ປະຊາກອນໂລມາອິຣາວະດີເພີ່ມຂຶ້ນ ເທື່ອທຳອິດໃນຮອບ 20 ປີ

ປະຊາກອນໂລມາອິຣາວະດີເພີ່ມຂຶ້ນ ເທື່ອທຳອິດໃນຮອບ 20 ປີ - 8 conservation - ປະຊາກອນໂລມາອິຣາວະດີເພີ່ມຂຶ້ນ ເທື່ອທຳອິດໃນຮອບ 20 ປີ
ປະຊາກອນໂລມາອິຣາວະດີເພີ່ມຂຶ້ນ ເທື່ອທຳອິດໃນຮອບ 20 ປີ - Untitled design - ປະຊາກອນໂລມາອິຣາວະດີເພີ່ມຂຶ້ນ ເທື່ອທຳອິດໃນຮອບ 20 ປີ

ຈຳນວນ​ປະຊາກອນ​ໂລມາ​ອິຣາວະ​ດີ ​ເຊິ​່ງພົບ​ຫລາຍ​ໃນ​ລຸ່ມ​ແມ່ນ້ຳຂອງ​ເຂດ​ກຳປູ​​ເຈຍ ມີ​ຈຳນວນ​ເພີ່ມ​ຂຶ້ນ​ເປັນ​ເທື່ອ​ທຳ​ອິດ ນັບ​ແຕ່​ມີ​ການ​ບັນທຶກ​ສະຖິຕິ​ຢ່າງ​ເປັນ​ທາງ​ການ​ໃນ​ປີ 1997.

ປະຊາກອນໂລມາອິຣາວະດີເພີ່ມຂຶ້ນ ເທື່ອທຳອິດໃນຮອບ 20 ປີ - baby dolphin 00 06 2016 wwf cambodia 2 - ປະຊາກອນໂລມາອິຣາວະດີເພີ່ມຂຶ້ນ ເທື່ອທຳອິດໃນຮອບ 20 ປີ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ພະນົມ​ເປັນ ປະ​ເທດ​ກຳປູ​ເຈຍ ​ໃນ​ວັນ​ທີ 23 ​ເມສາ​ວ່າ: ອົງການ​ກອງ​ທຶນ​ສັດປ່າ​ໂລກ​ສາກົນ (WWF) ອອກ​ຖະ​ແຫລ​ງການ​ໃນ​ວັນ​ທີ 23 ​ເມສາວ່າ: ປະຊາກອນ​ໂລມາ​ອິຣາວະ​ດີ​ໃນ​ແມ່ນ້ຳຂອງ​ເພີ່ມ​ຈຳນວນ​ຂຶ້ນ​ເປັນ​ເທື່ອ​ທຳ​ອິດ ​ໂດຍ​ສະຖິຕິ​ທີ່​ມີ​ການ​ບັນທຶກ​​ເປັນ​ເທື່ອ​ທຳ​ອິດ​ໃນ​ປີ 1997 ພົບ​ຈຳນວນ​ປະຊາກອນ​ໂລມາ​ອິຣາວະ​ດີ​ໃນ​ພື້ນທີ່​ປະມານ 200 ​ໂຕ, ​ແຕ່​ຫລຸດ​ລົງ​ເຫລືອ​ພຽງ 80 ​ໂຕ ​ໃນ​ປີ 2015 ​ເນື່ອງ​ມາ​ຈາກ​ວິ​ກິດ​ສິ່ງ​ແວດ​ລ້ອມ​ທີ່​ສົ່ງ​ຜົນ​ກະທົບ​ຢ່າງ​ໜັກ​ຕໍ່​ລະບົບ​ນິ​ເວດ ​ແລະ ພຶດຕິ​ກຳ​ການ​ຫາ​ປາ​ຂອງ​ປະຊາຊົນ​ໃນ​ບໍລິ​ເວນ​ນັ້ນ.

