ຮີດລູກຄອງຫລານ-ຮີດໄພ້ຄອງເຂີຍ

ຮີດລູກຄອງຫລານ-ຮີດໄພ້ຄອງເຂີຍ - 984hyhh - ຮີດລູກຄອງຫລານ-ຮີດໄພ້ຄອງເຂີຍ
ຮີດລູກຄອງຫລານ-ຮີດໄພ້ຄອງເຂີຍ - Untitled design - ຮີດລູກຄອງຫລານ-ຮີດໄພ້ຄອງເຂີຍ

ໂດຍ: ຊາຍພະເນຈອນ    

ພໍ່ຕູ້ໃຫຍ່ເຄີຍເວົ້າສູ່ຟັງ ວ່າ: ເພື່ອປະຕິບັດໃຫ້ຖືກຕ້ອງ ແລະ ສອດຄ່ອງກັບການດໍາ ລົງຊີວິດຂອງຄອບຄົວ, ພວກ ລູກໆຫຼານໆຕ້ອງໄດ້ເອົາໃຈໃສ່ປະຕິບັດໄປຕາມຮີດລູກ ຄອງຫຼານຢ່າງສະເໝີຕົ້ນສະເໝີປາຍດັ່ງນີ້:
– ເຮັດໃຫ້ຕົນເອງສົມ ກັບເປັນລູກຫຼານທີ່ດີດ້ວຍ ການເຄົາລົບເຊື່ອຟັງຖ້ອຍ ຄວາມຄໍາເວົ້າຂອງພໍ່ແມ່, ປູ່ ຍ່າຕາຍາຍ ແລະ ພະຍາຍາມ ເຮັດແຕ່ສິ່ງທີ່ເພິ່ນພາກ ພູມໃຈ.

 

ຮີດລູກຄອງຫລານ-ຮີດໄພ້ຄອງເຂີຍ - 30771951 593262901058429 2143140113 o - ຮີດລູກຄອງຫລານ-ຮີດໄພ້ຄອງເຂີຍ
(ພາບປະກອບ)

– ເມື່ອຍັງນ້ອຍກໍໃຫ້ ຕັ້ງ ໃຈຮໍ່າຮຽນເອົາວິຊາຄວາມຮູ້ ໃຫ້ສົມກັບຄໍາສຸພາສິດລາວ ເຮົາໄດ້ສອນໄວ້ວ່າ: ເງິນເຕັມ ພາບໍ່ທໍ່ຜະຫຍາເຕັມປູມ. ເມື່ອ ໃຫຍ່ຂຶ້ນມາກໍຫາວຽກເຮັດ ງານທໍາ ແລະ ໃຊ້ທຸກຄວາມ ສາມາດທີ່ຕົນມີ ເພື່ອໃຫ້ເກີດ ປະໂຫຍດແກ່ຕົນເອງ, ສັງ ຄົມ ແລະ ປະເທດຊາດ.

– ເຮັດໜ້າທີ່ສືບຕະກຸນ ຜູ້ດີ ແລະ ໃຫ້ສົມສັກສີຂອງ ລູກຜູ້ປະເສີດ.
– ສືບທອດພາລະກິດ ຂອງພໍ່ແມ່, ລ້ຽງພໍ່ແມ່ໃນເມື່ອ ທ່ານເຖົ້າແກ່ແລ້ວ ບໍ່ໃຫ້ ທ່ານ ຕົກທຸກໄດ້ຍາກ.
– ເຮັດໃຫ້ຕົນເອງເປັນ ແກ່ນສານຂອງວົງຕະກຸນ, ສ່ວນຜູ້ເປັນຫຼານໆກໍຄວນ ປະ ຕິບັດຕົນໃຫ້ເປັນຫຼານທີ່ດີ ຂອງປູ່ຍ່າຕາຍາຍ.
ເມື່ອກ່າວເຖິງໜ້າທີ່ ຂອງຄົນໃນຄອບຄົວພວກ ເຮົາກໍຄວນເອົາໃຈໃສ່ຄໍາວ່າ ໄພ້-ເຂີຍ ເຊິ່ງຄໍານີ້ໝາຍ ເຖິງ ລູກໄພ້-ຫຼານໄພ້ ແລະ ລູກ ເຂີຍ-ຫຼານເຂີຍ. ຕາມຮີດ ເກົ່າຄອງເດີມຂອງລາວເຮົາ ແລ້ວ ສ່ວນຫຼາຍມັກເອົາລູກ ເຂີຍໄປຢູ່ຮ່ວມກັນກັບພໍ່ເຖົ້າ ແມ່ເຖົ້າ ດັ່ງຄໍາສຸພາສິດຂອງ ລາວບູຮານກ່າວໄວ້ວ່າ: ເອົາ ລູກເຂີຍມາລ້ຽງພໍ່ເຖົ້າແມ່ ເຖົ້າປານເອົາເຂົ້າມາໃສ່ ເລົ້າ ໃສ່ເຍຍ, ແຕ່ບາງຄອບຄົວ ຖ້າມີແຕ່ລູກຊາຍກໍມັກຈະ ເອົາລູກໄພ້ມາຢູ່ຮ່ວມກັບພໍ່ປູ່ແມ່ຍ່າ.

