ທ່ານ ຮອງນາຍົກ ສົມດີ ດວງດີ ເຄື່ອນໄຫວຊຸກຍູ້ວຽກງານເກັບລາຍຮັບຢູ່ແຂວງອຸດົມໄຊ

ທ່ານ ຮອງນາຍົກ ສົມດີ ດວງດີ ເຄື່ອນໄຫວຊຸກຍູ້ວຽກງານເກັບລາຍຮັບຢູ່ແຂວງອຸດົມໄຊ - finance - ທ່ານ ຮອງນາຍົກ ສົມດີ ດວງດີ ເຄື່ອນໄຫວຊຸກຍູ້ວຽກງານເກັບລາຍຮັບຢູ່ແຂວງອຸດົມໄຊ
ທ່ານ ຮອງນາຍົກ ສົມດີ ດວງດີ ເຄື່ອນໄຫວຊຸກຍູ້ວຽກງານເກັບລາຍຮັບຢູ່ແຂວງອຸດົມໄຊ - Untitled design - ທ່ານ ຮອງນາຍົກ ສົມດີ ດວງດີ ເຄື່ອນໄຫວຊຸກຍູ້ວຽກງານເກັບລາຍຮັບຢູ່ແຂວງອຸດົມໄຊ

ໃນທ້າຍອາທິດຜ່ານມາ, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ, ພ້ອມ​ດ້ວຍ​ຄະນະໄດ້​ໄປ​​ເຄື່ອນໄຫວຊຸກຍູ້ການເກັບລາຍຮັບເຂົ້າງົບປະມານຢູ່ແຂວງອຸດົມໄຊ,ໂດຍທ່ານ ຄຳພຽງ ຢາຈົງວາ ຮອງເຈົ້າແຂວງອຸດົມໄຊ, ມີທ່ານ ​ສົມຈິດ ປັນຍາສັກ ຮອງເຈົ້າແຂວງອຸດົມ​ໄຊ ທັງເປັນຫົວໜ້າພະແນກການເງິນແຂວງ, ມີຄະນະປະຈໍາພັກ​ແຂວງ, ເຈົ້າ​ເມືອງ,  ​ແລະ ​ພະນັກງານ​ຫລັກ​ແຫລ່ງຂອງ​ແຂວງໃຫ້ການ​ຕ້ອນຮັບຢ່າງອົບອຸ່ນ.

ໃນ​ໂອກາດນີ້, ທ່ານ ​ສົມຈິດ ປັນຍາສັກ ໄດ້ລາຍງານການຈັດຕັ້ງປະຕິບັດແຜນງົບປະມານປະຈຳປີ 2017 ແລະ ທິດທາງແຜນການປະຈຳປີ 2018 ວ່າ: ພະແນກການເງິນແຂວງປະກອບມີ 5 ຂະແໜງຂຶ້ນກັບຄື: ຂະແໜງຈັດຕັ້ງ ແລະ ບໍລິຫານ, ຂະແໜງງົບປະມານຂະແໜງບັນຊີ, ຂະແໜງກວດກາ, ຂະແໜງຄຸ້ມຄອງຊັບສິນຂອງລັດ ແລະ ຫ້ອງການການເງິນ 7 ເມືອງ, ພ້ອມນັ້ນຍັງມີ 3 ຂະແໜງການສາຍຕັ້ງມີພະນັກງານລັດຖະກອນລວມທັງໝົດ 298 ຄົນ, ຍິງ 85 ຄົນ, ຂັ້ນແຂວງ ຈໍານວນ 114 ຄົນ, ຍິງ 42 ຄົນ.

