ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ

ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ - 23111 - ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ
ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ - Untitled design - ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ

ອຳນາດການປົກຄອງ ເມືອງຄູນຄຳ ແຂວງຄຳມ່ວນ ໄດ້ກຳນົດເອົາວັນທີ 14 ເມສາ ເປັນມື້ຈັດງານບຸນປີໃໝ່ລາວ ຢູ່ສະຖານທີ່ທ່ອງທ່ຽວຖ້ຳ ກອງລໍຕິດພັນກັບການເປີດ ປີ ທ່ອງທ່ຽວ ລາວ 2018 ຢູ່ຂັ້ນ ເມືອງຂອງຕົນ, ເຊິ່ງມາຮອດ ປັດຈຸບັນແມ່ນໄດ້ມີການຫ້າງ ຫາກະກຽມ ໂດຍສະເພາະທາງ ດ້ານສະຖານທີ່, ການສະແດງ ສິລະປະວັນນະຄະດີ, ການບາສີ ສູ່ຂວັນໃຫ້ແກ່ ການນຳ ແລະ ປະຊາຊົນເພື່ອອວຍພອນ ເຊິ່ງ ກັນ ແລະ ກັນຕາມຮີດຄອງປະ ເພນີຂອງລາວທີ່ເຄີຍປະຕິບັດ ສືບທອດກັນມາ ແລະ ບັນດາ ກິດຈະກຳການທ່ອງທ່ຽວ ຕ່າງໆ.

 

ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ - 941 - ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ

+ ເມືອງສະໝ້ວຍເປີດປີທ່ອງທ່ຽວຕິດພັນກັບປະເພນີວັດທະນະທຳຊົນເຜົ່າ

+ ຫລວງພະບາງກຽມສະຫລອງບຸນປີໃໝ່ລາວຢ່າງຍິ່ງໃຫຍ່ຕ້ອນຮັບປີທ່ອງທ່ຽວລາວ

ຮອງນາຍບ້ານກອງລໍ ທັງເປັນຄະນະສະມາຄົມການທ່ອງທ່ຽວແບບອະນຸລັກປະ ຊາຊົນມີສ່ວນຮ່ວມກອງລໍ- ນາຕານກ່າວວ່າ: ການຈັດ ງານສະເຫລີມສະຫລອງປີ ໃໝ່ລາວ ຢູ່ສະຖານທີ່ທ່ອງ ທ່ຽວ ຈະໄດ້ ຈັດຂຶ້ນພ້ອມໆ ກັບ ການເປີດປີທ່ອງທ່ຽວລາວ ແລະ ໄດ້ກະກຽມສະຖານທີ່, ການແບ່ງ ຄວາມຮັບຜິດຊອບ ໃຫ້ແຕ່ລະກຸ່ມກິດຈະກຳການ ທ່ອງທ່ຽວ, ການຮັກສາຄວາມ ສະຫງົບ, ຄວາມເປັນລະ ບຽບຮຽບຮ້ອຍລວມເຖິງກິດ ຈະກຳທາງດ້ານຮີດຄອງ ປະ ເພນີ ແລະ ກິດຈະກຳອື່ນໆ ທີ່ ຕິດພັນກັບ ການທ່ອງທ່ຽວ ເຊິ່ງປັດຈຸບັນສະມາຄົມພັດ ທະນາການ ທ່ອງທ່ຽວແບບ ອະນຸລັກປະຊາຊົນມີສ່ວນ ຮ່ວມກອງລໍ-ນາຕານປະ ກອບມີ 8 ກຸ່ມບໍລິການຄື: ກຸ່ມ ເຮືອນຳທ່ຽວເຂົ້າຖ້ຳ, ກຸ່ມ ນຳ ທ່ຽວຍ່າງປ່າ, ກຸ່ມໂຮມສະ ເຕ, ລ່ອງເຮືອກາຍັກກິງ, ກຸ່ມ ຫັດຖະກຳຕໍ່າຫູກ, ກຸ່ມຝາກ ລົດ, ກຸ່ມປູກຜັກປອດສານ ພິດ ແລະ ກຸ່ມຂີ່ລົດຖີບ, ມີ ສະມາຊິກທັງໝົດ 220 ຄົນ. ນອກນັ້ນ ຍັງມີຫົວໜ່ວຍທຸລະ ກິດໂຮງແຮມ, ເຮືອນພັກ, ຮ້ານ ອາຫານ, ເຮືອນພັກແຮມ ລວມຂອງບ້ານ ແລະ ກຸ່ມບໍລິ ການຂົນສົ່ງເພື່ອໄວ້ຄອຍ ບໍລິ ການ ນັກທ່ອງທ່ຽວ ໂດຍແມ່ນ ປະຊາຊົນພາຍໃນບ້ານເປັນຜູ້ ຈັດຕັ້ງປະຕິບັດເອງ.

