ສະຫລອງປີໃໝ່ໃຫ້ເອົາໃຈໃສ່ຄວາມສະຫງົບປອດໄພ

ສະຫລອງປີໃໝ່ໃຫ້ເອົາໃຈໃສ່ຄວາມສະຫງົບປອດໄພ - maxresdefault 1 - ສະຫລອງປີໃໝ່ໃຫ້ເອົາໃຈໃສ່ຄວາມສະຫງົບປອດໄພ
ສະຫລອງປີໃໝ່ໃຫ້ເອົາໃຈໃສ່ຄວາມສະຫງົບປອດໄພ - Untitled design - ສະຫລອງປີໃໝ່ໃຫ້ເອົາໃຈໃສ່ຄວາມສະຫງົບປອດໄພ

ໂດຍ: ກ້ອງສ່ອງ ອິດສະຫລະ

ເທົ່າທີ່ຜູ້ຂຽນໄດ້ຕິດຕາມ ສະພາບບັນຍາກາດມ່ວນຊື່ນສົ່ງ ທ້າຍ ປີເກົ່າ 2560 ຕ້ອນຮັບປີໃໝ່ 2561 ນີ້, ສະເພາະຢູ່ໃນນະຄອນ ຫລວວຽງຈັນ ເຮົາແມ່ນໄດ້ພາ ກັນລຸຍມາ ແຕ່ວັນທີ 8, ວັນທີ 9 ເດືອນເມສາ, ຍ້ອນວ່າປີນີ້ ໄດ້ ພັກຫລາຍວັນໄປຈົນຮອດວັນທີ 18-19 ສ່ວນວັນທີ 20 ພັດຖືກ ວັນສຸກບາງຄົນອາດລວາດແຂ້ວເຕົ່າໄປຮອດວັນເສົາກັບວັນທິດ ຂອງອາທິດຕໍ່ໄປ, ກະຂອງແນວ ວ່າ ໄດ້ໃຈຜູ້ມັກມ່ວນ, ບາງທ່ານ ອາດຂຶ້ນເໜືອລອງໃຕ້ ຫລື ໄປ ທ່ຽວຕ່າງປະເທດ, ສ່ວນການ ເຮັດບຸນສິນກິນທານຕາມຮີດ ຄອງປະເພນີນັ້ນ, ກໍອາດຈະສືບຕໍ່ ໄປຈົນກະທັ້ງໝົດເດືອນເມສາ ຈຶ່ງຖືວ່າ ຄົບຖ້ວນບໍລິບູນ.

 

+ ບຸນປີໃໝ່

+ ປີໃໝ່ໃຫ້ມີນ້ຳໃຈປະຢັດມັດທະຍັດ

ສະຫລອງປີໃໝ່ໃຫ້ເອົາໃຈໃສ່ຄວາມສະຫງົບປອດໄພ - Wave100S AD to Website 2020 0 - ສະຫລອງປີໃໝ່ໃຫ້ເອົາໃຈໃສ່ຄວາມສະຫງົບປອດໄພ

