ປະທານປະເທດເນັ້ນໃຫ້ກອງບັນຊາການທະຫານແຂວງຫລວງພະບາງເອົາໃຈໃສ່ວຽກງານກໍ່ສ້າງຮາກຖານ

ປະທານປະເທດເນັ້ນໃຫ້ກອງບັນຊາການທະຫານແຂວງຫລວງພະບາງເອົາໃຈໃສ່ວຽກງານກໍ່ສ້າງຮາກຖານ - president 1 - ປະທານປະເທດເນັ້ນໃຫ້ກອງບັນຊາການທະຫານແຂວງຫລວງພະບາງເອົາໃຈໃສ່ວຽກງານກໍ່ສ້າງຮາກຖານ
ປະທານປະເທດເນັ້ນໃຫ້ກອງບັນຊາການທະຫານແຂວງຫລວງພະບາງເອົາໃຈໃສ່ວຽກງານກໍ່ສ້າງຮາກຖານ - Untitled design - ປະທານປະເທດເນັ້ນໃຫ້ກອງບັນຊາການທະຫານແຂວງຫລວງພະບາງເອົາໃຈໃສ່ວຽກງານກໍ່ສ້າງຮາກຖານ

ໃນໂອກາດເຂົ້າຮ່ວມພິທີປະກາດເມືອງຫລວງພະບາງແຂວງຫລວງພະບາງ ເປັນນະຄອນ ແລະ ສະເຫລີມສະຫລອງບຸນປີໃໝ່ລາວທີ່ແຂວງດັ່ງກ່າວເມື່ອບໍ່ດົນນີ້ຂອງທ່ານປະທານປະເທດ ບຸນຍັງ ວໍລະຈິດ ແລະ ໃນວັນທີ 14 ເມສາ, ທ່ານປະທານປະເທດ, ໄດ້ໄປຢ້ຽມຢາມພົບປະນາຍ ແລະ ພົນທະຫານກອງບັນຊາການທະຫານແຂວງດັ່ງກ່າວ, ໂດຍມີທ່ານເຈົ້າແຂວງຫລວງພະບາງ ຄຳຂັນ ຈັນທະວີສຸກ, ທ່ານພົນຈັດຕະວາ ຄໍາຫລ້າ ວົງວິໄລ ຫົວໜ້າການທະຫານກອງບັນຊາການທະຫານແຂວງ, ພ້ອມດ້ວຍພະນັກງານຫລັກແຫລ່ງອ້ອມຂ້າງແຂວງໃຫ້ການຕ້ອນຮັບຢ່າງອົບອຸ່ນ ແລະ ໄດ້ຮັບຟັງລາຍງານຈາກຫົວໜ້າການເມືອງກອງບັນຊາການທະຫານແຂວງວ່າ: ໂດຍລວມໃນທົ່ວແຂວງຫລວງພະບາງແມ່ນມີຄວາມສະຫງົບໂດຍພື້ນຖານ, ປະຊາຊົນໄດ້ດໍາລົງຊີວິດ ແລະ ທຳມາຫາກິນ, ເຮັດການຜະລິດ, ດໍາເນີນເສດຖະກິດດ້ວຍຄວາມສະດວກສະບາຍ ແລະ ມີຊີວິດການເປັນຢູ່ນັບມື້ດີຂຶ້ນເທື່ອລະກ້າວ. ສ່ວນກົມກອງພະນັກງານນັກຮົບກໍມີຄວາມອຸ່ນອ່ຽນທຸ່ນທ່ຽງ, ມີຄວາມເຊື່ອໝັ້ນຕໍ່ການນຳພາຂອງພັກ -ລັດ, ມີຄວາມຫ້າວຫັນປະຕິບັດວຽກງານທີ່ຂັ້ນເທິງມອບໝາຍໃຫ້ດ້ວຍຄວາມຮັບພິຊອບ ແລະ ຜົນສຳເລັດດີ.

ໃນໂອກາດນີ້, ທ່ານປະທານປະເທດ ກໍໄດ້ມີຄຳເຫັນໂອ້ລົມຊີ້ນໍາ, ຊຶ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍບັນດາຜົນງານທີ່ກອງບັນຊາການທະຫານແຂວງຫລວງພະບາງຍາດມາໄດ້, ພ້ອມທັງເນັ້ນໃຫ້ສືບຕໍ່ເຊີດຊູບົດບາດການເປັນກຳລັງຫລັກແຫລ່ງໃນການປົກປັກຮັກສາຜືນແຜ່ນດິນອັນຄົບຖ້ວນໄວ້ ໃຫ້ໝັ້ນຄົງ, ໄປຄຽງຄູ່ກັບການສືບຕໍ່ວຽກງານຫັນກໍາລັງລົງກໍ່ສ້າງຮາກຖານການເມືອງທົ່ວປວງຊົນໃຫ້ເຂັ້ມແຂງ, ເພື່ອປະກອບສ່ວນຢ່າງຕັ້ງໜ້າເຂົ້າໃນການປົກປັກຮັກສາ ແລະ ພັດທະນາແຂວງຂອງຕົນໃຫ້ມີຜົນສຳເລັດຕາມຄາດໝາຍວາງໄວ້. ໃນໂອກາດນີ້, ທ່ານປະທານປະເທດ ກໍໄດ້ມອບເງິນ 1 ຕື້ກວ່າກີບ ເພື່ອປະກອບສ່ວນເຂົ້າໃນການກໍ່ສ້າງອາຄານຂອງກອງບັນຊາການທະຫານແຂວງ ແລະ ມອບຄອມພິວເຕີຕັ້ງໂຕະອີກຈຳນວນ 10 ຊຸດ ເພື່ອນໍາໃຊ້ເຂົ້າໃນການປະຕິບັດວຽກງານຂອງກອງບັນຊາການດັ່ງກ່າວໃຫ້ມີປະສິດທິຜົນ.

ປະທານປະເທດເນັ້ນໃຫ້ກອງບັນຊາການທະຫານແຂວງຫລວງພະບາງເອົາໃຈໃສ່ວຽກງານກໍ່ສ້າງຮາກຖານ - Wave100S AD to Website 2020 0 - ປະທານປະເທດເນັ້ນໃຫ້ກອງບັນຊາການທະຫານແຂວງຫລວງພະບາງເອົາໃຈໃສ່ວຽກງານກໍ່ສ້າງຮາກຖານ
ປະທານປະເທດເນັ້ນໃຫ້ກອງບັນຊາການທະຫານແຂວງຫລວງພະບາງເອົາໃຈໃສ່ວຽກງານກໍ່ສ້າງຮາກຖານ - WhatsApp Image 2020 05 27 at 5 - ປະທານປະເທດເນັ້ນໃຫ້ກອງບັນຊາການທະຫານແຂວງຫລວງພະບາງເອົາໃຈໃສ່ວຽກງານກໍ່ສ້າງຮາກຖານ
ປະທານປະເທດເນັ້ນໃຫ້ກອງບັນຊາການທະຫານແຂວງຫລວງພະບາງເອົາໃຈໃສ່ວຽກງານກໍ່ສ້າງຮາກຖານ - WhatsApp Image 2020 05 27 at 5 - ປະທານປະເທດເນັ້ນໃຫ້ກອງບັນຊາການທະຫານແຂວງຫລວງພະບາງເອົາໃຈໃສ່ວຽກງານກໍ່ສ້າງຮາກຖານ
error: Alert: ເນື້ອຫາຂ່າວມີລິຂະສິດ !!