 

ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ - Wave100S AD to Website 2020 0 - ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ

ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ - 632 - ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ

ສະເພາະໃນບຸນ ປີໃໝ່ ລາວ ນີ້ ນອກຈາກ 8 ກິດຈະກຳຫລັກ ທີ່ໄດ້ກ່າວມານັ້ນ ຍັງມີການ ສະ ແດງສິລະປະ-ວັນນະຄະດີ, ພິ ທີບາສີສູ່ຂວັນ, ການຫົດສົງ ອວຍພອນປີໃໝ່, ກຸ່ມຂາຍຜະ ລິດຕະພັນທີ່ເປັນເອກະລັກຂອງ ທ້ອງຖິ່ນ, ການບໍລິການກົງ ເບັງ, ຕູບນັ່ງຫລິ້ນ ແລະ ກິດຈະ ກຳອື່ນໆ ເພື່ອສ້າງຄວາມປະ ທັບໃຈໃຫ້ແກ່ນັກທ່ອງທ່ຽວ ເຮັດໃຫ້ການສະເຫລີມສະ ຫລອງບຸນປີໃໝ່ລາວ ທີ່ຖ້ຳກອງ ລໍຕິດພັນກັບການ ເປີດປີທ່ອງ ທ່ຽວລາວ ໃຫ້ມີບັນຍາກາດ ຟົດ ຟື້ນເບີກບານມ່ວນຊື່ນ, ຮັກສາ ໄດ້ວັດທະນະທຳຮີດຄອງ ປະ ເພນີ ອັນດີງາມຂອງຊາດ ແລະ ຄວາມສະຫງົບຄວາມເປັນ ລະບຽບຮຽບຮ້ອຍ ເຊິ່ງໃນປີ 2017 ຜ່ານມາ ມີນັກທ່ອງ ທ່ຽວເຂົ້າທ່ຽວຖ້ຳກອງລໍ 15 ພັນກວ່າເທື່ອຄົນ, ສາມາດ ສ້າງ ລາຍຮັບໃຫ້ແກ່ຊຸມຊົນ 2 ຕື້ ກວ່າກີບ, ສະເລ່ຍໃສ່ຄອບຄົວ ທີ່ປະກອບອາຊີບການບໍລິການ ການທ່ອງທ່ຽວໄດ້ປະມານ 10 ລ້ານ ກວ່າກີບຕໍ່ປີ ແລະ ຄາດ ວ່າໃນປີ 2018 ນີ້ ຈະມີນັກ ທ່ອງທ່ຽວເຂົ້າມາທ່ຽວຊົມຖ້ຳ ກອງລໍເພິ່ນເປັນ 20 ພັນກວ່າ ເທື່ອຄົນ.

ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ - 784 - ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ

ຖ້ຳກອງລໍ ເປັນແຫລ່ງ ທ່ອງທ່ຽວທາງທຳມະຊາດທີ່ ມີຊື່ສຽງລະດັບແຖວໜ້າ ຍ້ອນ ວ່າເປັນຖ້ຳທີ່ມີສາຍນ້ຳຫີນບູນ ໄຫລຜ່ານອຸໂມງຂອງພູຫີນ ບູນເຂົ້າໄປແລ້ວປ່ອງໃສ່ແມ່ ນ້ຳຂອງ. ຖ້ຳກອງລໍຕັ້ງຢູ່ລະ ຫວ່າງບ້ານນາຕານ ແລະ ບ້ານ ກອງລໍ ເມືອງຄູນຄຳ ເຊິ່ງຫ່າງ ຈາກເມືອງ 46 ກິໂລແມັດ. ນັກ ທ່ອງທ່ຽວສາມາດເດີນທາງ ຈາກເສັ້ນທາງເລກທີ 13 ເຂົ້າ ໄປຕາມເສັ້ນທາງເລກ 8 ກໍຈະ ຮອດ ບ້ານຄູນຄຳ, ເຊິ່ງຫ່າງ ຈາກຖ້ຳກອງລໍ 40 ກິໂລ ແມັດ. ສຳລັບທາງເລືອກອື່ນ ທີ່ເໝາະສົມກັບຜູ້ມັກການ ປະຈົນໄພແມ່ນຂີ່ເຮືອຫາງ ຍາວລ່ອງໄປຕາມສາຍນ້ຳ ຫີນບູນ ເຊິ່ງນັກທ່ອງທ່ຽວສາ ມາດພັກແຮມຄືນທີ່ ບ້ານ ນາ ຫີນ, ບ້ານນາຕານ ແລະ ບ້ານ ກອງລໍ. ມີຄວາມຍາວປະ ມານ 7.500 ແມັດ ເຊິ່ງມີ ຄວາມກວ້າງປະມານ 30 ແມັດ ແລະ ສູງນັບແຕ່ 20- 100 ແມັດ. ຖ້ຳກອງລໍເປັນ ຖ້ຳ ທີ່ງົດງາມ ແລະ ມີສະ ເໜ່ດຶງດູດ ເພາະທາງໃນຖ້ຳ ມີແກ້ງ, ຫີນຍ້ອຍ, ຫາດຊາຍ ທີ່ງົດງາມຈຳນວນ 20 ກວ່າ ຈຸດເພື່ອໃຫ້ນັກທ່ອງທ່ຽວ ໄດ້ຊົມ. ໄດ້ສຳພັດກັບຄວາມ ງາມ ດັ່ງກ່າວ./.

ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ - 23111 - ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ

ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ - WhatsApp Image 2020 05 27 at 5 - ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ
ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ - WhatsApp Image 2020 05 27 at 5 - ເມືອງຄູນຄຳຈະຈັດງານບຸນປີໃໝ່ລາວ ພ້ອມກັບເປີດປີທ່ອງທ່ຽວຢູ່ຖ້ຳກອງລໍ
error: Alert: ເນື້ອຫາຂ່າວມີລິຂະສິດ !!