ລາວສະເຫລີມສະຫລອງແຄນລາວເປັນມໍລະດົກໂລກຢ່າງຍິ່ງໃຫຍ່

ລາວສະເຫລີມສະຫລອງແຄນລາວເປັນມໍລະດົກໂລກຢ່າງຍິ່ງໃຫຍ່ - sound of khaen - ລາວສະເຫລີມສະຫລອງແຄນລາວເປັນມໍລະດົກໂລກຢ່າງຍິ່ງໃຫຍ່
ລາວສະເຫລີມສະຫລອງແຄນລາວເປັນມໍລະດົກໂລກຢ່າງຍິ່ງໃຫຍ່ - Untitled design - ລາວສະເຫລີມສະຫລອງແຄນລາວເປັນມໍລະດົກໂລກຢ່າງຍິ່ງໃຫຍ່

ພິທີສະເຫລີມສະຫລອງສຽງແຄນເຊື້ອຊາດລາວເປັນມໍລະດົກດ້ານວັດທະນະທໍານາມມະທໍາຂອງມວນມະນຸດໂລກ, ໄດ້ຈັດຂຶ້ນຢ່າງສົມກຽດ ແລະ ຍິ່ງໃຫຍ່ໃນຄືນວັນທີ 11 ເມສານີ້, ຢູທີ່ຫໍວັດທະນະທໍາແຫ່ງຊາດນະຄອນຫລວງວຽງຈັນ, ໂດຍການໃຫ້ກຽດເຂົ້າຮ່ວມຂອງທ່ານນາຍົກລັດຖະມົນຕີ ທອງລຸນ ສີສຸລິດ, ມີບັນດາການນໍາຂັ້ນສູງພັກ-ລັດ, ທູຕານຸທູດ, ອົງການຈັດຕັ້ງສາກົນ ແລະ ມວນຊົນຊາວນະຄອນຫລວງວຽງຈັນເຂົ້າຮ່ວມສະແດງຄວາມຊົມເຊີຍເປັນຈໍານວນຫລວງຫລາຍ.

ໃນໂອກາດທີ່ມີຄວາມສໍາຄັນນີ້, ທ່ານລັດຖະມົນຕີກະຊວງຖະແຫລ່ງຂ່າວ, ວັດທະນາທໍາ ແລະ ທ່ອງທ່ຽວ ບໍ່ແສງຄໍາ ວົງດາລາ ໄດ້ຂຶ້ນມີຄໍາເຫັນວ່າ: ມື້ນີ້ ພວກເຮົາສຸດທີ່ມີຄວາມເບີກບານມ່ວນຊື່ນຍິນດີ ເພື່ອສະເຫລີມສະຫລອງເຫດ ການປະຫວັດສາດດ້ານວັດທະນະທຳຂອງຊາດເຮົາ ຄືການທີ່ສຽງແຄນລາວໄດ້ ຮັບການບັນທຶກໂດຍອົງການອຸຍແນສ໌ໂກເຂົ້າເປັນມໍລະດົກດ້ານວັດທະນະທຳ ນາມມະທຳຂອງມວນມະນຸດໂລກ. ສຽງແຄນລາວເປັນມູູນມໍລະດົກວັດທະນະທຳ ອັນລ້ຳຄ່າຂອງປວງຊົນລາວເຮົາມາແຕ່ບູຮານນະການ ແລະ ຕິດພັນຢ່າງສະ ໜິດແໜ້ນກັບການດຳລົງຊີວິດຂອງຄົນລາວເຮົາໃນທຸກພາກ, ທຸກເຂດແຂວງທົ່ວ ປະເທດ, ໄດ້ຮ່ວມໃຈ, ຮ່ວມທາງ ແລະ ຮ່ວມຄຽງຂ້າງກັບຄົນລາວເຮົາໄປທົ່ວ ທຸກຫົນແຫ່ງໃນທຸກມຸມໂລກ, ສຽງແຄນໄດ້ຝັງເລິກຢູ່ໃນດວງຈິດດວງໃຈຂອງຄົນ ລາວເຮົາໃນທຸກສະຖານະພາບ ແລະ ສຽງແຄນກໍຮ່ວມກັບເຊື້ອຊາດລາວເຮົາ ເດີນຜ່ານເສັ້ນທາງອັນຍາວໄກ, ລະອິດລະອ້ຽວ ແລະ ສະຫງ່າລາສີແຫ່ງປະ ຫວັດສາດຫລາຍພັນປີຂອງຊາດເຮົາ ຈົນມີຄຳເວົ້າສືບຕໍ່ກັນມາວ່າ: “ຢູ່ບ່ອນໃດມີ ສຽງແຄນແມ່ນບ່ອນນັ້ນມີຄົນລາວ” ຫລື ເວົ້າກັນອີກວ່າ: “ຜູ້ໃດຢູ່ເຮືອນຮ້ານ, ກິນເຂົ້າໜຽວ, ເປົ່າແຄນ ຜູ້ນັ້ນແມ່ນຄົນລາວ”.

