ລາວກຽມສ້າງອະນຸສອນສະຖານບັ້ນຮົບນໍ້າບາກ

ລາວກຽມສ້າງອະນຸສອນສະຖານບັ້ນຮົບນໍ້າບາກ - nambak monument - ລາວກຽມສ້າງອະນຸສອນສະຖານບັ້ນຮົບນໍ້າບາກ
ລາວກຽມສ້າງອະນຸສອນສະຖານບັ້ນຮົບນໍ້າບາກ - AGL banner - ລາວກຽມສ້າງອະນຸສອນສະຖານບັ້ນຮົບນໍ້າບາກ

ລາວກຽມສ້າງອະນຸສອນສະຖານບັ້ນຮົບນໍ້າບາກ - 30768454 1732363260160738 581371004 o - ລາວກຽມສ້າງອະນຸສອນສະຖານບັ້ນຮົບນໍ້າບາກ

ອະນຸສອນສະຖານບັ້ນຮົບນໍ້າບາກຢູ່ເມືອງນໍ້າບາກແຂວງຫລວງພະບາງ, ຈະໄດ້ຮັບການກໍ່ສ້າງໃນບໍ່ດົນນີ້, ພາຍຫລັງຄະນະຮັບພິຊອບໂຄງການດັ່ງກ່າວ ເຊິ່ງປະກອບມີ: ອໍານາດການປົກຄອງແຂວງ, ສະຫະພັນນັກຮົບເກົ່າແຫ່ງຊາດ ແລະ ກະຊວງປ້ອງກັນປະເທດ, ໄດ້ເຫັນດີເປັນເອກະພາບຕົກລົງຮັບຮອງເອົາການອອກແບບໂຄງການຄັ້ງສຸດທ້າຍຂອງບໍລິສັດດວງພະສຸກກໍ່ສ້າງຂົວທາງ-ເຄຫະສະຖານ ແລະ ຊົນລະປະທານເມື່ອບໍ່ດົນມານີ້, ຊຶ່ງກອງປະຊຸມປືກສາຫາລືຜ່ານແບບດັ່ງກ່າວ, ໂດຍການເປັນປະທານຂອງທ່ານຮອງເຈົ້າແຂວງຫລວງພະບາງ ບົວຄົງ ນາມມະວົງ, ຊຶ່ງໄດ້ຕົກລົງເຫັນດີຮັບຮອງເອົາແບບໂຄງການກໍ່ສ້າງທັງໝົດ, ຊຶ່ງປະກອບມີ: ກໍ່ສ້າງຫໍມູນເຊື້ອ, ຫ້ອງການ, ເຮືອນນອນ, ຮູບປັ້ນ, ປະຕູໂຂງ, ຮົ້ວກໍາແພງ, ສວນດອກໄມ້, ນໍ້າຜຸ, ເສັ້ນທາງ, ສະໜາມບິນຂະໜາດນ້ອຍ, ກົມມະລຽນ, ຕະຫລາດຊົນເຜົ່າ ແລະ ສິ່ງອໍານວຍຄວາມສະດວກອື່ນໆ. ສ່ວນມູນຄ່າການກໍ່ສ້າງທັງໝົດແມ່ນຈະໄດ້ມີການຄິດໄລ່ຕາມຫລັງ ເພື່ອປະກອບເຂົ້າໃນບົດສະເໜີໃຫ້ລັດຖະບານ ແລະ ສະພາແຫ່ງຊາດພິຈາລະນາຮັບຮອງເພື່ອດໍາເນີນການກໍ່ສ້າງໃນອານາຄົດອັນໃກ້ໆນີ້.

ທ່ານຮອງເຈົ້າແຂວງຫລວງພະບາງ ໃຫ້ຮູ້ວ່າ: ບັ້ນຮົບນໍ້າບາກ, ແມ່ນບັ້ນຮົບປະຫວັດສາດໜຶ່ງຂອງການຕໍ່ສູ້ບໍ່ຍອມຈໍານົນຂອງກອງທັບປະຊາຊົນລາວ ກໍຄືປະຊາຊົນຊາວແຂວງຫລວງພະບາງຮ່ວມກັບທະຫານອາສາສະໝັກຫວຽດນາມ, ທີ່ໄດ້ບຸກໂຈມຕີສັດຕູຕາຍຫລາຍພັນຄົນ ແລະ ສາມາດຢຶດອາວຸດຍຸດໂທປະກອນເປັນຈໍານວນຫລາຍ, ໄຊຊະນະດັ່ງກ່າວຄືຜົນງານອັນໃຫຍ່ຫລວງຂອງນັກຮົບປະຕິວັດ ກໍຄືກອງທັບປະຊາຊົນປະຕິວັດລາວ, ດັ່ງນັ້ນ, ພັກ ແລະ ລັດຖະບານ, ກໍຄືການນໍາແຂວງຫລວງພະບາງ ຈຶ່ງເຫັນໄດ້ຄວາມສໍາຄັນໃນການສ້າງອະນຸສອນແຫ່ງນີ້ເພື່ອເປັນສັນຍາລັກສໍາຄັນທາງປະຫວັດສາດ, ທັງເປັນແຫລ່ງທ່ອງທ່ຽວ, ເປັນບ່ອນສຶກສາຮໍ່າຮຽນ ເພື່ອຈາລຶກຄຸນງາມຄວາມດີຂອງນັກຮົບປະຕິວັດໃນສະໄໝນັ້ນທີ່ໄດ້ຕໍ່ສູ້ຢ່າງພິລະອາດຫານບໍ່ຍອມຈໍານວນ ເພື່ອຄວາມຢູ່ເຢັນເປັນສຸກຂອງປະຊາຊົນລາວບັນດາເຜົ່າຈົນຮອດເທົ່າທຸກວັນນີ້.

ລາວກຽມສ້າງອະນຸສອນສະຖານບັ້ນຮົບນໍ້າບາກ - Wave100S AD to Website 2020 0 - ລາວກຽມສ້າງອະນຸສອນສະຖານບັ້ນຮົບນໍ້າບາກ
ລາວກຽມສ້າງອະນຸສອນສະຖານບັ້ນຮົບນໍ້າບາກ - lattana 1 - ລາວກຽມສ້າງອະນຸສອນສະຖານບັ້ນຮົບນໍ້າບາກ
error: Alert: Content is protected !!