ງານຕະຫລາດນັດແຮງງານຂະໜາດໃຫຍ່ຈະຈັດຂຶ້ນທີ່ສູນການຄ້າລາວ-ໄອເຕັກໃນວັນທີ 4-8 ພຶດສະພານີ້

ງານຕະຫລາດນັດແຮງງານຂະໜາດໃຫຍ່ຈະຈັດຂຶ້ນທີ່ສູນການຄ້າລາວ-ໄອເຕັກໃນວັນທີ 4-8 ພຶດສະພານີ້ - Labour fair - ງານຕະຫລາດນັດແຮງງານຂະໜາດໃຫຍ່ຈະຈັດຂຶ້ນທີ່ສູນການຄ້າລາວ-ໄອເຕັກໃນວັນທີ 4-8 ພຶດສະພານີ້
ງານຕະຫລາດນັດແຮງງານຂະໜາດໃຫຍ່ຈະຈັດຂຶ້ນທີ່ສູນການຄ້າລາວ-ໄອເຕັກໃນວັນທີ 4-8 ພຶດສະພານີ້ - Untitled design - ງານຕະຫລາດນັດແຮງງານຂະໜາດໃຫຍ່ຈະຈັດຂຶ້ນທີ່ສູນການຄ້າລາວ-ໄອເຕັກໃນວັນທີ 4-8 ພຶດສະພານີ້

ນັບວ່າເປັນຂ່າວດີສໍາລັບນັກຮຽນ-ນັກສຶກສາທີ່ຮຽນຈົບໃໝ່ ກໍຄືຜູ້ທີ່ພວມຊອກຫາຕໍາແໜ່ງງານທີ່ເໝາະສົມໃຫ້ຕົນເອງ, ຫລັງຈາກພະແນກແຮງງານ ແລະ ສະຫວັດດີການສັງຄົມນະຄອນຫລວງວຽງຈັນ ຈະເປີດງານຕະຫລາດນັດແຮງງານຂຶ້ນແຕ່ວັນທີ 4-8 ພຶດສະພານີ້ທີ່ສູນການຄ້າລາວ-ໄອເຕັກ.

ທ່ານຫົວໜ້າພະແນກແຮງງານ ແລະ ສະຫວັດດີການນະຄອນຫລວງວຽງຈັນ ໃຫ້ຮູ້ວ່າ: ງານຕະຫລາດນັດດັ່ງກ່າວຈະເປັນເວທີໃຫ້ຜູ້ປະກອບການ, ຜູ້ຜະລິດ ແລະ ຫົວໜ່ວຍທຸລະກິດຕ່າງໆຕະຫລອດຮອດຜູ້ທີ່ຊອກຫາວຽກເຮັດງານທໍາໄດ້ມີໂອກາດພົບພໍ້ກັນ ແລະ ກ້າວສູ່ການຮັບສະໝັກງານເຂົ້າໃນຕໍາແໜ່ງງານທີ່ເໝາະສົມຕາມຄວາມຮູ້ຄວາມສາມາດຂອງຕົນ. ນອກນີ້, ຍັງຈະເປັນການສົ່ງເສີມພາກການຕະຫລາດລະຫວ່າງຫົວໜ່ວຍທຸລະກິດ ແລະ ສ້າງຈິດສໍານຶກໃຫ້ຜູ້ປະກອບການ ແລະ ຜູ້ຊອກຫາວຽກເຮັດງານທໍາມີຄວາມຮັບຮູ້ເຂົ້າໃຈແນວທາງນະໂຍບາຍຂອງພັກ-ລັດຕໍ່ວຽກງານແຮງງານ, ຊຶ່ງນະຄອນຫລວງວຽງຈັນໄດ້ວາງຄາດໝາຍສູ້ຊົນໃນປີ 2018 ນີ້ຄື: ພະຍາຍາມຄວບຄຸມອັດຕາການຫວ່າງງານໃຫ້ຢູ່ໃນລະດັບ 2%, ພັດທະນາສີມືແຮງງານໃຫ້ໄດ້ 15 ພັນຄົນ ແລະ ຈັດຫາວຽກເຮັດງານທໍາໃຫ້ໄດ້ 35 ພັນຄົນ.