ການຈັດຕັ້ງປະຕິບັດແຜນເກັບລາຍພາຍໃນ (ແຜນດັດແກ້) ປະຈໍາປີ 2017 ທັງໝົດ 108 ຕື້ກວ່າກີບ, ແຕ່ຜ່ານການຈັດຕັ້ງປະຕິບັດຕົວຈິງສາມາດປະຕິບັດໄດ້ 99 ຕື້ກວ່າກີບ, ທຽບໃສ່ແຜນການປີເທົ່າກັບ 92%, ທຽບໃສ່ໄລຍະດຽວກັນເພີ່ມຂຶ້ນ 0,7% ໃນນັ້ນ: ລາຍຮັບສ່ວຍສາອາກອນ 93 ຕື້ວ່າກີບ, ອາກອນປົກກະຕິ      72 ຕື້ກວ່າກີບ, ພາສີທີ່ດິນ 4 ຕື້ກວ່າກີບ, ຄ່າທໍານຽມ 2,6 ຕື້ກວ່າກີບ, ຄ່າບໍລິການ 13,9 ຕື້ກວ່າກີບ, ຄຸ້ມຄອງຊັບສິນຂອງລັດ 6,4 ຕື້ກວ່າກີບ, ຄຸ້ມຄອງລັດວິສາຫະກິດ     7,3 ລ້ານກີບ, ສ່ວນລາຍຮັບພູດສູນກາງຕົວເລກແຜນການຈັດເກັບລາຍຮັບ (ພາສີ) 9,2 ຕື້ກວ່າກີບ, ຜ່ານການຈັດຕັ້ງປະຕິບັດຕົວຈິງໄດ້ທັງໝົດ 19,7 ຕື້ກວ່າກີບທຽບແຜນປີ ເທົ່າກັບ 191%.

ສຳລັບປີ 2018 ແຂວງອຸດົມໄຊຈະຕ້ອງໄດ້ສູ້ຊົນຈັດເກັບລາຍຮັບເຂົ້າງົບປະມານໃຫ້ໄດ້ທັງໝົດ 131 ຕື້ກວ່າກີບທຽບໃສ່ແຜນດັດແກ້ປີ 2017 ເພີ່ມຂຶ້ນ 21% ໃນນີ້: ລາຍຮັບພາຍໃນມີ 116 ຕື້ກວ່າກີບ, ຊຶ່ງລາຍຮັບແມ່ນມາຈາກຂະ  ແໜງສ່ວຍສາອາກອນ, ຄ່າທໍານຽມ, ຄ່າບໍລິການວິຊາການ, ລາຍຮັບທີ່ດິນ, ລາຍຮັບຄຸ້ມຄອງຊັບສິນຂອງລັດ ແລະ ລາຍຮັບຄຸ້ມຄອງລັດວິສາຫະກິດ,​ ສ່ວນລາຍຮັບພູດຂອງສູນກາງມີທັງໝົດ 14 ຕື້ກວ່າກີບ, ທຽບໃສ່ແຜນປີຜ່ານມາເພີ່ມຂຶ້ນ 58% ໃນນີ້: ກອງກວດກາພາສີປະຈໍາແຂວງ 1,8 ຕື້ກວ່າກີບ, ດ່ານທ້ອງຖິ່ນ 12,6 ຕື້ກວ່າກີບ.

ທ່ານ ຮອງນາຍົກ ສົມດີ ດວງດີ ເຄື່ອນໄຫວຊຸກຍູ້ວຽກງານເກັບລາຍຮັບຢູ່ແຂວງອຸດົມໄຊ - Wave100S AD to Website 2020 0 - ທ່ານ ຮອງນາຍົກ ສົມດີ ດວງດີ ເຄື່ອນໄຫວຊຸກຍູ້ວຽກງານເກັບລາຍຮັບຢູ່ແຂວງອຸດົມໄຊ

