ຫລາຍສາເຫດທຳລາຍໄອໂຟນຂອງທ່ານ

ຫລາຍສາເຫດທຳລາຍໄອໂຟນຂອງທ່ານ - 022004 2018 - ຫລາຍສາເຫດທຳລາຍໄອໂຟນຂອງທ່ານ
ຫລາຍສາເຫດທຳລາຍໄອໂຟນຂອງທ່ານ - Untitled design - ຫລາຍສາເຫດທຳລາຍໄອໂຟນຂອງທ່ານ
  1. ບໍ່ເຄີຍປິດເຄື່ອງໄອໂຟນເລີຍ : ທ່ານຄວນຈະປິດເຄື່ອງໄອໂຟນຢ່າງໜ້ອຍອາທິດລະ 1 ເທື່ອ ເພາະການເປີດເຄື່ອງໄອໂຟນປະໄວ້ຕະຫລອດເວລາກໍສົ່ງຜົນຕໍ່ອາຍຸການໃຊ້ງານຂອງແບັດເຕີຣີ ເຊິ່ງມີຜູ້ຊ່ຽວຊານກ່າວວ່າ : ຫາກທ່ານຊື້ສະມາດໂຟນມາແລ້ວໃຊ້ຄືກັບໂມງປຸກ ກໍຄວນຢຸຸດ ແລ້ວຫາຊື້ໂມງປຸກຖືກໆຈັກອັນມາໃຊ້ຈະດີກ່ວາ ຫລື ເລືອກເວລາໃນການປິດ ເຄື່ອງເປັນໄລຍະອື່ນຂອງມື້ແທນ.
  2. ເປີດ Wi – Fi ກັບ Bluetooth ໄວ້ຕະຫລອດເວລາ : ເມື່ອໄອໂຟນຂອງທ່ານມີ Wi – Fi ແລະ Bluetooth  ບໍ່ຄວນເປີດປະໄວ້ ຈະເປີດໃຊ້ກໍຕໍ່ເມື່ອຈະໃຊ້ງານມັນແທ້ໆ ເພາະມັນຈະເຮັດໃຫ້ສິ້ນເປືອງພະລັງງານ.
  3. ໃຊ້ໄອໂຟນໃນສະພາບອາກາດຮ້ອນ ຫລື ໜາວຫລາຍ : ຕ້ອງຄຳນຶງໄວ້ສະເໝີວ່າໄອໂຟນນັ້ນບໍ່ໄດ້ຖືກອອກແບບມາໃຫ້ທົນຕໍ່ສະພາບອາກາດທີ່ຮ້ອນຫລາຍ ຫລື ໜາວຫລາຍ ຈຶ່ງບໍ່ຄວນໃຊ້ໄອໂຟນໃນສະພາບອາກາດທີ່ມີອຸນຫະພູມຕໍ່າກ່ວາ 0 ອົງສາ ຫລື ອຸນຫະພູມສູງກ່ວາ 35 ອົງສາ ເພາະຈະມີຜົນຕໍ່ການເຮັດວຽກຂອງແບັດເຕີຣີ ແລະ ອາດສົ່ງຜົນໃຫ້ເຄື່ອງດັບຊົ່ວຄາວ ສະນັ້ນ ຖ້າຮູ້ວ່າຈະຕ້ອງຢູ່ບ່ອນທີ່ມີອາກາດແບບນີ້ຄວນປິດເຄື່ອງ ແລ້ວເກັບມ້ຽນໄອໂຟນໄວ້ໃນກະເປົ໋າ.
  4. ສຽງໄຟສາກແບັດເຕີຣີໄວ້ໝົດຄືນ : ການສຽບໄອໂຟນສາກໄວ້ຕອນເຮົານອນຫລັບ ເບິ່ງຄືວ່າເປັນວິທີທີ່ດີ, ແຕ່ຄວາມຈິງແລ້ວ ການສຽບສາກແບັດເຕີຣີປະໄວ້ຫລັງຈາກແບັດເຕີຣີເຕັມ 100% ຖືເປັນການທຳລາຍແບັດເຕີຣີທາງອ້ອມ ສົ່ງຜົນໃຫ້ແບັດເຕີຣີໝົດໄວຂຶ້ນ. ການສາກໄຟໄອໂຟນທີ່ຖະໜອມແບັດເຕີຣີແມ່ນໃຫ້ຖອດສາຍສາກອອກກ່ອນທີ່ມັນຈະເຕັມ.