​ເຖິງ​ຢ່າງ​ໃດ​ກໍ​ຕາມ, ການ​ເຝົ້າລະວັງ​ຢ່າງ​ໃກ້ຊິດ​ຂອງ​ຜູ້​ຊ່ຽວຊານ ​ແລະ ການ​ພັດທະນາ​ດ້ານ​ເຕັກ​ໂນ​ໂລ​ຊີ​ທີ່​ເອື້ອອຳນວຍ​​ແກ່​ການ​ເພາະ​ພັນ​ໂລມາ​ອິຣາວະ​ດີ ຊ່ວຍ​ໃຫ້​ປະຊາກອນ​ສັດລ້ຽງ​ລູກ​ດ້ວຍ​ນົມ​ຊະນິດ​ນີ້​ເພີ່ມ​ຂຶ້ນອີກ ​ເຊິ່ງລວມທັງ​ການ​ເກີດ​ໃໝ່ 3 ​​ໂຕ​ໃນຕົ້ນປີ​ນີ້ ​ແລະ ຊ່ວຍ​ຫລຸດ​ອັດຕາ​ການ​ຕາຍ​ກ່ອນ​ໄວ​ອັນ​ຄວນ​ຂອງ​ໂລມາ​ສາຍ​ພັນ​ນີ້ນຳ​ອີກ.

ລາຍ​ງານ​ຂອງ WWF ຍັງ​ສະ​ແດງ​ຄວາມ​ກັງວົນ​ວ່າ: “ຄວາມ​ສ່ຽງ​ຫລັກ” ຍັງ​ມີ​ຢູ່ ບໍ່​ວ່າ​ຈະ​ເປັນ​ການ​ລັກ​ລອບ​ຈັບ​ສັດ​ນ້ຳ ທີ່​ມີ​ການ​ໃຊ້​ທັງ​ລະ​ເບີດ ​ແລະ ກະ​ແສ​ໄຟຟ້າ ຕະຫລອດ​ຮອດ​ເຮືອ​ນັກ​ທ່ອງ​ທ່ຽວ ​ເຊິ່ງມັກ​ສວຍ​ໂອກາດ​ຈັບ​ສັດ​ນ້ຳ​ເຊັ່ນ​ກັນ.

ປັດຈຸບັນ ກຳປູ​ເຈຍ​ເປັນ​ແຫ​ລ່ງທີ່ຢູ່​ອາ​ໄສ​ຂະໜາດ​ໃຫຍ່​ທີ່​ສຸດ​ຂອງ​ໂລມາ​ອິຣາວະ​ດີ ​ເຊິ່ງມີ​ຊື່​ເອີ້ນ​ອີກ​ຫລາຍ​ຊື່​ເຊັ່ນ: ​ໂລ​ມາ​ຫົວ​ບາດ​ມີ​ຄີບ​ຫລັງ, ​ໂລມາ​ນ້ຳຈືດ ​ແລະ ປາ​ຂ່າ ​ໃນ​ພາສາ​ລາວ, ​ແຕ່​ຍັງ​ສາມາດ​ພົບ​ໄດ້​ອີກ​ໃນ​ມຽນມາ, ອິນ​ເດຍ, ອິນ​ໂດ​ເນ​ເຊຍ ​ແລະ ​ໄທ.

ປະຊາກອນໂລມາອິຣາວະດີເພີ່ມຂຶ້ນ ເທື່ອທຳອິດໃນຮອບ 20 ປີ - WhatsApp Image 2020 05 27 at 5 - ປະຊາກອນໂລມາອິຣາວະດີເພີ່ມຂຶ້ນ ເທື່ອທຳອິດໃນຮອບ 20 ປີ
ປະຊາກອນໂລມາອິຣາວະດີເພີ່ມຂຶ້ນ ເທື່ອທຳອິດໃນຮອບ 20 ປີ - WhatsApp Image 2020 05 27 at 5 - ປະຊາກອນໂລມາອິຣາວະດີເພີ່ມຂຶ້ນ ເທື່ອທຳອິດໃນຮອບ 20 ປີ
error: Alert: ເນື້ອຫາຂ່າວມີລິຂະສິດ !!