ການລ້າງສານພິດໃຫ້ຮ່າງກາຍດ້ວຍໝາກໄມ້

ການລ້າງສານພິດໃຫ້ຮ່າງກາຍດ້ວຍໝາກໄມ້ - 051104 2018 - ການລ້າງສານພິດໃຫ້ຮ່າງກາຍດ້ວຍໝາກໄມ້
ການລ້າງສານພິດໃຫ້ຮ່າງກາຍດ້ວຍໝາກໄມ້ - Untitled design - ການລ້າງສານພິດໃຫ້ຮ່າງກາຍດ້ວຍໝາກໄມ້

ຫົວໃຈສຳຄັນໃນການລ້າງສານພິດໃນ 1 ມື້ ແມ່ນຈະຕ້ອງກິນໃຫ້ໄດ້ກາລໍຣີໜ້ອຍກ່ວາ 800 ກາລໍຣີ ເພື່ອໃຫ້ລະບົບຍ່ອຍ ແລະ ຕັບໄດ້ພັກຜ່ອນ. ຕໍ່ຈາກນັ້ນ, ຕັບຈະໄລ່ສານພິດອອກມາໄດ້ ແລະ ອາຫານທີ່ທ່ານຈະກິນໃນມື້ນັ້ນກໍຈະຕ້ອງບໍ່ມີຊີ້ນສັດມາປະສົມນຳເດັດຂາດ ແລະ ຕໍ່ໄປນີ້ແມ່ນຂະບວນການລ້າງສານພິດອອກຈາກຮ່າງກາຍພາຍໃນ 1 ມື້ :

