ການປ້ອງກັນພະຍາດຜິວໜັງໃນຍາມຮ້ອນ

ການປ້ອງກັນພະຍາດຜິວໜັງໃນຍາມຮ້ອນ - 012404 2018 -  ການປ້ອງກັນພະຍາດຜິວໜັງໃນຍາມຮ້ອນ
ການປ້ອງກັນພະຍາດຜິວໜັງໃນຍາມຮ້ອນ - Untitled design -  ການປ້ອງກັນພະຍາດຜິວໜັງໃນຍາມຮ້ອນ

ຍາມຮ້ອນແສງແດດກ້າມັກເຮັດໃຫ້ເກີດເຫື່ອ ເຊິ່ງຢູ່ຕ່າງປະເທດທີ່ມີສະພາບອາກາດໜາວຫລາຍໆ ເມື່ອເກີດຄື້ນຄວາມຮ້ອນ ແຕ່ລະປີຈະມີຜູ້ເສຍຊີວິດຈຳນວນຫລາຍ ສ່ວນຫລາຍຈະເປັນຜູ້ເຖົ້າເມື່ອພົບກັບອາກາດຮ້ອນກະທັນຫັນ ຮ່າງກາຍປັບໂຕບໍ່ທັນກັບສະພາບອາກາດທີ່ປ່ຽນແປງຢ່າງກະທັນຫັນ ເຮັດໃຫ້ເຫື່ອອອກບໍ່ທັນ ຈຶ່ງເສຍຊີວິດໄດ້ງ່າຍໆ.

ໃນຮ່າງກາຍຄົນເຮົາມີຕ່ອມເຫື່ອຢູ່ທົ່ວໂຕ ປະມານ 2 – 4 ລ້ານຕ່ອມ ເມື່ອເຫື່ອອອກຫລາຍໆ ເຮົາຈະຮູ້ສຶກເພຍ ເຊິ່ງເກີດຈາກການສູນເສຍເກືອແຮ່ໄປກັບເຫື່ອ ເຮົາຈຶ່ງຕ້ອງຄອຍເກັບເກືອແຮ່ບໍ່ໃຫ້ໄລ່ອອກໄປທາງນຳ້ຍ່ຽວ ແລະ ທາງເຫື່ອຫລາຍຈົນເກີນໄປ ເຊິ່ງເປັນໜ້າທີ່ສຳຄັນຂອງໝາກໄຂ່ຫລັງ ແລະ ຕ່ອມເຫື່ອ.

ໂດຍເຫື່ອທີ່ອອກໃໝ່ໆບໍ່ມີກິ່ນ ແຕ່ເທິງຜິວໜັງຈະມີແບັກທີເຣຍຢູ່ ເຊິ່ງຈະແປງສານໃນເຫື່ອບາງຢ່າງ ເຮັດໃຫ້ມີກິ່ນຂຶ້ນໄດ້. ແບັກທີເຣຍມີຫລາຍຊະນິດທີ່ມັກຄວາມຊຸ່ມຫລາຍ ສະນັ້ນຢູ່ບ່ອນອັບຊຸ່ມເທິງຮ່າງກາຍ ເຊັ່ນ : ຂີ້ແຮ້, ຝາຕີນ, ແຈນິ້ວຕີນ ຈຶ່ງອາດມີການຕິດເຊື້ອແບັກທີເຣຍບາງຊະນິດໄດ້ ເຊິ່ງບາງເທື່ອເຮັດໃຫ້ມີອາການແປກໆ ເຊັ່ນ: ຢູ່ຝາຕີນມີຮູນ້ອຍໆ ເຊິ່ງຜູ້ທີ່ເປັນມັກມີກິ່ນຕີນຫລາຍກ່ວາຄົນທົ່ວໄປ ຫລື ມີອາການຜື່ນແດງແຫ້ງໆສີນຳ້ຕານຢູ່ບໍລິເວນຂີ້ແຮ້, ແຈນິ້ວຕີນ, ຂາໜີບ.

