ຄ່າໃຊ້ຈ່າຍດ້ານການທະຫານຢູ່ຣັດເຊຍເພີ່ມເປັນອັນດັບ 3 ຂອງໂລກ

- Untitled design - ຄ່າໃຊ້ຈ່າຍດ້ານການທະຫານຢູ່ຣັດເຊຍເພີ່ມເປັນອັນດັບ 3 ຂອງໂລກ

- 1493004352708 960x0 300x169 - ຄ່າໃຊ້ຈ່າຍດ້ານການທະຫານຢູ່ຣັດເຊຍເພີ່ມເປັນອັນດັບ 3 ຂອງໂລກ     ສະ​ຕອກ​ໂຮມ 24 ​ເມສາ: ຜົນ​ການ​ສຶກສາ​ພົບ​ວ່າ: ຣັດ​ເຊຍ​ກາຍ​ເປັນ​ປະ​ເທດ​ທີ່​ມີຄ່າ​ໃຊ້​ຈ່າຍ​ດ້ານ​ການ​ທະຫານ​ສູງ​ເປັນອັນ​ດັບ 3 ຂອງ​ໂລກ​ໃນ​ປີຜ່ານມາ, ຂະນະ​ທີ່​ອັດຕາ​ຄ່າ​ໃຊ້​ຈ່າຍ​ທົ່ວ​ໂລກ​ເພີ່ມ​ຂຶ້ນຕໍ່​ເນື່ອງ​ເປັນ​ປີ​ທີ 2 ຕິດ​ຕໍ່​ກັນ.

ລາຍ​ງານ​ຂອງ​ສະ​ຖາ​ບັນ​ວິ​ໄຈ​ສັນຕິພາບ​ລະຫວ່າງ​ປະ​ເທດ​ສະ​ຕອກ​ໂຮມ (SIPRI) ລະບຸ​ວ່າ: ຄ່າ​ໃຊ້​ຈ່າຍ​ດ້ານ​ການ​ທະຫານ​ຂອງຣັດ​ເຊຍ​ໃນ​ປີ 2016 ​ເພີ່ມ​ຂຶ້ນ 5,9% ຈາກ​ປີ​ກ່ອນ​ໜ້າ ​ໄປ​ຢູ່​ລະດັບ 69.200 ລ້ານ​ໂດ​ລາ​ສະຫະລັດ ​ເປັນ​ອັດຕາ​ສ່ວນ​ຕໍ່​ລວມຍອດ​ຜະລິດ​ຕະພັນ​ພາຍ​ໃນ ຫລື GDP ສູງ​ທີ່​ສຸດ​ນັບ​ແຕ່ຣັດ​ເຊຍ​ກາຍ​ເປັນ​ລັດ​ເອກະລາດ. ​ເຖິງ​ຢ່າງ​ໃດ​ກໍ​ດີ, ຄ່າ​ໃຊ້​ຈ່າຍ​ດ້ານ​ການ​ທະຫານ​ຂອງຣັດ​ເຊຍ​ເພີ່ມ​ຂຶ້ນ, ຂະນະ​ທີ່​ປະ​ເທດ​ພວມ​ປະສົບ​ບັນຫາ​ດ້ານ​ເສດຖະກິດ​ຈາກ​ລາຄາ​ນ້ຳມັນ​ຕົກ​ຕໍ່າ ​ແລະ ຖືກ​ປະ​ເທດ​ຕາ​ເວັນ​ຕົກ​ຂວ້ຳບາດ​ທາງ​ເສດຖະກິດ​ມາ​ແຕ່​ປີ 2014 ຈາກ​ກໍລະນີ​ຄວາມ​ຂັດ​ແຍ່ງ​ຢູ່​ອູ​ແກຣນ.

