ທຣຳ ປະຊຸມວຸດທິສະມາຊິກເລື່ອງ ສປປ ເກົາຫລີ

- Untitled design - ທຣຳ ປະຊຸມວຸດທິສະມາຊິກເລື່ອງ ສປປ ເກົາຫລີ

ສຳນັກ​ຂ່າວ BBC ລະບຸ​ວ່າ: ທຳນຽບປະທານາທິບໍດີ​ອາ​ເມ​ລິ​ກາ ​ເຊີ​ນ​ວຸດ​ທິສະມາຊິກທັງ​ໝົດ 100 ຄົນ ​ເຂົ້າຮັບ​ຟັງ​ການ​ຊີ້​ແຈງ​ນະ​ໂຍບາ​ຍ​ເລື່ອງ ສປປ ​ເກົາຫລີ ​ເຊິ່ງ​ເປັນ​ການ​​ປະຊຸມ​ດ່ວນ​ແບບ​ບໍ່​ເຄີຍ​ມີ​ຂຶ້ນມາ​ກ່ອນ ​ໂດຍ​ມີບຸກຄົນ​ສຳຄັນ​ທາງ​ການ​ທະຫານຂອງ​ປະ​ເທດ, ລັດຖະມົນຕີ​ປ້ອງ​ກັນ​ປະ​ເທດ ​ແລະ ປະທານ​​ເສນາ​ທິການ​ຮ່ວມ​ຂອງ​ກອງທັບ ​ເຂົ້າຮ່ວມ​ໃນ​ການ​ຊີ້​ແຈງ​ເທື່ອ​ນີ້​.

ການ​ປະຊຸມ​ວຸດ​ທິສະມາຊິກ​ທັງ​ສະພາ​ຮີບ​ດ່ວນ​ນີ້ ມີ​ຂຶ້ນ​ຂະນະ​ທີ່​ຄາດ​ຄະ​ເນ​ກັນ​ວ່າ​ໃນ​ວັນ​ທີ 25 ​ເມສາ​ນີ້, ສປປ ​ເກົາຫລີ ອາດ​ທົດ​ລອງ​ລູກ​ສອນ​ໄຟ ຫລື ທົດ​ລອງ​ອາວຸດ​ນິວ​ເຄຼຍອີກ ​ເພື່ອ​ເປັນ​ການສະ​ແດງ​ແສນ​ຍານຸພາບ​ເນື່ອງ​ໃນ​ວັນ​ຄົບຮອບ 85 ປີ ການ​ສະຖາປະນາ​ກອງທັບ​ປະຊາຊົນ​ເກົາຫລີ.

ຕາມ​ປົກກະຕິ​ແລ້ວ ​ເຈົ້າໜ້າ​ທີ່​ປະຈຳ​ທຳນຽບປະທານາທິບໍດີ​ອາ​ເມ​ລິ​ກາ ຈະ​ເປັນ​ຜູ້​ໄປ​ບັນຍາຍ​ສະຫລຸບ​ການ​ເຄື່ອນ​ໄຫວ​ກ່ຽວ​ກັບ​ນະ​ໂຍບາຍ​ຄວາມ​ໝັ້ນຄົງ​ຂອງ​ປະ​ເທດ​ໃນ​ສະພາ​ສູງ​ເປັນ​ໄລຍະ ​ໂດຍ​ບໍ່​ເຄີຍ​ມີ​ການ​​ເຊີນວຸດ​ທິສະມາຊິກ​ທັງ​ສະພາ​ມາ​ຮັບ​ຟັງບັນຫາ​ດັ່ງກ່າວ​ຢູ່​ທຳນຽບປະທານາທິບໍດີ​ມາ​ກ່ອນ, ທັງ​ຍັງ​ມີ​ລາຍ​ງານ​ວ່າ​ທາງ​ສະພາ​ຜູ້​ແທນ​ລາຊະ​ດອນ​ກຳລັງ​ຂໍ​ເຂົ້າຮັບ​ຟັງ​ການ​ຊີ້​ແຈງ​ໃນ​ລັກສະນະ​ດຽວ​ກັນ​ນຳ​ອີກ.

ກ່ອນ​ໜ້າ​ນີ້, ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ລະບຸ​ວ່າ: ການ​ທີ່ ສປປ ​ເກົາຫລີ ຍັງ​ສະ​ແດງ​ທ່າ​ທີ​ແຂງ​​ແກ່ນ​ຮຸກ​ຮານ ​ເຮັດ​ໃຫ້​​ແຫລມ​ເກົາຫລີ​ບໍ່​ມີ​ສະຖຽນ​ລະ​ພາບ ​ແລະ ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ​ຈະ​ຕ້ອງ​ກຽມພ້ອມ​ອອກ​ມາດ​ຕະການ​ຂວ້ຳບາດ​ໃໝ່​ຕໍ່ ສປປ ​ເກົາຫລີ.

ສ່ວນ​ປະທານ​ປະ​ເທດ ສີ​ຈິ້ນຜິງ ຂອງ​ຈີນ ​ໄດ້​ໂທລະສັບ​ຫາ​ຜູ້ນຳ​ອາ​ເມ​ລິ​ກາ​ອີກ ຮຽກຮ້ອງ​ໃຫ້​ທຸກ​ຝ່າຍ​ອົດ​ກັ້ນ ​ແລະ ຫລີກ​ເວັ້ນການ​ກະທຳ​ໃດໆ​ທີ່​ຈະ​ເຮັດ​ໃຫ້​ສະຖານະ​ການ​ຢູ່​ແຫລມ​ເກົາຫລີ​ທະວີ​ຄວາມ​​ເຄັ່ງ​ຕຶງ​ຂຶ້ນ​ໄປ​ອີກ.

- Wave100S AD to Website 2020 0 - ທຣຳ ປະຊຸມວຸດທິສະມາຊິກເລື່ອງ ສປປ ເກົາຫລີ

ນັກ​ຂ່າວ BBC ປະຈຳ​ນະຄອນຫລວງ​ວໍ​ຊິງ​ຕັນ ລາຍ​ງານ​ວ່າ: ອາ​ເມ​ລິ​ກາ​ກຳລັງ​ດຳ​ເນີນ​ຍຸດ​ທະ​ສາດ​ແບບ​ຫລາກ​ຫລາຍ​ວິທີ ​ໂດຍ​ກົດ​ດັນ​ໃຫ້ສະຫະ​ປະຊາ​ຊາດ​ອອກ​ມາດ​ຕະການ​ຂວ້ຳບາດ​ເທື່ອ​ໃໝ່​ຕໍ່ ສປປ ​ເກົາຫລີ, ທັງ​ຍັງ​ກົດ​ດັນ​ຈີນ​ໃຫ້​ຄວບ​ຄຸມ ສປປ ​ເກົາຫລີ ​ເຊິ່ງ​ເປັນ​ພັນທະ​ມິດ​ໃກ້ຊິດ ​ແລະ ສົ່ງ​ກອງ​ເຮືອ​ໂຈມ​ຕີ​ໄປ​ແຫລມ​​ເກົາຫລີ ​ເພື່ອ​ສະ​ແດງ​ວ່າການ​ໃຊ້​ກຳລັງ​ທະຫານ​ເປັນ​ທາງ​ເລືອກ​ໜຶ່ງ​ທີ່​ອາດ​ເກີດ​ຂຶ້ນ​ໄດ້.

- WhatsApp Image 2020 05 27 at 5 - ທຣຳ ປະຊຸມວຸດທິສະມາຊິກເລື່ອງ ສປປ ເກົາຫລີ
- WhatsApp Image 2020 05 27 at 5 - ທຣຳ ປະຊຸມວຸດທິສະມາຊິກເລື່ອງ ສປປ ເກົາຫລີ
error: Alert: ເນື້ອຫາຂ່າວມີລິຂະສິດ !!