ປະທານລັດຖະສະພາ ສສປ ສີລັງກາ ຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ

ປະທານລັດຖະສະພາ ສສປ ສີລັງກາ ຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ - laos srilangka - ປະທານລັດຖະສະພາ ສສປ ສີລັງກາ ຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ
ປະທານລັດຖະສະພາ ສສປ ສີລັງກາ ຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ - Untitled design - ປະທານລັດຖະສະພາ ສສປ ສີລັງກາ ຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ

ໃນວັນທີ 23 ເມສານີ້ທີ່ສະພາແຫ່ງຊາດ, ໄດ້ມີພິທີຕ້ອນຮັບຢ່າງເປັນທາງການ ແລະ ພົບປະສອງຝ່າຍ ລະຫວ່າງ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ແລະ ທ່ານ ກາຣູ ຈາຍາສຸຣິຍາ ປະທານລັດຖະສະພາ ແຫ່ງ ສາທາລະນະລັດ ສັງຄົມນິຍົມ ປະຊາທິປະໄຕ ສີລັງກາ (ສສປ ສີລັງກາ) ພ້ອມດ້ວຍຄະນະ. ໃນໂອກາດເດີນທາງມາຢ້ຽມຢາມສັນຖະວະໄມຕີ ຢ່າງເປັນທາງການ ຢູ່ ສປປ ລາວ ໃນລະຫວ່າງວັນທີ 21-24 ເມສານີ້.

ການພົບປະສອງຝ່າຍໃນຄັ້ງນີ້, ໄດ້ມີການແລກປ່ຽນຄໍາເຫັນ ແລະ ປຶກສາຫາລືກັນດ້ວຍບັນ ຍາກາດ ທີ່ສອງປະເທດພວມກະກຽມສະເຫລີມສະຫລອງ ວັນສ້າງຕັ້ງສາຍພົວພັນທາງການທູດຄົບ ຮອບ 53 ປີ ທີ່ໃກ້ຈະມາເຖິງ ຄື (20/7/1965-20/7/2018). ພ້ອມນີ້, ສອງຝ່າຍຍັງໄດ້ແລກປ່ຽນການເພີ່ມທະວີຮ່ວມມືກັນ ໃນການປະຕິບັດພາລະບົດບາດຂອງສອງປະເທດ ທີ່ໄດ້ມີພື້ນຖານ ແລະ ທ່ວງທ່າຂະຫຍາຍຕົວທີ່ດີຂຶ້ນເປັນກ້າວໆ ເປັນຕົ້ນສອງປະເທດໄດ້ສ້າງຕັ້ງສະມາຄົມມິດຕະພາບ ລາວ-ສີລັງກາ, ສີລັງກາ-ລາວ ນໍາກັນ, ຊຶ່ງໄດ້ເປັນຂີດໝາຍອັນສໍາຄັນໃນການພົວພັນຮ່ວມມືຕົວຈິງ ລະຫວ່າງ ລັດຖະບານຂອງສອງປະເທດໃນຖານະທີ່ເປັນອົງການນິຕິບັນຍັດ ເພື່ອຊຸກຍູ້ ແລະ ສະໜັບສະໜູນໃຫ້ລັດຖະບານຂອງສອງປະເທດ ສືບຕໍ່ຈັດຕັ້ງປະຕິບັດບົດບັນທຶກຊ່ວຍຈໍາ ວ່າດ້ວຍການຮ່ວມມື (MOU) ດັ່ງກ່າວດ້ວຍຄວາມເອົາໃຈໃສ່, ຊຶ່ງລັດຖະບານຂອງສອງປະເທດ ກໍາລັງກະກຽມຈະລົງນາມຮ່ວມມືກັນໃສ່ບົດບັນທຶກຄວາມເຂົ້າໃຈ ວ່າດ້ວຍການສ້າງຕັ້ງຄະນະກໍາມະການປຶກສາຫາລືດ້ານການ ເມືອງ ລະຫວ່າງ ສອງກະຊວງການຕ່າງປະເທດລາວ-ສີລັງກາ ແລ ສັນຍາວ່າດ້ວຍການຍົກເວັ້ນວີຊາ ສໍາລັບບຸກຄົນ ທີ່ຖືໜັງສືຜ່ານແດນທາງການທູດ ແລະ ທາງລັດຖະການ. ພ້ອມດຽວກັນ ສອງປະເທດຍັງຈະສືບຕໍ່ພິຈາລະນາ ການອະນຸມັດວີຊາແກ່ພົນລະເມືອງທົ່ວໄປໃນຂ້າງໜ້າ.

