ຂີ້ເຫຍື້ອຫລັງປີໃໝ່

ຂີ້ເຫຍື້ອຫລັງປີໃໝ່ - 6321 1 - ຂີ້ເຫຍື້ອຫລັງປີໃໝ່
ຂີ້ເຫຍື້ອຫລັງປີໃໝ່ - Untitled design - ຂີ້ເຫຍື້ອຫລັງປີໃໝ່

ໂດຍ: ທ່ຽງທຳ 

ສະບາຍດີ, ເພື່ອນ ຜູ້ອ່ານ ທີ່ຮັກແພງຫລາຍ ທ່ານ ຜູ້ຢູ່ ຕົວເມືອງອາດໄດ້ເຫັນ ແລະ ໄດ້ສຳພັດຕົວຈິງ, ກັບກອງ ຂີ້ເຫຍື້ອທີ່ມີກິນເໝັນຖິ້ມຍັງ ຢ້າຍຢູ່ຕາມແຄມທາງສາຍ ຕ່າງໆ ທີ່ປະຊາຊົນໄດ້ເອົາມາ ປະມ້ຽນໄວ້ເພື່ອລໍຖ້າໃຫ້ລົດ ເກັບຂີ້ເຫຍື້ອເອົາໄປຖິ້ມຕາມ ເວລານັດທາຍອາທິດລະເທື່ອ, ບາງເສັ້ນທາງ ແລະ ບາງຄຸ້ມ ບ້ານ ກໍຈະມີຄິວເກັບ ວັນຈັນ, ວັນຄານ ຫລື ວັນອື່ນໆ ຕາມ ພຽນ ດັ່ງກ່າວ, ແຕ່ຟ້າເອີຍ ຄິວແຖວນີ້ ຫລື ແຖວນັ້ນພັດ ຖືກຊ່ວງໄລຍະຜູ້ເຮັດວຽກ ດ້ານນີ້ເພິ່ນພັດສະຫລອງ ປີໃໝ່ ແລະ ປີນີ້ ພັດພັກຍາວ ອີກຍິ່ງເຮັດໃຫ້ການເກັບມ້ຽນ ແກ່ຍາວມາເປັນສອງອາທິດແລ້ວຈິ່ງເຫັນລົດເກັບຂີ້ເຫຍື້ອ ຂອງເພິ່ນອອກມາເຮັດວຽກ ຕາມວັນເວລານັດໝາຍ, ຈິ່ງ ປະໃຫ້ຂີ້ເຫຍື້ອດັ່ງກ່າວເໝັນ ເໜົ່າ, ສົ່ງຜົນໃຫ້ຄວາມສະ ອາດງາມຕາຂອງນະຄອນ ຫລວງຫລຸດລົງຫລາຍຈາກ ສາຍຕາຂອງຜູ້ເຄີຍຢູ່ອາໄສ ແລະ ຜູ້ມາທ່ຽວຊົມ, ມີຫລາຍ ຄົນໃຫ້ຄຳເຫັນວ່າ: ຖ້ານະ ຄອນຫລວງຫາກປະປ່ອຍ ໃຫ້ສະພາບນີ້ ແກ່ຍາວກໍຈະ ເຮັດໃຫ້ ສ ສະອາດຂອງຕົວ ເມືອງຕົກຫາຍໄປ ແລະ ກໍບໍ່ ຄວນຈະເຮັດຄືເກົ່າໃນສະ ພາບອາກາດຮ້ອນອົບເອົ້າ ແບບນີ້ແທນທີ່ຜູ້ຮັບເໝົາເກັບ ມ້ຽນຂີ້ເຫຍື້ອຈະຕ້ອງໄດ້ ເພີ່ມ ຄິວຕື່ມຄືຈາກອາທິດລະເທ່ືອ ມາເປັນອາທິດລະສອງເທື່ອ, ຈິ່ງຈະຊ່ວຍສ້າງໃຫ້ຕົວເມືອງ ຫລວງເຮົາສະອາດດີຂຶ້ນໄດ້.

ດັ່ງນັ້ນການສ່ອງແສງນີ້ ກໍຂໍໃຫ້ຜູ້ຮັບຜິດຊອບອົງການ ພັດທະນາ ແລະ ບໍລິຫານຕົວ ເມືອງ (ອພບ), ຄວນພິຈາລະ ນາ ແລະ ມີມາດຕະການເຂັ້ມ ງວດຕື່ມຕໍ່ຜູ້ປະກອບການ ດ້ານນີ້, ເພາະຜ່ານມາເບິ່ງ ຄືວ່າ ພວກເຮົາຍັງຖືເບົາຕໍ່ ການຮັກສາອະນາໄມໜ້າຕາຂອງນະຄອນຫລວງ ເຊິ່ງ ເຖິງວ່າ: ການນຳເພິ່ນກໍເຄີຍ ໄດ້ຕັກເຕືອນ ຈົນມີຄຳຂວັນ 6 ສ ອອກມາ ໃນໄລຍະລາວ ເຮົາເປັນເຈົ້າພາບຊີເກມ ເມື່ອ 2009 ຄື: ສ ສະຫງົບ, ສ ສະອາດ, ສ ສະຫວ່າງ, ສ ສີ ຂຽວ, ສ ສະເໜ່ ແລະ ສ ສີວິ ໄລ ແລະ ຊ່ວງໄລຍະນັ້ນນະ ຄອນຫລວງວຽງຈັນເຮົາກໍ ເຮັດໄດ້ດີທີ່ສຸດ, ດັ່ງນັ້ນໃນ ໄລຍະນີ້ 6 ສ ດັ່ງກ່າວ ກໍຍັງ ມີຄວາມຈຳເປັນເພາະປີນີ້ກໍ ເປັນປີທ່ອງທ່ຽວລາວເພື່ອ ກຽມພ້ອມຕ້ອນຮັບແຂກ ບ້ານແຂກເມືອງຜູ້ມາທ່ຽວມີ ຄວາມປະທັບໃຈ./.

 

ຂີ້ເຫຍື້ອຫລັງປີໃໝ່ - Wave100S AD to Website 2020 0 - ຂີ້ເຫຍື້ອຫລັງປີໃໝ່

ນະຄອນຫລວງມອບລົດຂົນສົ່ງຂີ້ເຫຍື້ອໃຫ້ແຂວງບໍລິຄຳໄຊ 1 ຄັນ

ຍ້ອນຫຍັງ? ຈິ່ງມີປາກົດການຖິ້ມຂີ້ເຫຍື້ອຊະຊາຍໃນຕົວເມືອງ2018

ຂີ້ເຫຍື້ອຫລັງປີໃໝ່ - 6321 1 - ຂີ້ເຫຍື້ອຫລັງປີໃໝ່
(ພາບປະກອບ)
ຂີ້ເຫຍື້ອຫລັງປີໃໝ່ - WhatsApp Image 2020 05 27 at 5 - ຂີ້ເຫຍື້ອຫລັງປີໃໝ່
ຂີ້ເຫຍື້ອຫລັງປີໃໝ່ - WhatsApp Image 2020 05 27 at 5 - ຂີ້ເຫຍື້ອຫລັງປີໃໝ່
error: Alert: ເນື້ອຫາຂ່າວມີລິຂະສິດ !!