ປວງຊົນລາວສະຫລອງປີໃໝ່ດ້ວຍບັນຍາກາດຟົດຟື້ນ

ປວງຊົນລາວສະຫລອງປີໃໝ່ດ້ວຍບັນຍາກາດຟົດຟື້ນ - Lao new year 2018 - ປວງຊົນລາວສະຫລອງປີໃໝ່ດ້ວຍບັນຍາກາດຟົດຟື້ນ
ປວງຊົນລາວສະຫລອງປີໃໝ່ດ້ວຍບັນຍາກາດຟົດຟື້ນ - Untitled design - ປວງຊົນລາວສະຫລອງປີໃໝ່ດ້ວຍບັນຍາກາດຟົດຟື້ນ

ປວງຊົນລາວສະຫລອງປີໃໝ່ດ້ວຍບັນຍາກາດຟົດຟື້ນ - 30728407 1662678487152672 6193160167282966528 o - ປວງຊົນລາວສະຫລອງປີໃໝ່ດ້ວຍບັນຍາກາດຟົດຟື້ນ

ການສະເຫລີມສະຫລອງສົ່ງທ້າຍປີເກົ່າ ພສ 2560 ແລະ ຕ້ອນຮັບປີໃໝ່ ພສ 2561 ແມ່ນເຕັມໄປດ້ວຍບັນຍາກາດເບີກບານມ່ວນຊື່ນ ແລະ ມີຄວາມຊຸ່ມເຢັນກັນທົ່ວໜ້າ, ໂດຍປີນີ້ເຫັນວ່າແມ່ນໄດ້ພັກຍາວຫລາຍມື້ແຕ່ວັນທີ 14-18 ເມສາ, ເຊິ່ງເປັນໂອກາດດີໃຫ້ປະຊາຊົນເຮົາໄດ້ພ້ອມພາກັນສະຫລອງປີໃໝ່ຕາມຮີດຄອງປະເພນີ ແລະ ວັດທະນະທໍາອັນດີງາມຂອງຊາດ, ບົນຈິດໃຈປະຢັດມັດທະຍັດ ແລະ ໄດ້ຖືເອົາໂອກາດນີ້ເປັນການໂຄສະນາເຜີຍແຜ່ຮີດຄອງປະເພນີ ແລະ ວັດທະນະທໍາອັນດີງາມຂອງຊາດຕິດພັນກັບການສົ່ງເສີມການທ່ອງທ່ຽວ ແລະ ສາມາດດຶງດູດນັກທ່ອງທ່ຽວເຂົ້າມາຢ້ຽມຢາມໃນປີທ່ອງທ່ຽວ 2018 ນີ້ນັບມື້ຫລາຍຂຶ້ນ.

