ສປປ ເກົາຫລີ ປະກາດຢຸດຕິ ການທົດລອງອາວຸດນິວເຄຼຍ

ສປປ ເກົາຫລີ ປະກາດຢຸດຕິ ການທົດລອງອາວຸດນິວເຄຼຍ - 20180421100450 - ສປປ ເກົາຫລີ ປະກາດຢຸດຕິ ການທົດລອງອາວຸດນິວເຄຼຍ
ສປປ ເກົາຫລີ ປະກາດຢຸດຕິ ການທົດລອງອາວຸດນິວເຄຼຍ - Untitled design - ສປປ ເກົາຫລີ ປະກາດຢຸດຕິ ການທົດລອງອາວຸດນິວເຄຼຍ

ຂ່າວ​ສານ​ສູນ​ກາງເກົາຫຼີ​ ລາຍ​ງານ​ໃນ​ວັນ​ທີ 21 ເມ​ສາ​ນີ້​ ວ່າ: ກອງ​ປະ​ຊຸມ​ຄົບ​ຄະ​ນະ​ເທື່ອ​ທີ 3 ຂອງ​ຄະ​ນະ​ກຳ​ມະ​ການ​ສູນ​ ກາງ​ພັກ​ແຮງ​ງານເກົາຫຼີ ຊຸດ​ທີ 7 ​ທີ່​ຈັດ​ຂຶ້ນ​ໃນ​ວັນ​ທີ 20 ເມ​ສາ​ນີ້​ ໄດ້​ຕົກ​ລົງ​ວ່າ: ເລີ່ມ​ແຕ່​ວັນ​ທີ 21 ເມ​ສາ 2018 ເປັນ​ຕົ້ນ​ໄປ, ສ​ປ​ປ ເກົາຫຼີ​ ຈະ​ຢຸດ​ຕິ​ການ​ທົດ​ລອງ​ອາ ​ວຸດ​ນິວ​ເຄ​ຼຍ​ ແລະ ​ທົດ​ລອງ​ຍິງລູກ ສອນໄຟ​ຂ້າມ​ທະ​ວີບ.
ມະ​ຕິຫຼາຍ​ສະ​ບັບ​ທີ່​ໄດ້ຮັ​ບ ​ຮອງ​ໃນ​ກອງ​ປະ​ຊຸມ​ດັ່ງ​ກ່າວ​ຍັງ ​ປະ​ກອບ​ມີ​ເນື້ອ​ໃນ​​ທີ່​ວ່າ: ເພື່ອຮັກ ​ສາ​ຄວາມ​ໂປ່ງ​ໃສ​ຂອງ​ການ​ຢຸດ ​ຕິ​ການ​ທົດ​ລອງ​ອາ​ວຸດ​ນິວ​ເຄ​ຼຍ, ສ​ປ​ປ ເກົາຫຼີ​ ຈະ​ເຊົາ​ໃຊ້​ສະ​ໜາມ ​ທົດ​ລອງ​ນິວ​ເຄ​ຼຍ​ຢູ່​ພາກ​ເໜືອ​ ຂອງ​ປະ​ເທດ​ຕົນ. ການ​​ທີ່​ຢຸດ​ຕິ​ ການທົດ​ລອງ​ນິວ​ເຄ​ຼຍ​ເປັນ​ບາດ​ກ້າວ​ສຳ​ຄັນ​ໃນ​ການ​ບັນ​ລຸ​ການຫຼຸດ​ກຳ​ລັງ​ຮົບ​ນິວ​ເຄ​ຼຍ​ຂອງ​ໂລກ ແລະ​ ສ​ປ​ປ ເກົາຫຼີ​ ຈະ​ເຂົ້າຮ່ວມ ​​ຄວາມ​ພະ​ຍາ​ຍາມ​ຂອງ​ໂລກ​ເພື່ອ​ ບັນ​ລຸ​ເປົ້າ​ໝາຍ​ແຫ່ງ​ການ​ຢຸດ​ຕິ​ການ​ທົດ​ລອງ​ນິວ​ເຄ​ຼຍ​ຢ່າງ​ຮອບ​ດ້ານ.