ໃນໂອກາດ​ນີ້, ທ່ານ ສົມດີ ດວງດີ ຮອງນາຍົກລັດຖະມົນຕີ  ໄດ້​ສະ​ແດງ​ຄວາມຊົມເຊີຍຕໍ່ຄະນະພັກ,​ ຄະນະນຳແຂວງ, ການປົກຄອງທ້ອງຖິ່ນທີ່ສາມາດຍາດໄດ້ຜົນງານຫລາຍດ້ານ, ພ້ອມທັງໄດ້​ເນັ້ນຕື່ມຫລາຍບັນຫາໃຫ້ຂະແໜງການເງິນແຂວງອຸດົມໄຊ ເອົາໃຈໃສ່ ເປັນຕົ້ນ:ວຽກງານສຶກສາອົບຮົມການເມືອງແນວຄິດຂອງພະນັກງານ-ທຸກຂັ້ນມີແນວຄິດອຸນອ່ຽນທຸ່ນທ່ຽງ, ຕັ້ງໜ້າຈັດຕັ້ງປະຕິບັດວຽກງານວິຊາສະເພາະທີ່ຕົນເອງຮັບຜິດຊອບຢ່າງເຂັ້ມງວດ, ຊຸກຍູ້ວຽກງານປັບປຸງການຈັດຕັ້ງຂອງຂະແໜງການເງິນໃຫ້ສຳເລັດໂດຍໄວເປັນຕົ້ນແມ່ນ: ຂັ້ນແຂວງ, ຂັ້ນເມືອງ, ການປະຕິບັດໜ້າທີ່ວິຊາສະເພາະໃຫ້ເຂັ້ມງວດ ແລະ ມີບາດກ້າວໃໝ່ ໂດຍຕອບສະໜອງໄດ້ກັບຄວາມຮຽກຮ້ອງຕ້ອງຂອງການພັດທະນາເສດຖະກິດ-ສັງຄົມ, ກວດກາໄລ່ລຽງຄືນການຈັດຕັ້ງປະຕິ ບັດແຜນລາຍຮັບ-ລາຍຈ່າຍປີ 2017 ຜ່ານມາ, ຮັບປະກັນການຈັດເກັບລາຍຮັບແຜນງົບປະມານປີ 2018 ໃຫ້ບັນລຸຕາມເປົ້າ  ໝາຍທີ່ວາງໄວ້, ຂຸດຄົ້ນທ່າແຮງອັນບົ່ມຊ້ອນຂອງແຂວງ ແລະ ຊຸກຍຸ້ການເກັບລາຍຮັບລາຍຈາກພາສີທີ່ດິນ, ຖານລາຍຮັບທຸລະກິດຂອງແຂວງພ້ອມທັງຍົກຖານລາຍຮັບຫົວໜ່ວຍທຸລະກິດທີ່ມີລາຍຮັບ 400 ລ້ານກີບຂຶ້ນໄປຕ້ອງເຂົ້າຢູ່ໃນລະບົບອາກອນມູນຄ່າເພີ່ມ, ຊຸກຍູ້ຂະບວນການເສຍຄ່າທຳນຽມທາງປະຈຳປີ,  ເນັ້ນຂະແໜງການບໍລິການເພື່ອສ້າງລາຍຮັບເຂົ້າງົບປະມານ, ເຂັ້ມງວດການປະຕິບັດຄຳສັ່ງເລກທີ 40/ນຍ,ຫັນການຄຸ້ມຄອງລາຍຮັບ-ລາຍຈ່າຍໄປສູ່ລະບົບທັນສະໄໝ ແລະ ປະຕິບັດ 10​ ຂໍ້ຫ້າມ ແລະ ວິໄນຂອງພະນັກງານ-ລັດຖະກອນຂະແໜງການເງິນໃຫ້ເຂັ້ມງວດ, ແກ້ໄຂບັນຫາປາກົດການຫຍໍ້ຕ່າງໆຂອງຂະແໜງການເງິນ ແລະ ສືບຕໍ່ຊອກຫາທ່າແຮງບົ່ມຊ້ອນຂອງແຕ່ລະທ້ອງຖິ່ນເພື່ອຈັດເກັບລາຍຮັບເຂົ້າງົບປະມານໃຫ້ນັບມື້ເພີ່ມຂຶ້ນ.

ທ່ານ ຮອງນາຍົກ ສົມດີ ດວງດີ ເຄື່ອນໄຫວຊຸກຍູ້ວຽກງານເກັບລາຍຮັບຢູ່ແຂວງອຸດົມໄຊ - WhatsApp Image 2020 05 27 at 5 - ທ່ານ ຮອງນາຍົກ ສົມດີ ດວງດີ ເຄື່ອນໄຫວຊຸກຍູ້ວຽກງານເກັບລາຍຮັບຢູ່ແຂວງອຸດົມໄຊ
ທ່ານ ຮອງນາຍົກ ສົມດີ ດວງດີ ເຄື່ອນໄຫວຊຸກຍູ້ວຽກງານເກັບລາຍຮັບຢູ່ແຂວງອຸດົມໄຊ - WhatsApp Image 2020 05 27 at 5 - ທ່ານ ຮອງນາຍົກ ສົມດີ ດວງດີ ເຄື່ອນໄຫວຊຸກຍູ້ວຽກງານເກັບລາຍຮັບຢູ່ແຂວງອຸດົມໄຊ
error: Alert: ເນື້ອຫາຂ່າວມີລິຂະສິດ !!