃຫ້​ມີ​ຄວາມ​ສະຫງົບ, ປອດ​ໄພ, ມີ​ຄວາມ​ເປັນ​ລະບຽບ​ຮຽບຮ້ອຍ ​ແລະ ເຮັດໃຫ້ການສະ​ເຫລີ​ມສະຫລອງ​ບຸນປີ​ໃໝ່​ລາວນີ້​ມີແຕ່​ຄວາມ​ເບີກບານ​ມ່ວນ​ຊື່ນ ປາສະຈາກອຸປະຕິ​ເຫດ.

ພະແນກດັ່ງກ່າວ ລະບຸວ່າ: ​ໃຫ້​ຜູ້​ປະກອບ​ການ​​ທຸລະ​ກິດ​ຂົນ​ສົ່ງ​ສິນຄ້າ ​ແລະ ​ໂດຍສານ​ທີ່​ຂຶ້ນກັບ​ພະ​ແນ​ກ ຍທຂ ນະຄອນຫລວງ​ວຽງ​ຈັນ ​ເອົາ​ໃຈ​ໃສ່​ວາງ​ແຜນ, ພ້ອມ​ທັງ​ມີ​ມາດ​ຕະການ​ຢ່າງ​ເຂັ້ມງວດ, ຮັດກຸມ​ໃນ​ການ​ຄຸ້ມ​ຄອງ​ການ​ຂົນ​ສົ່ງ​ສິນຄ້າ ​ແລະ ​ໂດຍສານ​ປະຈຳ​ທາງ, ​ເພື່ອ​ຫລີກລ້ຽງ​ການ​ເກີດ​ອຸປະຕິ​ເຫດ​ຕາມ​ທ້ອງ​ຖະໜົນ ​ແລະ ຮັບປະກັນ​ໃຫ້​ມີ​ຄວາມ​ສະຫງົບ​ປອດ​ໄພ ແລະ ​ຫ້າມ​ຜູ້​ປະກອບ​ການ​ຂົນ​ສົ່ງ​ໂດຍສານ​ປະຈຳ​ທາງ​ທຸກ​ປະ​ເພດທັງ​ພາຍ​ໃນ ​ແລະ ຕ່າງປະ​ເທດ, ສວຍ​ໂອກາດ​ຂຶ້ນລາຄາ​ຄ່າ​ໂດຍສານ​ເດັດຂາດ, ຫ້າມ​​ສວຍ​ໂອກາດ​ຕົວະ​ຍົວະ​ຫລອກ​ລວງ ​ແລະ ຮັບ​ເອົາ​ຜູ້​ໂດຍສານ​ຂຶ້ນລົດ​ທີ່​ບໍ່​ແມ່ນ​ສາຍ​ທາງ​ແລ່ນ​ລົດ​ຂອງ​ຕົນ, ທັງນີ້​ເພື່ອ​ຮັບປະກັນ​ໃຫ້​ຜູ້​ໂດຍສານ​ໄປ​ເຖິງ​ຈຸດໝາຍ​ປາຍທາງ, ຫລີກ​ເວັ້ນບັນຫາ​ປະຖິ້ມ​ຜູ້​ໂດຍສານ​ໄວ້​ກາງ​ທາງ, ​ໃນ​ກໍລະນີ​ຫາກ​ພົບ​ເຫັນ​ບຸກຄົນ ຫລື ຫົວໜ່ວຍ​ທຸລະ​ກິດ​ໃດ​​ມີ​ການ​ຝ່າຝືນ​ບໍ່​ປະຕິບັດ​ຕາມ​ແຈ້ງ​ການ​ສະບັບ​ນີ້ ​ແມ່ນ​ໃຫ້​ປະຕິບັດ​ວິ​ໄນ​ດ້ວຍ​ການ​ໃຫ້​ຢຸດ​ເຊົາ​ການ​ແລ່ນ​ລົດ​ໂດຍສານ​ໃນ​ໄລຍະ​ບຸນປີ​ໃໝ່, ພ້ອມ​ທັງ​ສຶກສາ​ອົບຮົມ ​ແລະ ປັບ​ໄໝ​ຕາມ​ລະບຽບ​ການ. ມອບ​ໃຫ້​ຂະ​ແໜງ​ຄຸ້ມ​ຄອງ​ການ​ຂົນ​ສົ່ງ​ ຍທຂ ນະຄອນຫລວງ​ວຽງ​ຈັນ ສົມທົບ​ກັບ​ເຈົ້າໜ້າ​ທີ່​ຕຳຫລວດ​ຈະລາຈອນຈັດຕັ້ງໜ່ວຍ​ງານ​ກວດກາ​ປະຈຳ​ສະຖານີ​ຂົນ​ສົ່ງ​ໂດຍສານໃນ​ນະຄອນຫລວງ​ວຽງ​ຈັນ, ​ເພື່ອ​ກວດກາ​ລົດ​ຂົນ​ສົ່ງ​ໂດຍສານ ພ້ອມ​ທັງ​ກວດກາ​ຄວາມ​ພ້ອມ​ຜູ້​ຂັບ​ຂີ່ (​ໂຊ​ເຟີ້​ລົດ) ​ໂດຍ​ສະ​ເພາະ​ລົດ​ຂົນ​ສົ່ງ​ໂດຍສານ​ປະຈຳ​ທາງ​ທຸກ​ປະ​ເພ​ດທັງ​ພາຍ​ໃນ ​ແລະ ຕ່າງປະ​ເທດ ກ່ອນ​ປ່ອຍ​ລົດ​ອອກ​ຈາກ​ສະຖານີ​ແຕ່​ລະ​ຖ້ຽວ, ​ຕ້ອງປະຕິບັດຕາມ​ຄຳ​ສັ່ງ​ເລກທີ 15549/ຍທຂ ວ່າ​ດ້ວຍ​ການ​ກວດກາ​ຜູ້​ຂັບ​ຂີ່, ການ​ບັນທຸກ​ຜູ້​ໂດຍສານ ​ແລະ ມາດຕະຖານ​ເຕັກນິກ​ລົດ​ຢ່າງ​ເຂັ້ມງວດ, ຮັບປະກັນໃຫ້​ການ​ບໍລິການ​ມີ​ຄວາມ​ສະດວກ​ວ່ອງ​ໄວ ​ແລະ ບໍ່​ໃຫ້​ມີ​ຜູ້​ໂດຍສານ​ຕົກ​ຄ້າງ​ຢູ່​ສະຖານີ​ໃນ​ໄລຍະ​ບຸນປີ​ໃໝ່​ລາວ ແລະ ມອບ​ໃຫ້​ຂະ​ແໜງ​ຄຸ້ມ​ຄອງ​ການ​ຂົນ​ສົ່ງ ຍທຂ ນະຄອນຫລວງ​ວຽງ​ຈັນ, ລົງ​ຊຸກຍູ້​ຕິດຕາມ​ກວດກາ, ​ເກັບ​ກຳ​ສະພາບ​ການ ​ແລະ ຈຳນວນ​ຜູ້​ໂດຍສານ​ໃນ​ແຕ່​ລະສະ​ຖາ​ນີຕະຫລອດ​ໄລຍະ​ບຸນປີ​ໃໝ່, ພ້ອມ​ທັງ​ສະຫລຸບລາຍ​ງານ​ໃຫ້ການ​ຈັດຕັ້ງຂັ້ນ​ເທິງ​ໄດ້​ຮັບ​ຊາບ​ໃນ​ການປະຕິບັດ​​ແຕ່ລະ​ໄລຍະ​ຕາມ​ແຈ້ງ​ການ​ສະບັບ​ນີ້ຢ່າງເຂັ້ມງວດ.

ປີໃໝ່ນີ້ນະຄອນຫລວງຫ້າມຂຶ້ນລາຄາໂດຍສານເດັດຂາດ ແລະ ເຫັນຜູ້ປະກອບການປະພຶດບໍ່ດີຕ້ອງລາຍງານທັນທີ - Wave100S AD to Website 2020 0 - ປີໃໝ່ນີ້ນະຄອນຫລວງຫ້າມຂຶ້ນລາຄາໂດຍສານເດັດຂາດ ແລະ ເຫັນຜູ້ປະກອບການປະພຶດບໍ່ດີຕ້ອງລາຍງານທັນທີ
ປີໃໝ່ນີ້ນະຄອນຫລວງຫ້າມຂຶ້ນລາຄາໂດຍສານເດັດຂາດ ແລະ ເຫັນຜູ້ປະກອບການປະພຶດບໍ່ດີຕ້ອງລາຍງານທັນທີ - WhatsApp Image 2020 05 27 at 5 - ປີໃໝ່ນີ້ນະຄອນຫລວງຫ້າມຂຶ້ນລາຄາໂດຍສານເດັດຂາດ ແລະ ເຫັນຜູ້ປະກອບການປະພຶດບໍ່ດີຕ້ອງລາຍງານທັນທີ
ປີໃໝ່ນີ້ນະຄອນຫລວງຫ້າມຂຶ້ນລາຄາໂດຍສານເດັດຂາດ ແລະ ເຫັນຜູ້ປະກອບການປະພຶດບໍ່ດີຕ້ອງລາຍງານທັນທີ - WhatsApp Image 2020 05 27 at 5 - ປີໃໝ່ນີ້ນະຄອນຫລວງຫ້າມຂຶ້ນລາຄາໂດຍສານເດັດຂາດ ແລະ ເຫັນຜູ້ປະກອບການປະພຶດບໍ່ດີຕ້ອງລາຍງານທັນທີ
error: Alert: ເນື້ອຫາຂ່າວມີລິຂະສິດ !!