ແນວໃດກໍຕາມ, ໃຜຈະ ມ່ວນ, ຈະຊື່ນ, ເອົາບຸນສິນກິນ ທານແບບໃດກໍຕາມສິ່ງສຳຄັນກໍ ຄືຄວາມສະຫງົບປອດໄພໃນຊີ ວິດ ແລະ ຊັບສິນຂອງເຮົາເອງ, ຕາມຜູ້ຂຽນໄດ້ຕິດຕາມເບິ່ງ ສະພາບກ່ອນຮອດມື້ປີໃໝ່ປະກົດ ວ່າໄດ້ມີຫລາຍເຫດການເກີດ ຂຶ້ນ, ໂຕທີ່ພົ້ນເດັ່ນກວ່າໝູ່ແມ່ນ ເລື່ອງອຸປະຕິເຫດໃນທ້ອງຖະ ໜົນ, ບາງກໍລະນີກໍມີລົດຈັກຕຳ ລົດໃຫຍ່, ລົດໃຫຍ່ ແລ່ນໄປຢຽບ ເອົາລົດຈັກເຮັດໃຫ້ຄົນເຈັບ ຫລື ຕາຍຄາທີ່, ບາງກໍລະນີລົດໃຫຍ່ ກໍແລ່ນຕຳ ຫລື ຢຽບຄົນແລ້ວກໍ ປົບໜີ, ສະຫລຸບແລ້ວ, ຊ່ວງໄລຍະ ຕົ້ນ ເດືອນຫາກາງເດືອນເມສາ ຖ້າຈະບວກລົບຄູນຫານຢູ່ນະ ຄອນຫລວງວຽງຈັນກັບໃນທົ່ວປະເທດກໍອາດເປັນຫົວສິບຫົວ ຮ້ອຍ, ອີກເຫດການໜຶ່ງທີ່ໂດ່ງດັງ ຢູ່ນະຄອນຫລວງວຽງຈັນ ເຮົາ ກ່ອນມື້ບຸນປີໃໝ່ກໍແມ່ນ ເຫດການໂຈນດຶງສາຍຄໍຢູ່ຕະຫລາດຊັ່ງ ຈຽງຈົນເປັນຂ່າວຮືຮາ ໃນໂລກ ໂຊຊຽວຢູ່ພາຍໃນ ແລະ ຕ່າງ ປະເທດ. ສາເຫດທີ່ເປັນຂ່າວ ໂດ່ງ ດັງນັ້ນຍ້ອນໂຈນຖືກຍິງບາດ ເຈັບສາຫັດ ເຊິ່ງບໍ່ເຄີຍມີມາໃນ ເຫດການຄືດັ່ງກ່າວ, ສ່ວນຫລາຍ ຜູ້ຖືກເສຍຫາຍທັງເຈັບທັງເໝັນ ແລະ ທັງເສຍຊັບສິນເງິນຄຳ, ແຕ່ຄັ້ງນີ້ຖືວ່າໂຈນເປັນຝາຍຮັບ ເຄາະຍ້ອນເຈົ້າຂອງຊັບມີປືນ ແລະ ມີໝູ່ເພື່ອນທີ່ຢູ່ໃນເຫດການຊ່ວຍ ກັນປາບໂຈນ.

ຄືດັ່ງພວກເຮົາຮູ້ນຳກັນ ແລ້ວວ່າ: ພວກຄົນບໍ່ດີທີ່ເຄື່ອນ ໄຫວ ຕ້ອງໂທດໃນສັງຄົມບ້ານ ເມືອງນັ້ນ, ສ່ວນໜຶ່ງແມ່ນເວລາ ກ່ອນບຸນ ແລະ ຫລັງບຸນປາງ ໃຫຍ່ໆເຊັ່ນ: ບຸນປີໃໝ່, ບຸນນະມັດ ສະການພະທາດທີ່ມີຢູ່ໃນທ້ອງ ຖິ່ນເຂດແຂວງ ແລະ ປາງບຸນ ໃຫຍ່ອື່ນໆ.