     – ຂີ້ກາກຂີ້ກ້ຽນ : ເປັນອີກພະຍາດໜຶ່ງທີ່ມາກັບເຫື່ອ ເກີດຈາກເຊື້ອລາຄົນລະປະເພດກັນ. ຂີ້ກາກມັກຄວາມຊຸ່ມ, ຄວາມອັບ ພົບຫລາຍແຖວໆຂາໜີບ ແລະ ຝາຕີນ ລວມທັງແຈນິ້ວຕີນ ມີລັກສະນະເປັນວົງມົນ. ສ່ວນເຊື້ອຂີ້ກ້ຽນ ມັກຄວາມມັນ, ເຫື່ອ ແລະ ຄວາມຮ້ອນ ເກີດຈາກການຕິດເຊື້ອຢູ່ຜິວໜັງ ເມື່ອເຂົ້າຍາມຮ້ອນເກີດຜື່ນເປັນແຜ່ນຂຶ້ນ ສ່ວນຫລາຍເປັນຢູ່ໜ້າເອິກ ແລະ ຫລັງ ມັກບໍ່ມີອາການ, ບໍ່ຄັນ, ບໍ່ແສບ, ແຕ່ເຫັນເປັນວົງໆຈຸດໆ ມີໄດ້ຫລາຍສີ ນັບແຕ່ຂາວ, ບົວ, ນຳ້ຕານ, ມ້ວງ, ຂີ້ເຖົ່າ.

ການປ້ອງກັນພະຍາດຜິວໜັງໃນຍາມຮ້ອນ - Wave100S AD to Website 2020 0 -  ການປ້ອງກັນພະຍາດຜິວໜັງໃນຍາມຮ້ອນ

     – ຜິວໜັງອັກເສບ : ໂດຍສະເພາະຊະນິດທີ່ມີຜື່ນບໍລິເວນຂໍ້ພັບສອກ, ຂໍ້ພັບຫົວເຂົ່າ ເມື່ອຫລິ້ນກິລາເຫື່ອອອກຫລາຍ ຫລື ແມ່ນແຕ່ຕາກແດດຫລາຍກໍອາດມີຜື່ນຂຶ້ນໄດ້ ຜື່ນລັກສະນະນີ້ຮ້ອນຫລາຍ, ໜາວຫລາຍກໍຂຶ້ນ, ແຫ້ງຫລາຍກໍຄັນ, ຜື່ນຜິວໜັງອັກເສບອີກຊະນິດໜຶຶ່ງຂຶ້ນໄດ້ເລື້ອຍໆ ເວລາຕາກແດດຫລາຍໆກໍແມ່ນ seborrheic dermatitis  ມັກເກີດຢູ່ບໍລິເວນຂ້າງດັງ, ຫ່ວາງຄິ້ວ, ໜ້າຫູ, ຫລັງຫູ ແລະ ບາງຄົນເປັນຮ່ວມກັບຂີ້ຄັນແຄ.

     – ຜື່ນ : ຢູ່ໜ້ານັ້ນອາດຂຶ້ນຫລາຍເມື່ອໄດ້ຮັບແສງແດດກ້າ ເຮັດໃຫ້ຜູ້ປ່ວຍບາງຄົນໄດ້ຖືກບົ່ງມະຕິເປັນພະຍາດຄລູປັສ ຫລື ພະຍາດຕຸ່ມຜື່ນ ເຊິ່ງເປັນພະຍາດທີ່ກ່ຽວຂ້ອງກັບແສງແດດພະຍາດໜຶ່ງ.

ການປ້ອງກັນພະຍາດຜິວໜັງໃນຍາມຮ້ອນ - WhatsApp Image 2020 05 27 at 5 -  ການປ້ອງກັນພະຍາດຜິວໜັງໃນຍາມຮ້ອນ
ການປ້ອງກັນພະຍາດຜິວໜັງໃນຍາມຮ້ອນ - WhatsApp Image 2020 05 27 at 5 -  ການປ້ອງກັນພະຍາດຜິວໜັງໃນຍາມຮ້ອນ
error: Alert: ເນື້ອຫາຂ່າວມີລິຂະສິດ !!