ສະເໜ່ດຶງດູດຊ່ຽວຊານຫົວກະທິຈາກຕ່າງປະເທດ

ສະເໜ່ດຶງດູດຊ່ຽວຊານຫົວກະທິຈາກຕ່າງປະເທດ - 1594 1 - ສະເໜ່ດຶງດູດຊ່ຽວຊານຫົວກະທິຈາກຕ່າງປະເທດ
ສະເໜ່ດຶງດູດຊ່ຽວຊານຫົວກະທິຈາກຕ່າງປະເທດ - Untitled design - ສະເໜ່ດຶງດູດຊ່ຽວຊານຫົວກະທິຈາກຕ່າງປະເທດ

# ວິເສດ ສະແຫວງສຶກສາ

ມື້ນີ້ຂໍກ້ຽວກູ້ກ້ຽວກອດ ກັບບົດຮຽນຂອງຕ່າງປະເທດ ເພື່ອດູດເອົາຫົວສະໝອງລະ ດັບຫົວກະທິ ເຂົ້າໄປຮ່ວມເປັນ ພະລັງໃນການພັດທະນາເສດຖະກິດ-ສັງຄົມ, ເພາະຢູ່ໃນ ໂລກນີ້ບໍ່ມີປະເທດໃດດອກ ຈະສາມາດສ້າງນັກປາດອາ ຈານກໍຄືຊ່ຽວຊານໄດ້ໃນທຸກຂະແໜງການ.

ມີບາງປະເທດເຖິງຈະ ນ້ອຍດ້ອຍພັດທະນາແຕ່ພັດ ສາມາດສ້າງຜູ້ຊ່ຽວຊານໃນວິຊາການສະເພາະໄດ້ດີກວ່າ ປະເທດຮັ່ງມີ ເພາະມັນຕິດພັນ ກັບເງື່ອນໄຂ ແລະ ສະພາບ ແວດລ້ອມຕົວຈິງ ຂອງປະ ເທດນັ້ນ. ຍົກຕົວຢ່າງກຳມະ ກອນບໍ່ແຮ່ທີ່ສາມາດດຳລົງ ພື້ນດິນໄດ້ເລິກ ແລະ ໄດ້ເຢືອ ກວ່າໝູ່ນັ້ນກໍຄົງບໍ່ມີປະເທດ ໃດສູ້ອາຟຣິກາໃຕ້ໄດ້ເພາະ ເສດຖະກິດ ຂອງປະເທດນີ້ ກາງຕໍ່ບໍ່ໂລຫະປະເສີດ ເຊັ່ນ ຄຳ, ເພັດ ແລະ ອື່ນໆ, ເລື່ອງ ຊ່ຽວຊານການຂຸດຄົ້ນບໍ່ຢົກ ນັ້ນກໍຄົງບໍ່ມີໃຜສູ້ຊ່ຽວຊານ ມຽນມາໄດ້, ເລື່ອງຊ່ຽວຊານ ກ່ຽວພະຍາດເຂດຮ້ອນ, ຢູ່ປະ ເທດເຂດຮ້ອນຈະມີຄວາມ ຊຳນານງານກວ່າ ຊ່ຽວຊານ ຢູ່ປະເທດໜາວ.

 

ຫລາຍກິດຈະກຳເພີ່ມສະເໜ່ສຳລັບແມ່ຍິງ

ສະເໜ່ດຶງດູດຊ່ຽວຊານຫົວກະທິຈາກຕ່າງປະເທດ - Wave100S AD to Website 2020 0 - ສະເໜ່ດຶງດູດຊ່ຽວຊານຫົວກະທິຈາກຕ່າງປະເທດ