  1. ເລືອກໝາກໄມ້ທີ່ທ່ານມັກກິນມາ 1 ຊະນິດ ເຊັ່ນ : ໝາກຫຸ່ງ, ໝາກສີດາ, ໝາກແຕງແຄນຕາລູບ, ໝາກແອັບເປິ້ນ, ໝາກກ້ຽງໃຫຍ່, ໝາກກຽງ, ໝາກມ່ວງ ແລະອື່ນໆ ຍົກເວັ້ນ 2 ຊະນິດຄື : ໝາກຖົ່ວລຽນ ແລະ ໝາກນັດ ເພາະໝາກຖົ່ວລຽນມີກາລໍຣີສູງເກີນໄປ ແລະ ຍ່ອຍຍາກ ກິນແລ້ວຈະເປັນພາລະໃຫ້ແກ່ລະບົບຍ່ອຍ. ສ່ວນໝາກນັດມີກົດຫລາຍ ຖ້າກິນໝົດມື້ຈະເຮັດໃຫ້ຍື່ງທ້ອງໄດ້.
  2. ກິນແຕ່ໝາກໄມ້ຊະນິດດຽວນັ້ນໝົດມື້ : ໂດຍອາດຈະປັບປ່ຽນຮູບແບບໄດ້ ເຊັ່ນ : ຖ້າເລືອກກິນໝາກຫຸ່ງກໍອາດຈະກິນເປັນໝາກຫຸ່ງສຸກ ຫລື ຕຳໝາກຫຸ່ງດິບ ທີ່ໃສ່ແຕ່ນຳ້ປາກັບໝາກນາວເທົ່ານັ້ນ ບໍ່ໃຫ້ໃສ່ເຄື່ອງປຸງອື່ນຕື່ມເດັດຂາດ.
  3. ຮອດຕອນສວາຍກໍໃຫ້ກິນໝາກຫຸ່ງອີກ : ແຕ່ອາດຈະເປັນນຳ້ປັ່ນໝາກຫຸ່ງ ໃຫ້ໃສ່ນຳ້ຕານໜ້ອຍທີ່ສຸດ ຫລື ຈະເຮັດນຳ້ປັ່ນໝາກຫຸ່ງສົດໆບໍ່ປະສົມຫຍັງກໍໄດ້.
  4. ຕອນແລງກໍຍັງຕ້ອງກິນໝາກຫຸ່ງອີກເປັນຄາບສຸດທ້າຍ : ໂດຍອາດຈະບີບນຳ້ໝາກນາວໃສ່ໜ້ອຍໜຶ່ງເພື່ອຕື່ມລົດຊາດ.
  5. ມື້ອື່ນເຊົ້າກ່ອນທີ່ຈະເລີ່ມກິນເຂົ້າເຊົ້າໃຫ້ດື່ມນຳ້ໝາກນາວປະສົມນຳ້ອຸ່ນ 2 ລິດ : ບີບນຳ້ໝາກນາວ 2 ໜ່ວຍ ແລະ ເກືອ 1 ບ່ວງກາເຟ ໃສ່ນຳ້ດື່ມອຸ່ນ 1 ລິດ (ນຳ້ອຸ່ນຈຳນວນ 2 ລິດ ໃຊ້ໝາກນາວ 4 ໜ່ວຍ ແລະ ເກືອ 2 ບ່ວງກາເຟ) ເມື່ອເຮົາລ້າງສານພິດຕັບຈະໄລ່ສານພິດໃຫ້ມາໂຮມກັນຢູ່ລຳໄສ້ນ້ອຍ ຈຶ່ງຕ້ອງດື່ມນຳ້ອຸ່ນປະສົມນຳ້ໝາກນາວເຂົ້າໄປກະຕຸ້ນໃຫ້ລຳໄສ້ບີບໂຕ ເພື່ອໃຫ້ສານພິດຖືກດັນອອກມາກັບອາຈົມ. ຫລັງຈາກດື່ມນຳ້ອຸ່ນແລ້ວທ່ານຈະຮູ້ສຶກເຈັບທ້ອງຢາກເຂົ້າຫ້ອງນຳ້ທັນທີ, ແຕ່ຖ້າບໍ່ມີການດື່ມນຳ້ກະຕຸ້ນ ແລະ ໄປກິນເຂົ້າເຊົ້າເລີຍ ສານພິດກໍຈະຖືກດູດກັບຄືນເຂົ້າໄປໃນກະແສເລືອດຄືເກົ່າ ເຮັດໃຫ້ການອົດອາຫານລ້າງສານພິດໃນ ມື້ນັ້ນຖືວ່າເສຍລ້າ. ຫລັງຈາກດື່ມນຳ້ໝາກນາວອຸ່ນປະມານ 10 – 20 ນາທີ ທ່ານຈະຮູ້ສຶກເຈັບທ້ອງຢາກເຂົ້າຫ້ອງນຳ້ ນັ້ນແມ່ນອາການປົກກະຕິ ຫລັງຈາກຖ່າຍທ້ອງຮຽບຮ້ອຍແລ້ວ ກໍເລີ່ມກິນເຂົ້າເຊົ້າໄດ້.

ການລ້າງສານພິດຢ່າງໜ້ອຍເດືອນລະ 1 ເທື່ອ ລຳໄສ້ກໍຈະສະອາດ, ສຸຂະພາບກໍຈະແຂງແຮງຈາກພາຍໃນສູ່ພາຍນອກ.

ການລ້າງສານພິດໃຫ້ຮ່າງກາຍດ້ວຍໝາກໄມ້ - Wave100S AD to Website 2020 0 - ການລ້າງສານພິດໃຫ້ຮ່າງກາຍດ້ວຍໝາກໄມ້
ການລ້າງສານພິດໃຫ້ຮ່າງກາຍດ້ວຍໝາກໄມ້ - WhatsApp Image 2020 05 27 at 5 - ການລ້າງສານພິດໃຫ້ຮ່າງກາຍດ້ວຍໝາກໄມ້
ການລ້າງສານພິດໃຫ້ຮ່າງກາຍດ້ວຍໝາກໄມ້ - WhatsApp Image 2020 05 27 at 5 - ການລ້າງສານພິດໃຫ້ຮ່າງກາຍດ້ວຍໝາກໄມ້
error: Alert: ເນື້ອຫາຂ່າວມີລິຂະສິດ !!