  5. ສາກແບັດເຕີຣີໄວ້ເຕັມ 100% ຕະຫລອດ ຫລື ໃຊ້ແບັດເຕີຣີຈົນໝົດກ້ຽງ : Shane Broesky ຜູ້ກໍ່ຕັ້ງບໍລິສັດ Farbe Technik ທີ່ຜະລິດອຸປະກອນສາກແບັດເຕີຣີ ໄດ້ກ່າວໄວ້ວ່າ : ແບັດເຕີຣີແບບ Lithium (ເຊິ່ງເປັນຊະນິດຂອງແບັດເຕີຣີທີ່ຖືກ ເອົາມາໃຊ້ໃນໄອໂຟນ) ຈະມີປະສິດທິພາບໃນການເຮັດວຽກທີ່ດີທີ່ສຸດ ຫາກແບັດເຕີຣີມີປະລິມານຂອງບັນຈຸໄຟຟ້າໃນໄລຍະ 50 – 80% ແລະ ໃນທາງກົງກັນຂ້າມຫາກໃຊ້ແບັດເຕີຣີຈົນໝົດກ້ຽງຈະເຮັດໃຫ້ແບັດເຕີຣີຕົກຢູ່ໃນສະພາບ Deep Discharge State ເຊິ່ງສົ່ງຜົນໃຫ້ໂຕເກັບບັນຈຸໄຟຟ້າໃນແບັດເຕີຣີບໍ່ສາມາດເຮັດວຽກໄດ້. ທາງທີ່ດີໃຫ້ພະຍາຍາມສາກໄຟ ພຽງແຕ່ໄລຍະເວລາສັ້ນໆເພື່ອໃຫ້ບັນຈຸໄດ້ຮັບພະລັງງານທີ່ພໍດີສຳລັບການເອົາໄປໃຊ້ງານ ແລະ ເພື່ອຖະໜອມແບັດເຕີຣີໄປນຳ.
  6. ບໍ່ໃຊ້ອຸປະກອນສາກແບັດຂອງແທ້ຈາກ Apple : ຫລາຍຄົນອາດເບິ່ງວ່າອຸປະກອນສາກໄຟແບັດເຕີຣີຂອງ Apple ມີລາຄາແພງ ຈຶ່ງບໍ່ຊື້ມາໃຊ້ເລືອກທີ່ຈະຊື້ຂອງປອມແທນ ຄວາມຈິງແລ້ວຄວນໃຊ້ອຸປະກອນສາກໄຟແບັດເຕີຣີຂອງແທ້ ຫາກໃຊ້ຂອງປອມອາດສົ່ງຜົນຮ້າຍຕໍ່ແບັດເຕີຣີ ແລະ ອາດເຖິງຂັ້ນລະເບີດໄດ້ ເຊິ່ງເຮັດໃຫ້ Apple ໄດ້ຕັ້ງໂຄງການ USB Power Adapter Take back ຂຶ້ນ ເຊິ່ງເປັນໂຄງການທີ່ໃຫ້ນຳເອົາອຸປະກອນສາກໄຟແບັດເຕີຣີຂອງປອມມາເປັນສ່ວນຫລຸດໃນການຊື້ອຸປະກອນສາກໄຟແບັດເຕີຣີຂອງແທ້ຈາກ Apple.
  7. ບໍ່ເຄີຍເຮັດຄວາມສະອາດໄອໂຟນເລີຍ : ຮູ້ຫລືບໍ່ວ່າໃນໄອໂຟນຂອງເຮົາມີຂີ້ຝຸ່ນ ແລະ ເຊື້ອພະຍາດຫລາຍກ່ວາທີ່ຄິດ ເວົ້າໄດ້ວ່າຂີ້ຝຸ່ນ, ເຊື້ອພະຍາດຍາດໃນຫ້ອງນຳ້ ຫລື ແມ່ນແຕ່ໃນຖ້ວຍເຂົ້າຂອງສັດລ້ຽງຍັງມີໜ້ອຍກ່ວາຢູ່ໃນໄອໂຟນ ເຊິ່ງທາງ Apple ໄດ້ອອກມາແນະນຳໃຫ້ໃຊ້ Lint Free Cloth ຫລື ຜ້າປາສະຈາກຂີ້ຝຸ່ນໃນການເຮັດຄວາມສະອາດ ແລະ ສິ່ງສຳຄັນ ຫ້າມລືມເຮັດຄວາມສະອາດຊ່ອງສຽບສາກໄຟ ເພາະມັກຈະມີເສດຂີ້ເຫຍື້ອ ຫລື ຂີ້ຝຸ່ນຈາກຖົງໂສ້ງ, ຖົງເສື້ອ ຫລື ກະ ເປົ໋າເຂົ້າໄປຢູ່ເປັນຈຳນວນຫລາຍ ອາດຈະເຮັດໃຫ້ເກີດບັນຫາໃນການເຊື່ອມຕໍ່ຕ່າງໆໄດ້ ຄວນໃຊ້ໄມ້ຈີ້ມແຂ້ວ, ເຂັມຫຍິບ ຫລື ກ້ານສຳລີເຂ່ຍສິ່ງເປິເປື້ອນຢູ່ໃນອອກ.