ຍ້ອນແນວນັ້ນ ສຽງແຄນຈຶ່ງກາຍເປັນມູນມໍລະດົກວັດທະນະທຳອັນລ້ຳຄ່າ ຢ່າງແທ້ຈິງຂອງປວງຊົນຊາວລາວພວກເຮົາ ເຊິ່ງພັກ ແລະ ລັດເຮົາໄດ້ມີນະໂຍ ບາຍມາແຕ່ເບື້ອງຕົ້ນວ່າ ໃຫ້ຖະໜຸຖະໜອມປົກປັກຮັກສາ, ຟື້ນຟູ, ເສີມຂະ ຫຍາຍມູນເຊື້ອວັດທະນະທຳອັນດີງາມຂອງຊາດໃຫ້ຍືນຍົງຢູ່ຄຽງຄູ່ກັບຊາດລາວ ເຮົາຕະຫລອດຊົ່ວກາລະນານ.

ໂດຍປະຕິບັດຕາມແນວທາງນະໂຍບາຍຂອງພັກ ແລະ ການຊີ້ນຳຢ່າງ ໃກ້ຊິດຕິດແທດຂອງລັດຖະບານ, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ຈຶ່ງໄດ້ພາກພຽນພະຍາຍາມເອົາໃຈໃສ່ຄົ້ນຄວ້າ, ຟື້ນຟູອະນຸລັກຮັກສາ ແລະ ເສີມຂະຫຍາຍມູນເຊື້ອວັດທະນະທຳອັນດີງາມຂອງຊາດຂອງບັນດາເຜົ່າ ໃນທົ່ວປະເທດເຮົາ ແລະ ໄດ້ສູ້ຊົນສະເໜີໃຫ້ອົງການອຸຍແນສ໌ໂກ ເຊິ່ງເປັນອົງ ການທີ່ດູແລຂົງເຂດການສຶກສາ, ວິທະຍາສາດ ແລະ ວັດທະນະທຳຂອງສະຫະ ປະຊາຊາດພິຈາລະນາຮັບຮອງເອົາມໍລະດົກວັດທະນະທຳຂອງຊາດເຮົາເຂົ້າເປັນ ມໍລະດົກໂລກຕາມລະບຽບການ. ຜ່ານການຄົ້ນຄວ້າສ້າງເອກະສານນຳສະເໜີ ແລະ ພາກພຽນຕິດຕາມອະທິບາຍໃນກອງປະຊຸມຕ່າງໆມາຫລາຍປີ, ພະນັກ ງານນັກຮົບວັດທະນະທຳພວກເຮົາໄດ້ຄ່ອຍໆຊີ້ແຈງໃຫ້ຄະນະກຳມະການທີ່ກ່ຽວ ຂ້ອງໄດ້ຮັບຊາບຄວາມເປັນຈິງຕ່າງໆກ່ຽວກັບມໍລະດົກວັດທະນະທຳແຕ່ລະຢ່າງ ແຕ່ລະປະເພດຂອງຊາດລາວເຮົາຈົນໃນທີ່ສຸດມາເຖິງວັນທີ 7 ທັນວາ 2017 ກອງປະຊຸມຄະນະກຳມະການລະຫວ່າງຊາດວ່າດ້ວຍການອະນຸລັກມໍລະດົກວັດ ທະນະທຳນາມມະທຳຂອງອົງການອຸຍແນສ໌ໂກທີ່ຈັດຂຶ້ນຢູ່ແຂວງເຈຈູ ປະເທດ ສ.ເກົາຫລີ ໄດ້ຕົກລົງໃຫ້ອົງການອຸຍແນສ໌ໂກຮັບຮອງເອົາສຽງແຄນລາວເຂົ້າ ເປັນມໍລະດົກວັດທະນະທຳນາມມະທຳຂອງມວນມະນຸດໂລກ ແລະ ໃນວັນທີ 14 ມີນາ 2018 ຄະນະຜູ້ແທນລາວເຮົານຳໂດຍ ທ່ານຮອງນາຍົກລັດຖະມົນຕີ ສອນໄຊ ສີພັນດອນ ກໍໄດ້ໄປຮັບເອົາໃບຢັ້ງຢືນດັ່ງກ່າວຈາກທ່ານ ນາງ ໂອໂດຣ ອາຊູໄລ ຜູ້ອຳນວຍການໃຫຍ່ອົງການອຸຍແນສ໌ໂກຢ່າງເປັນທາງການ ທີ່ນະຄອນຫລວງປາຣີ ປະເທດຝຣັ່ງ.

