ສວນວັດທະນະທຳຊຽງຄວນພວມໄດ້ຮັບການປັບປຸງ

ສວນວັດທະນະທຳຊຽງຄວນພວມໄດ້ຮັບການປັບປຸງ - 21111 - ສວນວັດທະນະທຳຊຽງຄວນພວມໄດ້ຮັບການປັບປຸງ
ສວນວັດທະນະທຳຊຽງຄວນພວມໄດ້ຮັບການປັບປຸງ - Untitled design - ສວນວັດທະນະທຳຊຽງຄວນພວມໄດ້ຮັບການປັບປຸງ

ໂດຍ: ຊາຍພະເນຈອນ  

ຖ້າຈະເວົ້າເຖິງສວນວັດ ທະນະທໍາຊຽງຄວນແລ້ວ ຜູ້ຂ້າ ຍັງຄິດເຫັນອະດີດສິບປີຫຼັງທີ່ ເຄີຍພາຄອບຄົວ ແລະ ລູກຫຼານ ໄປທ່ຽວຫຼິ້ນໃນສະຖານທີ່ແຫ່ງ ນັ້ນ ເຊິ່ງເປັນສະຖານທີ່ອັນງົດ ງາມໂດຍມີຫຼາຍສິ່ງຫຼາຍຢ່າງ ໄດ້ເບິ່ງໄດ້ຊົມ ເຊິ່ງເປັນສວນທີ່ ໄດ້ຖືກສ້າງຂຶ້ນມາແຕ່ປີ 1958 ໂດຍແມ່ນ ປູ່ບຸນເຫຼືອ ສຸຣິຣັດ , ເປັນສວນທີ່ບົ່ງບອກເຖິງສາດ ສະໜາພຸດ ແລະ ຮິນດູຄຽງຄູ່ກັນ ໄປ ໂດຍໄດ້ສັງເກດຈາກຮູບປັ້ນ ແລະ ຮູບລໍ່ຕ່າງໆຢັ່ງຢາຍກັນໄປ ຫຼາຍກວ່າ 200 ແບບ, ໃນນັ້ນ ກໍ ມີທັງຮູບຄົນ, ຜີ, ເທວະດາ, ພຣະ, ສັດເດຍລະສານຕ່າງໆ ເຫັນແລ້ວໜ້າຊື່ນຊົມ, ໜ້າອັດສະ ຈັນ ແລະ ພິດສະຫວົງ ສົງໄສ ປະປົນກັນໄປ. ສິ່ງທີ່ໂດດເດັ່ນໃນ ອຸທະຍານ ແຫ່ງນີ້ກໍຄື ພຣະພຸດ ທະຮູບປາງນອນ(ປາງພຸດທະ ໄສຍາດ)ທີ່ມີຄວາມຍາວປະ ມານ 50 ແມັດ ແລະ ປະຕິມະ ກໍາຣາຫູຍັກທີ່ກໍາລັງອ້າປາກ ຢູ່ ເຊິ່ງເປັນປະຕູເດີນທາງຂຶ້ນໄປສູ່ ສະຫວັນຊັ້ນ 7, ສິ່ງເຫຼົ່ານີ້ນອກ ຈາກຈະສ້າງຄວາມປະທັບໃຈ ໃຫ້ກັບນັກທ່ອງທ່ຽວ ແລ້ວຍັງ ເປັນສິ່ງດຶງດູດ ຈິດໃຈໃຫ້ຄົນ ຕ່າງ ດ້າວທ້າວຕ່າງແດນເຂົ້າ ມາທ່ຽວຊົມເປັນຈໍານວນຫຼວງ ຫຼາຍ. ແຕ່ກໍໜ້າເສຍດາຍຄວາມ ງົດງາມ ແລະ ສິ່ງທີ່ໜ້າຊື່ນຊົມ ແລະ ປະທັບໃຈເຫຼົ່ານັ້ນ ກໍໄດ້ຈືດ ຈາງ ແລະ ຫາຍໄປຊົ່ວໄລຍະ ໜຶ່ງໂດຍສັງເກດເຫັນໃນເວລາ ຂີ່ລົດຜ່ານໄປມາສະຖານທີ່ເຄີຍມາທ່ຽວຊົມກໍເສົ້າໝອງ, ບໍ່ມີ ຜູ້ຄົນມາທ່ຽວຊົມເໝືອນຄາວ ກ່ອນເຮັດໃຫ້ຈິດໃຈອອ່ນໄຫວ ຄິດຢາກມາທ່ຽວຊົມອີກຄັ້ງ, ແຕ່ ກໍຍັງຄິດໝັ້ນໃຈ ແລະ ເຊື່ອໝັ້ນ ຕໍ່ກັບການຊີ້ນໍາ-ນໍາພາຂອງພັກ ແລະ ລັດຈະຕ້ອງມີການປັບປຸງ ແລະ ພັດທະນາຄືນໃໝ່ຢ່າງແນ່ ນອນຕ້ອງລໍຄອຍໄປຕື່ມອີກ.

