ຊາວໜຸ່ມລາວເຂົ້າຮ່ວມການແຂ່ງຂັນ Imagine Cup ຮອບຊິງຊະນະເລີດປະຈຳພາກພື້ນທີ່ປະເທດຟີລິບປິນ

- kitchen vibe - ຊາວໜຸ່ມລາວເຂົ້າຮ່ວມການແຂ່ງຂັນ Imagine Cup ຮອບຊິງຊະນະເລີດປະຈຳພາກພື້ນທີ່ປະເທດຟີລິບປິນ

- PL 300x165 - ຊາວໜຸ່ມລາວເຂົ້າຮ່ວມການແຂ່ງຂັນ Imagine Cup ຮອບຊິງຊະນະເລີດປະຈຳພາກພື້ນທີ່ປະເທດຟີລິບປິນ

ທີມ BUG5 ເປັນທີມນັກ ປະດິດໄວໜຸ່ມ 3 ຄົນປະກອບມີ: ທ້າວ ທະນົງສິນ ຈັນທະຄາມ, ທ້າວ ຄັດທະພອນ ທະນົງສຸເມືອງ ໄຊ ແລະ ທ້າວ ສາຍພິນ ເພັດອຳ ພອນ, ເຊິ່ງທັງໝົດເປັນນັກສຶກສາ ຈາກມະຫາວິທະຍາໄລແຫ່ງ ຊາດ, ຄະນະວິສະວະກຳສາດ, ພາກວິຊາ ຄອມພິວເຕີ ແລະ ຂໍ້ມູນ ຂ່າວສານ ຈາກປະເທດລາວ, ໄດ້ຮັບຄັດ ເລືອກໃຫ້ເປັນຕົວແທນ ຂອງປະເທດເຂົ້າຮ່ວມການແຂ່່ງຂັນ Microsoft Imagine Cup 2017 ຄັ້ງທີ 15 ຮອບຊິງຊະນະ ເລີດ ປະຈຳພາກພື້ນອາຊີຕາ ເວັນ ອອກສ່ຽງໃຕ້ທີ່ປະເທດຟີລິບປິນ, ພາຍໃຕ້ໂຄງການເລັ່ງ ສ້າງວິສາຫະກິດເລີ່ມຕົ້ນເພື່ອການເຕີບ ໃຫຍ່ໃນລະດັບສາກົນເພື່ອສ້າງ ຄວາມເຂັ້ມແຂງໃຫ້ນັກສຶກສາ ວິທະຍາສາດຄອມພິວເຕີລຸ້ນໃຫມ່, ໂດຍນັກສຶກສາກຸ່ມດັ່ງກ່າວເປັນທີມທຳອິດຈາກປະເທດລາວທີ່ ສາມາດ ເຂົ້າໄປໃນຮອບຊິງຊະ ນະເລີດປະຈຳພາກພື້ນໃນການ ແຂ່ງຂັນຄັ້ງນີ້, ໂດຍກ່ອນໜ້ານີ້ ພວກ ເຂົາໄດ້ເອົາຊະນະ ທີມຈາກ ປະເທດມຽນມາ, ກຳປູເຈຍ ແລະ ບລູໄນ ຈາກຜົນງານປະດິດສ້າງ ທີ່ມີສ່ວນຊ່ວຍແກ້ໄຂບັນຫາສຳ ລັບຜູ້ພິການທາງສາຍຕາໃຫ້ສາມາດນໍາໃຊ້ສະມາດໂຟນຄືກັບ ຄົນທົ່ວໄປໄດ້.
ຮອບຊິງຊະນະເລີດລະດັບພາກພື້ນຈະຈັດຂຶ້ນລະຫວ່າງວັນທີ 23-27 ເມສານີ້ທີ່ປະເທດ ຟີລີບປີນ
ທ້າວ ທະນົງສິນ ຈັນທະ ຄາມ ເປັນຫົວໜ້າທີມ ໄດ້ກ່າວ ວ່າ:  ອີງຕາມ ຂໍ້ມູນຂອງ ອົງ ການອະນາໄມໂລກມີປະມານ 285 ລ້ານຄົນທີ່ພິການ ທາງ ສາຍຕາ, ປະມານ 39 ລ້ານຄົນ ທີ່ຕາບອດ ແລະ 246 ລ້ານຄົນ ທີ່ມີ ຄວາມສາມາດ ທາງ ວິໄສ ທັດຕໍ່າ, ເຊິ່ງພວກເຂົາເຫລົ່າ ນັ້ນໄດ້ໃຊ້ຊີວິດໂດຍປາສະຈາກການເບິ່ງເຫັນ ແລະ ມີຄວາມ ຫຍຸ້ງຍາກໃນການດໍາລົງຊີວິດ. ແຕ່ສະມາດໂຟນບໍ່ໄດ້ອອກແບບມາສຳລັບຄົນທີ່ມີຄວາມບົກ ພ່ອງທາງການ ເບິ່ງເຫັນ. ດັ່ງນັ້ນ ພວກເຮົາເລີຍຄິດຫາທາງອອກໃຫ້ຜູ້ພິການດ້ວຍການນຳໃຊ້ ເຕັກໂນໂລຊີສຳລັບຄົນພິການ ທາງສາຍຕາເພື່ອໃຫ້ພວກເຂົາ ສາມາດນຳໃຊ້ສະມາດໂຟນຄື ກັບຄົນອື່ນໆໄດ້.
ທ່ານ ມີເຊລ ໄຊມອນ ຜູ້ບໍ ລິຫານຕະຫຼາດໃໝ່ອາຊີຕາເວັນ ອອກສ່ຽງໃຕ້ Microsoft APAC ກ່າວວ່າ: Imagine Cup ເປັນໂຄງການທີ່ສຳຄັນ ເພື່ອເຝິກນັກປະດິດໄວໜຸ່ມຜູ້ມີ ພອນສະຫວັນ ແລະ ຊ່ວຍສ້າງຄວາມໄຝ່ ຝັນຂອງພວກເຂົາ ທີ່ຢາກຈະປ່ຽນແປງໂລກໃຫ້ດີກວ່າເກົ່າ. ຕະຫຼອດໄລຍະດຳເນີນ ການຄັດເລືອກໃນການ ແຂ່ງຂັນ Imagine Cup ແຕ່  ລະປີ, ພວກເຮົາໄດ້ຮັບແຮງບັນດານໃຈຈາກຄວາມຄິດປະດິດສ້າງ, ພອນສະ ຫວັນ, ທັກສະ ແລະ ວິໄສທັດທີ່ອອກມາຈາກນັກ ສຶກສາລຸ້ນໜຸ່ມ, ເຊິ່ງປີນີ້ພວກເຮົາ ໄດ້ທີມຈາກປະເທດລາວ ທຳອິດທີ່ໄດ້ເຂົ້າຮ່ວມແຂ່ງຂັນກັບອີກ 9 ທີມຈາກປະເທດຕ່າງໆໃນພາກພື້ນ, ເຊິ່ງເປັນເວລາຫຼາຍປີມາ ແລ້ວທີ່ ການແຂ່ງຂັນດັ່ງກ່າວ ໄດ້ກາຍເປັນເວທີສ້າງນັກປະດິດ ແລະ ນັກທຸລະກິດໜຸ່ມເພື່ອໃຫ້ ເຂົາໄດ້ໃຊ້ຄວາມຄິດຂອງ ຕົນເອງ ແລ້ວໄປໝູນໃຊ້ໃນອະນາ ຄົດ ແລະ ມັນໄດ້ກາຍ ເປັນໂຄງການໃຫຍ່ອັນໜຶ່ງຂອງໂລກ, ໂດຍການສະໜັບ ສະໜູນຂອງ ໄມໂຄຊອບ, ເຊິ່ງເປັນໜຶ່ງໃນນະ ວັດຕະກໍາເຕັກໂນໂລຊີຍັກໃຫຍ່ຂອງໂລກ.

- Visit Laos Visit SALANA BOUTIQUE HOTEL - ຊາວໜຸ່ມລາວເຂົ້າຮ່ວມການແຂ່ງຂັນ Imagine Cup ຮອບຊິງຊະນະເລີດປະຈຳພາກພື້ນທີ່ປະເທດຟີລິບປິນ
- 5 - ຊາວໜຸ່ມລາວເຂົ້າຮ່ວມການແຂ່ງຂັນ Imagine Cup ຮອບຊິງຊະນະເລີດປະຈຳພາກພື້ນທີ່ປະເທດຟີລິບປິນ
- 3 - ຊາວໜຸ່ມລາວເຂົ້າຮ່ວມການແຂ່ງຂັນ Imagine Cup ຮອບຊິງຊະນະເລີດປະຈຳພາກພື້ນທີ່ປະເທດຟີລິບປິນ
- 4 - ຊາວໜຸ່ມລາວເຂົ້າຮ່ວມການແຂ່ງຂັນ Imagine Cup ຮອບຊິງຊະນະເລີດປະຈຳພາກພື້ນທີ່ປະເທດຟີລິບປິນ