ສຸກອາພອນ ກຽມຄືນສະໜາມ

ສຸກອາພອນ ກຽມຄືນສະໜາມ - qxwr0d2c copy - ສຸກອາພອນ ກຽມຄືນສະໜາມ
ສຸກອາພອນ ກຽມຄືນສະໜາມ - Untitled design - ສຸກອາພອນ ກຽມຄືນສະໜາມ

ຖື​ເປັນ​ຂ່າວ​ດີ​ສຳລັບ​ວົງ​ການ​ບານ​ເຕະ​ລາວ ​ເມື່ອ ສຸກ​ອາພອນ ວົງ​ຈຽງ​ຄຳ ອະດີດ​ນັກ​ເຕະ​​ເບີ 1 ຂອງລາວ ກຽມ​ຄືນ​ສະໜາມ​ອີກ​ຄັ້ງ, ພາຍຫລັງ​ຢຸດ​ເຕະບານ​ໄປ​ເກືອບ​ປີ ດ້ວຍ​ການ​ຫັນ​ມາ​ເປັນ​ຄູ​ຝຶກ​ໃຫ້​ນັກ​ເຕະ​​ເຍົາວະ​ຊົນ​ຂອງ ​ເອັສຣາ ​ເອັຟຊີ.

ຫລ້າ​ສຸດ ສຸກ​ອາພອນ ​ໄປ​ຊ້ອມ​ທີ່​ປະ​ເທດ​​ໄທ ​ໂດຍ​ລາວ​ເປີດ​ເຜີຍ​ວ່າ: ​ໄດ້​ໄປ​ຊ້ອມ​ກັບ​ທີ​ມປະ​ເທດ​ໄທ ​ແຕ່​ຍັງ​ບໍ່​ສາມາດ​ເປີດ​ເຜີຍ​ໄດ້​ວ່າ​ເປັນ​ທີ​ມ​ໃດ ​ແລະ ລໍຖ້າ​ຟັງ​ຂ່າວ​ດີ​ຕໍ່​ໄປ.

ສຳລັບ ສຸກ​ອາພອນ ​ເລີ່​ມອາຊີບ​ນັກ​ເຕະ​ກັບ​ສະ​ໂມ​ສອນ ​ເອັສຣາ ​ໃນ​ປີ 2003 ​ເຊິ່ງ​ເປ​ັນຊຸດ​ທຳ​ອິດ​ຂອງ​ສະ​ໂມ​ສອນ​ດັ່ງກ່າວ ກ່ອນ​ຍ້າຍ​ໄປ​ຫລິ້ນ​ໃຫ້​ກັບ ກະ​ບີ່ ສະ​ໂມ​ສອນ​ໃນ​ດິວິ​ຊັນ 1 ຂອງ​ປະ​ເທດ​ໄທ ​ໃນ​ປີ 2011-2012, ຕໍ່​ດ້ວຍ ພິດ​ສະນຸ​ໂລກ ​ໃນ​ລີກ 1 ຂອງ​ປະ​ເທດ​ໄທ​ເຄິ່ງລະດູ​ການ ​ໃນ​ປີ 2013 ​ແລະ ສຸດ​ທ້າຍ​ກໍ​ຍ້າຍ​ໄປ​ຢູ່ ສະຣະບູລີ ​ໃນ​ປີ 2014 ດ້ວຍ​ການ​ເປັນ​ສ່ວນ​ໜຶ່ງ​ພາ​ທີ​ມ​ເລື່ອນ​ຂຶ້ນຊັ້ນສູ່​ໄທ​ລີກ. ກ່ອນ​ຈະ​ຫວນ​ຄືນ​ມາສູ່​ວົງ​ການ​ບານ​ເຕະ​ລາວ​ຮ່ວມ​ກັບ ລ້ານ​ຊ້າງ ຢູ​ໄນ​ເຕັດ ​ໃນ​ປີ 2015, ຕໍ່​ດ້ວຍ​ການ​ກັບ​ມາ​ຮັງ​ເກົ່າ ​ເອັສຣາ ລຸຍລາວ​ພຣີ​ເມຍ​ລີກ 2016 ​ໃນ​ຖານະ​ເປັນ​ຄູ​ຝຶກ ​ແລະ ນັກ​ເຕະ ຫລັງ​ຈາກ​ຈົບ​ການ​ຮຽນ​ຄູ​ຝຶກ C ລາຍ​ເຊັນ ກ່ອນ​ກັບ​ໄປ​ຊ່ວຍ ລ້ານ​ຊ້າງ ຢູ​ໄນ​ເຕັດ ອີກ​ຄັ້ງ​ໃນ​ທ້າຍ​ປີ 2016 ພາ​ທີ​ມຄວ້າ​ແຊ້ມ ລາວ​ພຣີ​ເມຍ​ລີກ.

ສຸກອາພອນ ກຽມຄືນສະໜາມ - Wave100S AD to Website 2020 0 - ສຸກອາພອນ ກຽມຄືນສະໜາມ

​ແຕ່​ມາ​ເຖິງ​ປີ 2017 ສຸກ​ອາພອນ ບໍ່​ໄດ້​ຫລິ້ນ​ໃຫ້​ທີ​ມ​ໃດ​ອີກ ລວມທັງ ​ເອັສຣາ ກໍ​ຖອນ​ຕົວ​ຈາກ​ລາວ​ພຣີ​ເມຍ​ລີກ ຈົນ​ມາ​ເຖິງ​ປັດ​ຈຸ​ບັນ​ມີ​ຂ່າວ​ວ່າ ສຸກ​ອາພອນ ​ໄປ​ຊ້ອມ​ກັບ​ທີ​ມປະ​ເທດ​ເພື່ອນ​ບ້ານ​ແລ້ວ ​ແຕ່​ບໍ່​ຮູ້​ວ່າ​ເປັນ​ທີ​ມ​ໃດ.

ສຸກອາພອນ ກຽມຄືນສະໜາມ - WhatsApp Image 2020 05 27 at 5 - ສຸກອາພອນ ກຽມຄືນສະໜາມ
ສຸກອາພອນ ກຽມຄືນສະໜາມ - WhatsApp Image 2020 05 27 at 5 - ສຸກອາພອນ ກຽມຄືນສະໜາມ
error: Alert: ເນື້ອຫາຂ່າວມີລິຂະສິດ !!