ເຮືອບິນລະເບີດກາງອາກາດ ຂະນະບິນໃນນ່ານຟ້າອາເມລິກາ

ເຮືອບິນລະເບີດກາງອາກາດຂະນະບິນໃນນ່ານຟ້າອາເມລິກາ - Untitled design - ເຮືອບິນລະເບີດກາງອາກາດ ຂະນະບິນໃນນ່ານຟ້າອາເມລິກາ

​ເກ​ີດ​ເຫດ​ລະ​ທຶກ​ຂຶ້ນກາງ​ອາກາດ ​ເມື່ອ​ເຄື່ອງ​ຈັກ​ຂອງ​ເຮືອບິນ​ໂດຍສານ​ລຳ​ໜຶ່ງ​ໃນ​ສະຫະລັດ​ອາ​ເມ​ລິ​ກາ ລະ​ເບີດ​ຂະນະ​ບິນ​ເທິງ​ທ້ອງຟ້າ ​ເຮັດ​ໃຫ້​ມີ​ຜູ້​ໂດຍສານ​ເສຍ​ຊີວິດ ​ແລະ ບາດ​ເຈັບ​ຈຳນວນ​ໜຶ່ງ.

​ເຫດ​ບໍ່​ຄາດ​ຝັນ​ເກີດ​ຂຶ້ນກັບ​ສາຍ​ການບິນ​ເຊົາ​ທ໌​ເວສຕ໌ ຖ້ຽວ​ບິນ 1380 ​ເຊິ່ງ​ເປັນ​ເຮືອບິນ​ແບບ​ໂບອິ້ງ 737-700 ​ໃນ​ຕອນ​ເຊົ້າວັນ​ທີ 17 ​ເມສາ ຕາມ​ເວລາ​ທ້ອງ​ຖິ່ນ ພາຍຫລັງ​ບິນ​ຂຶ້ນຈາກ​ສະໜາມ​ບິນ​ລາ​ກາຣ໌​ເດຍ​ໃນ​ນະຄອນ​ນິວຢອກ ມຸ່ງ​ໜ້າ​ສູ່​ສະໜາມ​ບິນ​ໃນ​ເມືອງ​ດັລລັສ ລັດ​ເທ​ກຊັສ ພ້ອມ​ຜູ້​ໂດຍສານ 143 ຄົນ ​ແລະ ຈຸ​ບິນ​ອີກ 5 ຄົນ.

ຜູ້​ພົບ​ເຫັນ​ໃນ​ເຮືອບິນ​ລຳ​ດັ່ງກ່າວ​ບອກ​ວ່າ: ​​ເຄື່ອງ​ຈັກ​ເບື້ອງຊ້າຍ​ຂອງ​ເຮືອບິນ​ເກີດ​ລະ​ເບີດ ສ້າງ​ຄວາມ​ເສຍ​ຫາຍ​ໃຫ້​​ແກ່​ປ່ອງຢ້ຽມ​ປ່ອງ​ໜຶ່ງ ​ເຊິ່ງ​ເປັນສາ​ເຫດ​ເຮັດ​ໃຫ້​ຄວາມດັນ​ອາກາດ​ພາຍ​ໃນ​ເຮືອບິນ​ຫລຸດ​ລົງ ​ເຮັດ​ໃຫ້​ຜູ້​ໂດຍສານ​ຍິງ​ຄົນ​ໜຶ່ງ​ຖືກ​ດູດ​ອອກ​ໄປ​ຈາກ​ເຮືອບິນ ​ແຕ່​ເຄາະ​ດີ​ທີ່​ຜູ້​ໂດຍສານ​ຄົນ​ອື່ນ​ຊ່ວຍ​ດຶງ​ນາງ​ໄວ້​ໄດ້​ທັນ ​ແຕ່​ນາງ​ໄດ້​ຮັບ​ບາດ​ເຈັບ​ສາຫັດ ​ແລະ ຖືກ​ນຳ​ສົ່ງ​ໂຮງໝໍ ພ້ອມ​ຜູ້​ໂດຍສານ​ຄົນ​ອື່ນ​ອີກ 7 ຄົນ ທີ່​ໄດ້​ຮັບ​ບາດ​ເຈັບ ​ແລະ ​ໃນ​ເວລາ​ຕໍ່​ມາ ຜູ້​ໂດຍສານ​ຍິງ​ຄົນ​ດັ່ງກ່າວ​ກໍ​ເສຍ​ຊີວິດ​ລົງ. ຜູ້​ເສຍ​ຊີວິດ​ຊື່​ນາງ ​ເຈນ​ນິ​ເຟີຣ໌ ຣິ​ໂອ​ແດນ ​ເຊິ່ງມີ​ຕຳ​ແໜ່​ງ​ເປັນ​ຮອງ​ປະທານ​ຂອງ​ທະນາຄານ ​ເວລສ໌ ​ຟາຣ໌​ໂກ ສະ​ຖາ​ບັນ​ການ​ເງິນ​ຊື່​ດັງ​ໃນ​ລັດ​ນິວ​ເມັກ​ຊິ​ໂກ.

ເຮືອບິນລະເບີດກາງອາກາດຂະນະບິນໃນນ່ານຟ້າອາເມລິກາ - Wave100S AD to Website 2020 0 - ເຮືອບິນລະເບີດກາງອາກາດ ຂະນະບິນໃນນ່ານຟ້າອາເມລິກາ

ເຮືອບິນລະເບີດກາງອາກາດຂະນະບິນໃນນ່ານຟ້າອາເມລິກາ - WhatsApp Image 2020 05 27 at 5 - ເຮືອບິນລະເບີດກາງອາກາດ ຂະນະບິນໃນນ່ານຟ້າອາເມລິກາ
ເຮືອບິນລະເບີດກາງອາກາດຂະນະບິນໃນນ່ານຟ້າອາເມລິກາ - WhatsApp Image 2020 05 27 at 5 - ເຮືອບິນລະເບີດກາງອາກາດ ຂະນະບິນໃນນ່ານຟ້າອາເມລິກາ
error: Alert: ເນື້ອຫາຂ່າວມີລິຂະສິດ !!