ສາເຫດກໍຍ້ອນວ່າພວກ ຕ້ອງໂທດເຫລົ່ານີ້ກ່ອນຮອດມື້ ບຸນພວກມັນກໍຫາເງິນກຽມໄວ້ ຫລິ້ນບຸນ, ຫລັງແລ້ວບຸນກໍຊອກ ຫາເງິນໃຊ້ໜີ້, ນີ້ຄືພືດຕິກຳຂອງ ບຸກຄົນ ແລະ ກຸ່ມຄົນບໍ່ດີທີ່ເຄື່ອນ ໄຫວສ້າງຄວາມບໍ່ສະຫງົບໃນ ສັງຄົມບ້ານເມືອງນອກຈາກ ນັ້ນ, ພວກທີ່ສວຍໂອກາດຄ້າຂາຍ ເຖື່ອນ, ຕັດໄມ້ເຖື່ອນ, ແກ່ໄມ້ເຖື່ອນ ແລະ ພວກສວຍໂອກາດດ້ານ ອື່ນໆ ກໍຈະອາໄສຊ່ອງຫວ່າງ ຂອງ ບຸນເປັນສິ່ງເອື້ອອຳນວຍໃຫ້ ພວກເຂົາ, ເປັນຫຍັງຈຶ່ງວ່າແນວ ນັ້ນ? ຍ້ອນວ່າ ບັນດາເຈົ້າໜ້າທີ່ ໃຜກໍຫັນເຫໃສ່ງານບຸນ, ບາງ ຄົນກໍຂໍລາພັກເມືອຢາມບ້ານ, ບາງຄົນກໍຂໍລາພັກເຮັດບຸນສິນ ກິນທານ, ບາງທ່ານກໍໄປທ່ອງ ທ່ຽວທາງໃກ້ທາງໄກ, ສົມທົບ ກັບເຈົ້າໜ້າທີ່ ເຮົາກໍບໍ່ສາມາດ ຢາຍກັນຄືຫລັກຮົ້ວຈຶ່ງເຮັດໃຫ້ ພວກຕ້ອງໂທດເຫລົ່ານີ້ເຄືອນ ໄຫວໄດ້ງ່າຍ.

ເຖິງຢ່າງໃດກໍດີ, ຕາມຜູ້ ຂຽນວ່າ: ທາງທີ່ດີທີ່ສຸດຄືເຮົາມີ ສະຕິໃນການຮັກສາຄວາມສະ ຫງົບປອດໄພເປັນຕົ້ນການທ່ອງທ່ຽວມ່ວນຊື່ນຫລິ້ນບຸນປີໃໝ່ ກິນດື່ມເມົາແລ້ວບໍ່ຕ້ອງຂັບລົດ, ໄປມາທາງໃດໃຫ້ເບິ່ງຊ້າຍເບິ່ງ ຂວາ, ເຫັນເຫດການອັນໃດທີ່ ໜ້າ ສົງໄສບໍ່ໄວ້ໃຈໃຫ້ ອາໂລ ຫລື ເຈີດໄປຫາເຈົ້າໜ້າທີ່ບ່ອນໃກ້ ຄຽງ, ດີແທ້ບໍ່ຄວນໄປມາເດີກ ດື່ນ, ໃນເວລາກາງຄືນທາງມືດບໍ່ ໃຫ້ທຽວ, ທາງແຄບຄົດລ້ຽວຖ້າ ບໍ່ຈຳເປັນຫ້າມຜ່ານ, ເຫັນຄົນໜ້າ ຕາດີມາອະລີອະລອບຕ້ອງເບິ່ງ ແຕ່ຫົວສຸດຕີນ, ຢ່າເຊື່ອໃຈທາງ ຢ່າວາງໃຈຄົນມັນຈະສົນລະວົນ ໃຈໂຕ./.

ສະຫລອງປີໃໝ່ໃຫ້ເອົາໃຈໃສ່ຄວາມສະຫງົບປອດໄພ - maxresdefault 1 - ສະຫລອງປີໃໝ່ໃຫ້ເອົາໃຈໃສ່ຄວາມສະຫງົບປອດໄພ
(ພາບປະກອບ)
ສະຫລອງປີໃໝ່ໃຫ້ເອົາໃຈໃສ່ຄວາມສະຫງົບປອດໄພ - WhatsApp Image 2020 05 27 at 5 - ສະຫລອງປີໃໝ່ໃຫ້ເອົາໃຈໃສ່ຄວາມສະຫງົບປອດໄພ
ສະຫລອງປີໃໝ່ໃຫ້ເອົາໃຈໃສ່ຄວາມສະຫງົບປອດໄພ - WhatsApp Image 2020 05 27 at 5 - ສະຫລອງປີໃໝ່ໃຫ້ເອົາໃຈໃສ່ຄວາມສະຫງົບປອດໄພ
error: Alert: ເນື້ອຫາຂ່າວມີລິຂະສິດ !!