ທ່ານຫົວໜ້າພະແນກການດັ່ງກ່າວ ໃຫ້ຮູ້ວ່າ: ງານຕະຫລາດນັດແຮງງານຄັ້ງນີ້, ຈະຈັດຂຶ້ນໃນຂອບເຂດໃຫຍ່ ແລະ ກວ້າງຂວາງກວ່າຄັ້ງຜ່ານມາ, ໂດຍຈະມີຫລາຍກິດຈະກໍາ ຄື: ການລົງທະບຽນຮັບສະໝັກງານ ແລະ ໃຫ້ຂໍ້ມູນຂ່າວສານກ່ຽວກັບການຊອກວຽກເຮັດງານທໍາ,​ ຈັດເວທີສົນທະນາໃນການສ້າງ ແລະ ພັດທະນາສີມືແຮງງານ, ຄວາມຕ້ອງການຂອງຕະຫລາດແຮງງານ, ລວມເຖິງບັນຫາ ແລະ ສິ່ງທ້າທາຍໃນການສະໜອງຄວາມຕ້ອງການແຮງງານໃນປັດຈຸບັນ ແລະ ຕໍ່ໜ້າ, ການແຂ່ງຂັນສີມືແຮງງານຂອງນັກສຶກສາຈາກສະຖາບັນ, ສູນວິຊາຊີບຕ່າງໆ, ການສາທິດແກະສະຫລັກໝາກໄມ້, ການປະດິດດອກໄມ້ຢາງ, ວິທີປຸງແຕ່ງອາຫານ, ເສີມຄວາມງາມ, ການປະກອບເຄື່ອງໄຟຟ້າ, ໂຕະອາຫານ, ການບໍລິການໃນໂຮງແຮມ ແລະ ອື່ນໆ ເພື່ອສົ່ງເສີມງານສີມືຂອງແຕ່ລະສາຂາອາຊີບ ແລະ ກິດຈະກໍາອື່ນໆ, ຊຶ່ງຄາດວ່າຈະມີຜູ້ເຂົ້າຮ່ວມຫລາຍກວ່າ 5.000 ຄົນ, ໃນນັ້ນຈະມີຜູ້ລົງທະບຽນສະໝັກງານກວ່າ 3.200 ຄົນ, ຜູ້ຈະໄດ້ຮັບບັນຈຸເຂົ້າໃນຕໍາແໜ່ງງານຫວ່າງກວ່າ 300 ແລະ ຈະມີຫົວໜ່ວຍແຮງງານຕ່າງໆເຂົ້າຮ່ວມກວ່າ 150 ຫົວໜ່ວຍ.

ງານຕະຫລາດນັດແຮງງານຂະໜາດໃຫຍ່ຈະຈັດຂຶ້ນທີ່ສູນການຄ້າລາວ-ໄອເຕັກໃນວັນທີ 4-8 ພຶດສະພານີ້ - Wave100S AD to Website 2020 0 - ງານຕະຫລາດນັດແຮງງານຂະໜາດໃຫຍ່ຈະຈັດຂຶ້ນທີ່ສູນການຄ້າລາວ-ໄອເຕັກໃນວັນທີ 4-8 ພຶດສະພານີ້
ງານຕະຫລາດນັດແຮງງານຂະໜາດໃຫຍ່ຈະຈັດຂຶ້ນທີ່ສູນການຄ້າລາວ-ໄອເຕັກໃນວັນທີ 4-8 ພຶດສະພານີ້ - WhatsApp Image 2020 05 27 at 5 - ງານຕະຫລາດນັດແຮງງານຂະໜາດໃຫຍ່ຈະຈັດຂຶ້ນທີ່ສູນການຄ້າລາວ-ໄອເຕັກໃນວັນທີ 4-8 ພຶດສະພານີ້
ງານຕະຫລາດນັດແຮງງານຂະໜາດໃຫຍ່ຈະຈັດຂຶ້ນທີ່ສູນການຄ້າລາວ-ໄອເຕັກໃນວັນທີ 4-8 ພຶດສະພານີ້ - WhatsApp Image 2020 05 27 at 5 - ງານຕະຫລາດນັດແຮງງານຂະໜາດໃຫຍ່ຈະຈັດຂຶ້ນທີ່ສູນການຄ້າລາວ-ໄອເຕັກໃນວັນທີ 4-8 ພຶດສະພານີ້
error: Alert: ເນື້ອຫາຂ່າວມີລິຂະສິດ !!