ສໍາລັບການພົວພັນຮ່ວມມືສອງນິຕິບັນຍັດ ລະຫວ່າງ ລາວ-ສີລັງກາ ກໍໄດ້ຮັບການເສີມຂະຫຍາຍ ພິເສດແມ່ນສອງອົງການນິຕິບັນຍັດ ໄດ້ສໍາເລັດການສ້າງຕັ້ງຄະນະມິດຕະພາບສະມາ ຊິກລັດຖະສະພາລາວ-ສີລັງກາ, ສີລັງກາ-ລາວໃນປີ 2017 ຜ່ານມາ ຊຶ່ງເປັນກົນໄກທີ່ສໍາຄັນໃນການປະສານງານ ແລະ ຊຸກຍູ້ການພົວພັນຮ່ວມມື ລະຫວ່າງສອງອົງການນິຕິບັນຍັດ ໃຫ້ເປັນຮູບປະທໍາ ແລະ ມີປະສິດທິຜົນ.

ປະທານລັດຖະສະພາ ສສປ ສີລັງກາ ຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ - Wave100S AD to Website 2020 0 - ປະທານລັດຖະສະພາ ສສປ ສີລັງກາ ຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ

ໃນໂອກາດພົບປະສອງຝ່າຍຄັ້ງນີ້, ທ່ານປະທານສະພາແຫ່ງຊາດ ແຫ່ງ ສປປ ລາວ ຍັງໄດ້ສະເໜີບາງທິດທາງໃນຕໍ່ໜ້າ ເພື່ອສືບຕໍ່ການພົວພັນຮ່ວມມືຂອງສອງອົງການນິຕິບັນຍັດຂຶ້ນສູ່ບາດ ກ້າວໃໝ່ ຄື: ຢາກໃຫ້ສອງອົງການນິຕິບັນຍັດ ສືບຕໍ່ມີການແລກປ່ຽນການຢ້ຽມຢາມຊຶ່ງກັນ ແລະ ກັນ ຂອງຄະນະຜູ້ແທນໃນລະດັບຕ່າງໆ, ແລກປ່ຽນຂໍ້ມູນ-ຂ່າວສານ ແລະ ບົດຮຽນໃນຂົງເຂດນິຕິບັນຍັດ ຊຶ່ງທັງສອງຝ່າຍມີຄວາມສົນໃຈ, ໃຫ້ມີການສະໜັບສະໜູນທຶນຝຶກອົບຮົມພາສາອັງກິດໃຫ້ແກ່ວິຊາການຂອງ ສະພາແຫ່ງຊາດລາວ ຕາມຄວາມເໝາະສົມ; ສະເໜີໃຫ້ສອງອົງການນິຕິບັນຍັດລາວ-ສີລັງກາ ຮ່ວມມືກັນ ເພື່ອຊຸກຍູ້ລັດຖະບານສອງປະເທດ ສືບຕໍ່ຈັດຕັ້ງປະຕິບັດບັນທຶກການຮ່ວມມືທີ່ໄດ້ເຊັນກັນໃນໄລຍະຜ່ານມາ ກໍຄືໃນຕໍ່ໜ້າ ໃຫ້ໄດ້ຮັບການຈັດຕັ້ງປະຕິບັດຢ່າງມີໝາກຜົນ; ນອກຈາກນີ້ ກໍໃຫ້ ການສະໜັບສະໜູນຊຶ່ງກັນ ແລະ ກັນ ໃນເວທິລັດຖະສະພາສາກົນ ແລະ ພາກພື້ນໂດຍສະເພາະໃນກອບສອງຝ່າຍ ແລະ ຫລາຍຝ່າຍ ເພື່ອນໍາເອົາຜົນປະໂຫຍດມາສູ່ປະຊາຊົນຂອງຕົນ ທັງເປັນການປະ ກອບສ່ວນສໍາຄັນ ເຂົ້າໃນການເສີມສ້າງສັນຕິພາບ, ສະຖຽນລະພາບ, ມິດຕະພາບ ແລະ ການຮ່ວມມືແຫ່ງການພັດທະນາແບບຍືຍົງໃນພາກພື້ນ ແລະ ໃນໂລກ.

ປະທານລັດຖະສະພາ ສສປ ສີລັງກາ ຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ - WhatsApp Image 2020 05 27 at 5 - ປະທານລັດຖະສະພາ ສສປ ສີລັງກາ ຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ
ປະທານລັດຖະສະພາ ສສປ ສີລັງກາ ຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ - WhatsApp Image 2020 05 27 at 5 - ປະທານລັດຖະສະພາ ສສປ ສີລັງກາ ຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ
error: Alert: ເນື້ອຫາຂ່າວມີລິຂະສິດ !!