ຊ່ຽວຊານເຜີຍ “ພໍ່ແມ່ບໍ່ຄວນຕີລູກ” ຊຶ່ງນີ້ຄືເຫດຜົນ

ຍ້ອນແນວນີ້ເອງຫລາຍປະເທດຈຶ່ງເຫັນມີຄວາມຈຳ ເປັນຕ້ອງນຳເຂົ້າຊ່ຽວຊານ ລະດັບມືອາຊີບໃນຂະແໜງ ການສະເພາະເຊັ່ນ ຢູ່ລັດເຊຍ ຫວ່າງບໍ່ດົນມານີ້ກໍມີນະໂຍ ບາຍຜ່ອນຜັນເພື່ອອະນຸຍາດ ໃຫ້ຊ່ຽວຊານຕ່າງປະເທດລະດັບເກັ່ງສາມາດພັກອາໄສ ແບບຖາວອນ ຫລື ເຂົ້າສັນ ຊາດລັດເຊຍໄດ້ໂດຍມີ 2 ເງ່ືອນໄຂຄືຕ້ອງເປັນນັກສຶກ ສາທີ່ໄດ້ສຶກສາອົບຮົມຢູ່ລັດ ເຊຍ ແລະ ມີປະສົບການດ້ານ ວຽກງານມາແລ້ວບໍ່ຕ່ຳກວ່າ 3 ປີ, ອັນທີສອງແມ່ນເປີດຮັບ ຊ່ຽວຊານຕ່າງປະເທດທົ່ວໄປທີ່ໄດ້ເຮັດວຽກຢູ່ລັດເຊຍມາ ແລ້ວ 3 ປີ ເຊັ່ນກັນ. ທັງສອງ ປະເພດຊ່ຽວຊານນີ້ຕ້ອງໄດ້ ເຮັດພັນທະເສຍເງິນເຂົ້າ ຄັງບຳນານຢ່າງເປັນປົກກະຕິ ມາກ່ອນ.
ສຳລັບຢູ່ອົດສະຕຣາລີ ຫວ່າງບໍ່ດົນມານີ້ ກໍໄດ້ອອກ ນະໂຍບາຍດຶງດູດຊ່ຽວຊານ ຕ່າງປະເທດທີ່ມີສີມືຍອດໆ ດ້ານເຕັກໂນໂລຊີໃຫ້ບັນດາ ບໍລິສັດທີ່ກ່ຽວຂ້ອງ, ແຕ່ເປັນ ເຕັກໂນໂລຊີທີ່ອົດສະຕຣາລີ ຕ້ອງການແທ້ໆ.
ທາງການໄດ້ແບ່ງໂຄຕາຄັກແນ່ຄືສຳລັບບໍລິສັດທີ່ມີ ພື້ນຖານແໜ້ນແກ່ນແລ້ວສາມາດວ່າ ຈ້າງຊ່ຽວຊານຕ່າງ ປະເທດໄດ້ປີລະບໍ່ກາຍ 20 ຄົນ, ສຳລັບບໍລິສັດທີ່ຫາກໍ ເລີ່ມກິດຈະ ການນັ້ນຈ້າງໄດ້ 5 ຄົນຕໍ່ປີ. ເງື່ອນໄຂສຳລັບ ວ່າຈ້າງຊ່ຽວຊານຕ່າງປະ ເທດນັ້ນຄືກ່ອນອື່ນຕ້ອງຊອກຊ່ຽວຊານພາຍໃນປະເທດ ກ່ອນ, ຖ້າຊອກບໍ່ໄດ້ແທ້ໆ ຈຶ່ງ ສາມາດວ່າຈ້າງຊ່ຽວຊານ ຕ່າງປະເທດ.
ທາງບໍລິສັດຕ້ອງມີເອກະສານຢັ້ງຢືນຄັກແນ່ວ່າພວກ ຕົນ, ພະຍາມຊອກຄົນພາຍໃນ ມາກ່ອນແລ້ວ. ລະດັບເງິນ ເດືອນ ຂອງຊ່ຽວຊານຕ່າງ ປະເທດທີ່ເປັນເປົ້າໝາຍແມ່ນ 180.000 ໂດລາສະຫະລັດ ຕໍ່ຄົນ/ປີ.

ສຳລັບຢູ່ ປະເທດຈີນ ນັ້ນ ກໍມີຂ່າວອອກມາສົດໆຮ້ອນໆວ່າ ໄດ້ອອກນະໂຍບາຍດຶງ ດູດຊ່ຽວຊານຕ່າງປະເທດ ເຂົ້າໄປຊ່ວຍໃນຂະແໜງການທີ່ຈຳເປັນເຊັ່ນໄດ້ວ່າຈ້າງ ຊ່ຽວຊານສວນສັດຈາກໄທ ແລະ ສາດສະດາຈານອັງກິດ ຄົນໜຶ່ງຫວ່າງບໍ່ດົນມານີ້. ນະ ໂຍບາຍດຶງດູດແມ່ນເນັ້ນການອອກວີຊາໄລຍະຍາວແຕ່ 5- 10 ປີໂດຍໃຫ້ຊ່ຽວຊານສາ ມາດເຂົ້າອອກປະເທດໄດ້ ຫລາຍເທື່ອ./.

ສະເໜ່ດຶງດູດຊ່ຽວຊານຫົວກະທິຈາກຕ່າງປະເທດ - WhatsApp Image 2020 05 27 at 5 - ສະເໜ່ດຶງດູດຊ່ຽວຊານຫົວກະທິຈາກຕ່າງປະເທດ
ສະເໜ່ດຶງດູດຊ່ຽວຊານຫົວກະທິຈາກຕ່າງປະເທດ - WhatsApp Image 2020 05 27 at 5 - ສະເໜ່ດຶງດູດຊ່ຽວຊານຫົວກະທິຈາກຕ່າງປະເທດ
error: Alert: ເນື້ອຫາຂ່າວມີລິຂະສິດ !!