 

ສວນວັດທະນະທຳຊຽງຄວນພວມໄດ້ຮັບການປັບປຸງ - chomping xieng khuan buddha park laos 1 - ສວນວັດທະນະທຳຊຽງຄວນພວມໄດ້ຮັບການປັບປຸງ

 

ສວນວັດທະນະທຳຊຽງຄວນພວມໄດ້ຮັບການປັບປຸງ - Wave100S AD to Website 2020 0 - ສວນວັດທະນະທຳຊຽງຄວນພວມໄດ້ຮັບການປັບປຸງ

+ ທ່ຽວຊົມຄຳມ່ວນດິນແດນປະຫວັດສາດວິລະຊົນ

+ ຫົວພັນຍົກລະດັບຄຸນນະພາບການບໍລິການທ່ອງທ່ຽວ

ພໍມາຮອດປັດຈຸບັນ, ການ ລໍຄອຍກໍໃກ້ຈະປະກົດຜົນເປັນ ຈິງແລ້ວໃນການທີ່ຈະມາທ່ຽວ ຊົມອຸທະຍານດິນແດນແຫ່ງນີ້ ອີກຄັ້ງ, ໂດຍໄດ້ມີບໍລິສັດທ່ອງ ທ່ຽວ ແລະ ການລົງທຶນຈໍາກັດ ຜູ້ດຽວໄດ້ຍື່ນມືເຂົ້າມາເພື່ອປັບ ປຸງ ແລະ ພັດທະນາຄືນໃໝ່ໃຫ້ ສວຍສົດງົດງາມຂຶ້ນກວ່າເກົ່າ ເຊິ່ງໄດ້ເລີ່ມຕົ້ນມາແຕ່ເດືອນ ສິງຫາຂອງປີຜ່ານມາ ແລະ ມາ ຮອດປັດຈຸບັນນີ້ໜ້າວຽກໄດ້ມີ ຄວາມຄືບໜ້າກາຍໄປເຄິ່ງແລ້ວໂດຍໄດ້ນໍາໃຊ້ງົບປະມານຫຼາຍກວ່າ 40ຕື້ກີບເຂົ້າໃນການປັບ ປຸງ ແລະ ພັດທະນາ. ອີກບໍ່ດົນ ກໍຈະໄດ້ມາທ່ຽວຊົມຢ່າງສະບາຍ ແລະ ຄາດວ່າຄັ້ງນີ້ຫຼາຍໆ ທ່ານ ກໍຄົງຈະອົດໃຈລໍເພື່ອຈະໄດ້ມາສໍາພັດກັບບັນຍາກາດອັນໃໝ່ໆແປກໆທັງໃໝ່ ແລະ ເກົ່າຄຽງ ຄູ່ ກັນໄປ. ເຖິງຢ່າງໃດກໍຕາມຜູ້ ຂ້າ ໃນນາມເປັນນັກຂ່າວ ທີ່ເປັນ ກະບອກສຽງໃຫ້ພັກ-ລັດ, ໃຫ້ ສັງຄົມ ແລະ ປະເທດຊາດຂໍ ສະແດງຄວາມຮູ້ບຸນຄຸນຢ່າງ ລົ້ນເຫຼືອທີ່ໃຫ້ຄວາມສໍາຄັນດ້ານ ນີ້, ຂໍສະແດງຄວາມຂອບອົກ ຂອບໃຈມາຍັງບໍລິສັດທ່ອງທ່ຽວ ແລະ ການລົງທຶນຈໍາກັດຜູ້ດຽວ ທີ່ມາຊ່ວຍປັບປຸງປົວແປງ ແລະ ພັດທະນາຄືນໃໝ່ໃຫ້ເປັນສະ ຖານທີ່ທ່ອງທ່ຽວທີ່ໂດດເດັ່ນ ແລະ ສໍາຄັນອີກແຫ່ງ ໜຶ່ງຂອງ ນະຄອນຫຼວງວຽງຈັນ ເພື່ອໃຫ້ ເປັນໃບໜ້າໃໝ່ຂອງຊາວນະ ຄອນຫຼວງວຽງຈັນອີກຄັ້ງ ແລະ ຫວັງຢ່າງຍິ່ງວ່າຈະມີນັກທ່ອງ ທ່ຽວທັງພາຍໃນ ແລະ ຕ່າງ ປະເທດເດີນທາງເຂົ້າມາທ່ຽວ ຊົມ ໃນປີແຫ່ງການທ່ອງທ່ຽວ ລາວປີນີ້ຫຼາຍຂຶ້ນກວ່າເກົ່າ./.

ສວນວັດທະນະທຳຊຽງຄວນພວມໄດ້ຮັບການປັບປຸງ - WhatsApp Image 2020 05 27 at 5 - ສວນວັດທະນະທຳຊຽງຄວນພວມໄດ້ຮັບການປັບປຸງ
ສວນວັດທະນະທຳຊຽງຄວນພວມໄດ້ຮັບການປັບປຸງ - WhatsApp Image 2020 05 27 at 5 - ສວນວັດທະນະທຳຊຽງຄວນພວມໄດ້ຮັບການປັບປຸງ
error: Alert: ເນື້ອຫາຂ່າວມີລິຂະສິດ !!