ລາວສະເຫລີມສະຫລອງແຄນລາວເປັນມໍລະດົກໂລກຢ່າງຍິ່ງໃຫຍ່ - Wave100S AD to Website 2020 0 - ລາວສະເຫລີມສະຫລອງແຄນລາວເປັນມໍລະດົກໂລກຢ່າງຍິ່ງໃຫຍ່

ນີ້ເປັນເຫດການປະຫວັດສາດທີ່ໜ້າພາກພູມໃຈ ແລະ ເປັນກຽດອັນສູງ ສົ່ງທີ່ໜ້າເອກອ້າງທະນົງໃຈຂອງປວງຊົນລາວທັງຊາດ ຕະຫລອດເຖິງຄົນເຊື້ອ ຊາດລາວ, ເຊື້ອສາຍລາວທີ່ຢູ່ທຸກມຸມໂລກອີກດ້ວຍ. ເຫດການນີ້ໄດ້ປະກາດຢັ້ງ ຢືນໃຫ້ທົ່ວໂລກໄດ້ຮັບຊາບຢ່າງເປັນທາງກາສຽນແຄນຂອງຊາວລາວເຮົາໄດ້ຮັບ ການຂຶ້ນທະບຽນຮັບຮອງຈາກອົງການອຸຍແນສ໌ໂກ ຂອງສະຫະປະຊາຊາດ ເປັນມໍລະດົກຂອງມວນມະນຸດໂລກແລ້ວ ເຊິ່ງຈະຍືນຍົງຢູ່ຄຽງຄູ່ກັບມວນມະນຸດ ທົ່ວໂລກຢ່າງຖາວອນຕະຫລອດໄປ.

ເຫດການອັນເປັນປະຫວັດສາດນີ້ ເປັນໝາກຜົນແຫ່ງການຈັດຕັ້ງປະຕິ ບັດແນວທາງນະໂຍບາຍອັນຖືກຕ້ອງສ່ອງໃສຂອງພັກ-ລັດເຮົາ ໂດຍສະເພາະ ແມ່ນນະໂຍບາຍວ່າດ້ວຍວັດທະນະທຳ ເຊິ່ງຍາມໃດພັກເຮົາກໍໄດ້ຊີ້ນຳໃຫ້ເອົາໃຈ ໃສ່ປົກປັກຮັກສາ ແລະ ເສີມຂະຫຍາຍມູນເຊື້ອວັດທະນະທຳອັນດີງາມຂອງ ຊາດ, ພ້ອມທັງຮັບເອົາສິ່ງຍອດຍິ່ງຈາກວັດທະນະທຳຂອງສາກົນ ເພື່ອສືບຕໍ່ພັດ ທະນາວັດທະນະທຳແຫ່ງຊາດເຮົາໃຫ້ມີລັກສະນະຊາດ, ມະຫາຊົນ ແລະ ກ້າວ ໜ້າ, ຕິດພັນກັບການພັດທະນາເສດຖະກິດ-ສັງຄົມຂອງຊາດໃຫ້ຍືນຍົງຄົງູຢູ່ຄຽງ ຄູ່ກັບຊາດລາວເຮົາຕະຫລອດໄປ.

ລາວສະເຫລີມສະຫລອງແຄນລາວເປັນມໍລະດົກໂລກຢ່າງຍິ່ງໃຫຍ່ - WhatsApp Image 2020 05 27 at 5 - ລາວສະເຫລີມສະຫລອງແຄນລາວເປັນມໍລະດົກໂລກຢ່າງຍິ່ງໃຫຍ່
ລາວສະເຫລີມສະຫລອງແຄນລາວເປັນມໍລະດົກໂລກຢ່າງຍິ່ງໃຫຍ່ - WhatsApp Image 2020 05 27 at 5 - ລາວສະເຫລີມສະຫລອງແຄນລາວເປັນມໍລະດົກໂລກຢ່າງຍິ່ງໃຫຍ່
error: Alert: ເນື້ອຫາຂ່າວມີລິຂະສິດ !!