ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ໄຂຂຶ້ນມື້ນີ້

- Untitled design - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ໄຂຂຶ້ນມື້ນີ້

ເປັນທາງການໃນເຊົ້າມື້ນີ້ (ວັນທີ 25 ເມສາ-18 ພຶດສະພາ 2017)ທີ່ຫໍສະພາແຫ່ງຊາດ, ນະຄອນຫລວງວຽງຈັນ, ເພື່ອພິຈາລະນາ ແລະຕົກລົງບັນຫາສຳຄັນຕ່າງໆຄື: ຮັບຟັງລາຍງານຈາກທ່ານນາຍົກລັດຖະມົນຕີກ່ຽວກັບການຈັດຕັ້ງປະຕິບັດວຽກງານຈຸດສຸມໃນໄລຍະ 6 ເດືອນຜ່ານມາ ແລະທິດທາງແຜນການວຽກຈຸດສຸມໃນ 6 ເດືອນຕໍ່ໜ້າຂອງລັດຖະບານ, ຮັບຟັງລາຍງານຂອງລັດຖະມົນຕີກະຊວງແຜນການ ແລະການລົງທຶນກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໝົດປີ 2016 ແລະການຜັນຂະຫຍາຍການຈັດຕັ້ງປະຕິບັດແຜນປີ 2017, ຮັບຟັງລາຍງານຂອງລັດຖະມົນຕີກະຊວງການເງິນກ່ຽວກັບບົດສະຫລຸບສະພາບການຈັດຕັ້ງປະຕິບັດແຜນງົບປະມານແຫ່ງລັດ 3 ເດືອນຂ້າມຜ່ານທ້າຍປີ 2016, ບົດລາຍງານສະພາບການຈັດຕັ້ງປະຕິບັດແຜນງົບປະມານແຫ່ງຊາດງວດ1 ປີ 2017 ແລະຄາດຄະເນທິດທາງແຜນການ 6 ເດືອນຕົ້ນປີ 2017, ຮັບຟັງລາຍງານຂອງກະຊວງອຸດສາຫະກຳ ແລະການຄ້າກ່ຽວກັບສະພາບການຄຸ້ມຄອງລາຄາສິນຄ້າ, ອັດຕາເງິນເຟີ້, ອັດຕາແລກປ່ຽນທີ່ພວມກະທົບຕໍ່ການຜະລິດ, ການດຳລົງຊີວິດຂອງສັງຄົມ, ທິດທາງ ແລະມາດຕະການແກ້ໄຂໃນຕໍ່ໜ້າ, ພ້ອມນີ້ຍັງມີການພິຈາລະນາຮັບຮອງເອົາບົດລາຍງານການເຄື່ອນໄຫວວຽກງານ 5 ປີ (2012-2016) ແລະທິດທາງວຽກງານ 5 ປີ (2017-2021) ຂອງອົງການກວດສອບແຫ່ງລັດ, ພິຈາລະນາຮັບຮອງເອົາການເລືອກຕັ້ງປະທານອົງການກວດສອບແຫ່ງລັດ.

ນອກນີ້ຍັງຈະໄດ້ຮັບຟັງລາຍງານຂອງອົງການໄອຍະການປະຊາຊົນສູງສຸດກ່ຽວກັບການປະຕິບັດສິດສັ່ງຟ້ອງຄະດີອາຍາຂຶ້ນສານ ແລະການເຂົ້າຮ່ວມການດຳເນີນຄະດີແພ່ງຢູ່ທີ່ປະຊຸມສານໃນໄລຍະຜ່ານມາ ແລະກຳນົດທິດທາງໃນການປັບປຸງຍົກສູງຄຸນນະພາບກ່ຽວກັບວຽກງານດັ່ງກ່າວ, ຮັບຟັງການລາຍງານຂອງສານປະຊາຊົນສູງສຸດກ່ຽວກັບການດຳເນີນຄະດີຢູ່ສານຂັ້ນຕົ້ນ ແລະສານຂັ້ນອຸທອນໄລຍະຜ່ານມາ, ທິດທາງປັບປຸງ ແລະຍົກສູງຄຸນນະພາບໃນວຽກງານດັ່ງກ່າວ, ພ້ອມທັງພິຈາລະນາຮັບຮອງເອົາບົດລາຍງານການເຄື່ອນໄຫວຂອງຄະນະປະຈຳສະພາແຫ່ງຊາດລະຫວ່າງສອງກອງປະຊຸມສະພາແຫ່ງຊາດ, ແຕ່ກອງປະຊຸມສະໄໝສາມັນເທື່ອທີ 2 ຫາກອງປະຊຸມສະໄໝສາມັນເທື່ອທີ 3 ແລະ ເທື່ອທີ 4 ຂອງສະພາແຫ່ງຊາດຊຸດທີ VIII, ພິຈາລະນາຮັບຮອງເອົາການສະເໜີແຕ່ງຕັ້ງຮອງປະທານກຳມາທິການຂອງສະພາແຫ່ງຊາດ, ຕາມການສະເໜີຂອງຄະນະປະຈຳສະພາແຫ່ງຊາດ, ຮັບຟັງການຊີ້ແຈງຂອງພາກສ່ວນກ່ຽວຂ້ອງຕໍ່ຄຳສະເໜີຂອງສັງຄົມຜ່ານໂທລະສັບສາຍດ່ວນຂອງກອງປະຊຸມສະໄໝສາມັນຂອງສະພາແຫ່ງຊາດຊຸດທີ VIII. ຂະນະດຽວກັນຍັງຈະໄດ້ມີການພິຈາລະນາຮັບຮອງເອົາກົດໝາຍສ້າງໃໝ່, ກົດໝາຍສະບັບປັບປຸງ ແລະປະກອບຄຳເຫັນໃສ່ກົດໝາຍທາບທາມລວມມີ 14 ສະບັບ, ໃນນັ້ນມີກົດໝາຍສ້າງໃໝ່ 5 ສະບັບ, ກົດໝາຍປັບປຸງຈຳນວນ 8 ສະບັບ ແລະກົດໝາຍທາບທາມ 1 ສະບັບ.

ພິເສດ ໃນໄລຍະດຳເນີນກອງປະຊຸມສະໄໝສາມັນເທື່ອນີ້ບັນດາທ່ານສາມາດສົ່ງຄຳຄິດຄຳເຫັນ ແລະຄຳສະເໜີໄປຍັງກອງປະຊຸມໄດ້ 4 ຊ່ອງທາງຄື: ໂທລະສັບສາຍດ່ວນ (ໂດຍບໍ່ເສຍຄ່າ): 156, ໂທລະສານຫລື ແຟັກ: 021 452627, ສົ່ງຈົດໝາຍທາງຕູ້ໄປສະນີ: ຕູ້ ປນ 662 ແລະສົ່ງທາງອີເມວ [email protected]

- Wave100S AD to Website 2020 0 - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ໄຂຂຶ້ນມື້ນີ້
- WhatsApp Image 2020 05 27 at 5 - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ໄຂຂຶ້ນມື້ນີ້
- WhatsApp Image 2020 05 27 at 5 - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ໄຂຂຶ້ນມື້ນີ້
error: Alert: ເນື້ອຫາຂ່າວມີລິຂະສິດ !!