ມະ​ຕິ​ຍັງ​ລະ​ບຸ​ວ່າ: ພາຍ​ໃຕ້​ກໍ​ ລະ​ນີ​ທີ່​ບໍ່​ໄດ້​ຮັບ​ໄພ​ຂົ່ມ​ຂູ່ ຫຼື​ ການ ​ທ້າ​ທາຍ​ເກາະ​ຜິດ​ດ້ວຍ​ອາ​ວຸດ​ນິວ ​ເຄ​ຼຍ​ນັ້ນ, ສ​ປ​ປ ເກົາຫຼີ​ ຈະ​ບໍ່​ນຳ​ ໃຊ້​ອາ​ວຸດ​ນິວ​ເຄ​ຼຍ​ເດັດ​ຂາດ ແລະ​ ກໍ​ຈະ​ບໍ່​ໂອນ​ອາ​ວຸດ​ນິວ​ເຄ​ຼຍ​ ແລະ​ ເຕັກ​ນິກ​ນິວ​ເຄ​ຼຍ​ບໍ່​ວ່າ​ໃນ​ກໍ​ລະ​ນີ​ ໃດ​ກໍ​ຕາມ.
ກອງ​ປະ​ຊຸມ​ຍັງ​ຕົກ​ລົງ​ຈະ​ລະ​ດົມ​ຂົນ​ຂວາຍ​ຊັບ​ພະ​ຍາ​ກອນ ​ມະ​ນຸດ​ ແລະ ​ວັດ​ຖຸ​ຂອງ ​ສ​ປ​ປ ເກົາຫຼີ​ ເພື່ອ​ສຸມ​ທຸກ​ຄວາມ​ພະ​ຍາ​ ຍາມ​ເຂົ້າ​ໃນ​ການ​ຕໍ່​ສູ້ແຫ່ງ​ການ​ພັດ​ທະ​ນາ​ເສດ​ຖະ​ກິດ​ສັງ​ຄົມ​ນິ​ຍົມ ​ແລະ ​ຍົກ​ລະ​ດັບ​ຊີ​ວິດ​ການ​ເປັນ​ຢູ່​ ຂອງ​ປະ​ຊາ​ຊົນ​ໃຫ້​ສູງ​ຂຶ້ນ. ​ເພື່ອ ​ສ້າງ​ສະ​ພາບ​​ແວດ​ລ້ອມສາ​ກົນ​ທີ່​ເປັນ​ຜົນ​ດີ​ຕໍ່​ການ​ສ້າງ​ສາ​ເສດ​ຖະ​ກິດ​ສັງ​ຄົມ​ນິ​ຍົມ, ປົກ​ປັກ​ຮັກ ​ສາ​ສັນ​ຕິ​ພາບ ​ແລະ​ ສະ​ຖຽນ​ລະ ​ພາບ​ຂອງ​ແຫຼມ​ເກົາຫຼີ​ ກໍ​ຄື​ຂອງ ​ໂລກ, ສ​ປ​ປ ເກົາຫຼີ​ ຈະ​ຕັ້ງ​ໜ້າ​ພົວ ​ພັນ​ ແລະ​ ສົນ​ທະ​ນາ​ຢ່າງ​ໃກ້​ຊິດ​ ກັບ​ປະ​ເທດ​ອ້ອມ​ຂ້າງ​ ແລະ​ ປະ ​ຊາ​ຄົມ​ໂລກ.

ສປປ ເກົາຫລີ ປະກາດຢຸດຕິ ການທົດລອງອາວຸດນິວເຄຼຍ - Wave100S AD to Website 2020 0 - ສປປ ເກົາຫລີ ປະກາດຢຸດຕິ ການທົດລອງອາວຸດນິວເຄຼຍ
ສປປ ເກົາຫລີ ປະກາດຢຸດຕິ ການທົດລອງອາວຸດນິວເຄຼຍ - WhatsApp Image 2020 05 27 at 5 - ສປປ ເກົາຫລີ ປະກາດຢຸດຕິ ການທົດລອງອາວຸດນິວເຄຼຍ
ສປປ ເກົາຫລີ ປະກາດຢຸດຕິ ການທົດລອງອາວຸດນິວເຄຼຍ - WhatsApp Image 2020 05 27 at 5 - ສປປ ເກົາຫລີ ປະກາດຢຸດຕິ ການທົດລອງອາວຸດນິວເຄຼຍ
error: Alert: ເນື້ອຫາຂ່າວມີລິຂະສິດ !!