ຮີດລູກຄອງຫລານ-ຮີດໄພ້ຄອງເຂີຍ - Wave100S AD to Website 2020 0 - ຮີດລູກຄອງຫລານ-ຮີດໄພ້ຄອງເຂີຍ

ເຖິງຢ່າງໃດກໍຕາມ, ສິ່ງທີ່ຄວນສຶກສາ ແລະ ເອົາ ໃຈໃສ່ກໍຄື ໄພ້ຫຼືເຂີຍ ຈະຕ້ອງ ທໍາຕົນເປັນຄົນດີໂດຍປະ ຕິບັດຕາມຂະນົບທໍານຽມ ແລະ ຕາມໜ້າທີ່ຂອງໃຜ ລາວເຊັ່ນ: ເປັນລູກໄພ້ກໍ ຕ້ອງຮັກ ແລະ ເຄົາລົບປູ່ຍ່າ ລ້ຽງດູປູ່ຍ່າດ້ວຍດີ, ບໍ່ລັງ ກຽດບຽດຊັງ ແລະ ຮູ້ຈັກ ເອົາໃຈປູ່ຍ່າໃຫ້ດີ. ສ່ວນຜູ້ ທີ່ເປັນລູກເຂີຍກໍຄວນປະ ຕິບັດຕາມຄອງທໍາຂອງ ລູກເຂີຍຄືຮູ້ຈັກວາງຕົນໃຫ້ ຖືກຕ້ອງ ເຮັດໃຫ້ເປັນທີ່ ໜ້າຮັກ ແລະ ໜ້າຊື່ນຊົມ ຂອງ ພໍ່ເຖົ້າແມ່ເຖົ້າເຊັ່ນ: ເປັນຄົນອອ່ນນ້ອມ ຖ່ອມຕົວ, ເປັນຄົນທີ່ມີຈິດໃຈກວ້າງ ຂວາງ, ບໍ່ເປັນຄົນແຂງກະ ດ້າງ ແລະ ຂັດແຍ່ງຜິດຖຽງ ກັບພໍ່ເຖົ້າແມ່ເຖົ້າ, ເປັນຄົນ ຂະຫຍັນຂັນແຂງຕໍ່ການ ທໍາມາຫາກິນ ໂດຍບໍ່ເອົາ ປຽບເອົາຊະນະກັບພໍ່ເຖົ້າ ແມ່ເຖົ້າ ແລະ ໃຫ້ເປັນຄົນທີ່ ຮູ້ຈັກສົມມາຄາລະວະ. ຖ້າ ເຮັດໄດ້ຄືແນວນັ້ນ, ຈຶ່ງຖືວ່າ ໄພ້-ເຂີຍປະຕິບັດຕົນຖືກ ຕ້ອງໄປຕາມທໍານອງຄອງ ທໍາອັນດີງາມ ແລະ ນັບວ່າ ໄດ້ປະກອບສ່ວນສ້າງແບບ ແຜນການດໍາລົງຊີວິດອັນ ດີງາມໃຫ້ແກ່ສັງຄົມ ແລະ ປະເທດຊາດ./.

ຮີດລູກຄອງຫລານ-ຮີດໄພ້ຄອງເຂີຍ - 984hyhh - ຮີດລູກຄອງຫລານ-ຮີດໄພ້ຄອງເຂີຍ

ຮີດລູກຄອງຫລານ-ຮີດໄພ້ຄອງເຂີຍ - WhatsApp Image 2020 05 27 at 5 - ຮີດລູກຄອງຫລານ-ຮີດໄພ້ຄອງເຂີຍ
ຮີດລູກຄອງຫລານ-ຮີດໄພ້ຄອງເຂີຍ - WhatsApp Image 2020 05 27 at 5 - ຮີດລູກຄອງຫລານ-ຮີດໄພ້ຄອງເຂີຍ
error: Alert: ເນື້ອຫາຂ່າວມີລິຂະສິດ !!