​ເມື່ອ​ປຽບທຽບ​ຄ່າ​ໃຊ້​ຈ່າຍ​ດ້ານ​ການ​ທະຫານ​ຂອງ​ທຸກ​ປະ​ເທດ​ທົ່ວ​ໂລກ, ຣັດ​ເຊຍ​ແຊງ​ໜ້າ​ອາຣັບບີ ຊາ​ອຸ​ດິດ ຂຶ້ນ​ເປັນອັນ​ດັບ 3 ຂອງ​ປະ​ເທດ​ທີ່​ໃຊ້​ງົບ​ທາງ​ທະຫານ​ຫລາຍ​ທີ່​ສຸດ ​ໂດຍ​​ໃນ​ປີຜ່ານມາ, ອາຣັບບີ ຊາ​ອຸ​ດິດ ​ໃຊ້​ງົບປະມານ​ທັງ​ໝົດ 63.700 ລ້ານ​ໂດ​ລາ​ສະຫະລັດ ຫລຸດ​ລົງ 30% ​ເຖິງ​ວ່າ​ມີ​ເຫດ​ສູ້​ຮົບ​ໃນ​ພາກພື້ນຢ່າງ​ຕໍ່​ເນື່ອງ​ກໍ​ຕາມ, ສ່ວນ​ອາ​ເມ​ລິ​ກາ​ຍັງ​ເປັນ​ປະ​ເທດ​ທີ່​ໃຊ້​ງົບປະມານ​ຄ່າ​ໃຊ້​ຈ່າຍ​ດ້ານ​ການ​ທະຫານ​ຫລາຍ​ທີ່​ສຸດ​ໃນ​ໂລກ 611.000 ລ້ານ​ໂດ​ລາ​ສະຫະລັດ ຂະຫຍາຍຕົວ 1,7%. ຂະນະ​ທີ່​ຈີນ​ຈ່າຍ​ງົບ​ເພີ່ມ 5,4% ​ໄປ​ຢູ່​ລະດັບ 215.000 ລ້ານ​ໂດ​ລາ​ສະຫະລັດ ​ແຕ່​ເປັນ​ອັດຕາ​ທີ່​ຂະຫຍາຍຕົວ​ຕໍ່າ​ກວ່າ​ປີ​ກ່ອນ​ໜ້າ.

- Wave100S AD to Website 2020 0 - ຄ່າໃຊ້ຈ່າຍດ້ານການທະຫານຢູ່ຣັດເຊຍເພີ່ມເປັນອັນດັບ 3 ຂອງໂລກ

ສ່ວນ​ເອີຣົບທີ່​ຕ້ອງ​ຜະ​ເຊີນ​ກັບ​ໄພ​ກໍ່​ການ​ຮ້າຍ​ເລື້ອຍໆ ນັບ​ແຕ່​ປີ 2015 ກໍ​ເພີ່ມ​ງົບ​ດ້ານ​ການ​ທະຫານ​ເຊັ່ນ​ກັນ ​ໂດຍ​ເອີຣົບຕາ​ເວັນ​ຕົກ​ມີຄ່າ​ໃຊ້​ຈ່າຍ​ເພີ່ມ​ຂຶ້ນ 2,6% ຂະຫຍາຍຕົວ​ຕໍ່​ເນື່ອງ​ເປັນ​ປີ​ທີ 2 ຕິດ​ຕໍ່​ກັນ. ຂະນະ​ທີ່​ຈຳນວນ​ຄ່າ​ໃຊ້​ຈ່າຍ​ຢູ່​ເອີຣົບກາງ​ເພີ່ມ​ຂຶ້ນ 2,4% ​ໃນ​ປີຜ່ານມາ.

- WhatsApp Image 2020 05 27 at 5 - ຄ່າໃຊ້ຈ່າຍດ້ານການທະຫານຢູ່ຣັດເຊຍເພີ່ມເປັນອັນດັບ 3 ຂອງໂລກ
- WhatsApp Image 2020 05 27 at 5 - ຄ່າໃຊ້ຈ່າຍດ້ານການທະຫານຢູ່ຣັດເຊຍເພີ່ມເປັນອັນດັບ 3 ຂອງໂລກ
error: Alert: ເນື້ອຫາຂ່າວມີລິຂະສິດ !!