ປີຜ່ານມາການຄຸ້ມຄອງເງິນຕາຢູ່ໃນລະດັບຄວບຄຸມໄດ້

ປີຜ່ານມາການຄຸ້ມຄອງເງິນຕາຢູ່ໃນລະດັບຄວບຄຸມໄດ້ - kib - ປີຜ່ານມາການຄຸ້ມຄອງເງິນຕາຢູ່ໃນລະດັບຄວບຄຸມໄດ້
ປີຜ່ານມາການຄຸ້ມຄອງເງິນຕາຢູ່ໃນລະດັບຄວບຄຸມໄດ້ - Untitled design - ປີຜ່ານມາການຄຸ້ມຄອງເງິນຕາຢູ່ໃນລະດັບຄວບຄຸມໄດ້

ທະນາຄານແຫ່ງ ສປປ ລາວ ໃຫ້ຮູ້ວ່າ: ໃນປີຜ່ານມາ, ອັດຕາເງິນເຟີ້ໃນປະເທດເຮົາສະເລ່ຍຢູ່ໃນລະດັບ 0,83% ທຽບໃສ່ໄລຍະດຽວກັນຂອງປີຜ່ານມາຫລຸດລົງ 0,77% (ປີ 2016 ສະເລ່ຍ 1,6%), ເນື່ອງຈາກໝວດສະບຽງອາຫານຫລຸດລົງຈາກ 4,23% ເປັນ -0,1%, ເຊິ່ງເປັນຜົນມາຈາກການຄຸ້ມຄອງລາຄາໝວດສິນຄ້າດັ່ງກ່າວມີຄວາມເຂັ້ມງວດ. ນອກນັ້ນ, ໝວດສຸຂະພາບກໍຫລຸດລົງຈາກ 2,59% ເປັນ 0,96% ແລະ ໝວດທີ່ຢູ່ອາໄສ, ໄຟຟ້າ, ນ້ຳປະປາ ແລະ ນໍ້າມັນເຊື້ອໄຟກໍໄດ້ຫລຸດລົງຈາກ 1,42% ເປັນ 0,6%, ຊຶ່ງເມື່ອເບິ່ງອັດຕາເງິນເຟີ້ໃນໄລຍະ 3 ເດືອນທ້າຍປີ 2017 ທຽບໃສ່ເດືອນຕໍ່ເດືອນເຫັນວ່າມີທ່າອ່ຽງເພີ່ມຂຶ້ນ ເປັນຕົ້ນໃນໝວດຄົມມະນາຄົມ ແລະ ຂົນສົ່ງ, ແນວໃດກໍຕາມ, ບັນຫາອັດຕາເງິນເຟີ້ຕ້ອງໄດ້ລະມັດລະວັງສູງສົມຄວນ, ເນື່ອງຈາກໃນໄລຍະກາງຫາທ້າຍປີ 2018 ນີ້, ອາດຈະໄດ້ຮັບຜົນກະທົບຈາກການຂຶ້ນຄ່າແຮງງານຂັ້ນຕໍ່າຂອງປະເທດໃກ້ຄຽງ ແລະ ອາດກະທົບໃສ່ຕົ້ນທຶນການຜະລິດຂອງປະເທດດັ່ງກ່າວໃນສະເພາະໜ້າ ແລະ ຍາວນານ.

ສ່ວນອັດຕາແລກປ່ຽນໃນປີຜ່ານມາກໍມີການເໜັງຕີງເລັກໜ້ອຍ, ໂດຍເງິນກີບອ່ອນຄ່າ 2,03% ທຽບໃສ່ເງິນໂດລາສະຫະລັດ ແລະ ອ່ອນຄ່າ 5,68% ທຽບໃສ່ເງິນບາດ (ສະກຸນເງິນໄທ), ສະເພາະອັດຕາເງິນກີບກັບໂດລາສະຫະລັດ ເຫັນວ່າມີຄວາມໝັ້ນຄົງພໍສົມຄວນ ແລະ ຊ່ອງຫວ່າງອັດຕາແລກປ່ຽນທາງການ ແລະ ທ້ອງຕະຫລາດຄ່ອຍໆຫຍັບເຂົ້າຫາກັນຫລາຍຂຶ້ນ, ແຕ່ອັດຕາແລກປ່ຽນລຫວ່າງເງິນກີບກັບເງິນບາດນັ້ນ, ເຫັນວ່າທະນາຄານແຫ່ງ ສປປ ລາວ ບໍ່ສາມາດແຊກແຊງໄດ້, ເຊິ່ງສ້າງຄວາມສ່ຽງໃຫ້ແກ່ເສດຖະກິດ ໂດຍສະເພາະອັດເງິນເຟີ້ ແລະ ຄ່າເງິນກີບໃນຕໍ່ໜ້າ, ເນື່ອງຈາກການນຳເຂົ້າສິນຄ້າອຸປະໂພກ-ບໍລິໂພກສ່ວນໃຫຍ່ແມ່ນນຳໃຊ້ສະກຸນເງິນບາດ.

ສໍາລັບປະລິມານເງິນໃນປີຜ່ານມາ M2 ກໍເພີ່ມຂຶ້ນ 12,23%, ເຊິ່ງອັດຕາການຂະຫຍາຍຕົວດັ່ງກ່າວມີຄວາມສອດຄ່ອງ ແລະ ຮັກສາຢູ່ໃນລະດັບທີ່ຄວບຄຸມໄດ້, ໃນນັ້ນສິນເຊື່ອຂອງລະບົບທະນາຄານກວມ 56,75% ຂອງລວມຍອດຜະລິດຕະພັນພາຍໃນ (GDP), ການປ່ອຍສິນເຊື່ອເຂົ້າໃນຂະແໜງອຸດສາຫະກຳ ແລະ ການຄ້າ ກວມເອົາປະມານ 45%. ແນວໃດກໍຕາມ, ອັດຕາສ່ວນໜີ້ເສຍ NPL ຢູ່ໃນລະດັບສູງເກີນແຜນ 3,07% (ແຜນການບໍ່ເກີນ 3%) ແລະ ຮອດເດືອນທັນວາ 2017 ເງິນຝາກຂອງທະນາຄານທຸລະກິດຢູ່ໃນລະດັບ 73.393 ຕື້ກວ່າກີບ, ເທົ່າກັບ 56,77% ຂອງ GDP.

ປີຜ່ານມາການຄຸ້ມຄອງເງິນຕາຢູ່ໃນລະດັບຄວບຄຸມໄດ້ - Wave100S AD to Website 2020 0 - ປີຜ່ານມາການຄຸ້ມຄອງເງິນຕາຢູ່ໃນລະດັບຄວບຄຸມໄດ້
ປີຜ່ານມາການຄຸ້ມຄອງເງິນຕາຢູ່ໃນລະດັບຄວບຄຸມໄດ້ - WhatsApp Image 2020 05 27 at 5 - ປີຜ່ານມາການຄຸ້ມຄອງເງິນຕາຢູ່ໃນລະດັບຄວບຄຸມໄດ້
ປີຜ່ານມາການຄຸ້ມຄອງເງິນຕາຢູ່ໃນລະດັບຄວບຄຸມໄດ້ - WhatsApp Image 2020 05 27 at 5 - ປີຜ່ານມາການຄຸ້ມຄອງເງິນຕາຢູ່ໃນລະດັບຄວບຄຸມໄດ້
error: Alert: ເນື້ອຫາຂ່າວມີລິຂະສິດ !!