ຄືດັ່ງຮູ້ນໍາກັນແລ້ວວ່າ, ການສະເຫລີມສະຫລອງປີໃໝ່ລາວປີນີ້ແມ່ນມີບັນຍາກາດຟົດຟື້ນແຕ່ຫົວທີ, ໂດຍສະເພາະນັບແຕ່ວັນທີ 9-10-11 ເມສາ, ບັນດາອົງການຈັດຕັ້ງພັກ-ລັດ, ລັດວິສາຫະກິດ, ບໍລິສັດ, ຫ້າງຮ້ານ, ສະຖາບັນການສຶກສາ, ໂຮງຈັກ-ໂຮງງານຕ່າງໆ ກໍໄດ້ຈັດງານລ້ຽງສັງສັນສົ່ງທ້າຍປີເກົ່າ ພສ 2560 ແລະ ຕ້ອນຮັບປີໃໝ່ ພສ 2561 ຢ່າງມີຄວາມໝາຍ ແລະ ຖືເອົາໂອກາດທີ່ເປັນສິຣິມຸງຄຸນນີ້ ເພື່ອສະຫລຸບຜົນງານຂອງຕົນທີ່ຍາດມາໄດ້ໃນໄລຍະໜຶ່ງປີຜ່ານມາ. ສ່ວນໃນວັນທີ 14 ເມສາ, ຊຶ່ງເປັນມື້ສັງຂານລ່ວງ, ນັບແຕ່ຕອນບ່າຍຊາວພຸດລາວໃນທົ່ວປະເທດຕ່າງກໍໄດ້ຈັດກິດຈະກໍາສໍາຄັນຕ່າງໆທາງພຸດທະສາສະໜາ ຄື: ຢູ່ຕາມວັດວາອາຮາມແຕ່ລະແຫງຕ່າງກໍໄດ້ນໍາເອົາພຣະພຸດທະຮູບລົງປະດິດສະຖານໄວ້ທີ່ຫໍສົງ ເພື່ອເປີດໂອກາດໃຫ້ຊາວພຸດທັງຫລາຍ ແລະ ປະຊາຊົນລາວບັນດາເຜົ່າໄດ້ເຂົ້າໄປຫົດສົງຕາມຮີດຄອງປະເພນີອັນດີງາມທີ່ມີມາແຕ່ດຶກດໍາບັນ, ສະເພາະຢູ່ນະຄອນຫລວງວຽງຈັນ ກໍໄດ້ຈັດກິດຈະກໍາແຫ່ພຣະພຸດທະຮູບມິ່ງບ້ານມິ່ງເມືອງ, ຂະບວນນາງສາວນະຄອນຫລວງວຽງຈັນ ພສ 2561 (ນາງສັງຂານທັງ 7 ທີ່ເປັນຕົວແທນໃຫ້ລູກສາວຂອງພະຍາກະບິນລະພົມ), ພ້ອມນັ້ນຍັງມີຂະບວນສິລະປະດົນຕີມະໂຫລີພື້ນເມືອງ, ພ້ອມມວນຊົນຊາວນະຄອນຫລວງວຽງຈັນເຂົ້າຮ່ວມຢ່າງຫລວງຫລາຍ, ໂດຍຂະບວນແຫ່ດັ່ງກ່າວແມ່ນໄດ້ເລີ່ມຈາກວັດອີນແປງໄປຕາມຖະໜົນເສດຖາທິລາດແລ້ວລ້ຽວອອກໃສ່ສວນສາທາລະນະເຈົ້າອານຸວົງແລ້ວກັບຄືນວັດອີນແປງ. ສ່ວນຢູ່ຫາດຊາຍດອນຈັນແຄມຂອງ ກໍໄດ້ມີກິດຈະກໍາຫລາຍຢ່າງ ເຊັ່ນ: ປະເພນີຕົບພະຊາຍ, ເຊິ່ງປາກົດວ່າໄດ້ຮັບຄວາມສົນໃຈຈາກນັກທ່ອງທ່ຽວ ແລະ ມວນຊົນເປັນຢ່າງດີ. ສໍາລັບວັນທີ 15-16 ເມສາ, ບັນຍາກາດການຫລີ້ນນໍ້າຫົດສົງຊຶ່ງກັນ ແລະ ກັນ ກໍດໍາເນີນໄປດ້ວຍບັນຍາກາດຟົດຟື້ນໄປຄຽງຄູ່ກັບການຈັດພິທີບາສີສູ່ຂວັນ, ສົມມາຜູ້ຊົງຄຸນວຸດທິ, ພໍ່ແມ່-ເຖົ້າແກ່ອາວຸໂສ ເພື່ອສະແດງຄວາມຮູ້ບຸນຄຸນ, ຄວາມກະຕັນຍູຕໍ່ຜູ້ມີພະຄຸນ ເພື່ອສົ່ງທ້າຍປີເກົ່າ ແລະ ຕ້ອນຮັບປີໃໝ່ບົນຈິດໃຈແຫ່ງຄວາມເບີກບານມ່ວນຊື່ນ, ຮັກສາໄດ້ຮີດຄອງປະເພນີທີ່ເປັນເອກະລັກອັນດີງາມຂອງຊາດໃຫ້ຄົງຢູ່ຄູ່ຊາວພຸດເຮົາຕະຫລອດກາລະນານ.

ປວງຊົນລາວສະຫລອງປີໃໝ່ດ້ວຍບັນຍາກາດຟົດຟື້ນ - Wave100S AD to Website 2020 0 - ປວງຊົນລາວສະຫລອງປີໃໝ່ດ້ວຍບັນຍາກາດຟົດຟື້ນ
ປວງຊົນລາວສະຫລອງປີໃໝ່ດ້ວຍບັນຍາກາດຟົດຟື້ນ - WhatsApp Image 2020 05 27 at 5 - ປວງຊົນລາວສະຫລອງປີໃໝ່ດ້ວຍບັນຍາກາດຟົດຟື້ນ
ປວງຊົນລາວສະຫລອງປີໃໝ່ດ້ວຍບັນຍາກາດຟົດຟື້ນ - WhatsApp Image 2020 05 27 at 5 - ປວງຊົນລາວສະຫລອງປີໃໝ່ດ້ວຍບັນຍາກາດຟົດຟື້ນ
error: Alert: ເນື້ອຫາຂ່າວມີລິຂະສິດ !!