ສ.ເກົາຫລີ ເລັ່ງຫາລືສົນທິສັນຍາ ສັນຕິພາບກັບ ສປປ ເກົາຫລີ

ສ.ເກົາຫລີ ເລັ່ງຫາລືສົນທິສັນຍາ ສັນຕິພາບກັບ ສປປ ເກົາຫລີ - AEN20180414002200315 01 i - ສ.ເກົາຫລີ ເລັ່ງຫາລືສົນທິສັນຍາ ສັນຕິພາບກັບ ສປປ ເກົາຫລີ
ສ.ເກົາຫລີ ເລັ່ງຫາລືສົນທິສັນຍາ ສັນຕິພາບກັບ ສປປ ເກົາຫລີ - Untitled design - ສ.ເກົາຫລີ ເລັ່ງຫາລືສົນທິສັນຍາ ສັນຕິພາບກັບ ສປປ ເກົາຫລີ

ລັດຖະບານ​ເຊ​ອຸນກຳລັງ​ພິຈາລະນາ​ແນວທາງ​ເປັນ​ໄປ​ໄດ້ ​ແລະ ມີ​ຄວາມ​ເໝາະ​ສົມ ​ໃນ​ການ​ປ່ຽນ​ແປງ​ຂໍ້​ຕົກລົງ​ຢຸດ​ຍິງ​ສະ​ໄໝ​ສົງຄາມ​ເກົາຫລີ ​ໃຫ້​ກາຍ​ເປັນ​ສົນທິສັນຍາ​ສັນຕິພາບ​ກັບ​ລັດຖະບານ​ພຽງ​ຢາງ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຊ​ອຸນ ປະ​ເທດ ສ.​ເກົາຫລີ ​ໃນ​ວັນ​ທີ 18 ​ເມສາ​ວ່າ: ທ່ານ ຊອງ​ ອາ​ວີ​ຍອງ ທີ່​ປຶກສາ​ດ້ານ​ຄວາມ​ໝັ້ນຄົງ​ແຫ່ງ​ຊາດ​ຂອງ​ລັດຖະບານ ສ.​ເກົາຫລີ ກ່າວ​ວ່າ: ລັດຖະບານ​ເຊ​ອຸນ ​ແລະ ພັນທະ​ມິດ ລວມທັງ​ອາ​ເມ​ລິ​ກາ​ກຳລັງ​ພິຈາລະນາ​ແນວທາງ​ຄວາມ​ເປັນ​ໄປ​ໄດ້​ຕາມ​ຂອບ​ຂອງ​ວິທີ​ການ​ທູດ ​ເພື່ອ​ນຳ​ໄປ​ສູ່​ການ​ປົດ​ອາວຸດ​ນິວ​ເຄຼຍຂອງ​ລັດຖະບານ​ພຽງ​ຢາງ “​ເປັນ​ການ​ຖາວອນ” ​ແລະ ​ເພື່ອ​ສ້າງ​ອະນາຄົດ​ທີ່​ດີ​ຂຶ້ນ​​ໃຫ້​ຊາວ ສປປ ​ເກົາຫລີ ​ໂດຍ​ໃນ​ເບື້ອງຕົ້ນຈະ​ຕ້ອງ​ມີ​ການ​ຫາລື​ທັງ​ໃນ​ກອງ​ປະຊຸມ​ສຸດ​ຍອດ​ລະຫວ່າງ​ຜູ້ນຳ ສປປ ​ເກົາຫລີ ​ກັບ ສ.​ເກົາຫລີ ​ແລະ ລະຫວ່າງ​ຜູ້ນຳ ສປປ ​ເກົາຫລີ ກັບ ​ອາ​ເມ​ລິ​ກາ.

ຂະນະ​ທີ່​ແຫ​ລ່ງຂ່າວ​ໃນ​ທຳນຽບປະທານາທິບໍດີ ສ.​ເກົາຫລີ ຫລື ຊອງ​ວາ​ແດ ​ເປີດ​ເຜີຍ​ວ່າ​ໜຶ່ງ​ໃນ “​ແນວທາງ​ເປັນ​ໄປ​ໄດ້” ທີ່​ລັດຖະບານ​ເຊ​ອຸນກຳລັງ​ພິຈາລະນາ​ຢ່າງ​ລະອຽດ ຄື “ການ​ບູລະນາການ” ຂໍ້​ຕົກລົງ​ຢຸດ​ຍິງ​ລະຫວ່າງ​ສອງ​ເກົາຫລີ ​ໃຫ້​ກາຍ​ເປັນ “ສົນທິສັນຍາ​ສັນຕິພາບ​ອັນ​ຍືນ​ຍົງ”.

ສ.ເກົາຫລີ ເລັ່ງຫາລືສົນທິສັນຍາ ສັນຕິພາບກັບ ສປປ ເກົາຫລີ - Wave100S AD to Website 2020 0 - ສ.ເກົາຫລີ ເລັ່ງຫາລືສົນທິສັນຍາ ສັນຕິພາບກັບ ສປປ ເກົາຫລີ

ທັງ​ນີ້, ປະທານາທິບໍດີ ມຸນ ​ແຈ​ອິນ ຜູ້ນຳ ສ.​ເກົາຫລີ ​ແລະ ທ່ານ ກິມ ຈອງ​ອິນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ມີ​ກຳນົດ​ພົບ​ປະ​ຫາລື​ກັນ​ຢູ່​ບ້ານ​ປັນ​ມຸນ​ຈອມ ​ໃນ​ວັນ​ທີ 27 ​ເມສາ​ນີ້ ​ເຊິ່ງຫລັງ​ຈາກ​ນັ້ນປະມານ 1 ​ເດືອນ ອາດ​ຈະ​ແມ່ນ​ກອງ​ປະຊຸມ​ຄັ້ງປະຫວັດສາດ​ລະຫວ່າງ​ຜູ້ນຳ​ກຸ່ມ​ຂອງ ສປປ ​ເກົາຫລີ ກັບ​ປະທານາທິບໍດີ ​ໂດ​ນັນ ທຣຳ ຜູ້ນຳ​ອາ​ເມ​ລິ​ກາ.

ສ.ເກົາຫລີ ເລັ່ງຫາລືສົນທິສັນຍາ ສັນຕິພາບກັບ ສປປ ເກົາຫລີ - WhatsApp Image 2020 05 27 at 5 - ສ.ເກົາຫລີ ເລັ່ງຫາລືສົນທິສັນຍາ ສັນຕິພາບກັບ ສປປ ເກົາຫລີ
ສ.ເກົາຫລີ ເລັ່ງຫາລືສົນທິສັນຍາ ສັນຕິພາບກັບ ສປປ ເກົາຫລີ - WhatsApp Image 2020 05 27 at 5 - ສ.ເກົາຫລີ ເລັ່ງຫາລືສົນທິສັນຍາ ສັນຕິພາບກັບ ສປປ ເກົາຫລີ
error: Alert: ເນື້ອຫາຂ່າວມີລິຂະສິດ !!