  8. ຍ່າງຖືໄອໂຟນໂດຍບໍ່ລະມັດລະວັງອ້ອມຂ້າງ : ຄະນະກຳມະການກາງກຳກັບເບິ່ງແຍງກິດຈະການສື່ສານຂອງປະເທດສະຫະລັດອາເມລິກາ ລາຍງານໃນປີ 2013 ຕາມໂຕເມືອງໃຫຍ່ຕ່າງໆນັ້ນມີຄະດີກ່ຽວກັບການປຸ້ນຊີງຊັບສະມາດໂຟນ ປະມານ 40% ເຊິ່ງຖືເປັນອັດຕາທີ່ສູງຫລາຍ ຈຶ່ງຄວນລະມັດລະວັງການໃຊ້ສະມາດໂຟນໃນເວລາຍ່າງຢູ່ຕາມສະຖານທີ່ສາທາລະນະຫລາຍຂຶ້ນ.
  9. ບໍ່ຕັ້ງລະຫັດລັອກໜ້າຈໍ : Apple ລາຍງານວ່າເກືອບ 50% ຂອງຈຳນວນຜູ້ໃຊ້ໄອໂຟນບໍ່ໄດ້ຕັ້ງລະຫັດລັອກໜ້າຈໍ (Pass code) ໄວ້ ຫາກທ່ານບໍ່ໄດ້ຕັ້ງລະຫັດໄວ້ ແລະ ເມື່ອໄອໂຟນຖືກລັກ ໂຈນຈະສາມາດເອົາຂໍ້ມູນສ່ວນໂຕທຸກຢ່າງຂອງທ່ານໄປໃຊ້ໃນທາງບໍ່ດີ ເຊິ່ງການຕັ້ງລະຫັດລັອກໜ້າຈໍນັ້ນຖືເປັນໜຶ່ງໃນວິທີປ້ອງກັນທີ່ເຮັດໄດ້ງ່າຍທີ່ສຸດ.
  10. ເປີດ GPS ໃຫ້ຮູ້ຕຳແໜ່ງທີ່ຕັ້ງທຸກແອັບພລິເຄເຊິນຢູ່ຕະຫລອດເວລາ : ແອັບພລິເຄເຊິນ Uber ຫລື Maps ນັ້ນຈຳເປັນຕ້ອງເປີດການໃຊ້ງານ Location Service ເພື່ອໃຫ້ບາງຟັງຊັ້ນເຮັດວຽກໄດ້ຢ່າງເຕັມປະສິດທິພາບ ແລະ ຈະມີການແຈ້ງເຕືອນນຳວ່າຈະຕ້ອງໃຊ້ເມື່ອໃດ ໃນຂະນະທີ່ເມື່ອໃຊ້ຟັງຊັ້ນອື່ນໆ ບໍລິການນີ້ບໍ່ຈຳເປັນຕ້ອງໃຊ້ກໍໄດ້ ຈຶ່ງຄວນຕັ້ງຄ່າ ປິດ   Location Service ໄວ້ ເພື່ອຖະໜອມແບັດເຕີຣີ.
  11. ຕັ້ງຄ່າໃຫ້ທຸກແອັບພລິເຄເຊິນແຈ້ງເຕືອນຢູ່ຕະຫລອດເວລາ : ການຕັ້ງຄ່າໃຫ້ທຸກແອັບພລິເຄເຊິນມີການແຈ້ງເຕືອນຢູ່ຕະຫລອດເວລາ ເປັນການເຮັດໃຫ້ໄອໂຟນເຮັດວຽກໜັກຕະຫລອດເວລາ ເພາະຕ້ອງຄອຍອັບເດດໃຫ້ຂໍ້ມູນເປັນປະຈຸບັນສະເໝີ ເຊິ່ງເຮັດໃຫ້ແບັດເຕີຣີໝົດໄວ ເນື່ອງຈາກໜ້າຈໍຈະຕິດທຸກເທື່ອທີ່ມີການແຈ້ງເຕືອນຕ່າງໆເຂົ້າມາ ແລະ ນັກວິໄຈກ່າວວ່າເປັນການເຮັດໃຫ້ເສຍສະມາທິນຳອີກ ຈຶ່ງຄວນເລືອກໃຫ້ມີການແຈ້ງເຕືອນສະເພາະແອັບພລິເຄເຊິນທີ່ສຳຄັນໆເທົ່ານັ້ນກໍພໍ.
ຫລາຍສາເຫດທຳລາຍໄອໂຟນຂອງທ່ານ - Wave100S AD to Website 2020 0 - ຫລາຍສາເຫດທຳລາຍໄອໂຟນຂອງທ່ານ
ຫລາຍສາເຫດທຳລາຍໄອໂຟນຂອງທ່ານ - WhatsApp Image 2020 05 27 at 5 - ຫລາຍສາເຫດທຳລາຍໄອໂຟນຂອງທ່ານ
ຫລາຍສາເຫດທຳລາຍໄອໂຟນຂອງທ່ານ - WhatsApp Image 2020 05 27 at 5 - ຫລາຍສາເຫດທຳລາຍໄອໂຟນຂອງທ່ານ
error: Alert: ເນື້ອຫາຂ່າວມີລິຂະສິດ !!